貴族甜品 (元州街)

營業中

休息中

未食過楊枝甘露係乾淨淨，芒果做既沙冰無味，服務員仲串話唔係你食開大陸既楊枝甘露，香港既楊枝甘露係咁，第一次寫食評，估唔到就係寫呢個差評，作為一個土生土長香港人，呢啲咁嘅服務態度，抵你間食肆無生意，我係香港食咗幾十年都係有汁，無都算，我當食新野，但無味道的楊枝甘露真心唔好食食左廿年楊枝甘露係有汁的，呢位操唔正香港口音既大姐真係沖擊正我既認知，唔通而家香港味既楊枝甘露要返大陸食，中國味既楊枝甘露係香港食？

見個芒果系列🥭賣相唔錯就叫咗個人氣「白雪公主」嚟到見到係河粉還河粉 芒果冰還芒果冰😇出面個啲打到芒果冰溶晒 佢就直接上個刨冰比你😉👍🏻唔緊要咪等佢溶啲再食囉👌🏻之後每食一啖冰都唔知點解會混合埋啲芒果核渣👍🏻我真係孤陋寡聞😂原來成舊芒果核渣都可以唔洗哂可以攞埋嚟做甜品👍🏻食到一半頂唔順同個職員反映 唔係話要佢做啲咩 但每一啖都食到芒果核渣 想佢正視下個問題個職員聽完之後就咁走左去當無事👍🏻完全無視我同佢反映嘅野 谷鬼氣走啦 期間聽到隔離枱都有講啲芒果冰入面有渣👺拎去櫃檯埋單點知係返呢位無視人嘅員工收錢錢你就識收 人地同你講野就當聽唔到👍🏻臨尾忍唔住同佢講 唔該人地同你講野就正視下個問題啦然後淨係死死氣答你一句好阿所以我真係冇辦法要上嚟表揚下佢👏🏻

甜品偏貴 有平嘅選擇，亦都有貴少少，生果兩份就不低 呢度已經$45嗌兩碗諗住好快，但係都等咗好耐，而且啲生果好似喺雪櫃定係冰格拎出嚟未解凍 特別之處係嗰啲椰汁係用棉花冰咁樣整夏天食唔錯水果全部都唔係太好食芒果酸，火龍果都係酸嘅唔甜西瓜稍為甜啲 大致上冇咩味朋友嗰本椰汁西米露就抵好多$25 有廁所但係冇紙巾供應，問個店員令佢就好惡咁話呢啲我哋冇 用自己㗎喎冇唔係問題，重點係佢勁惡，而且係好似鬧人咁….. 另一個店員都好似顏色睇到佢怪怪地走出嚟話佢俾我….

📍貴族甜品 (元州街) (長沙灣)長沙灣元州街412號地下店內環境整齊企理 有不少甜品款式✨白雪公主有煙韌椰汁粉條 新鮮芒果 果肉香甜🤤🤤配埋芒果雪糕 不錯不錯👍🏽✨宇治金時有抹茶刨冰 紅豆 小丸子 抹茶雪糕綠茶雪糕淋上煉奶味 刨冰 冰感十足 個人略嫌抹茶味太淡 無乜味旁邊仲有軟綿紅豆配彈牙小丸子整體唔太甜幾好食👍🏽—————————————————————整體用餐體驗✨味道(4/5)✨環境(4/5)✨服務(3/5)✨性價比(3/5)

路經長沙灣搵左間餐廳食完飯食完飯心思思想食甜品入咗間糖水舖叫左個士多啤梨曲奇雪糕窩夫同綠豆沙窩夫好一般入到去冇人招呼等左10分鐘都冇人行黎問食乜唯有叫佢過黎寫單

食完飯口痕想食甜品，見到貴族甜品就喺附近所以毫不猶豫就入去坐低咗🤣其中嗌咗一樣叫「紫霞仙子」係十分豐富嘅組合。除咗有得食芋圓，仲有雪糕、芒果、椰子沙冰，食完勁飽😂整體味道係正常，未去到十分驚艷🤔另外嗌咗人氣之選「白雪黃金卷」😍係幾出色，個皮好爽口而且有淡淡嘅椰香，不過爭少少嘅係個芒果唔甜☹️見到仲有好多選擇下次再試先！

今日叫左一個$75 set 椰汁蓮子燉雪蛤（熱）食左一啖 ,嘩 好酸 呀～好在冇吞落肚 ，要吐出黎浪口！！之後上openrice搵電話,打電話比店家說 ,變壞古左 有酸味😨，店家話 因為我要熱，所以酸是正常的 ，不認為是甜品變壞了 ～ 但係真的酸到吃不到，咁我話好啦 唔緊要，如果我食左之後有肚苛 ，唔舒服 我係會報食環署 然後佢不斷話 你唔洗咁講嘢嘅 ，bababa …..最後店家同意退款 但仍然唔認為 甜品酸是變壞了 天氣咁熱 其實人客 食得到有酸味 會認係 已經變壞都好正常

