豬屋日本料理

營業中

休息中

穿過大圍田心村就會見到豬屋，嚟到一定要食便當，勁大份，每款都好好食！今次嗌咗薩摩便當，當中包括咗鹽燒安格斯封門柳、七味燒豬頸肉、蟹籽加州卷、味付螺肉，飯仲可以揀燒汁/咖哩汁，今次揀咗超好食嘅燒汁飯！牛扒燒到5成熟，中間保留咗牛肉嘅肉汁，面就有層熟嘅鹽燒味包住，第一啖首先係鹽燒味，之後就會食到啲肉汁味。燒豬頸肉好有驚喜，3塊都好大塊，燒得好惹味，少少嘅肥肉特顯咗豬嘅奶臊味，餸飯一流！當然唔少得燒汁飯，好開胃，燒汁配牛扒一流！另外仲嗌咗個蟹味噌甲羅燒拉麵。一見到甲羅燒就諗起大阪磯丸！豬屋甲羅燒嘅蟹味好濃郁，我偏好留起成個最後食！另外仲配有一兜仔蟹籽，好少見可以成兜食嘅蟹籽，係一個好好嘅體驗！另外仲有個多春魚小食，每條都有好多春，直頭連骨食都仲得！

今日喺大圍站附近工作朋友推介這一家賣日式便當的餐廳，就買個外賣返公司食門口見到便當款式非常多,都真係揀咗好耐先揀得到最後我自己揀咗一個沖繩便當轉烏冬同事就揀咗一個宮崎便當配咖哩飯等外賣嘅時候坐咗喺入面等，見到裏面嘅裝修都非常有特色我自己揀咗這一個沖繩便當因為一見到有 刺身三種、 吉字千層芝心豬扒、 金菇牛肉卷好厲害，竟然有一個便當係全部嘢都鍾意食刺身三種，覺得三文魚、蝦甜、帶子都新鮮吉列千層芝心豬扒啖啖肉同埋芝士， 吉列炸漿夠脆，滿滿邪惡但係好好食因為我自己唔係好想食飯就加13蚊轉烏冬我係食完實在覺得份量係太多食完再繼續工作覺得完全係大滿足同事就揀咗這個宮崎便當大大份照燒雞扒， 食咗同事一件雞扒厚肉，燒汁帶甜味，令到雞扒很惹味鹽燒雞肉大葱， 又淋滑又濃味底有兩件燒過嘅翠玉瓜 咖哩飯個略覺咖哩汁唔係好夠，不過食到尾可以撈啲配埋照燒雞肉食又覺得好正覺得這一家便當非常有特色下次再經過可以再食其他便當

近日，我去了大圍一家日本餐廳。餐廳不僅裝修獨特，而且食物美味，所以想推介給大家。=======環境=======餐廳的裝修以木系為主，很有格調。牆上掛滿了很多日本風的擺設。整體裝修風格簡約，讓人感到很舒適。=======食物=======🔶枝豆 $32在這家餐廳，食物的種類多樣，讓人眼花繚亂。首先，我點了一份枝豆作為開胃小點。枝豆很新鮮，清新而美味。🔶 和風黑椒牛舌粒拉麵$75和風黑椒牛舌粒拉麵的色香味美，令人回味無窮。嫩滑的牛舌粒搭配著特製的和風黑椒醬汁，入口鮮嫩多汁，牛舌的獨特風味與黑椒的香辣相得益彰。🔶 秋田便當 $94便當中包括咖哩飯、炸雞扒、牛肉和刺身（帶子、三文魚、頭甜蝦）。咖哩飯香氣四溢，咬上一口，米飯融合了咖哩的香辣味道。炸雞扒外酥內嫩，口感極佳。牛肉經過適度的烹調，入口即化，散發出濃郁的肉香。而新鮮的刺身更是為整個便當增添了一絲清爽的口感。=======總結=======埋單共$201。總的來說，這家餐廳不僅環境舒適，而且食物的味道也非常出眾，很值得再光顧。

