貴緣小鍋米線 (和富)

營業中

休息中

貴緣呢間米線舖當時喺紅磡嗰度已經非常之出名，而家搬咗嚟北角，人氣一啲都冇減退到，而且佢哋升級咗佢哋嘅湯底，變咗無味精豬骨湯，所以今次特登嚟食一食😋😋😋同朋友叫咗2碗薯粉，兩個都係唔同湯底，青花椒麻香味啱晒中意麻又唔辣嘅朋友，爽！青花椒麻濃湯獨特嘅香麻味，配以紅薯粉同豬軟骨，湯底豬骨味濃郁。中小辣程度食落恰到好處，讓人感受到青花椒嘅清新同麻辣嘅刺激。加搭咗冬菇皇同紫菜，最推介係佢哋嘅冬菇，夠厚肉，入味又彈牙，必點！招牌酸辣湯我就點咗呢度招牌酸辣湯，酸辣程度適中，而且酸菜有炒過👍所以味道夠香同埋酸味溶入咗去湯底裏邊，湯底酸辣過癮，食落開胃。加配咗必點嘅螺旋藻、手打魚腐和冬菇皇，螺旋藻份量好多，吸哂啲湯，正！。朋友介紹就嗌咗魚腐，估唔到非常新鮮，大大粒，推介👍👍👍貴緣雞絲火山呢樣又係必點，都幾抵食，除咗大量嘅雞絲之外仲有大量嘅榨菜，所以非常香，搭配特製嘅辣椒粉醬，味道更香濃。

聖誕節日，好友約我去北角行街，順道去位於北角和富道21-53號和富B樓B15-16 號舖的貴緣小鍋米線用膳，環境簡潔，坐得舒服。我點左個湯底係 豬骨鮮濃湯（內含：韮菜、芽菜及葱，不可選辣）$30，粉底係紅薯粉，配豬軟骨 $12；好友點左個 秘制元祖金酸魚片濃湯底米線 $70，加購快閃小食係 秘制大漠烤豬仔脾2隻 $28（原價$56），另外點左 蒜泥白肉肉 $28，貴緣雞絲火山（少辣）$28，健康油菜（菜心）$14。豬骨鮮濃湯鮮甜好飲，豬軟骨有2大塊，肉質軟腍好味；金酸魚片薄切鮮甜，份量不少，湯底酸麻有辣；豬仔脾好惹味；貴緣雞絲火山好抵食，雞絲堆到火山模樣，拌有榨菜，好味道；蒜泥白肉肉好好味，菜心灼得青綠好食。

見留言話呢間米線好味，就黎左北角試。本身我唔好米線，但酸辣湯同酸菜魚都好有興趣,就叫左個元祖酸菜金湯米粉, 加左雞絲同蘿蔔。 一黎到d雞絲成座小山咁，但一聞有d怪味，食落又冇變味，就照食。 一路食一路睇open rice 留言，先知呢d叫雪櫃味，冇下次。3件蘿蔔都大大件，好入味，唔怪得係👍到個湯，好唔突出，食唔到似酸菜魚湯，冇酸味, 成碗食完只見到一細條酸菜，下次都係食返招牌酸辣湯。食到中途見餐牌仲店內充電服務，電話支架借用，加$3一包tempo, 自助斟水， 原來小店都有服務，櫃檯仲有4部外賣機，都好方便。

✨北角和富貴緣小窩米線主打不加味精湯底，店子的座位舒適，空間感十足。米線選擇很多，最後揀咗一個比較特別的酸魚湯底。***** ***** ***** ***** ***** 元祖金酸魚片豬軟骨米線🍜大大碗嘅米線上枱，第一口試試啖湯，濃香帶酸鮮魚的味道，材料非常豐富份量好多，淡淡魚肉、淡淡豬軟骨，兩樣都軟綿綿超好咬口，而且非常入味；最後連湯底飲埋，難得的沒有味精而且真係好好飲，酒香脆雞翼🐥外脆內軟的醉香雞翼，酒味唔會太濃烈，剛剛恰到好處，清幽的酒味同雞翼好夾。健康油菜🥬同樣是大大份量的生菜，淡淡爽脆新鮮。最後叫了支裝豆漿🧋這餐營養很豐富。

