豪大大雞排 (已搬遷) 新店位置

唔知佢既蕃薯係咪由台灣黎?真係好甜好好食!!今次係第二次啦水準一樣咁好第一次食店員小姐推介落梅子粉同椒鹽最好食真係唔錯今次試下淨係梅子粉!都好好味 =]食完好滿足~份量可以再多就好(貪心~=])

食完魚湯米線，我地就去咗豪大大，因為上次食雞扒，所以今次就買香香雞試下。 荃灣呢間比起旺角少人d 排隊(旺角簡直用誇張形容 )，我地等咗大約5分鐘，香香雞係新鮮炸出黎，可口。佢係用雞胸肉整，雖然口感一般(話哂係雞胸)，但係勝在大粒，讚。係尋晚既天氣食，一流 。不過，如果唔係表面辣，係雞肉入面辣，咁就非常理想la。

豪大大雞排, 這招牌對一眾年輕人並不陌生, 猶以喜到台灣覓食者更視之殿堂. 在我而言, 小食終歸是小食, 不要將它好端端地神化一番.豪大大雞排在我認識此檔的十多年來, 早已在台灣士林夜市, 陽明戲院門外站穩住腳. 要在芸芸近百檔的小食檔中引來注意, 賣的不是味道, 而是印象! 在台灣, 炸地瓜球, 炸山藥, 鹽酥雞, 炸榴槤, 無一不是煎炸香口之物, 因為煎炸物的味道口感容易吸引人, 吃過後你還記得. 而豪大大雞排初期主打是一個字 -- "大", 將雞排鎚成大大塊的平面, 堅持不剪開, 不分件, 目的是大大塊令人覺得抵食好味, 另外, 大大塊的外觀可吸引人注意, 收宣傳之效. 結果, 效果迅速實現. 年間不停開分店, 其實到2004年我到過淡水的那個豪大大雞排小檔, 他已經接受剪件了, 那時候賣的不是"大", 而是"豪大"了!近年人們愛吹毛求疵, 吃小食要健康, 又擔心熱氣. 我想講吃小食從來都是不健康, 熱氣, 多油, 多味精的食品, 要的只是一時的口感之快. 而台式炸物往往都是將炸物加上五香粉, 淮鹽及辣粉. 除非食物本身味重, 如南瓜, 榴槤, 否則吃是都是調味料或是味精. 反觀

經過附近, 突然發現原來荃灣都開左間豪大大雞排, 見到得4個人排隊, 比起旺角果條大長龍, 我就忍唔住走去排隊買來試下~但估唔到前面得4個人, 都要等咁鬼耐, 唔知係第一個人買太多, 佢又再買埋飲品, 搞左勁耐................ 終於到我喇~ 我叫左小辣~ 我見到職員灑上味粉, 味道其實來自表面的味粉~ 果然係超級大塊, 應該有男人手掌X2 咁大塊, 熱辣辣一口咬下, 嘩~~~ 熱親個咀&條脷呀.......... 不過真的很香口~有些部份是滑, 有些是"鞋鞋地"~ 一路吃, 一路諗係雞的哪個部份, 如雞脾扒唔會咁大塊, 估係雞胸, 所以會有些肉係"鞋鞋地"~吃到一半, 唔掂喇~ 好飽, 好熱氣呀................... 留返一半一陣行街再吃吧~凍了少少吃, 味道還在, 但原來下一半就有一排排的骨, 就是胸骨, 證實了這雞排就是雞胸肉~ 其實比起"大雞大", 我覺得豪大大雞排係好食D , 但真係唔稱得上好好味, 而且, 唔太抵吃~ 建議如當小食, 最好兩個人吃~ 其實講真講雞胸肉, KFC的狂野香燒雞的雞胸肉惹味好多, 仲滑好多~

從來沒有試過台灣的大雞排。 好想食，但看過大家的食評後就有點動搖。 尤其炸物始終多油，小食為妙。 去到路德圍，見只有三個人排隊應該好快，就決定試一次。 拿上手，真的很大塊。剛炸好，熱辣辣。 等了一下先敢咬。。。。。。 原來大家沒評錯， 又薄又乾又無雞味。 不想浪費食物所以勉強食了一半。 好彩加了$8 飲歇腳亭珍珠奶茶先至食得落。食完後超口乾。失望。Don't be fooled by the queue. This fried chicken steak is dry and thin. Almost tasteless if not for the barely spicy chili powder. Not worth it.

