豪宴海鮮酒家

營業中

休息中

本身係附近居民，故此周不時都會去幫襯。但發現其質素一次比一次差。先講下所謂蝦餃，蝦餃皮厚又黏口，蝦入口又唔好食，炒米粉又咸到死，平時食開既薄「餐」係又薄又香又脆，依間酒樓可以整到又厚又粉，唔好話脆啦，唔係軟綿綿都偷笑。芝麻煎堆仔，又係整到勁厚皮，又唔香又唔脆卜卜，裡面既餡少之又少。在外面招呼的知客又不知所謂。而且即使係早茶，價錢都唔平。未試過既人真係奉勸大家唔好試。情願去茶餐廳食都唔好幫襯佢地，等佢地可以快d結業開過間新架啦。

人數太多 前台同侍應亂哂龍，同我講有位叫我等陣 企係到十分鍾先話入得 入到去原來仲未執枱，侍應態度超差 要我地睇侍應面色 執枱時整到啲碟噪音大，令人煩躁。瘋狂上錯點心 亂咁黎。今日第一次食 唔會食第二次。

有朋友約食飯，但係因為人數太多，又有小朋友又有BB，星期日唔想周圍搵位，所以就揀咗呢道食喇，諗住唔使等位點知都要等左20分鐘！入到去真係見到全間酒樓都爆滿！同我諗法一樣真係求其一餐不過睇落星期日咁嘅價錢又真係好抵食喎冇晒淮山響螺豬展燉雞湯，所以改咗金銀菜燉白肺湯普通的雜菜煲呢個生炒骨真係好好味半隻燒雞都可以喇片皮鴨真係麻麻哋，我地叫咗兩食，另外果樣係炒苦瓜真係冇乜苦瓜咖仲有糖水送有咋喳同埋紅豆沙揀，我哋揀咗咋渣，裡面好多豆，又唔係太甜！另外講到服務部長個個都好快手有記性，反而啲樓面，就差D，落單轉頭又唔記得！我地5個大人，三個小朋友1個BB，照計9位茶芥

今次想近近地食個下午茶 叫左好多野食 但依幾款算係最正常豪宴蝦餃皇 三大隻蝦 雖然夾左好多肥豬膏 但最好係你喇 個皮都仲有d煙韌 豪宴燒賣皇有蝦 排骨肉 當然仲有好多肥豬膏啦 都算好食嫁喇鮮蝦菜苗餃嘩 好似好靚仔喎 其實一切都係假象...我夾個舊 咦 蝦呢?無錯 係無左隻蝦再叫多籠 我睇住個舊有蝦露出黎 好 點知係得條蝦尾 同埋個皮軟淋淋安蝦咸水角同鼓汁蒸鳳爪尚算正常好喇 講下另外個幾款發生咩事...xo醬炒蘿蔔糕我第一個夾黎食 omg酸叔既變壞都拎出黎?成碟退左香煎芋頭糕煎到黑曬都攞出黎都算 陣味怪怪地 都係吾新鮮...芋頭蒸排骨芋頭得一小粒然後成碟肥膏依度真係得蝦餃燒賣食得過 其他好多都吾太新鮮 可能天氣關係令d野食易變壞掛希望之後會有所改善

約了家人 共四位 在這裏嘗試新酒家 地方方便地鐵站樓上就係 星期日 晚上高峰期六點 竟然不用多搵位 絕對要給一個讚 但這個時間也沒有等位是否代表食物質素有問題呢 部長有推薦不同食物 最後我們點了片皮鴨兩食 份量很足 鴨皮很脆也夠， 廚師刀工 方面雖然連上少少肉但每一塊皮也很大 沒有給切到 零散散碎， 酒紅色的外皮 視覺上味道上也要讚 配上京蔥及青瓜絲 醬料也上足兩小碟絕對夠四個人點 第二食的鴨肉絲 顯得非常普通 味道不是惹味雖然份量也祝但是很油膩 最後一底碟都是油另外晚市點要一份孖寶 清蒸鮮魚份量不是很大 但蔥花 清蒸豉油汁 卻給得很足 令味道給調味不錯 另一份炸子雞 不但多油 而且也調得不入味 賣相 得不夠當紅 肉質跟其他酒樓都是比較鞋 感覺是水準以下 只是未到難食水平而已埋單 五百元左右 當中包括每位十一蚊茶位及十元花生費用 還是好合理水平吧 我們的座位是旁邊的卡位 感覺不如傳統方枱好 放上食物時顯得很窄 不過私隱度較高而且單邊也顯得較寧靜不被他人騷擾 服務方面非常的街坊酒樓呀姐 笑容欠奉 很趕急的收回你的碟 不過總有人情味問他們有沒有糖水贈送 真的有紅豆沙及綠豆沙送上 意外驚喜那

