貢茶 (港鐵東涌站)

營業中

休息中

東涌地鐵站旁呢間好重要，當你突然想飲珍珠奶茶，就有得賣，雖然住東涌既朋友都會話呢間唔好飲，有得飲好過無得飲呀！可能地鐵站附近得佢，所以都幾多人買，買完都要等一陣！今晚試呢個新野-紫薯鮮奶綠(少甜少冰)，色就好靚啦，只有小小紫薯味，有啲鮮奶味，綠茶唔出。整體杯野，淡淡地，不過不失，無香芋味個啲咁假！

店員落錯單。杯飲品出咗嚟之後，同店員講佢落錯左。 聽到佢嘅答案，真係O晒咀。 店員回答 ："頭先我落單的時候明明係講咗係呢樣，你唔要都唔得。 因我哋無得退錢，你可以買多一杯。

呢間貢茶由於位置就係地鐵站內，所以好多人幫襯。之前係油尖旺區都會幫襯貢茶店的，見到東涌有店就叫杯凍珍珠奶茶試下吧～等緊野飲望住廚房整野飲既女職員我真係O 左咀，同其他分店唔一樣，佢竟然奶茶是預先整好既一樽樽係度，你要佢只係倒落去加冰，啤杯就搞店😱人地其他店你叫係會斟茶加奶同冰再拎去搖杯既，感覺個樽野都唔知放左幾耐😨買完完全唔想飲，飲左少少覺得味道相差太遠，好好好難飲唔建議大家飲呢間，要試貢茶既仲係出番其他區吧～

尋日放工見口渴，係東涌地鐵站門口竟然有間貢茶，經過門口又聞到茶香同香味，就排隊試下。可能東涌區係遊客區，我前面有幾個東南亞遊客，唔知係店員英文唔夠好定遊客用英文溝通能力唔好，搞咗好耐，結果等咗五分鈡就買到。叫咗一本薄荷朱古力，價值＄19。其實飲品款式㴝講，算幾多選擇，口渴的可挑選凊新或生果味重D嘅紅茶，想養生美顔的女士亦可挑選黑糖紅棗茶，有凍有熱，任均選擇，記住唔鍾意太甜嘅朋友記得走甜或少甜，尋日我就是唔記得，不過朱古力都算濃味！

今日同一大班導遊班嘅同學仔黎東涌地鐵站集合去昂坪!經過個東涌mtr嘅貢茶 買咗杯嚟飲!摯愛: 奶蓋綠茶!等咗約10分鐘，店員沖好了味道同往時一樣，個奶沫香滑似cream味，帶點鍊奶嘅味道加上咸咸地 好獨特嘅專有味道，奶蓋上仲添5有抹茶嘅粉末!奶蓋有2種飲法: 可以綠茶同奶泡分開飲; 可以溝埋一齊，帶出5同滋味!個綠茶好清，我5中意甜味，所以多數走甜，清嘅話先似茶溝咗少少再飲，味道5同平時嘅奶茶，係咸奶味茶，沖稀左嘅奶末更易入口，無咁漏但同樣creamy

食完野行行下有D口渴，係附近間貢茶買左杯布甸珍珠奶茶飲。我本身怕甜，叫左半甜，點知都係好甜。布甸溝埋佢Ｄ奶精奶茶真係唔係咁好飲。Ｄ珍珠有Ｄ硬，好似未煮好咁。飲呢Ｄ台式奶茶用奶精沖都預左，但無諗到咁難飲，都成２０蚊杯，唔抵。

第一次打評 因為太激氣了..一向飲貢茶d珍珠奶茶都ok今日試左杯宇治抹茶莎莎即刻出事…根本可以話完全冇味! 我叫朋友飲 確認下唔係我今日味覺有問題杯野真係好似冰水沙冰甘! 我對飲飲食食不嬲好低要求但呢杯真係太過份 佢少少綠茶味都冇..然後我頂唔順番轉頭笑笑口甘同個店員講話建議佢下次落重少少綠茶味 我話好似飲緊水甘點知佢只係哦..好似當我發up風甘 其實我買個時一入到去間鋪已經覺得成個氣氛好冷淡..間鋪算大 都成4個員工係入面但員工之間冇交流.. 又冇笑容...我係客都覺得尷尬仲要聽完我意見完全hea我，我心諗你假假地扮下野講句「我地會改善下」都好呀杯野成26蚊，最後我真係條氣唔順飲左一半都終於扔左，不甘心地去starbucks買番杯綠茶星冰樂，30幾蚊都完全覺得值番晒! 以後去貢茶只飲珍珠奶茶算了!