住係呢區, 好耐都唔食一次貴族甜品, 因為印象中呢間野的確麻麻地。 早幾日口痕想食埋糖水先返屋企, 就決定比多次機會貴族, 同見佢都幾多人食緊, 就入去食。 因為人多, 店面好嘈, 不過呢D都唔算店鋪嘅錯. 純粹入到去嘅第一印象。張枱抹得唔乾淨，有一粒食物我叫左楊枝甘露, 同行朋友叫左西米露, 兩個人都覺得唔好食：楊枝甘露好少水果, 印象中係食唔到西柚肉, 取而代之係橙色一粒粒嘅椰果, 芒果汁亦都係未完全解凍, 食得出一粒粒冰, 唔係賣得平都整到咁求其。朋友碗西米露亦唔好食, 似係白烚西米再溝椰奶, 完全唔夾,食剩大約一半。三五年之內應該唔會再幫襯, 唔值得再比機會。希望下次食會有進步. 不過就算佢執左笠我都唔會可惜。

未到食晚餐時間，但又有少少餓，去左長沙灣一間甜品店試下，估唔到有d驚喜，叫左清湖映月同比利時朱古力窩夫，2款都好好，比其他甜品店好食，份量足，質素不錯，CP值高，肯定會再黎食，試埋其他款甜品。大推！！👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼👍🏼

長沙灣好似冇乜甜品或者糖水舖好選擇我呢間貴族甜品開咗咁多年生意依然都好好所有甜品質素都不太差最鍾意係芒果河粉我用芒果沙冰做底啊再加椰汁河粉唔會太甜，又好清新不過西瓜沙冰好似冇乜味紫薯沙冰唔夠Fresh

同朋友在長沙灣食完野，就在附近搵下有咩糖水好食，網上看見元州邨附近有糖水食，於是就過去試下，門面不是太光鮮，差些走過了。坐低見到個餐牌好像不錯，而且款式很多，不過我和朋友都是芒果愛好者，於是就選擇芒果系列產品。見到有芒果小丸子和白雪公主，都是芒果肉加芒果雪糕，白雪公主就多了些河粉，而芒果小丸子當然就多了一些芋圓，芒果肉唔甜，芒果雪糕就基本牛奶公司那些味度，椰子河粉就幾好軟硬度適中，有椰子味，但很少份量。芋圓就未軟。兩個甜品不過不失，但有改善空間，店舖環境衛生也有改善情況。

今日同朋友去咗長沙灣附近整嘢，順便食埋晚飯，之後意猶未盡，再搵吓附近有咩甜品食，見到呢間都好岩食，就去咗呢度啦！選擇都好多，我揀咗個芒果芋圓，朋友揀咗個芒果河粉。芒果勁甜，夠晒熟，好好味！

難得親友來訪，揸車外出找間糖水店給他試試，我深知道九龍城的糖水店一定座無虛席，除了車位難找，座位也更難找！於是揸去深水埗元州街睇吓，果然見到這間貴族甜品，而且元州街同一條街也有兩間分店，最緊要係有位！我們一行四人，各自點了四款不同的甜品，分別有芒果腸粉、龍眼冰、榴槤公主、心太軟。芒果腸粉不過不失，龍眼冰較為出色！其次，榴槤公主都算多榴槤肉，有七彩粒粒啫喱仔鋪上面，女士會很喜歡！心太軟還可以，如果有朱古力雪糕會更好！

朱古力冰一舊舊 唔綿密 唔入味 真係得舊冰芒果河粉 d粉得幾條 又厚又冇質感 唔q彈 普通一條粉條 仲要好細碗見舖頭都幾多人 可能附近冇乜競爭對手質素真係標準以下 搞唔掂 做食店真係俾d尊重啦

假期夜晚大約八點幾去到，入面有兩三台客，店舖面積頗大，空間感足夠，唔會太嘈吵記得細細個仲有團購嘅時候，買過呢間貴族甜品放題，$78/位，嗰陣嗌兩個已經回本，而且份量同味道都好好，冇因為團購關係而偷工減料👍🏻今時今日，嚟到附近舊地重遊，想懷緬吓以前嘅味道，質素依然保持到😄芒果河粉 $35唔多地方有呢款甜品，個底係芒果汁沙冰，配上一條條椰汁造成嘅河粉，口感好得意，面頭仲有好多粒甜芒果，果然芒果係特別出色士多啤梨窩夫4塊 $62窩夫新鮮出爐，熱㷫㷫好香口，不過面頭嘅吉士醬用咗普通鮮忌廉取代，冇咁好味，如果之後可以加返吉士醬就好😋總括而言，呢間算係深水埗唔錯嘅甜品舖，經過都可以試吓