豬屋日本料理

營業中

休息中

大圍除咗火車站附近嘅食肆其實行遠少少去田心村附近其實都有好多選擇～今次試吓呢間食日式料理嘅你間舖頭望落似家庭式經營 但係Menu都有唔少選擇價錢又幾相宜 平日仲有學生優惠～～⭐️十和田便當 $88便當都幾豐富 有黑椒照燒雞件、燒菠蘿、蒲燒鯛魚腩、螺肉、咖喱飯個人覺得個薄燒鯛魚腩最出色！🐟有啲似鰻魚汁嘅味道 但係口感更加好😋配上燒菠蘿都係幾特別嘅配搭 咖喱飯係比較辛口嘅日式咖喱🍛成個便當整體都好豐富 😆男仔食都會夠飽！⭐️ 北海角切雜錦魚生丼 $72呢個魚生丼有三文魚油甘魚 同埋其他螺類仲有啲蟹籽玉子青瓜～～🥒食落都口感都幾豐富！魚生都新鮮～😋飯嘅量都唔少，最後都食唔晒～⭐️ 特選燒物盛 $92四款串燒都幾出色😋😋有椒鹽燒珍寶牛、鹽燒雞肉大蔥串、鹽燒雞肉軟骨串另外嗰個冇記錯嘅話應該係雞肉～🙈份量好足之餘都好夠風味✨✨如果大家想食串燒都可以嚟呢度試吓～整體評分：⭐️⭐️⭐️⭐️家庭式日本餐廳 份量好足如果黎開呢一頭都可以試吓～

<快食>放工後不想煮飯，來到大圍一間<豬屋日式料理> 買便當，每盒平均$50-$110 就有交易，性價比高。沖繩便當吉列千層芝心豬扒1件＋汁燒金菇牛肉卷2件＋味付螺肉刺身三種（三文魚2件，帶子2件，有頭甜蝦1隻）日式汁燒牛肉飯 $59照燒雞扒飯（咖喱） $59首要是必叫咖喱飯，日式甜咖喱，醬汁比較厚身，內有好多薯仔紅蘿蔔，送飯一流。三款便當較有驚喜的是沖繩便當咖喱，尤其是吉列千層芝心豬扒，千層實是用多塊薄豚肉卷埋，內沾上芝士，再用吉列烹調，熱呼呼的，有驚喜。一盒便當有齊四款食物，滿足～三文魚手卷大大份既三文魚手卷，每一口也吃到肉質肥美三文魚，抵食福岡流心芝士漢堡扒（2件）手打的漢堡扒，肉質軟熟，最驚喜是芝士真的是流心，唔錯！

豬屋係大圍一間特色日本料理店，佢最特別嘅地方係內部裝修非常日式。佢嘅菜式豐富多樣，包括小食吉列蠔同主食蒲燒鰻魚咖喱飯配吉列蝦同青森便當。- 小食： - 吉列蠔：一道精緻嘅小食。蠔被烤至微熟，外層酥脆，內裡鮮嫩多汁。配以特製醬汁，增添了菜式嘅風味。吉列蠔味道鮮美，絕對係一個不容錯過既選擇。- 主食： - 蒲燒鰻魚咖喱飯配吉列蝦：呢個主食結合咗蒲燒鰻魚同咖喱飯，再配上吉列蝦。鰻魚經過蒲燒烤製，肉質鮮嫩多汁，滋味獨特。咖喱飯香氣四溢，配合鰻魚更加美味。吉列蝦外脆內嫩，提供了一種口感上嘅對比。這道菜式結合日本傳統蒲燒和咖喱風味，絕對能滿足你。 - 青森便當（入面包括咖喱飯，燒汁豬頸肉，豬軟骨，加州卷，味付螺肉）呢個便當給人一種豐盛感。咖喱飯香氣四溢，配合燒汁豬頸肉同豬軟骨，肉質鮮嫩多汁。加州卷提供了一種清新的口感，而味付螺肉作為前菜，增添了整個便當的豐富度。青森便當結合了不同嘅日本傳統風味，每一款都帶來不同的驚喜。豬屋以其內部裝修非常日式而聞名，帶給你一種身臨日本的感覺。佢嘅菜式非常精緻，提供了多種選擇。無論係吉列蠔、蒲燒鰻魚咖喱飯配吉列蝦定青森便當，你都可以品嚐到道地嘅日本美食。