今日去開北角，就嚟試下米線關注組有提及過嘅貴緣小鍋米線啦，呢度有唔同嘅米線同小食，價錢都唔貴，幾抵食雞絲火山呢個係必叫嘅，招牌菜，份量好多，雞絲好細，不過係偏辣嘅，唔食得辣嘅朋友可以食米線加餸的蒜香青瓜爽脆加上蒜蓉，餐前小食一流甜酸齋開胃入味份量多，正酸辣米線平時食開大辣，係度叫中辣都可以接受，豬紅係我鐘意個種，幾好食，墨丸彈牙，仲有滿滿嘅芽菜，正涼皮條煙煙韌韌，同普通食嘅涼皮唔一樣，口感有趣，幾得意蒜泥白肉好正，滿口蒜蓉，又唔係好辣醉雞好入味，好香花雕味，但又唔會去到苦，雞嫩滑

位於北角的小鍋米線店，港島區也有間分店，主打豬骨熬製的湯底，配上各款配菜、麵底。只須掃二維碼便可下單，非常方便。小食：巴蜀狂野雞翼（黑椒味）5隻雞翼，雞皮沾滿辣汁及黑椒，惹味香口，雞肉入味，肉質嫰口。小食：貴緣雞絲火山雞肉絲，堆積成一座山似的，份量滿滿，沒有雞皮或肥肉，較乾身，拌上酸菜及秘製辣椒醬，更添惹味。湯底：青花椒麻濃湯粉底：米線配料：魚肉春卷、滷水大腸、螺旋藻青花椒湯底較少見，值得一試。湯底味道麻香辣，其獨特麻香的程度更明顯及有層次。本身已有韭菜、芽菜及蔥；配料方面，滷水大腸大大塊，沒有異味。米線順滑，有嚼勁。湯底：招牌酸辣湯粉底：米線配料：魚肉春卷、腐竹、甜酸齋、螺旋藻招牌酸辣湯入面有炸醬肉碎、酸菜、韭菜、芽菜及蔥。辣度可以自選，酸菜爽口酸酸的。魚肉春卷大大條。甜酸齋另上，味道甜甜酸酸，很開胃。螺旋藻鋪滿半個湯碗，爽彈口感，吸收湯汁精華。

今日我媽北角半日遊，行街睇完有咩買之後就梗係去醫肚，行到和富中心醒起有間連米線關注組都大推嘅雲南米線店，冇理由唔試試佢呀嘛🤭 🐖豬軟骨濃湯紅薯粉 配 炸醬、酸菜可以選擇湯底濃度(3分濃/5分濃/7分濃/10分濃)我唔係食太多叫少粉，但可能紅薯粉太易煮淋溶咗啲喺湯，實質份量少過半碗，但係紅薯粉幾吸湯質感帶煙韌感幾好食廚師絕不手軟放咗好多清脆鮮嫩嘅芽菜同韭菜呢度嘅酸菜對得住嗰名，真係超級酸仲帶輕微辣炸醬比想像中乾身，味道濃郁但唔會過鹹🍅特濃新鮮蕃茄湯米粉 配 冬菇皇、豆腐卜、生菜、生根冬菇皇好厚身，入口甜甜哋，幾香冬菇味蕃茄湯夠鮮甜，同米粉一齊食真係好味🍗巴屬狂惹雞翼(原味/黑椒味)雞皮唔係脆身，似係焗出嚟，所以唔會好油膩，輕微黑椒味唔會好辣但都惹味🥩蒜泥白肉肉薄切五花腩層次分明，蒜泥略帶微甜，唔會喧賓奪主蓋過五花腩嘅肉味🥤芬達橙汁🥤冷萃蜜香紅茶