奈良便當$78 便當有日式炸嫩雞、流心芝士漢堡扒、牛肉薯餅。餐廳可以比你揀轉咖哩飯做其他飯，有燒汁飯呀、豬骨拉麵呀、烏冬呀咁樣。炸雞件唔錯，唔會太油，而且都大舊。本身鐘意食芝士漢堡扒，咬落去之後入面啲芝士仲可以拉絲添！牛肉薯餅個皮炸得夠脆，都大份量。鹿屋便當$92依個便當有好多唔同種類嘅小食。有鹽燒鯖花魚，七味燒豬頸肉,刺身三種（三文魚2件，帶子2件，有頭甜蝦1隻)同埋味付螺肉。鯖花魚燒完之後有加多層蜜汁上去，食落去甜甜地好送飯。燒豬頸肉火候掌握得好好，個皮有燒焦小小，食落去有陣炭火味。三種刺身都好吸引，同埋份量都好多。咖哩飯嘅咖哩係日式咖哩，甜甜地，小朋友都食得。

三式迷你丼 $118我迷你當有兩款飯，一款係鰻魚飯，另一款係刺身丼，仲有一個三文魚麵豉湯，啱晒選擇困難症嘅人，抵食之餘，仲有唔少嘅選擇。😆鰻魚飯上面嘅鰻魚肉質比較厚實，飯用珍珠米，配埋鰻魚汁食，味道唔錯。油甘魚同三文魚嘅刺身丼屋有刺身兩片，油金魚味濃，但食第一啖已經有未清理好嘅鱗片🥲🥲不過之後都食唔到有鱗片。三文魚麵豉湯有一小塊三文魚，仲有幾片昆布，我麵豉湯味道適中，唔會太鹹，亦唔會因為用咗三文魚易有魚腥味。

大圍除咗火車站附近嘅食肆其實行遠少少去田心村附近其實都有好多選擇～今次試吓呢間食日式料理嘅你間舖頭望落似家庭式經營 但係Menu都有唔少選擇價錢又幾相宜 平日仲有學生優惠～～⭐️十和田便當 $88便當都幾豐富 有黑椒照燒雞件、燒菠蘿、蒲燒鯛魚腩、螺肉、咖喱飯個人覺得個薄燒鯛魚腩最出色！🐟有啲似鰻魚汁嘅味道 但係口感更加好😋配上燒菠蘿都係幾特別嘅配搭 咖喱飯係比較辛口嘅日式咖喱🍛成個便當整體都好豐富 😆男仔食都會夠飽！⭐️ 北海角切雜錦魚生丼 $72呢個魚生丼有三文魚油甘魚 同埋其他螺類仲有啲蟹籽玉子青瓜～～🥒食落都口感都幾豐富！魚生都新鮮～😋飯嘅量都唔少，最後都食唔晒～⭐️ 特選燒物盛 $92四款串燒都幾出色😋😋有椒鹽燒珍寶牛、鹽燒雞肉大蔥串、鹽燒雞肉軟骨串另外嗰個冇記錯嘅話應該係雞肉～🙈份量好足之餘都好夠風味✨✨如果大家想食串燒都可以嚟呢度試吓～整體評分：⭐️⭐️⭐️⭐️家庭式日本餐廳 份量好足如果黎開呢一頭都可以試吓～

<快食>放工後不想煮飯，來到大圍一間<豬屋日式料理> 買便當，每盒平均$50-$110 就有交易，性價比高。沖繩便當吉列千層芝心豬扒1件＋汁燒金菇牛肉卷2件＋味付螺肉刺身三種（三文魚2件，帶子2件，有頭甜蝦1隻）日式汁燒牛肉飯 $59照燒雞扒飯（咖喱） $59首要是必叫咖喱飯，日式甜咖喱，醬汁比較厚身，內有好多薯仔紅蘿蔔，送飯一流。三款便當較有驚喜的是沖繩便當咖喱，尤其是吉列千層芝心豬扒，千層實是用多塊薄豚肉卷埋，內沾上芝士，再用吉列烹調，熱呼呼的，有驚喜。一盒便當有齊四款食物，滿足～三文魚手卷大大份既三文魚手卷，每一口也吃到肉質肥美三文魚，抵食福岡流心芝士漢堡扒（2件）手打的漢堡扒，肉質軟熟，最驚喜是芝士真的是流心，唔錯！