去開大圍附近，上open rice search 下食咩好見到有間豬屋便當好吸引，餐牌好多選擇，今晚晚餐叫左沖繩便當同朝日便當2款外賣包裝得企理 外賣盒多格數 可以裝到不同的食物沖繩便當有主菜炸芝士豬扒、小食有螺肉、附送刺身有三文魚、帶子、螺肉，刺身新鮮，金菇牛肉卷牛味香，炸芝士豬扒同咖哩飯好夾，份量充足好食 另一個朝日便當有燒比目魚、燒元貝同燒菠蘿 個飯個汁可以選咖喱同燒汁，揀左燒汁，燒比目魚肉魚脂香滑、燒元貝就正常發揮，燒菠蘿香甜，好滿足的一餐，一定會再幫襯🥰

今時今日咁嘅服務態度仲可以開舖？事原因為我同朋友遲咗,所以叫另一班朋友幫我哋囉位,但是這班朋友忘記了,所以沒有幫到我們囉位,而當時我們還不知他們忘記了,所以第一時間就進店了,結果被女職員不耐煩地把我們踢走,態度十分惡劣,說:「你哋未囉飛喎」當時我哋不知發生甚麼,事出突然,而且我承認是我和朋友溝通出現問題才導致事情發生,但是明明女職員可以禮貌咁請我哋走,但是非要用咁嘅態度,「請通呢？出去等啦！」眼神充滿不屑呵而且間店食物一般,紙包飲品味道奇怪千萬唔好去呢問店

今次去到新界既大圍探朋友，一場黎到就梗係食飯埋飯先番屋企，我地想食日本野就揀左呢間餐廳，我地就揀左食海鮮刺身丼😋其中一碗係北海角切雜錦魚生丼（$72），呢個飯感覺係蟹籽沙律+三文魚既飯，不過就唔係沙律醬撈，係wasabi+豉油食，味道都好既，夾埋d沙律幾fresh既感覺😃另一碗我就叫左赤身三色丼（$118），刺身佢比左每樣三片，食落感覺普通，新鮮程度都係中等，係屬正常程度既一碗刺身飯，兩個餐都送一碗味噌湯，都ok👌🏻呢間餐廳我感覺就係中等水平，唔算差，諗唔到食乜又經開不妨一試😗

呢間餐廳由大圍地鐵站行過去都要啲時間唔算好就腳 餐廳都唔係算好大好多位有好多唔同日式便當同埋套餐選擇 要加一佐賀便當 ($88)有蒲燒金鯛魚腩、炭燒雞肉串兩件、三文魚壽司兩件、螺肉前菜主食就係咖喱飯🍛 成個便當都好豐富鯛魚腩食落入口即溶 好似鰻魚咁雞肉串壽司同埋螺肉都好似平時放題嗰啲咁味道正正常常 咖喱飯係日式咖喱唔辣好夠汁可以撈晒成個飯👍🏼 食晒都好飽滋味雞翼套餐 ($98)紫心香芋丸兩粒、三文魚味噌湯、三文魚壽司兩件、烤雞翼同埋炸雞翼各兩件主菜就係豬骨湯拉麵🍜呢個套餐都係以小食為主 亦都係好豐富所有嘢都係正正常常中規中矩唔會話特別好好好好食 但係就可以食到好飽同時間亦都可以食都唔同嘅嘢😋啱晒啲選擇困難 但有咩都想食嘅人🤪

趁日本仲未倒核廢水, 當然要趁而家快D食多D刺身今日黎到大圍, 試下朋友介紹既呢間平民日本料理, 距離大圍站唔太遠, 不過都要行一段仔路過黎行到過黎, 果然好食既餐廳都係要排隊既, 門口唔算好多人, 但都要等一陣餐廳牆上面貼滿左我最鐘意既海賊王, 仲有唔同日本既站名, 背景音樂仲係日文歌, 好似去左日本個D居酒屋咁餐廳就用QR code落單, 一個便當或者套餐都係100蚊左右, 唔算太貴,另外, 仲好其他壽司, 炸物,  丼飯等等叫我地叫左個至尊惹味套餐, 盛惠108, 佢上個陣唔係一次過上, 當佢上下一碟上下一碟個陣, 我地先發覺呢個餐真係好抵食, 好豐富好多野食首先前菜有蟹子沙律, 三文魚味噌湯同埋三文魚/北寄貝刺身刺身好新鮮, 味噌湯唔係普通既湯, 入面竟然仲有三文魚肉! 真係有驚喜之後上既係碳燒雞肉同埋燒鯖魚, 雞肉燒得岩岩好, 外皮少少微焦, 入面肉質嫩滑多汁燒鯖魚就鮮甜又帶有燒烤風味, 冇咩骨, 好食之後上既係流心芝士漢堡扒, 呢個一定要趁熱食, 仲可以拉絲, 加埋漢堡扒本身既肉汁，一啖食落去真係好enjoy呢個套餐主食係咖哩飯, 佢有我揀汁另上, 咖哩係日式咖哩, 甜甜地

