貓啡尾食

營業中

休息中

新開嘅貓貓cafe, 第一眼就比裡面可愛嘅貓咪吸引住。佢哋活潑好玩，可以同佢哋互動！唔止有貓咪，仲有多款美食選擇。我哋試咗意粉同三文治，好味！意粉煮得剛好彈牙，醬汁濃郁香口，加上新鮮嘅配料，令味道更加豐富。三文治有好多款式，我哋揀咗泡菜豬肉三文治，肉質嫩滑多汁，加埋脆口嘅麵包，一口咬落去，好滿足！咖啡都好出色。飲咗杯濃郁香醇嘅咖啡，精神一振。貓啡尾食，冇改錯名！最特別係有幾隻貓成隻狗咁，會擔啲玩具嚟要求你同佢玩😂

百無聊賴，就去有美食金字塔之稱的駱駝漆大廈行下，見到有間幾光猛，裝修唔錯既貓cafa ，本身無去呢類型既cafa 坐過，抱住試下無壞既心情入去坐下，貓貓行來行去睇到佢地懶洋洋咁心情都幾放鬆，叫左個意粉同一杯芒果沙冰，沙冰足料用新鮮芒果打，意粉味道勁好味，食落有心之作有驚喜，食到一半有貓過黎貼住我搵我玩，全程心情舒暢，如果想休閑咁過下時間，我勁推介呢間貓啡尾食。（ps.場內有兩台大形空氣清新機，睇得出都唔便宜，老細有心對客人好，減少寵物味）

愛貓嘅我一直好鐘意去貓cafe, 可惜冇吸貓體質，啲貓好少show我🤣今次搵左喺觀塘駱駝漆新開嘅貓cafe - 貓啡尾食🐈，點知真係大為驚喜！餐廳日式裝修俾人感覺好舒服，亦借提供唔同玩具俾你同貓貓互動😍嘢食方面有提供輕食、主食同飲品，我地叫左牛角碎蛋包$42、牛油果蝦肉流心蛋三文治$62、薯條$38 🍟 食物質素整體幾好，驚喜係牛角包🥐烤得好酥脆，好好食😋主角當然係貓貓🐱隻隻都好痴人❤️又好有精力同你玩😻滿足晒愛貓人士想親近貓貓嘅慾望🥰 主子們每個都會雨露均霑，每個人都有機會同佢地玩，好幸福啊🥹🫶🏻餐廳亦仲有賣竉物食品，有啲貓貓更可領養🫶🏻食嘢仲要冇加一🤩咁有愛心一定要去支持下❤️

#蒸魚腩爸媽觀塘好介紹 【💖觀塘貓咪咖啡店🐈🐈‍⬛🐱被貓包圍一邊嘆美食🥐🍝☕️】💖☕️Catfeine 貓啡尾食🐱🐈🍝📍 觀塘開源道60號駱駝漆大廈第三座11樓E室我地屋企無養寵物，但又好想親親小貓咪🐱😘今日帶左婧妤婧楠一齊黎左觀塘駱駝漆大廈嘅🍝😋💖Catfeine 貓啡尾食☕️婧妤婧楠第一次黎貓Cafe，佢地好興奮好開心🤗🥰角落架上仲有唔同嘅逗貓棒、玩具、波波，可以同唔同種類貓貓互動🤭玩餐飽！而且每隻都好可愛同趣緻😍最開心係可以一邊被貓貓們包圍住一邊玩🤭😍又可以無顧忌咁享受美食🤤😋滿足哂一班嘅寵貓迷🥰好治癒👍🏻💖💖💖💖餐廳有唔少輕食、主食同埋飲品可供選擇🙌🏻💠芝士肉醬意粉🍝🧀份量好足夠😍👍🏻蕃茄味重🍅嘅足料肉醬，加埋芝士🧀熱辣辣，好味🤤💖💠牛角碎蛋包🥚🥐🩷推介🩷雖然睇落好似簡簡單單，但係真係有驚喜😍🥰暖暖嘅牛角包外皮香脆內軟，配埋特製嘅碎蛋沙律，好fresh😋非常美味🥰🥰👍🏻👍🏻正！💠金桔雪梨百香果茶☕️啖啖清香，夾雜左少少酸酸甜甜，好醒神開胃🤗😍🍴餐廳佈置簡約，以和風為主調，餐廳入面有榻榻米座位，坐得舒服🤗👍🏻環境休閑舒適💖店員服務態度好好，服務態度親切😊抵讚👍🏻一定會再黎幫襯

話說平日同姊妹係駱駝漆搵野食，路過見到一間新開既貓cafe，裏面環境好乾淨同舒服，以木系風格裝修，於是入去試吓。入面貓貓數目不算好多，但貓貓好肯同人玩，又比人摸同抱。最喜歡叫豆花的那隻貓，聽說是店長。食物方面，份量充足，女仔黎講應該夠飽。叫左個卡邦尼同牛角包，牛角包焗得好脆，卡邦尼個鹹肉味如果可以再出d就更加好。而家新張期間飲品仲有優惠，賣單百多元又有貓玩，又無限時，真係性價比一流，一定會再來及介紹朋友！