豬屋係大圍一間特色日本料理店，佢最特別嘅地方係內部裝修非常日式。佢嘅菜式豐富多樣，包括小食吉列蠔同主食蒲燒鰻魚咖喱飯配吉列蝦同青森便當。- 小食： - 吉列蠔：一道精緻嘅小食。蠔被烤至微熟，外層酥脆，內裡鮮嫩多汁。配以特製醬汁，增添了菜式嘅風味。吉列蠔味道鮮美，絕對係一個不容錯過既選擇。- 主食： - 蒲燒鰻魚咖喱飯配吉列蝦：呢個主食結合咗蒲燒鰻魚同咖喱飯，再配上吉列蝦。鰻魚經過蒲燒烤製，肉質鮮嫩多汁，滋味獨特。咖喱飯香氣四溢，配合鰻魚更加美味。吉列蝦外脆內嫩，提供了一種口感上嘅對比。這道菜式結合日本傳統蒲燒和咖喱風味，絕對能滿足你。 - 青森便當（入面包括咖喱飯，燒汁豬頸肉，豬軟骨，加州卷，味付螺肉）呢個便當給人一種豐盛感。咖喱飯香氣四溢，配合燒汁豬頸肉同豬軟骨，肉質鮮嫩多汁。加州卷提供了一種清新的口感，而味付螺肉作為前菜，增添了整個便當的豐富度。青森便當結合了不同嘅日本傳統風味，每一款都帶來不同的驚喜。豬屋以其內部裝修非常日式而聞名，帶給你一種身臨日本的感覺。佢嘅菜式非常精緻，提供了多種選擇。無論係吉列蠔、蒲燒鰻魚咖喱飯配吉列蝦定青森便當，你都可以品嚐到道地嘅日本美食。

去開大圍附近，上open rice search 下食咩好見到有間豬屋便當好吸引，餐牌好多選擇，今晚晚餐叫左沖繩便當同朝日便當2款外賣包裝得企理 外賣盒多格數 可以裝到不同的食物沖繩便當有主菜炸芝士豬扒、小食有螺肉、附送刺身有三文魚、帶子、螺肉，刺身新鮮，金菇牛肉卷牛味香，炸芝士豬扒同咖哩飯好夾，份量充足好食 另一個朝日便當有燒比目魚、燒元貝同燒菠蘿 個飯個汁可以選咖喱同燒汁，揀左燒汁，燒比目魚肉魚脂香滑、燒元貝就正常發揮，燒菠蘿香甜，好滿足的一餐，一定會再幫襯🥰

今時今日咁嘅服務態度仲可以開舖？事原因為我同朋友遲咗,所以叫另一班朋友幫我哋囉位,但是這班朋友忘記了,所以沒有幫到我們囉位,而當時我們還不知他們忘記了,所以第一時間就進店了,結果被女職員不耐煩地把我們踢走,態度十分惡劣,說:「你哋未囉飛喎」當時我哋不知發生甚麼,事出突然,而且我承認是我和朋友溝通出現問題才導致事情發生,但是明明女職員可以禮貌咁請我哋走,但是非要用咁嘅態度,「請通呢？出去等啦！」眼神充滿不屑呵而且間店食物一般,紙包飲品味道奇怪千萬唔好去呢問店

今次去到新界既大圍探朋友，一場黎到就梗係食飯埋飯先番屋企，我地想食日本野就揀左呢間餐廳，我地就揀左食海鮮刺身丼😋其中一碗係北海角切雜錦魚生丼（$72），呢個飯感覺係蟹籽沙律+三文魚既飯，不過就唔係沙律醬撈，係wasabi+豉油食，味道都好既，夾埋d沙律幾fresh既感覺😃另一碗我就叫左赤身三色丼（$118），刺身佢比左每樣三片，食落感覺普通，新鮮程度都係中等，係屬正常程度既一碗刺身飯，兩個餐都送一碗味噌湯，都ok👌🏻呢間餐廳我感覺就係中等水平，唔算差，諗唔到食乜又經開不妨一試😗

呢間餐廳由大圍地鐵站行過去都要啲時間唔算好就腳 餐廳都唔係算好大好多位有好多唔同日式便當同埋套餐選擇 要加一佐賀便當 ($88)有蒲燒金鯛魚腩、炭燒雞肉串兩件、三文魚壽司兩件、螺肉前菜主食就係咖喱飯🍛 成個便當都好豐富鯛魚腩食落入口即溶 好似鰻魚咁雞肉串壽司同埋螺肉都好似平時放題嗰啲咁味道正正常常 咖喱飯係日式咖喱唔辣好夠汁可以撈晒成個飯👍🏼 食晒都好飽滋味雞翼套餐 ($98)紫心香芋丸兩粒、三文魚味噌湯、三文魚壽司兩件、烤雞翼同埋炸雞翼各兩件主菜就係豬骨湯拉麵🍜呢個套餐都係以小食為主 亦都係好豐富所有嘢都係正正常常中規中矩唔會話特別好好好好食 但係就可以食到好飽同時間亦都可以食都唔同嘅嘢😋啱晒啲選擇困難 但有咩都想食嘅人🤪