猛龍過江，但這隻過江雞看來卻是營養不良。說真的，自從台灣之行後，一直念念不忘豪大大。早聞豪大大黎左香港，但質素和台灣無得比。唔知係咪因為名牌效應，旺角點經常有人龍，我真係無心機去排。早排從老婆口中得知荃灣竟然開左豪大大的分店，今日去完醫院，去了路德圍搵食，竟然俾我撞到佢，唔駛諗，就用自己感覺去試下有何分別。試業期間，只能獨沽一味要雞排，其他雞類全部暫不供應。我反而覺得咁先正常，還記得台灣總店，只賣雞扒，香港兼賣雞翼雞腿薯條，是入鄉隨俗？還是總店的新意思？雞排炸得唔算快，形成人龍排隊，感覺有點造勢，當然即炸總是吸引，但看來香港人手仲未係好純熟。我排第三，等了三分鐘，$25一塊大雞排終於到我手，俾錢時留意到新張期可以加$8多杯冬瓜茶，也正奇怪何來會有飲品。之後先發覺，原來豪大大係同歇腳亭同一間鋪的！豪大大俾錢，歇腳亭拎野飲，睇黎，係歇腳亭的特許經營。店員係俾錢時會問你要唔要辣，我話要，原來是把辣粉灑上雞排。有如一個人面咁大面積的雞排，一拎上手卻覺得削了點。咬下去，失望。不是說不好味，但卻不是台灣吃到的味道。雞排太瘦太薄太乾，一點都不juicy，沒錯，我在台灣吃到的，真的非常juicy！台灣

第一次寫食評，就比o左豪大大雞排。之前見旺角成日有人排隊，今日就去荃灣一試，簡單黎講，明明叫o左o架啦，佢唔係即刻炸，仲要睇下條隊先落，好似要我排一排隊咁，拎上手好大塊，不過完全唔似雞，皮同肉完全分離，皮係香口但唔好食，肉完全冇雞味，中間雖然好多汁，但我真係唔知o個D係乜野汁，塊雞薄成咁，斷估唔係肉汁掛。遲D要去台灣試真下，香港o個D，唔係話唔比機會佢，可能真係唔ARM我口味。

第一次認識豪大大雞排是新假期雜誌介紹的，但始終無緣一試。可能自己對炸物的熱衷程度不及甜品，故很少推動我專程坐車去食。終於，豪大大的新店開正在我居住的荃灣，想都设有想就買了一塊雞排($25)，與哥哥分享。雞排要即炸，要有心理準備等大概5-10分鐘，視乎排隊人數而定。(我排第二個都要等約10分鐘。)新店應該還在試業階段，所以選擇只有雞排，辣或者唔辣。要了一塊辣的，店員問要大辣定小辣，我反問兩者有甚麼分別 (我以為是醃料上有分別)，店員回應無分別，純粹個人口味不同，在最後放辣粉時重手些或輕手些。把新鮮熱辣的雞排速遞回家，再用上10分鐘，還是熱的。起動將雞排分屍，味道是......說不上好好味，也不能說難食，只是個人認為炸的肉類好難會唔好食，但吃後確實沒有驚為天人的感覺。表層的脆粉會隨著温度下降而變得慠硬，建議即食；小辣不夠辣，始終加辣粉踉以辣粉醃是不同的。不過，未試過都可以一試，

2011年1月31日 荃灣 ( 豪大大雞排 - 1)( 首評:268)台灣豪大大雞排，早前仍在裝修。今天...下午茶時侯路過，卒之開檔了。停下來看看...發覺淨喺只有雞排售賣，就買一件來試試。每件售價25元，都幾大件。雞排是即炸的，因而是熱騰騰的，嗅到又是香噴噴的，咬落口感亦不錯，奇怪的是油炸物，卻不算太油，外脆內軟，好味的炸粉...再加上好味的調味粉，就更惹味了。雖然不是健康之物，但又幾好味嘅，多吃了...又幾膩喎...！