去觀塘駱駝漆食晏，今日試咗間貓貓cafe，地方四正乾淨，食物唔錯，🐈‍⬛貓貓好乖會不其然喺身邊行過，佢地都好乾淨無異味。order左芝士肉醬意粉同埋Cappuccino. 食物都唔錯。平日想放空一下，假日帶小朋友去玩下食下都係唔錯既選擇。

話說洋洋成日都想養小動物，於是今次帶佢嚟觀塘呢間貓Cafe感受吓🐈🐈‍⬛洋洋第一次接觸咁多貓貓🐱首先，我教佢唔好扯貓貓，唔可以蝦小動物，見住洋洋由最初畏首畏尾，到之後同貓貓玩玩具🪀摸貓貓，扮貓一舉一動甚至乎想抱佢哋，好有愛🥰而媽媽我主要喺旁邊休息，食食飲飲😂見呢排有萬聖節🎃限定Menu 我叫咗杯有幾粒眼球喺入面嘅 西柚梳打🥤+奶油松露雜菌意粉。以為cafe嘢食會細細份唔夠食☕️🍰點知份量好大，我同洋洋分食都夠飽而且環境乾淨明亮，有獨立廁所🚽🚾現場仲有貓貓可以接受領養！有得玩貓貓，有得食有得飲，又可以教導洋洋更有愛心更懂得照顧💗下次帶埋細佬去玩先👶🏻🐈‍⬛Catfeine 貓啡尾食🐈📍觀塘駱駝漆大廈三座11樓E室

話說觀塘學完野，決定喺駱駝漆嗰邊搵好嘢食，唔打唔撞發現呢間新開嘅貓貓Cafe😻店面日系簡約設計，一半座位係榻榻米，活動空間比較寬敞，同貓貓玩果時都唔怕阻到其他人。店員姐姐仲好好同佢介紹唔同嘅「貓店員」，隻隻貓貓都好貪玩，勁鍾意痴人🥰🥰🥰多數貓Cafe主打係貓貓，食物款式唔多加上質素麻麻，不過呢度除咗意粉，仲有不同款嘅牛角包、法包、三文治，怕食太飽又有小食同甜品揀😋仲好好食添！價錢亦無make up，屬於正常。而家新張期內，每人最低消費只要一杯嘢飲就可以入去同貓貓玩同嘆下。另外，店入面仲有埋仲有賣可以買到凍乾糧、風乾糧、生肉糧唔同嘅寵物用品

偶然之下去了這間貓Cafe，可能是新開的未有很多人的關係，所以可以寧靜的享受一頓午餐。內裡環境顏色令人很舒服，而且感覺很乾淨整潔，沒有入場費及無時間限制。店員如家人般很親切，臉上充滿笑容。而食物份量多亦美味，而午餐意粉連飲品消費只需70多。主角的貓咪們都很萌很可愛也很黏人，會於店內穿梭玩耍跟主動跳上枱交流。而店內亦有貓貓食物及用品可選購。一個午飯的時間很愉快地渡過，是一個放空紓壓的治癒好地方！會再次到訪這間舒服的貓貓小店呢！

話說每星期小朋友都係學興趣班之後附近行吓， 本來諗住買杯外賣咖啡，最後比d 貓吸引左入去坐一陣，睇完個menu，今日最後食少少野。咖啡還可以，但個意粉有驚喜， 特別係個卡邦尼意粉，同埋芒果沙冰。 佢地重有其他主食同小食，不過個胃有限， 只可以下次再光臨環境無平時既貓cafe 禁擠逼， 坐得好舒服， D貓又肯玩，買少少零食就可以幫手餵貓， 可以感受一下做貓奴既感覺。 店長又會介紹唔同貓既性格，黎緊重會有多少少貓喵進場。埋單個陣， 重有飲品優惠🫠

今日咁啱同朋友喺觀塘搵嘢食去咗駱駝漆嗰邊，諗住由最高11樓開始睇吓有咩食點知見到呢間新開嘅貓Cafe即刻俾佢入邊啲貓貓吸引咗😍再睇埋佢個Menu都好吸引，所以決定試試👍🏻入到去環境好好好舒服😃仲有位可以坐榻榻米朋友嗌咗杯牛油果奶昔，我就嗌咗一杯熱情果吉仔梳打，牛油果奶昔甜到剛好好好飲🤤估唔到牛油果做奶昔咁好飲😍熱情果吉仔梳打好Fresh , 佢仲要係成枝泰象梳打俾你，抵👍🏻嗌咗兩款主食意粉，兩個都真心好食，奶油黑松露雜菇 ，好香有黑松露味卡邦尼意粉，佢哋係傳統卡邦尼，煙肉同芝士味都好夠最後唔夠再嗌多咗個甜厚多士，個多士脆仲有蛋香👍🏻👍🏻👍🏻店員仲會出嚟傾你傾偈 好nice 地方好好坐嘢又好食 真心推介