趁日本仲未倒核廢水, 當然要趁而家快D食多D刺身今日黎到大圍, 試下朋友介紹既呢間平民日本料理, 距離大圍站唔太遠, 不過都要行一段仔路過黎行到過黎, 果然好食既餐廳都係要排隊既, 門口唔算好多人, 但都要等一陣餐廳牆上面貼滿左我最鐘意既海賊王, 仲有唔同日本既站名, 背景音樂仲係日文歌, 好似去左日本個D居酒屋咁餐廳就用QR code落單, 一個便當或者套餐都係100蚊左右, 唔算太貴,另外, 仲好其他壽司, 炸物,  丼飯等等叫我地叫左個至尊惹味套餐, 盛惠108, 佢上個陣唔係一次過上, 當佢上下一碟上下一碟個陣, 我地先發覺呢個餐真係好抵食, 好豐富好多野食首先前菜有蟹子沙律, 三文魚味噌湯同埋三文魚/北寄貝刺身刺身好新鮮, 味噌湯唔係普通既湯, 入面竟然仲有三文魚肉! 真係有驚喜之後上既係碳燒雞肉同埋燒鯖魚, 雞肉燒得岩岩好, 外皮少少微焦, 入面肉質嫩滑多汁燒鯖魚就鮮甜又帶有燒烤風味, 冇咩骨, 好食之後上既係流心芝士漢堡扒, 呢個一定要趁熱食, 仲可以拉絲, 加埋漢堡扒本身既肉汁，一啖食落去真係好enjoy呢個套餐主食係咖哩飯, 佢有我揀汁另上, 咖哩係日式咖哩, 甜甜地

以前一直有幫襯開， 覺得佢價錢親民味道都唔錯。 搬咗屋之後今日再返嚟幫襯，換左d人， 餐單都唔同咗價錢亦都貴咗買左個外賣丼飯， 等咗十幾分鐘蒜香比目魚扒丼飯 $69有一個咖哩飯，一塊比目魚扒，幾粒螺肉同埋麵豉湯舊魚又細又散， 69蚊一個午餐冇諗過舊魚咁細，仲要煎到又散又咸，超級失望另上嘅咖喱汁， 以前都會有啲蘿蔔呀洋蔥果d, 而家乜都冇或者得d碎到冇口咸嘅紅蘿蔔可能晚餐會抵啲或者食返吉列豬扒果d大路野會好d, 但今次總結一句就係極度失望以後唔會再幫襯

大圍火車站最近落成左個新商場圍方聽講假期前往會人山人海今日放工我過去人流的確比較少但每間餐廳等位既人潮非常多大約每間等十至二十張檯所以我沿著行人天橋去到最就近的田心村大約5至8分鐘路程黎到雲疊花園，有停車位同幾間餐廳今晚我揀左豬屋聽住大圍既朋友講呢間餐廳好食又平黎到餐廳門口果然受歡迎因為坐滿晒人係門口等第2張檯就有位非常快餐廳裝修好有日式家庭居酒屋風格有好多可愛的動漫卡通牆壁上貼左日本的鐵路站名可以一路食飯一路回憶自己去左邊個地方餐廳用QR code有拉麵，以豬，雞，海鮮做主題便當以地方名做主題今晚我叫左秋田便當$89，吉列拉麵餐$85，札幌啤酒$28先黎啤酒日本具代表性的啤酒札幌啤酒餐廳把飲酒既杯都預先冰凍飲落淡口，沒有苦味，色澤比較清非常易入口😋秋田便當炸雞扒炸粉薄，非常脆螺肉非常大粒豬軟骨非常淋夠晒味咖喱飯甜甜既咖哩好好味😋跟三點式刺身帶子，三文魚，甜蝦新鮮😋吉列拉麵有二隻炸廣島蠔，炸粉薄，蠔味濃，大粒😋有炸蝦，唔油，炸到岩岩熟😋忌廉蟹肉薯餅，脆卜卜，餡料好creamy 😋拉麵我選擇了豬骨湯有海帶，粟米麵質彈牙呢兩個餐非常抵食$85-89已經包埋刺身，炸物而且整得又好食😋