貓店街 (已結業)

今日同朋友諗住試吓呢間貓cafe佢無入場費收最低消費 計番其實同人地收場錢包杯野飲差唔多 所以都可以接受個場有7隻貓貓係到 d貓貓好可愛 仲肥嘟嘟添同佢地玩要好有耐性 因為佢地真係唔太郁 不過都養開貓預左個場好簡單 不過好乾淨無味最suprise既竟然有兩隻廣告貓係到 其中一隻仲有上電視添 好叻仔一心黎同貓玩所以野飲野食就唔多講 中規中矩話限坐個半鐘不過夠鐘都無叫我地走 下次可以再黎探貓貓

千祈唔好去。琴日去左嗰度食，叫左杯薑茶飲。咁樣就78蚊，仲要係茶包。78蚊一個茶包，中環都唔駛咁貴。飲品質素又差，邊個會想再去？間餐廳啲質素好心就改善下，咁落去係人都唔去。服務態度又唔係好，仲要啲貓又唔多郁，依啲咁嘅貓貓cafe真係唔值得去。除左啲貓嗰樣幾可愛之外，我真係諗唔到理由值得大家去。你地見到依間cafe負評咁多，就知依間野有幾伏。我都後悔介紹左frd黎依度，絕對無下次。大家睇完依篇食評之後，想去嘅真係要諗多幾次。

係呢間貓café有好開心既體驗, 我會話呢間café係適合真正愛錫貓貓既人。首先, 店主、店員好主動同我介紹每隻貓貓, 又主動教我抱貓貓, 等你同貓仔有多d交流。另外, 店內環境好乾淨, 亦有充足空間比店內大約十隻貓仔, 而貓仔都好健康好精神, 仲隻隻肥嘟嘟, 所以睇得出店主好錫d貓貓。我都有去過香港唔少既貓café, 好少有café令我覺得d貓仔住得開心, 提供一個好既環境比貓仔, 所以呢間都令我好滿意。另外, 雖然呢間cafe定價比較貴, 但係我覺得可以避免一d唔錫貓, 成日追貓、強行挽貓仔既果一類客人。畢竟貓仔都只係動物、有時被迫做公關都真係好慘, 想休息又唔得。不過呢間d 貓仔就可以做番自己, 我覺得咁樣對d貓仔好d!同時, 呢間cafe只係提供小食同埋飲品, 雖然係有d唔方便, 不過如果大家真心鐘意貓貓, 就為佢地諗多d, 萬一佢唔小心食左人類既食物,可能會病! 香港好多貓café都有提供主食, 而我亦見過唔少貓仔真係偷偷地食左人類既食物, 所以真係好危險! 希望大家都為貓仔諗多d啦! 整體黎講, 店主、店員d態度都好好, 又好錫貓仔, 如果大家真係錫貓貓, 希望大家小心d揀

如果只睇評分，的確會對呢間cafe有啲卻步，但誤打誤撞之下來到，見地方都企理冇異味，即管抱住一試心態。先講貓貓，隻隻都養到肥肥白白，雖然唔算好痴人，但都友善，會俾你摸。食物方面，榛子咖啡和蘑菇批都唔錯。價錢會比你普通食個tea貴，因為嚟得貓cafe，都預咗你坐番個幾鐘，就算只提供輕食，亦唔可能只收你幾廿蚊。加上呢度地方細，容納倒嘅客人唔多，收費稍高亦情有可原。最後講吓店員，佢先同我介紹啲貓貓嘅品種、名字同性格，傾吓養貓心得，後來仲俾咗啲乾糧我哋親手餵貓貓。唔敢講話替佢平反，但見有啲網友嘅批評頗為狠辣，多少有點戥佢不值。

