賓墟餐廳

營業中

休息中

週末是工作天， 一大早便來到長沙灣， 正所謂「早起的鳥兒有蟲吃」， 便來到同事推介的賓墟餐廳食個靚早餐先。最初聽到「 賓墟」 這名字還以為是舊區茶記，卻原來是茶餐廳連鎖店，就在幸福商場之內， 裝潢跟別的茶餐廳沒兩樣， 但由於環境幾開揚， 充滿日光的茶記感覺都幾舒服。時間無多只有十數分鐘用餐， 立刻選了個E餐($42)， 有香煎牛扒、 腸仔、 火腿、 煎蛋、 牛油多士， 陣容猶如中式茶記 All Day Breakfast， 看似不便宜但製作認真都幾值回票價。最欣賞嘅係香煎牛扒， 雖然係普通茶記嘅貨色， 但牛扒的份量很多， 發粉落得很輕手口感幾嫩， 質素一定好過連鎖大家樂大快活， 而且還有港式口味牛扒汁伴吃， 茶記式儀式感都幾令人驚喜。牛油多士是整片的方包，牛油塗得相當認真， 把生菜蕃茄火腿還有煎蛋配方包吃， 就是豐富的open sandwich了， 而且值得一讚是煎蛋是半熟蛋， 外脆內嫩的， 好有以前細個食茶餐廳的風味。凍奶茶方面， 茶底都幾香濃， 但黑白奶奶味太重幾乎蓋過了完美， 要等冰化一點才能嘗出茶香， 但茶記來說算是合格有餘了。這間茶餐廳服務都幾好， 能感受到滿滿的人情味，

幾個老死晌長沙灣球場睇完波，原本打算行過去青山道嗰邊搵食，因為嗰邊選擇多，但喺大家都話好耐無踢，踢完成個人散散哋，故此就過咗對面「幸福商場」嘅「賓墟」食就算，好彩間餐廳收十點，我哋仲有大半個鐘頭嘅時間食飯吹水，又懷緬下昔日晌場上嘅風姿。基本上呢啲餐廳都喺做街坊客，所以，過咗8:00pm已經唔多會有新客，何況，我哋成九點幾先嚟，變相包場，侍應阿姐一對一貼身招呼。環境都喺一般茶記格局，餐具、糖包、牙籤……等等都喺例牌擺喺枱側嘅抽櫃中，自己招呼自己。嚟茶記多選擇，不過，小弟都一樣踢到榭晒，都無咁有心情慢慢影餐牌，只喺影咗自己所揀嘅泰式粉麵一版。溫馨提示，店家只收現金，呢樣就有啲唔方便。魚蛋魚片湯河 $50啱啱踢完波，唔算話好胃口，食啲湯粉麵就最好㗎喇。原本揀咗鮮味手撕雞湯河，可能真喺太夜，已經買晒，所以，求其揀魚蛋魚片湯河。當然，啲魚蛋魚片都喺嚟貨，不過，食落個質量都唔錯，有魚肉嘅鮮味，幾彈牙，河粉爽滑，份量十足，個湯底亦都唔太差，啱胃口。熱奶茶雖然踢完波，但我哋坐低涼咗好耐冷氣，個人都想飲番熱奶茶，最有風味。佢哋杯熱奶茶飲落算有水準，茶底幾幽香，茶奶比例都適中，只喺個人覺得唔算話好滑，但都

內有牛腩，牛肚，牛筋每樣都有四舊要求瘦腩真係有俾🤟🏻牛腩肥膏唔多，食落啖啖肉而且都係厚切牛腩炆到好淋食落肉質軟淋淋唔痴牙牛肚食落唔腥肉質好軟熟牛筋好淋唔硬食落滿滿骨膠原嘅口感

點了一個午餐，紅酒甘筍牛尾飯，送例湯和飲品，飲品選了熱檸檬茶。例湯裏有豬骨和青紅蘿蔔等食材，湯味濃，好喝。飯送上，牛尾和甘筍很多，米飯也很多，汁帶點甜，味道不錯。另外點了一個下午茶，炸雞髀沙律，飲品點了凍檸檬茶。這炸雞髀實在值得大推，皮脆肉嫩味道好，那皮脆得吃的時候卡卡作響，更重要的是，這炸雞髀不算油膩，吃完了，碟上也沒有什麼油剩下來。沙律以薯仔為主，還有蘋果、罐頭菠蘿和木瓜等，沙律醬味道也不錯，但是沙律醬下得太多。凍檸檬茶和熱檸檬茶的茶味不太突出，比較一般。環境就比較一般，是茶餐廳的佈局。服務算是可以，剛坐下，就有侍應走到桌旁準備為我們下單，食物也很快送上。

