貓咪雞蛋仔

營業中

休息中

隱世一人雞蛋仔小店—-—-—-—-—-—-—-經過見老闆娘一腳踢，做到冇停手，咁多人食一定唔差啦。睇睇餐牌發覺好多選擇，對於選擇困難症的我有點濕滯，樣樣都想試🤤雞蛋仔口味有鹹有甜，仲可以加錢+雪糕球，變成靚靚打卡甜品。不過我唔食冰嘢，最後揀咗新口味朱古力橙餅雞蛋仔，因為唔係度度有啦，同埋我由細就鍾意食橙餅。雞蛋仔價錢相宜，外脆內軟，即叫即做，好食過出面啲貴貴名牌雞蛋仔，值得我專程過嚟食。下次要試金莎味格仔餅，鹹蛋黃雞蛋仔，抹茶鮮奶😋

我一直覺得格仔餅要外脆內軟先算好食，直到食到呢間嘅格仔餅，令我對呢種香港小吃有新嘅體驗。係food court食完飯見到有好多人都買呢間嘅雞蛋仔就好奇去望下，我本人好鍾意食格仔餅，見到呢間有得買就去買件原味試下，原本唔抱有咩期望點知一食之下好有驚喜，一口咬落去格仔餅軟軟糯糯好有咬口，花生醬同牛油比例好好而且味道都好好食（後來發現原來佢地係用頂好牌粗粒花生醬，雖然味道未係最好，但起碼睇得出店住用心），整體嚟講如果有10分我會俾佢有8分，而且令我對格仔餅要外脆內軟先至好食完全改觀。仲有最最最重要一點係佢超級抵食，格仔餅只買$16，呢個價錢絕對係性價比，希望呢間舖頭能夠用心一直經營落去，店主加油!!!

細細個就已經鍾意食雞蛋仔同格仔餅，行過商場見到有新店開，即刻試下。試食就梗係試佢既原味雞蛋仔，好！落單即做，等左一陣就有得食。一伶上手望到立立令，顏色好靚，feel到好實淨。食落去無令我失望，外層勁脆，入面鬆鬆地，口感一流!蛋味都幾濃，唔會好甜。整體拍得住其他知名雞蛋仔。而原味既價錢唔貴，性價比幾高。見到有伯爵茶、抹茶…其他味道，下次會試吓佢其他味先!同期見到隔離有人買左格仔餅，個樣都好吸引🤩，做下午茶一流！