以前一直有幫襯開， 覺得佢價錢親民味道都唔錯。 搬咗屋之後今日再返嚟幫襯，換左d人， 餐單都唔同咗價錢亦都貴咗買左個外賣丼飯， 等咗十幾分鐘蒜香比目魚扒丼飯 $69有一個咖哩飯，一塊比目魚扒，幾粒螺肉同埋麵豉湯舊魚又細又散， 69蚊一個午餐冇諗過舊魚咁細，仲要煎到又散又咸，超級失望另上嘅咖喱汁， 以前都會有啲蘿蔔呀洋蔥果d, 而家乜都冇或者得d碎到冇口咸嘅紅蘿蔔可能晚餐會抵啲或者食返吉列豬扒果d大路野會好d, 但今次總結一句就係極度失望以後唔會再幫襯

大圍火車站最近落成左個新商場圍方聽講假期前往會人山人海今日放工我過去人流的確比較少但每間餐廳等位既人潮非常多大約每間等十至二十張檯所以我沿著行人天橋去到最就近的田心村大約5至8分鐘路程黎到雲疊花園，有停車位同幾間餐廳今晚我揀左豬屋聽住大圍既朋友講呢間餐廳好食又平黎到餐廳門口果然受歡迎因為坐滿晒人係門口等第2張檯就有位非常快餐廳裝修好有日式家庭居酒屋風格有好多可愛的動漫卡通牆壁上貼左日本的鐵路站名可以一路食飯一路回憶自己去左邊個地方餐廳用QR code有拉麵，以豬，雞，海鮮做主題便當以地方名做主題今晚我叫左秋田便當$89，吉列拉麵餐$85，札幌啤酒$28先黎啤酒日本具代表性的啤酒札幌啤酒餐廳把飲酒既杯都預先冰凍飲落淡口，沒有苦味，色澤比較清非常易入口😋秋田便當炸雞扒炸粉薄，非常脆螺肉非常大粒豬軟骨非常淋夠晒味咖喱飯甜甜既咖哩好好味😋跟三點式刺身帶子，三文魚，甜蝦新鮮😋吉列拉麵有二隻炸廣島蠔，炸粉薄，蠔味濃，大粒😋有炸蝦，唔油，炸到岩岩熟😋忌廉蟹肉薯餅，脆卜卜，餡料好creamy 😋拉麵我選擇了豬骨湯有海帶，粟米麵質彈牙呢兩個餐非常抵食$85-89已經包埋刺身，炸物而且整得又好食😋

今晚喺屋企附近食飯，揀咗不嬲食開嘅豬屋。不過以前多數係外賣，貪佢啲便當一格格咁、送到嚟都仲好靚仔🙂今次堂食，可以欣賞埋舖頭裝飾，成幅牆都係日本車站牌，又貼滿日式posters，好有日本家庭式居酒屋feel🤩食物方面，便當選擇好多，而且每款前菜、小食、主菜配搭都唔同，會令人有啲選擇困難…最後叫咗「和田便當」，有螺肉、照燒雞、汁燒鯛魚、燒菠蘿同咖哩飯。咖哩飯好香，配料亦足，鯛魚汁好濃，口感唔錯，最正嘅係燒菠蘿，燒到啱啱好，有焦香、又有汁，好開胃🤤食開都知佢哋刺身抵食，叫咗厚切三文魚腩同厚切油甘魚，三文魚腩係極厚同極肥，成日都係脂肪😅 油甘魚亦好鮮味…塊塊都係堅厚切，等於去donki食成盒咁嘅份量☺️整體好滿意，街坊會繼續幫襯😊

