貓粉 (已結業)

去西貢除咗上船出海，其實仲有好多地方值得探索。位於普通到54號嘅貓貓Cafe，店內裝修轉為粉紅色，啱晒女仔或冧女人仕。☺️地面層係餐廳area，食完消毒清潔好就可以上樓梯到閣樓玩貓貓。食食下抬頭就會不時見到可愛🐈身影，好似叫你快啲食完上去搵佢地玩！店員推介粉紅汁意粉。味道非常濃郁，以紅菜頭打汁，睇得出係非常用心經營嘅小店。煙肉芝士熱狗。店員哥哥知道我唔食火腿，就貼心提議我可以試吓煙肉，效果也不錯！非常人性化嘅服務態度（雖然我都覺得有啲唔好意思哈哈）銀影貓媽媽生左好多貓BB，全部都已經戒奶（仲有一兩隻間唔中會哄埋媽媽度「按摩」扭計）原本全部懶洋洋瞓覺，但見到我哋同佢玩貓棒就個個醒神晒！上圖左邊呢隻就叫鬥雞，因為佢有鬥雞眼哈哈好可愛！店員非常有禮貌同耐性，一路陪住我哋玩，仲同我哋分享媽媽們嘅經歷，仲好細心咁提醒BB貓指甲較鋒利，要格外注意。溫暖嘅時光眨眼就過去啦，下次再嚟同你地玩啦。我都好期待再試吓餐牌其他新菜式。❤️❤️❤️店內洗手間乾淨企理，整體都感覺好舒服！玩完仲會貼心俾埋祿你痴毛毛～

超好食既餐廳，食物同貓貓分開，好衞生，d貓貓好可愛，仲要隻隻都好乖丫比人摸咖！唸住野食冇乜期望，但出奇地…野食都好有水準丫，咖啡又好飲，老闆仲好後生真係冇得頂！又平比起西貢其他咖啡店價錢又親民，尼間仲要係貓貓咖啡食完仲可以上去玩陣貓貓！全部仲要都係英短最低消費都只係一杯野飲，真係好低，而且個邊啲店員人又好又親切，好好服務態度仲好好笑容，問左老闆，包場都只係5~6千，同班朋友二十個人都只係每人幾百蚊