豪隍點心工房

營業中

休息中

點心做得好食好大件，價錢合理，其中有個點心係雲吞喺上面加啲沙律醬，比較清新特別，好食，可以一試。另外春卷，炸得很脆、唔油，好香口。其他點心都係大大粒，唔係細件，口感十足。不過地點有點遠。

點了蝦餃拼粉果，奶黃包，馬拉糕，叉燒腸粉，鳳爪，珍珠雞。蝦餃 - 餡係用蝦膠奶黃包 - 好甜 無奶黃香味馬拉糕 - 得甜味，無馬拉糕味道叉燒腸 - 不過不失，食得落口。鳳爪 - 係甜辣味道珍珠雞 - 不過不失。“唔會再幫襯”

早幾日約左朋友仔黎呢間飲茶時間只限70分鐘飲茶梗係要慢慢嘆慢慢傾吓計啦D嘢食都未食完D侍應已經開始急急腳收起我地嘅碟叫我地交檯其實我地明白做生意想快D做下一轉都好正常禮貌上同我地講我地都識做但係而唔係問都唔問就收起人地嘅碟禮貌上都要俾多少少時間俾客食埋最後果幾舊先收碟再趕人走啦😡😡😡收銀員更加不值一提成個收錢過程黑口黑面，唔講以為借左佢錢唔還咁嘅款😑😑😑對客人收錢態度非常惡劣真係俾錢買難受😣下次請我都唔會再幫襯囉

豪隍已經唔係第一次嚟 都知佢地蒸點不嬲都要等琴日我地2個人11:30左右時間坐低叫左4樣野食 其中3樣都係蒸點個場都唔係忙 冇爆場只係嚟左一碟叉燒包 唯有食住等結果11:50左右隔離入左4位一落單5mins後已經嚟左我地都有叫嘅山竹牛肉同埋一堆蒸點搵第一位員工講 佢擰左我地張點菜紙就走左去同第二位員工講 又係話幫你跟個個話跟 但冇一個同你講發生咩事最後我地出去話唔食喇 痴線一句交代都冇先同我地講 廚房出單果時冇紙（所以咪姐係漏左單囉）跟手出左啲暖暖地、煙都冇 嘅點心塞住我地把口第一次食得咁背脊骨落

🥟觀塘即叫即製巨型點心🥟-呢間觀塘嘅點心店，係朋友介紹嘅，估唔到夜晚嘅時候都爆場。點心呢樣嘢其實味道上大同小異，其實好唔好食最主要就係睇蒸炸嘅火候、足唔足料、款式多唔多。呢度嘅點心，其實個人覺得幾驚喜，因為佢真係超級巨型，淨係蝦餃同燒賣為例，都係平時飲茶嘅1.5-2倍大😨。平時食點心有個問題，就係食一粒唔夠喉，食多一粒又唔夠分，呢度就完全冇呢個問題，因為你淨係食一粒都覺得好滿足😂，我諗如果女仔嚟食真係食幾份就會好飽。最好食嘅反而係呢度嘅包點同煎炸嘢，例如墨西哥叉燒包，煎蘿蔔糕、鹹水角、同埋蒜蓉芝士鮮蝦長春卷。鹹水角入面係有鵝肝，食落特別香，外皮煙韌但唔會好油，出色！價錢唔算好平，小點$25，中點$27，頂點$33，特點$37，不過以佢嗰份量來講都絕對可以接受啦。

食到捧住個肚走嘅觀塘工廈點心店溫馨提示：可以提早一日至一個月打電話訂定位先，咁就唔怕食唔到呢間咁受歡迎嘅點心店啦🫣，或者中午十二點前到達都可以直入落單時阿姐見我哋點咗14碟，問我哋幾多個人？我哋好有信心咁答佢3個(其實我哋實際係3+1架，同事肚入面嘅BB都計一個架😆😆😆) 阿姐笑住叫我哋食得哂先好嗌，雖然最後我哋都真係比阿姐睇死咗，但我哋無做大曬鬼架，有打包走😆全部點心都大件夾抵食，好多都無諗過份量係咁大份同咁多。尤其係蝦餃同牛肉球，一粒都半隻碗咁大，睇相完全係唔會感受到佢有幾咁震撼😆😆😆牛肉球唔似出面酒樓果D食落咁多粉，餃類全部做到真正嘅皮薄餡靚燒賣同蝦餃都係每籠兩粒，兩個人黎都唔怕食唔哂啦，蝦餃入面有數唔清咁多嘅蝦🦐必點推介：五香金錢肚、醬汁煎釀茄子拼尖椒、蜂蜜黑糖糕豪隍點心工房地址：觀塘敬業街65-67號敬運工業大廈1樓A室回頭指數：⭐️⭐️⭐️⭐️⭐️抵食指數：⭐️⭐️⭐️⭐️人均消費：$161.5

