豪發海鮮酒家 (已結業)

有親戚住呢頭，所以幾年前嚟食過一次，印象好差。但事隔幾年，前幾日嚟食過，人好少，只有幾枱客，但食物質素超好，係極度出乎意料之外嗰種，好可能就係因為得幾枱客，師傅有時間同俾心機煮餸（其中一半人仲係食火煱添，即係都唔駛廚房煮嗰隻）。四個大人三個細路叫咗以下幾個家常小菜：半隻燒雞（皮脆肉正）豆腐（唔記得個全名但似紅燒豆腐，因為太好食，所以叫咗兩碟）豉油皇炒面（一般水準）茄子斑腩煲（都幾好食，仲有都幾大份吓）煎蠔餅（同打冷檔啲水準差唔多）四罐啤酒白飯同送生果埋單都係三百三蚊，好鬼抵食！但都唔知以咁既生意額可以捱幾耐囉…

點心種類又唔係多 又唔係好食有一次我叫炸饅頭 個伙計竟然問番我轉頭係咩黎而家仲係酒樓底層整左間豪發荼餐廳超污糟囉 有日我想叫野食butd伙計成日係度傾計等左成十幾分鐘先有人理我仲要d野價錢偏高 又唔係好食 樓上酒樓賣唔出d點心係下面賣一d都唔新鮮囉!

搭同事買左份外賣鳳爪排骨飯做早餐, Ｄ飯煙un有口, 排骨淋身半肥瘦有肉汁, 鳳爪一般份量都幾大. 男仔都夠飽, $11仲想點天寒地凍, 有Ｄ米氣到肚, 成身暖晒

成條村得佢一間酒樓就以為自己巴閉~d 經理服務都幾好, 班做細既就完全唔掂..服務差態度惡劣d 熟客就可以唔洗排打尖都得.. 過份..人地d 酒樓貴.. 好味我都會去食但係佢d 野又唔係好食.. 仲愈來愈差...價錢偏高.. 食野都係為左開開心心姐食完一肚氣食黎做乜有人請都唔好去食我驚你喊住走返出黎~

平時d點心已經好普通, 無乜特式, 不過尚算ok, 侍應態度不嬲唔多客氣... 上星期日同屋企人飲茶, 唔駛等位, 不過就真係一肚氣, 叫海哲燒肉飯, 左咸旦燒肉飯, 以為d海哲在燒肉下啦, 食左兩件都唔見, 叫個侍應來問個究竟, 他說無海哲所以用咸旦代替...落單又唔出聲, 又話我地食過無得換, 最就係仲話唔食就咪食, 咁服務態度唔駛旨意會做得長, 我就睇下佢可以捱幾耐...

廣源唯一一間酒樓，可說是拜年飲茶的唯一選擇。平日，我是絕對絕對不會光顧的。年初二的午巿居然不用等位，就拿輕易找到一張六人，真不知是好是壞。那裏的裝修是不錯的，光線充足，碗碟無崩口，布都蠻乾淨，椅都不給人殘舊的感覺。食物就強差人意了，酒樓供應的食物都是千篇一律，這點很正常。若果有一、兩道菜是很好吃、或是很難吃，都會給人留下印象，奈何那裏的食物不會令人留下甚麼印象，所以不去也罷。有數最特別的，要算是地下開設的"豪發茶餐廳"，想要知道那是怎麼一回事，是何種商業奇招，相信要親自去過才會明白。若是去過酒樓後仍不死心的話，可以儘管再試茶餐廳，嘿嘿……

今日同家人在此吃新年飯, 吃完之後簡直係一肚氣!1. 我地order左個套餐, 上菜既次序十分混亂。翅居然係最後上, 粉麵仲比佢快2. D餸淡而無味3. 用料差, 發財好市裡面既豬肉居然係賣剩既叉燒4. 紅豆沙味道超甜, 簡直不能入口, 仲有少少苦味總結, 煮得咁無心機, 不如執笠算啦!!!!!!!!

唔係星期日去開廣源村都唔想係果度食, 千層馬拉糕ok, 椒鹽豆腐以前都ok, 但而家改到三吋長咁大舊又無味, 成日有蚊同烏蠅周圍飛, 試過投訴又話坐近門口無計, 咁點得呀, 侍應同小食部阿姐又無咩禮貌, 真係以為得佢一間就唔怕無客咩

同Operation開完會, 奉命要做SWOT Analysis, 拿拿聲嚟呢樹做多次實地考察. 呢間係呢條村唯一一間酒樓, 比其他食肆都四正啲. 一點幾嚟到都有位. 即叫個蜜汁叉燒炒河同千層馬拉糕.嘩! 等咗咁耐個炒河竟然係甲級難食!! 炒河色水幾差, 好淡嘅啡色, 都意味住味道唔夠, 真係淡而無味. 蜜汁叉燒數埋都無五件, 似淨炒河, 而且喺度嘅都係不堪入口, 又鞋又乾, 完全感受唔到有蜜味, 唔研究吓啲肉仲以為自己食緊劣等干炒牛河tim!可能係個炒河太唔掂, 所以相比之下, 個千層馬拉糕算唔錯! 有少少蛋香, 奶黃成為隔層核心, 但無味甜味, 可以再重手啲會仲好.茶樓樓面少, 啲侍仔好多時都睇唔到客人有咩需要. 唉! 一啲都唔長進!!