今日下午同朋友四人去食午餐，叫左點心同燒鵝，碟燒鵝來到我地四人每人夾左一舊咬左一口，大家都覺得肉好鞋好似鴨肉，我地之後叫店員來，同個店員講如果你地比錯左你再換一碟比我地啦，個店員唔換話唔要我就幫你地取消左佢，我地就話唔要啦，過左一陣個店長叫吳家成，佢過來話我帶你地地去燒味部睇，講真燒味個度有鴨有鵝好正常，我地就話咁你當住我地面再整過一碟比我地啦，佢唔肯，之後態度勁差，他話我而家話係鵝就係鵝你地食左就要比錢，大佬我地由頭到尾都無話過要走數，叫佢換過碟佢唔肯，仲話唔岩就報警，不過報警後收雙倍價錢，因為我地拎住行李趕時間都費時同佢爭議，我話你寫底個名，佢哩個時候仲勁，比佢卡片話我就係哩間店個老闆同負責人，你有咩就揾我啦。之後行過我地張枱都眼啤啤，其實件事可以解決得好d，換過碟或者好好解釋已經可以解決，之前已經聽聞哩間野服務麻麻，而家明白點解，上樑不正下樑歪，咁既人都可以做店長，不過人地係老闆，無計啦，係大哂架。食物質素已經好麻麻加上咁既服務態度，遲早執粒，大家唔好再去啦，比錢係去食飯唔係去受氣。

沒開始吃之前，搜到這間店，只有2.5顆星，個個留言都話服務差、食物差。我以為今次都選錯左地方。沒想到，首先上菜好快，菜好大份量。炒飯的米粒好有彈性，清清爽爽又有滋味，蛋白配青瓜令到炒飯有好特別的口感，完全不單調。五顆星！羅漢齋，是我食過的最有滋味的。服務的反應與速度都幾快。

眨下眼筆者在調景嶺居住已經踏入第六個年頭。餐廳食肆極之缺乏, 特別是酒樓。酒樓只有兩間: 「豪宴」及「富臨」。 「富臨」 的質素可以用難食去形容。至於「豪宴」就是最差之中最好的選擇。「豪宴」有燒味供應, 味道雖然一般, 但是吸引不少藍領、學生、以及無飯夫妻去幫襯。另外, 「豪宴」的魚缸內有不少澳洲龍蝦及不少游水海鮮, 相當吸引!酒樓屬長狹的格局而且樓底矮, 因此當酒樓坐滿食客特別嘈吵。旁邊有排四人座的梳化位, 相比下比較舒適, 可是同樣的的嘈雜。這裡其中一個吸客的因素應該是它的點心價格超值。平日午市特點都不過是$23.8, 真抵食!除此之外午市還有供應更超值的點心及套餐, 難怪咸臉那麼多, 但在無得揀的情況下 「豪宴」依然是唯一的選擇。特別是假日門口總是聚集一群「無得揀」的人等位。《茶 $8/位》我家女兒只有2歲都要給茶位, 幸好只要$8。其實幾多歲開始付茶錢才合理?這裡的茶味道是印象中最苦澀。對平價酒樓的茶葉不抱任何期望, 但第一、二杯還算正常, 之處苦澀味才會漸漸升高。但「豪宴」的茶, 第一杯已經超苦澀, 真的懷疑這個茶是否循環再用？？筆記情願飲滾水也不願意飲這裡的茶。《薑汁雞包仔

星期日十點前早茶特價點心，只餘兩分鐘，侍應都不肯落單,重要俾面色俾客人睇。腸粉像剛從雪櫃拿出來，又硬又唔熱。薄撐又厚又唔脆，最後都吃不下。唔明呢間酒樓可以支持得咁耐。

自中學到現在要好的朋友放假來訊,相約飲茶。剛好我亦有此意,就確認了答覆。由於我朋友居在調景嶺,而我跟朋友亦是不吃早餐的類型,都是喝下午茶的,所以我想特意選一間比較近的酒樓,免得時間太長,會容易餓昏。早之前我已經嘗試過彩明商場內的一間潮家皇宮,老實說質素不太好,而且價格也不是省油的燈,我自然不會選這一間,印象想起以前經過都會駅近港鐵站上方有一間酒家,就冒險去試一下,本以為失望之中有意外收穫。從外則看到的叫豪宴海鮮酒家,名字改得挺好的,感覺有點高級的。先進去就看到左方的外賣部竟然有刺身賣,心想酒家茶樓也有刺身賣!?猶如在日式壽司店賣中菜的感覺,比較像是坑人的樣子,進去後裝修外觀也不錯,不是很大,也不是很吵,尚算不錯。由於是下午茶,所以空位也是不少的,我們就選個燈光比較好,旁邊也沒太多人的位置來個悠閒的喝茶之旅。朋友愛香片,我則愛壽眉,就選了這兩壺茶。先看一張優閒的下午茶點心紙,也知道平價的點心走不掉那幾種,不是飯即是粥,餅與糕點類基本上必有,牛肉球就肯定是小點價常客。我偏好吃雞,即選了北菰棉花雞,友人則選了最便宜的牛肉球。焦點回到五花八門的大型點心紙,每逢新去的酒樓我必選燒賣,蝦餃,腸粉來