蒜泥白肉肉份量好足夠，白肉有d肥膏皮，口感好正一流。巴蜀狂惹雞翼呢個好特別，第一次試，感覺係黑椒既辛辣同蜜糖甜味兩者都有，好獨特耳目一新呀。蒜香醬油雞翼蒜泥味好香，內質嫩滑，醬油新鮮，有肉地又入味豬骨鮮濃湯紅薯粉 加腩肉豬大腸貢丸豬骨味濃郁，腩肉炆得軟腍入味，豬大腸洗得乾淨，貢丸彈牙好食招牌酸辣湯紅薯粉 加豬紅 牛肉湯底又香又辣，食落非常開胃，肥牛鮮嫩多汁份量又多，豬紅入味爽口。另外每人叫左兩罐野飲，今餐十分滿意

幾個朋友仔都話「貴緣小鍋米線」在紅磡好受歡迎通常每星期都會食下米線知道港島區有間分店，就話一定要去食下非常方便掃一掃QR CODE 可以落單正宗雲南風味米線每日採用豬骨熬製、有招牌酸辣湯、秘製麻辣湯、特濃新鮮蕃茄湯及青花椒麻濃湯選擇。地方大大座位都幾舒服仲有四款濃度級別嘅湯底選擇3分濃（淡啲）5分濃（正常）7分濃（加濃半級）10分濃（加濃1級)巴屬狂惹雞翼黑椒味 $28好食之選一客有5隻，雞肉嫩又夠入味娃娃菜$14蒜香醬油雞翼 $28雞翼剪開一半成單骨，易入味又快煮有蒜香汁味道，非常惹味黑芝麻豆漿 $10唔甜好健康青花椒麻辣湯米粉青花椒湯點了中小辣青花椒味濃郁有層次好惹味都幾大碗 魚肉春卷+$11豬大腸+$11 肥牛+$11招牌酸辣湯米線 $52點了最少酸辣湯， 酸味夠突出 豆卜索晒的湯肥牛口感鮮嫩，入口彈牙米線一條條煮煙韌得來唔會淋食完仲可以飲埋湯底貴緣小鍋米線 (北角) 北角和富道21-53號和富B樓B15-16號舖

主打正宗雲南風味的米線小店由紅磡開到北角湯底標榜每日用豬骨熬製，有招牌酸辣湯、秘製麻辣湯等位於商場內的新舖的環境格局都較舊舖寬敞舒適裝修簡單樸實，主打湯頭不添加味精，過後沒口渴感覺青花椒麻濃湯含韭菜、芽菜及蔥！粉底可轉芽菜代替澱粉開心Share小食酒香鮮醉雞入口有淡淡藥材及鮮甜味惹味之選麻辣豬肚絲以滷水醃過再配上麻辣醬麻辣鮑片肉質爽口結實，口感彈牙，柔韌有嚼勁皮蛋豆腐的組合很有層次感，特製醬料吃起來爽口又開胃

北角《貴緣小鍋米線》🍜正宗雲南小鍋風味港島區都有正米線！北角和富商場有間寶藏米線店 米線控快收入口袋名單❤️‍🔥特濃新鮮蕃茄湯紅薯粉$66很久沒有食紅薯粉了 突然想試試選了雞絲、魚腐和紫菜（小小辣）一上枱被海量雞絲嚇到了好像雞絲比紅薯粉更多湯頭有濃濃蕃茄味 非常鮮甜餐廳主打無添加味精濃湯可以放心飲光光！小小辣就是淺淺的辣味 和蕃茄湯很搭配紫菜也是我的愛 能索滿湯汁涼拌青瓜$25青瓜入口麻麻的 不算辣 每一粒青瓜粒都吸滿拌汁 開胃非常～

