豪點點心 (已結業)

燉湯 好好飲 叉燒菠蘿包好好食 啲茶全部都好靚 又好飲 點心有多種款類選擇食完一次我都成日返轉頭老細又好人 有事就會 畀折頭我好開心下次帶多啲朋友去捧場 希望你哋都多多 捧場 祝生意興隆

係深水埗地鐵站口肚餓見到間店名叫豪點！個名都幾特別下，看下餐牌有自己鍾意食噶就入去坐，見到好多點心吃，有腸粉煲仔飯，粥同腸粉，但我係鍾意吃點心噶，所以叫左灌湯小籠包同雪山叉燒包、咸水角、脆南瓜等，啲小籠包好好味，汁好鮮甜，味道唔錯！咸水角同脆南瓜唔止噶樣好得意，味道都好正！脆脆香香！吃嘢時聽到老細同客戶傾計，話啲點心日日新鮮整噶，材料日日買，所以好多客戶贊好吃我都覺得好味！下次又會再去，岩晒我口味！

開飯啦～第一次寫食評，小妹平日好食懶寫，由今日起開始的起心肝分享各式美食讚與伏....第一篇緊係要讚左先啦，原本有目標想去維記，但時間唔岩太多人，再周圍行下誤打誤撞入左呢間新餐廳🥢小籠包$26好多湯汁，餡肉新鮮，好過x翠個啲小籠包啲肉好重味精蝦餃$16皮薄餡靚，咬落去唔會有粉既感覺陳醋拍青瓜$26 （唔肯定）醋味唔夠入，麻醬味就好明顯唔係講笑淨係點心都廿幾款，花多眼亂仲有蒸飯、燉湯，點餐後先發現有飯湯套餐，下次要試一試先得！😋😋近門口係玻璃設計廚房，望到製作過作食得安心，食到半路樓面唔夠姐姐落單，廚房個伙計都要走出黎幫手，又落單又送菜，又聽到佢熱心介紹有咩好食，似乎係老闆多過似伙計😆😆

收工同個朋友係深水埗睇完電腦 搵野食門口個易拉架入面個燉湯向的招手 就入去試下叫左個螺頭湯 燒賣 炒腸粉 小籠包（番叫左兩轉） 整體都幾好味 小籠包抵食 好味過連鎖店湯都幾足料 食品新鮮 整叫整蒸 唔係果啲擺左勁耐變晒形果啲 價錢都幾抵 無味精飲完唔會口乾 真係堅好飲 好岩我種意飲湯嘅人可以再試 我果陣都9點幾 開始無咁多客 食完同個朋友坐下吹下水 跟住個廚師出左來 同坐我地後面唱完生日歌果台客 祝賀 仲送左碟甜品請佢地食 好好客我地坐好近廚房 咁岩望住佢 對我地笑一笑 又問我地食物點 吹左兩句 原來係老闆來 望落好後生 犀利 原來開左唔係好耐 小鋪頭 但質素幾好

去完鴨遼街買野根住去搵野食，見到有間新開既點心鋪就去試下，有驚喜，入面竟然有湯飲叫左幾款點心試下，小籠包好食多肉汁又簿皮，牛肉球同燒賣就正常質素見到有個新野忌廉芝士脆南瓜就膽粗粗試下，又幾好食，甜甜地又真係有個南瓜樣叫左個竹笙花膠螺頭松容湯好足料，味道亦幾正，如果呢個質素既湯出面可能要好貴整體野食好味，不過可能我去果時人好多，唔夠侍應，個老闆都出埋黎ser 大家

去到深水埗....肚餓想食嘢....又唔想去麥當勞....咁啱樓下有間點心店....走咗入去試下好少見啲點心點會有燉湯但係因為下晝嘅關係我唔選擇飲燉湯只係普通食個飯我叫咗呢個漁家四寶飯.....未叫之前淨係聽個名以為好有驚喜....不過嚟到又會有少少失望因為祇有兩隻乾爭爭嘅蝦乾仔....細細隻嘅蠔屎仔....極其量有幾片豬肉片.....不過啲肉片又幾爽口，都幾好味另外叫咗個小籠包....未到叫做還可以