好耐無飲茶，本來想去龍皇，門口大排長龍…突然醒起附近有一間 豪隍點心工房，於是立即轉場行去街尾 豪隍試試。豪隍總店在 觀塘敬業街街尾既工廈入面，入口在工廈後門樓梯位，有點隱閉，仲要上層樓梯先到正門。但好好彩，唔洗等位，不過裡面都門庭若市，坐低一陣就已經全場爆滿。1. 蒜蓉芝士長春捲 HKD 37😋😋😋😋一碟三條炸春捲搭兩條青瓜 配一小碟芝麻醬。炸春捲係食指既粗幼，手掌既長度，炸得乾爽，不油膩，整條春捲炸得非常香脆。餡料捲著芝士帶蒜味既少許蝦肉，蒜蓉味比芝士味濃，內餡唔多，但炸得非常香脆，鐘意食脆卜卜野既朋友會好鐘意，咬落口口都卜卜聲架。2. 蓮藕煎鯪魚餅 HKD 31😋😋😋😋一碟厚厚既三大塊。蓮藕粒切到細細粒，同鯪魚肉混埋一齊做成肉餅煎香，塊塊有手掌厚度，咬落啖啖肉，很滿足。鯪魚肉質感細滑，入面加左陳皮，食落唔腥。魚肉有混入蓮藕粒粒，蓮藕十分爽口，令魚餅咬落增加口感，每塊煎到剛剛好，很有媽媽餸的味道。3. 鮮蝦腐皮卷 HKD 31😋😋😋一碟腐皮卷有三大條，切成6小件。表皮煎得很香脆，呢碟煎得略油膩。內餡有芹菜蝦仁，菜既比例比蝦多，內餡切得太過細碎，碎到接近蓉既狀態，所以食落表皮係脆香，

外賣app做緊特價，外賣自取半價。於是lunch同同事叫左外賣一齊試下！蝦餃非常有驚喜，同饅頭一樣咁大粒！燒賣都好足料，有2隻蝦係入面。不過生煎包就dry左d, 其他食物就正正常常咁，不過半價真心抵，6個人食，每人都係$53，食到大家都好飽，有機會會再encore!

近年多咗好多點心店崛起，出品仲好過大酒樓，有時飲茶都會考慮去點心店呢間地點偏僻，但都不減人流，已經多次回訪，點心大份又抵食如果唔想排咁耐可以係gulu app拎定飛豪隍燒賣皇 🌟4/5一籠兩粒，但有三粒嘅份量，一人食一粒就好夠鮮蝦菜苗餃 🌟4/5有爽嘅蝦又有菜苗清清地，好食過啖啖肉嘅蝦餃山竹牛肉球 🌟5/5必食！好少酒樓可以做到佢咁爽滑，而且粒粒都好飽滿香茜牛肉腸 🌟5/5佢嘅腸粉又薄又滑，比唔少酒樓都好得多脆皮銀蘿腸 🌟3/5食過兩三次，有時中間個層唔脆，就會變得又膩又唔好食，呢個可以skip蒜蓉芝士鮮蝦長春卷 🌟4/5外形比較特別，用手食冇咁呢hea春卷入面滿滿嘅蝦，有芝麻醬點，仲有青瓜解膩，不過好似食唔出有芝士鮮蝦腐皮卷 🌟4/5足料又多蝦，腐皮炸到脆卜卜，但有時嫌佢太油墨西哥叉燒包 4.5/5每次叫都熱辣辣上嚟好鬆軟，類似雪山叉燒包，個人覺得比一般叉燒包更好食四寶雞扎 🌟4/5呢個都成日叫，啲料包得扎實又入味推薦👍🏼：山竹牛肉球、香茜牛肉腸、墨西哥叉燒包、蒜蓉芝士鮮蝦長春卷

🫖🫖🫖食過好多次，每次去觀塘都會想食，分別有樓上本店同地鋪分店，今次同平時一樣都係食樓上店😋😋😋山竹牛肉球 ($25)熱辣辣好大粒，腐竹薄薄既唔算多，牛肉球就有好多芫茜，牛味唔算好重，正正常常既足料珍珠雞 ($33)👍🏻👍🏻👍🏻都真係幾足料呀，入面都有咸蛋黃，配料唔咸，加埋糯米就岩岩好，仲好夠飽鵝肝醬咸水角 ($27)👎🏻👎🏻👎🏻餡料比想像中少，成個空殼，同埋完全都無鵝肝味，咸水角好韌好痴牙，下次應該唔會再叫蒜蓉芝士長春捲 ($37)👍🏻👍🏻👍🏻好味好味，春捲大細岩岩一口，每啖脆皮同蝦肉份量岩岩好，既用手攞起食好滋味，佢加埋青瓜，夾雜住黎食就唔覺油膩蜜汁叉燒腸 ($31)叉燒唔覺話好多肥肉，份量好夠，亦唔會太咸，腸粉皮唔會好厚