呢排天氣好焗，唔係好想去街就鍾意返下屋企食野今日就買咗兩個靚靚便當餵下自己個胃大圍呢間日本料理店方便易到而且買返嚟嘅食物包裝十分之有條不紊豬屋入邊有好多唔同嘅嘢食最鍾意就係佢入邊嘅日式便當一個便當裏面已經有曬唔同嘅嘢食便當仲有好多款我揀咗沖繩便當吉列千層芝士豬扒汁燒金菇牛肉卷兩件刺身有三文魚兩塊，帶子兩件，甜蝦一隻配埋咖喱飯，同埋螺肉鍾意燒汁嘅朋友，仲可以免費將咖喱汁變做燒汁另外帶咗個秋田便當有炸雞扒，豬軟骨，刺身拼盤仲將個飯仲可以變咗做呢個湯拉麵返到去屋企成個吉列千層芝士豬扒係好邪惡外面新炸到脆卜卜入面有豬扒仲有流心芝士好有幸福嘅感覺金菇肥牛卷就一定唔會輸㗎加埋靚靚嘅刺身好滿足另外一個嘅炸雞扒，大大塊，啖啖肉豬軟骨好入味拉麵分量好足等我遲啲又試吓佢唔同便當同埋其他嘢食先

「豬屋日本料理」的店面裝潢簡潔雅致，營造出一種典雅的用餐氛圍。店內的座位寬敞舒適，環境乾淨整潔。進入餐廳，立刻感受到日本的氛圍和風格。「豬屋日本料理」的招牌菜就是以豬肉為主的料理。他們提供各種不同風味和烹調方式的豬肉料理，如炒豬肉、燒豬肉、涮豬肉等。我品嚐了他們的炒豬肉和燒豬肉。炒豬肉的豬肉片鮮嫩多汁，調味得恰到好處，帶有一種微微的辣味，非常開胃。燒豬肉則是經過特殊的燒烤技巧，外表金黃香脆，內裡的肉質鮮嫩，帶有一種濃郁的炭燒香味。他們的豬肉料理口感豐富，豬肉的味道鮮美，絕對是一道令人回味無窮的美食。除了豬肉料理，「豬屋日本料理」還提供各種其他日本料理，如壽司、刺身、炸物等。我品嚐了他們的壽司和刺身拼盤。壽司的米飯煮得剛剛好，魚肉新鮮，口感絕佳。刺身拼盤則是提供了各種不同種類的生魚片，每一片都鮮嫩可口，完美地展現了魚肉的鮮美。他們的日本料理味道正宗，質量上乘，給人一種純正的日本味道。

📍豬屋日本料理 (大圍)大圍田心街10-18號雲疊花園地下4號舖餐廳日式佈置，內裏貼滿日本不同車站嘅名字，等咗大約10分鐘就可以入去啦😀必食扺食大份便當🍱有多款便當可以選擇，另外有刺身壽司等等。🌸黑松露帶子加州卷總共有四件，黑松露鋪敘表面🌸刺身牡丹蝦三隻，新鮮鮮味🌸吉列流心豬扒飯 配和風燒汁千層豬扒好脆身，可以點蜜糖芥末醬和奇妙沙律醬，大份抵食，叫左多飯，好飽😋🌸佐賀便當金目鯛魚腩有四件，有雞串，冷盤和三文魚壽司🍣金目鵰魚腩好淋，脂肪入口即溶，又不會太肥膩。#大圍#大圍美食#香港#hongkong#hkfood#hkfoodie#食好西#相機食先#手機食先#香港好去處#週末好去處#日式#串燒#定食#生薑燒#黑松露#刺身#晚餐#丼物

今晚攰攰地，唔係好想煮飯，於是去咗田心嗰邊搵吓有咩好食，呢一間日本餐廳之前已經見過幾次，今晚就一於試吓買外賣返去食🌟沖繩便當冇諗過呢個便當咁高質素，有刺身，炸物，仲有咖喱飯，一個價錢有晒咁多嘢食，一個大人一定夠飽，咖喱飯勁香勁多汁，好好食！炸物就係吉列芝士流心豬扒，豬扒份量好大，仲要有滿滿嘅芝士！超開心🥰🥰🌟迷你三色丼拼迷你鰻魚飯呢個份量一啲都唔迷你😆每一塊刺身都好厚，而且刺身好鮮甜，有海膽，三文魚同油甘魚，海膽唔會腥，最要讚既係油甘魚，味道鮮甜好好食，仲有一陣好香嘅魚油味👍🏻👍🏻另外迷你鰻魚飯，鰻魚好大塊，而且都好厚，肉質有咬口，夠晒彈牙同好食👍🏻有少少意唔到咁正！另外，當飯仲配有一客三文魚味噌湯，仲有好多三文魚肉喺入邊㗎！呢個價錢來講，性價比真係好高👍🏻睇嚟遲啲又要借啲意唔煮飯買下外賣先😆