之前紅磡食過一次，之後結業了，對佢哋既冬菇皇念念不忘，今次專程嚟到北角光顧一下😋✨招牌酸辣湯 $64湯底揀左10分濃，辣度小小辣，多酸🤤豬軟骨肉質好軟腍，辣笋絲係分開上，幾好👍🏻可以自行選擇揀擺唔擺落湯入面，辣笋絲食落好爽脆，墨魚丸好彈牙😋✨秘製麻辣湯米線 $72湯底就揀左5分濃，可以連湯都飲埋，辣度就小辣，秘製腩肉（微辣），冬菇皇一定要食，炆得好入味，好似食緊酒宴既冬菇咁🥹螺旋藻又係必食item之一，唔係度度有呢個餸，每次見到都會order😝蘿蔔大大舊，好腍入味！✨蒜泥白肉肉 $28薄切豬腩肉冷片，要配埋蒜蓉食油一齊食，令到平平無奇既豬腩肉變成了一道香味濃郁既菜式，鐘意蒜味同辣味愛好者要點，同埋係每次食米線不可或缺既小食之一🤤✨娃娃菜（走蠔油） $14好少米線店會有娃娃菜係油菜，仲可以揀走蠔油，好細心👍🏻

［主食］酸菜魚米線🍜（推介）金湯做得幾好，加埋酸菜酸酸地好開胃🤤。無骨魚好嫩滑，而且好足料比外面既份量多。加配炸魚皮，最鍾意大大塊有咬口；浸落湯食好香脆。肥牛魚片頭青花椒湯米線🍜青花椒湯味道👅香而濃郁，好惹味。米線煮得好軟身。配料好爽口。［小食］烤豬脾仔（快閃限定）通常露營bbq先食燒豬脾。即叫即烤，而且表面灑上味粉，激發味蕾。肉質嫩滑。支裝/罐裝飲品多款支/罐裝飲品選擇，食熱麵最爽就係飲凍野啦！飲品好特別，有椰青水同泰式奶茶選擇。

行完mono肚仔餓，無意發現一間食米線既店舖，係店外見到店內顧客點左一碗碗米線，大碗之餘又多既米線，深深吸引我去食！於是就點左推介元祖金酸魚片濃湯底米線 +肥牛 $81， 份量超多，一碗滿滿既湯底，排一圈圈既鮮魚片，鮮魚片無魚骨仲好鮮甜，肥牛口感正常湯底適合港人口味。成碗湯底俾我飲晒咁濟。特濃新鮮蕃茄湯米線米線小小辣+豬軟骨 $47大大粒豬軟骨，一咬即開，唔易痴牙！濃濃蕃茄味，有少少辣，米線軟硬度恰當！酒香醉雞翼（新品推介） $39超香既酒味雞翼👍🏻👍🏻夠晒入味👍🏻👍🏻👍🏻貴綠雞絲火山 $28份量超多，一座實心既火山！食極都唔完👍🏻👍🏻濃濃麻油味，令人一啖一啖不停口咁食😋店舖環境超寛落唔會好逼，乾淨！

今日又黎到北角和富中心貴緣小鍋米線食我最愛既米線，呢度同其他米線店唔同，環境都算闊落，坐得夠舒服💪🏻💪🏻叫左兩碗米線，湯底分別叫左麻辣湯底同番茄🍅湯底，番茄湯底味濃，食得出用新鮮番茄整成，唔係就咁落調味料，值得一試👍🏻麻辣湯夠曬麻，食辣一族必食配料分別叫左：魚皮、蘿蔔、榨菜、魚肉春卷、豬軟骨同魚腐魚皮我本身冇乜太大期望，點知原來勁大碟，又係新鮮炸起，配合佢濃郁嘅湯底，簡直係絕配‼️‼️蘿蔔都係夠晒新鮮，吸曬湯底嘅精華，正豬軟骨，夠晒林夠入味，我個人必點推薦👍🏻👍🏻魚肉春卷同魚腐都夠出色，正👍🏻👍🏻另外為食嘅我仲叫咗兩個小食，甜酸齋同雞翼，甜酸齋誠意十足，食得出係餐廳自己整，絕對唔係買現成既整，味道剛剛好👍🏻👍🏻巴蜀狂惹雞翼，夠晒惹味，又係另一雞翼發燒友必點💪🏻💪🏻整體嚟講，質素高，愛食米線一族不容錯過💪🏻💪🏻