食過好多次，今次第一次影相寫食評，真心極推介💛新點心紙幾得意，仲有午市set 豪隍燒賣皇(2粒）燒賣蝦餃是超推介的👍🏻因為係兩粒，所以要叫兩個😂😂超足料蝦肉大粒，而且非常彈牙，蝦餃皮厚薄適中。菜苗餃餡料都係好新鮮好好食，餃皮好薄，晶瑩剔透。價錢嚟講，性價比蝦餃皇高🤪另外午市set 嘅燒排骨湯米線都係大推介，不過掛住食唔記得影相。燒排骨鹹香可口，米線質感佳，份量好大，share嘅話兩個人食啱啱好。其他點心例如墨西哥叉燒包，金錢肚，鳳爪等等，全部都大件抵食，而且味道極好。值得一試再試👍🏻

呢間點心出晒名大件好味夾抵食，之前食過一次都覺得好好食；呢一日心癮起又黎食下大大粒燒賣先🐷墨西哥叉燒包 $27一客有3個熱辣辣，墨西哥包面層甜甜地而且好鬆脆，麵包既本體就好鬆軟；叉燒份量足，咸咸地甜甜地，同墨西哥包好夾，整體好味道👍🏻🐷蝦仁燒賣皇(2粒)*2 $27@超大粒，兩粒既份量係一般酒樓3粒啦，蝦同豬肉既份量均衡，而且食到有冬菇粒，好足料抵食👍🏻🐷蝦餃拼粉果 (各2粒) $37同樣地點心size至少係正常既1.5倍，蝦餃超多蝦，蝦肉爽口彈牙，個皮又唔會話好厚；粉果正常唔算話好驚艷，但都水準之上。🐷脆皮銀蘿腸 $27呢個係用腸粉皮包住蘿蔔酥，外軟內脆，仲食到一絲絲既蘿蔔絲，呢個好特別👍🏻

豪煌//間唔中lunch time/ 晚飯都會嚟食 食幾多次都好 無一次係失望(˶‾᷄ ⁻̫ ‾᷅˵)無話野食會唔夠熱 份量好少個啲蝦餃燒賣又熱又大粒 蝦既數量好足 一啲都唔馬虎 大推( ´▽` )ﾉ 墨西哥叉燒包 好鬆軟 個皮甜甜地 同叉燒包好match 唔想成日食普通叉燒包既 可以一試呢個喔(˶‾᷄ ⁻̫ ‾᷅˵) 鮮蝦春卷配青瓜 春卷皮炸得好脆 但又唔會過火 青瓜啱啱好可以解一解膩 至於銀蘿腸真係好surprise到我！！！我係第1次試呢款腸粉 入面個餡係蘿蔔嚟 啲蘿蔔仲會炸一炸先～腸粉夠熱 但同時個餡係脆扑扑的～鍾意食蘿蔔又鍾意食腸粉既人 呢個一定要叫嚟試下！！( ´▽` )ﾉ鮮竹卷 窩蛋牛肉飯 紅油炒手就正正常常 不過不失～呢間點心店回頭率同埋性價比都極高( ´▽` )ﾉ

呢間舖頭點心出名， lunch time有套餐，一個蒸飯加一個點心先至係$49 ，好抵食。飯我地就揀咗鳳爪排骨飯，至於點心我就揀咗養顏紅棗糕，另外再叫咗幾個點心，分別有雪山叉燒包、鳳爪、四寶雞雜同埋菜苗餃，樣樣嘅味道都唔錯。佢個鳳爪排骨飯都唔算細中，當然鳳爪嘅數量比較少，所以我哋先至叫多一籠鳳爪，佢個排骨嘅質素唔錯，相對係肥肉比較少，排骨嗰啲汁滲咗入飯裏面好好食。而跟嗰個點心就揀了紅棗糕，不過紅棗糕的紅棗味唔係好濃。雪山叉燒包好好食，雖然邪惡啲，但係值得嘅。佢嗰個菠蘿包面真係好正，另外佢入面啲叉燒用料都唔錯。菜苗餃餡料都係好新鮮好好食，餃皮好薄，晶瑩剔透。雞扎都做得好好，特別係個魚肚，好入味，件芋頭都好粉好靚。

蝦餃皇同燒賣皇都係兩粒一籠大大粒，價錢一樣都係$27，兩樣都好足料，蝦餃勁多蝦，燒賣嘅蝦同埋舊肉都好鮮味。雖然唔係apple to apple不過我都係覺得蝦餃皇抵食啲。山竹牛肉用嘅牛肉質素唔錯，都算係幾新鮮，食落去覺得應該無用梳打粉醃過，落喼汁超正。鵝肝醬咸水角其實食唔出鵝肝醬嘅味，不過都好食，勝在熱辣辣而且又唔會油淋淋。叉燒腸都好好食，腸粉皮爽滑，入面係原粒叉燒而唔係叉燒醬加肉碎，材料選用算係講究。