山長水遠坐地鐵到東涌，再打算轉巴士往大澳。但肚子卻嚷著要於東涌先停下來！由於入大澳目的為食，故於東涌亦不敢吃得太多，便決定來一杯珍珠奶茶填肚。珍珠奶茶 $14很久沒有飲貢茶，由於部分分店的質素時有不穩，只會間中才喝一杯！是次跟平日一樣 order 了少糖少冰，貢茶出品向來偏甜，很多時要求少糖，但依舊覺得偏甜。而是次的少糖、甜度prefect，讚！不太甜才喝得出真正的茶味來，茶香、尚且濃茶味，且是次果真少冰，令奶茶不會被溝淡。可惜珍珠方面相對敗筆，極度軟腍！雖然尚算有咬感，但1cm直徑也沒有的珍珠、表層至內約七成肉質是腍身的、只得中央個心一兩mm 有煙韌咬感，差，失去整粒珍珠嚼感特性。環境：位於港鐵站外的一間小鋪，一如貢茶的環境，內裡地方淺窄，多幾個顧客於店內也容不下。店內連收銀共有四名員工，故下單後等候沖調時間並不太耐 (縱然前面有兩三張orders)，約兩分鐘便有得飲。

應該係第一次和這個男仔既約會! 更係盡力使錢啦! 使佢既錢啦! 玩左成日, 夜晚係東涌食飯! 食完飯經過港鐵站有間貢茶, 雖然都飽飽地, 不過都想買杯野飲吓, 又唔使我比錢! 都幾多人架, 不過唔使我排隊! 我要左一杯奶蓋烏龍加珍珠加仙草小甜! 計埋排隊落單都只係等左10分鐘就有野飲都算快手! 好味! 奶蓋同烏龍既份量剛剛好, 有茶味又有奶味, 珍珠彈牙, 奶蓋仙草嫩滑!!!! 服務OK啦, 店員都笑笑口咁, 有一種歡樂氣氛~~都算衛生, 但就細左少少, 不過無法啦, 香港寸金尺土~

自從上次試完之後，本來都唔想再試嫁啦！但二點幾個陣，又比個朋友拉左去飲，仲要一拉就拉左兩日，唉！點知一入去見個環境好左，冇咁亂！Good!我今次分別叫左23號既烏龍奶茶加珍珠，少甜少冰及24號既珍珠奶茶，少甜少冰；而我朋友就叫左23號既芋香奶茶，少甜少冰及24號既珍珠奶茶，少甜少冰23號:我下單後等左成八分鐘才有= ="味道烏龍奶茶，幾好飲，但珍珠麻麻，而朋友個杯芋香，芋香味比較淡左d！服務收銀個個幾好，有笑容，同上次也一樣，Good!，可惜較專業及個位多見到既女沖調員很少搖杯，見她好像教緊一位新仔做杯！而個位新仔每次也有搖杯！24號:我今次下單後等左五分鐘就有了！味道奶茶：茶味比上次濃左，可惜同以前既旺角，還是差一點呢,可惜現在旺角分店質素也差了，　　　而珍珠好食過上次同琴日。服務收銀個個同樣，很好，而今次好像有兩位沖調員，分別是四眼男沖調員及肥肥地個位女沖調員，他們好像都是新人，因我見佢地多數都係搖杯既．．總結經過左兩日比朋友拉去試飲後，發現這間貢茶越來越好了，會聆聽客人既意見！！不過我覺得這裡既員工好像幾日就換一次，幾日後又會見返佢地，特別係廚房，我見次次都唔同人煲既，難怪水準不

估唔到第一次寫竟然係劣評。同朋友去完東薈城食野後,比朋友拉左去飲貢茶。我是是但但叫左朱古力奶茶加珍珠,朋友叫左紅豆布丁奶茶。味道朱古力味淡,珍珠少少硬,好像未熟,而且冇味...我朋友話d奶茶味很淡。服務ok既...每次都會講多謝哂...而且很有笑容呀!!!!不過他們為了節省時間,沒有用機或手來搖茶。環境/衛生我就咁睇就覺得個環境很亂,到處都放滿了貨物。而且我見到有個男仔係出面入去後,沒有洗手就開始工作了。好像缺乏衛生。我覺得質素麻麻,但員工人數都唔算太少,但個質素都只係麻麻,很失望!!!!

今日忽然見到東涌地鐵站開左間貢茶，都幾多人，貪新鮮掛．於是就買左杯珍珠奶茶，少冰少甜，我本身係貢茶既FANS，所以都經常飲，這間貢茶使我決定之後都係去返油尖旺區／深水?區等的分店算了第一：禮貌方面，沒有，黑口黑面！第二：杯珍珠奶茶過甜，未試過飲過咁甜！不知所謂。第三：珍珠略硬，沒有味道，差中之差！第四：等左成十分鐘先有！很慢！以上都可能是新開關係！但新開已經是這樣，很難想像到日後會怎樣！我都係第一次試到咁差既貢茶！不過一個星期後我會試多次...