今晚同好朋友睇完戲諗住食晚餐，突然間我想食得特別啲既，所以就諗住同佢去貓Cafe食野，鬼叫大家都係貓奴咩😂但又唔知去邊間好？我就上網求其搵間試下，以前我去開果啲貓Cafe都係輕食多，但係佢呢度又輕得太緊要喇！但係價錢真係一啲都唔輕😅兩個人，點左一杯龍眼蜜，一杯荔枝乳酪沙冰，兩件超迷你芝士蛋糕，一件薄餅，埋單$330，當然人地明碼實價講明幾多錢，我可以唔幫襯，我只係真心覺得定價太貴，唔值呢個價，芝士蛋糕仲細件過麥當勞果啲，薄餅又焗到好硬，唯獨是飲品幾好飲，同埋店內小妹妹好好招呼，有問必答！可惜場內7-8隻貓，只有一隻可以抱上手影相，一隻係懶到唔郁瞓教，我地先可以痴埋去合照，總總原因，但都好難令我再回頭幫襯，真係一次過Hi &Bye

We were looking for a cozy place to spend our afternoon, hubby had to work on paper 📝 so we decided to go to see these lovely cats! We ordered Jazmin Tea and 2 drinks: one of Green Apple Yogurt and the other was Strawberry Yogurt. For food we had a Lemon Pie and a Potato Mushroom. Athmosphere is really warm and cozy, cats are friendly and cute! It was so relaxing I fall asleep on the sofa and we spent there around 2 hours and a half. Lovely experience!

這幾天都有點累。。。因此都沒有發文章不過還是想分享一下我去了貓貓cafe，的可爱貓貓照超可愛吖！大爺甘既樣。。好型吖這一隻真的很上鏡！這一隻我超喜歡！  我發現我也只有和黑貓合照，是不是有點過份！ 雞蛋仔，為什麼你一直睡。。。就一直睡，都不理我！ 花花個呆樣真的很可愛！ 這裡環境很清潔，看起來店主十分痛愛貓咪，不過這裡只有甜品同飲品！要是有熱食更好！ps 我這年才知道一般的貓是不會衝擊人類。。。看來我朋友的家貓不正常！

情人節前一日出街食飯會抵D,所以約左朋友出去食野我地去完睇戲再食飯,睇戲果陣食左D野,所以唔駛搵間食咁飽既餐廳食最後我地去左貓店街上到黎見到好多貓,原來依度真係一間貓CAFE不過可能因為咁,食物質素唔太注重我地4個人叫左一個芝士強糕,賣相唔錯但食落味道麻麻,芝士味唔夠,餅底唔夠香而且入面都幾膩下朱古力強糕都係,朱古力味唔夠香,食落CREAM多蛋糕小咖啡有小小酸,因為唔係用靚既咖啡豆唯一可讚係D貓真係幾靚,食物真係唔得

早2日同朋友出旺角行街,去左睇眼鏡,大家每人買到一副新眼鏡即刻搵間餐廳坐低飲杯野同自拍下啦我地去左貓店街,一間貓貓CAFE上到去唔算太多人,好快可以坐低飲左杯朱古力雪糕特飲,個雪糕味道好怪,好似朱古力溝左其他味道而且杯野好多冰,好快溝到淡曬,變相杯野其實好細杯其實成本都唔係太貴,唔駛落咁多冰掛花茶外型唔錯,但無乜茶香味,剩係得澀味味道麻麻地,依家樓上CAFE D花茶正常都做得唔錯,可以有改善空間而且無得加熱水都係一個問題,好多地方都可以自由加熱水地方環境唔錯,係飲品麻麻,希望可以改善下

前排同朋友去旺角行街,行完潮流特區之後有D肚餓,去左掃街不過食完D咸野,覺得個口好咸,想食返D甜品,跟住我地就周圍搵下有無樓上CAFE食甜品,飲杯野行到西洋菜街,見到附近有間貓CAFE廣告,就上去望下上到去見間鋪頭細細間,都幾骨緻,就坐低左叫左個檸檬撻,個樣唔錯,不過食落麻麻地個撻唔夠脆,口感麻麻檸檬味道好酸,檸檬份量太多啦而且落好多糖,好甜紅莓泡芙撻個樣就好靚,但好多CREAM,好肥紅莓又係好酸,唔夠新鮮批底算係有D咬口,唔算太差不過又係好甜,真係要改善依個問題