週六下午到都會駅豪宴用饍，吃了多款點心，以質素來說，只可評為不過不失。款式方面，竟有刺身及滑蛋豬扒飯等選擇，予人驚喜。服務方面，最不喜歡店員玩點心層層疊，待我們拆除潛建物後，又來玩加建。調景嶺總算是新進中產區，服務食物各方面應予以提升！

同友人兩支公係附近搵地方食野 見下午茶市 於是走去嘆茶地方幾寬敞 樓底夠高 實是嘆茶既好地方望望下午茶紙 其實價錢不是平 而且優惠點心得幾款選擇 唔合意唯有點選原來午市既點心紙算了 計來這餐下午茶也不便宜點了6款點心~燒賣皇 叉燒包 煎籮蔔糕 雞扎 蒸鳳爪 煎堆仔(4粒)燒賣 大大粒 肉餡比例不錯叉燒包 包皮幾軟熟 餡汁偏多叉燒略少籮蔔糕 幾香籮蔔味 OK雞扎 雞件頗滑 味道偏淡OK鳳爪 蒸過時 好淋巴巴最讚係煎堆仔 脆卜卜 好香芝麻味

呢間酒楼地處調景嶺地鉄站上蓋,因它没有分店,我會視之為小茶楼,所以我對它的點心和小炒是不會挑掦的,亦可給予合格分楼,至於它的燒味,我會比較高分數,它的义燒絕不乾柴,肉汁四溢,令你食慾大增,而燒肉方面更是脆香可口,嘆番杯玉冰燒仲得

豪宴(調景嶺)不算是便宜, 但菜式質素參差，看來以後都不太想到豪宴浪費金錢了。昨晚是與長輩們吃團年飯，因為他們肚餓趕住開餐，所有菜式都沒有拍到照。白飯4碗, 共$40茶位5位, 共$80有果盤送 (一粒橙個一個細size的火龍果)全餐是$785 (加一前是$714)~以下是由好講到差~瑤柱扒豆苗 $80OK,不過不失。蒜蓉粉絲蒸元貝(4隻) $58OK,蒜蓉多, 我鐘意, 不過長輩話佢蒜蓉苦, 其實係因為爆油時爆過龍。龍蝦, 芝士焗, 伊面底 $188部長說是大約一斤左右的, 我問他夠不夠5人, 他說可以叫兩份 (我覺得係佢想賺多d姐, 事實上是夠吃的)。龍蝦都足一隻, 伊面唔夠5人分一人一小碗, 龍蝦拑沒有在廚房先"bok"開, 要我地好辛苦用力地, 用一般拑仔自己爆。長輩話, 酒店搏你地放棄唔食, 收回去時佢地可以食翻! 脆皮燒雞（半隻）$80肉質好「鞋拾拾」, 不過皮夠脆, 後輩比較鐘意。但一定無下次囉。西檸芝麻明蝦球 $80我好欣賞佢有去殼, 但成碟只有8粒中蝦size的蝦球, 好後悔叫左呢碟菜。燒味拼盆 (例) $108哇, 簡直唔得。收得我 $108, 我expect都會似

另一半在調景嶺工作完，會合後諗住在附近搵食。點知成個都會駅都無乜好揀，見到呢間酒樓幾"四正"，咁就幫趁呢間啦！可能同區無乜肆，無競爭，間酒樓啲嘢食，真係難食！當晚點咗四個餸：馬拉盞芥蘭炒牛肉：個汁，OK，牛肉，都係毑到鬆鬆化化，但都OK！最唔OK係啲芥蘭，入口，竟然一啲菜味都無！ 食過呢個菜，終於都明白，雞有雞味，魚有魚味，菜有菜味可能都幾彌足珍貴！！貴妃雞：同街市買D$58隻的白切雞無乜分別，雞味淡，肉質死死實實。水晶肉：整晚最得人驚都算係呢個前菜，由點菜到上菜不單需時耐，最正係啲肉入口好似剛剛由冰箱攞出嚟一樣，硬硬實實，不單止散發著雪氣，裡面仲有啲雪霜，好似未完全解凍咁！！豉汁蒸蟶子皇：$18/隻，可以任選煮法，揀咗豉汁蒸。蟶子皇無想像中的大隻，唔緊要，但入口都係靭，蒸得太耐矣……唉……都係唔合格。最後，連贈送O既果盤，都係唔合格——橙，係乾爭爭架！唉……一定無下次囉！