早幾日同朋友去食但食物飲品選擇係極少最低消費要$38定唔記得$48但我就覺得唔係太值雖然都預左貓Cafe唔會好多野食揀但都無諗過會少得咁誇張貓咪都幾乖, 全部都比人摸雖然多數係訓教, 不過貓係咁所以無辦法但個店員就太嘈地方都已經唔係大講野仲要超級大聲完全係破壞氣氛有時想離開個座位去睇下d貓又比個店員話塞住條路睇得出店員幾錫d貓但就對客人無乜禮貌想靜靜地享受下同貓咪相處既時光佢又好大聲咁講野其實都幾騷擾如果再揀去貓Cafe未必會去番呢間唔係話我唔體諒小本經營辛苦但有好多位可以再做好d而且有好多其他貓Cafe安排得好好多所以要揀唔會再去

今日星期五終於完sem!所以同男朋友去咗旺角行街，想揾嘢食個陣突然諗起旺角有好多貓cafe，記得之前見過呢間就衝咗上去睇。一上去就見到啲貓訓緊覺有6隻，3隻放咗出嚟。但原來呢到得飲品同蛋糕，最尾依然肚餓，但同貓貓都玩得好開心

發現一間傾計好地方，一間以貓為主的地方，愈坐愈驚喜。一開始看openrice感覺好似冇咁好，但朋友揀就冇多說，book了1800,上到去地方不大，簡單裝修，但有舒適的感覺，上到去店員會介紹貓貓之後會介紹餐牌，餐牌方面會有係輕食為主，甜品和三文治，店推薦豆腐花就點了，係特式飲品，味道不錯丫傾到一半，有朋友肚仔餓，問有冇其他主食，原來係有得叫外賣上黎，只係收每人十蚊清潔費，我地就叫左外賣，我地食完個晚餐就一定要個飯後甜品，最後我地就飲品可以加35就有一個法式甜品。但個甜品冇影相限時1.5hr 最低消費68 ，但我地琴日就一定坐左唔止1.5hr,因為唔係人多，佢地會好好，比我地繼續坐，其實係唔係貓cafe為主，尼到真係一間不錯既cafe，店員好，飲品不錯，地方唔差，價錢平，如果唔知去邊到hea下，尼到係不錯既選擇另外，有game玩咖

睇之前食評講以為呢間好好,但BOOK左位又話冇,之後態度又唔好,唔只係講侍應,而係貓, 根本唔理人幾十蚊份三文治料又少又冇味,又柴皮又盛咁,所以真係忍唔住上黎講講

自己喺一個貓奴，有日發貓癲，就上Openrice睇下有邊間值得去嘅貓cafe，就俾我見到貓店街，click咗入去見到啲貓好得意，就決定約埋屋企人去。第一次行入去，覺得間cafe細細哋，幾cozy，雖然唔算好靚，但喺勝在簡單，乾淨。之後見到啲貓，已經覺得個個可愛到爆。坐低後，啲staff好主動走過嚟，見我哋第一次嚟，仲逐一介紹每一隻貓貓俾我哋識，好窩心。之後，就喺cafe裡面玩咗成四個幾鐘。所有貓店街嘅貓貓各有特色，有啲喺咁訓，好懶，有啲就一醒周圍行，有啲霸氣啲，好似皇帝出巡咁，全部都唔怕生！有隻叫豆腐花嘅貓貓仲四角朝天攤喺度訓，勁得意！睇嚟啲貓仔相當滿意自己嘅小天地，亦睇得出店裡面嘅staff喺愛貓之人，亦不時同我哋傾計。總括嚟講，我好滿意呢間cafe，亦好想再去探啲貓貓！值得推薦！