😜同老公去長沙灣探朋友順便食嘢，行過呢間賓墟餐廳，屋村餐廳嚟講價錢優惠，食物質素唔錯，仲有懷舊波浪薯條🍟，我鍾意食大大條呢一種嘅薯條！😍🥩鐵板西冷牛扒配薯條，因為自己轉咗碟上所以冇咗鐵板，唔係佢冇鐵板🤣，仲有意粉或者飯可以配食！牛扒夠腍，味道入味！呢個價錢唔錯！主要我最鍾意嘅薯條正🤩好食🌟🌟🌟🌟🍝乾炒豬扒公仔麵，抵食大碟，佢似有兩個面底！勁多！豬扒醃又得好好味，公仔麵炒得好乾身，需要非常之唔錯！🙌🏼好食🌟🌟🌟🌟回頭率🈵🈵🈵🈵🚻商場內有廁所🪑座位有室外室內🚇長沙灣地鐵站步行2分鐘到=====================鐵板西冷牛扒 配 薯條 $62凍奶茶 跟餐 +$3乾炒豬扒公仔麵 $46凍檸茶 跟餐+$3 ===================$114/2，每人$57

長沙灣幸福商場入邊嘅賓墟餐廳性價比好高，今晚約咗同朋友食個晚飯。佢哋嘅套餐有好多選擇，包咗主菜，白飯，例湯和飲品。惹味酸菜鯛魚片湯鍋魚片份量非常之大，麻辣嘅程度偏小適合所有人食，酸菜味道很濃，湯底鹹淡適中，唔會過分濃味。配料亦都份量十足，有金菇，豆卜，枝竹。中式牛柳經典嘅港式中式牛柳，洋蔥汁非常之惹味，撈飯食一流，牛柳一啲都唔韌，爽口彈牙。整體嚟講係一個鑊氣十足嘅小菜。中湯西湯兩款例湯飲落冇味精嘅感覺，晚飯飲碗湯嚟講都幾好。紅豆冰，凍檸茶紅豆冰夠甜，豆量夠足了。檸茶茶底有質素。

行開長沙灣，經過見依間餐廳2pm就開始做下午茶，又幾抵食喎，一於去試下。🥩鐵板西冷牛扒 $62依款可選白飯、意粉或薯條。牛扒好大份，食食下先發覺牛扒摺起咗一部分，本身應該有鐵板咁大塊🫢。肉質好嫩滑，完全唔會乾同鞋。用香料調味。薯條油多咗些，好夠脆身。🍜鐵板黑椒牛柳絲烏冬 $46上枱時熱辣辣，好香好夠鑊氣。烏冬炒得幾彈牙，牛柳絲份量不少，口感都好滑溜。整體幾好食👍🏻🧋凍奶茶好香甜，奶味較突出。

🔸中式牛柳    $78大片牛柳肉跟洋蔥同菠蘿粒一齊炒，夠鑊氣，味道甜甜酸酸，牛肉好香好嫩滑，仍然有牛味，個酸甜茨唔會好酸，反而係甜甜哋，可能係有鮮甜嘅菠蘿關係，整碟牛柳掛足芡好餸飯😚餐廳開正商場正門旁，一般商場食肆禁用明火炒菜，只能提供預制菜，但這家【賓墟】出品應該有師傅在場炮制撚手小菜。味道：8/10性價比：7/10🔸霸王雞    $93雞件好多，有半隻大公雞肉，用蔥花、薑絲、紅椒絲撈埋一齊， 雞肉一啲都唔鹹，靠碟底醬油添味，咸香雞味幾好食。餐跟 白飯一碗、南瓜忌廉湯；另加$11 有凍飲。味道：7/10性價比：7/10▪️

下午路經長沙灣幸福商場，突然好想食過下午茶，就見到呢間餐廳行港式茶餐廳路線，有中式小炒、特式小食、港式鐵板樣樣都有，梗係入去醫下肚啦😚鐵板牛柳絲炒烏冬🍝烏冬炒得好入味，黑椒味濃🙊食落唔太油，牛柳鮮嫩，軟硬度適中～以鐵板新鮮滾熱辣上菜呈現，令食物保持溫度，每啖都好惹味，重點係食到好有鑊氣🥳公司三文治🥪配火腿通心粉🍲叫咗個正餐當然食下小食啦，小妹就揀咗呢款公司三文治，一上枱嚇親😧 餡料好豐富，大大件既三文治，相當有誠意～呢間茶餐廳🍴公司三文治果真係一絕：三層麵包烤得焦香鬆軟；第一層下是番茄片、生菜絲、吞拿魚、第二層下是煎雞蛋及午餐肉🥰 火腿通心粉看似細碗，但其實相當足料，火腿極多，好味😋凍檸茶、熱檸水🍋🥤味道不錯，正常茶記發揮味道👅整體味道、份量剛好，食物質素及環境亦相當不錯🤗坐得舒服～

又到左下午茶時間喇～位於長沙灣B出口出隔條馬路就到呢間冰室！上次試過一次晚飯小菜都唔錯今日同家人下午茶之選款式有成2頁港式、西式、泰式、澳式及川味✨推介✨泰式香茅雞翼湯米粉冬陰功湯底酸酸微辣配上幼米粉好開胃拼雞翼炸得香口入味，肉嫩Juice水準同泰國菜館有得揮，點配泰式汁+$3凍檸檬茶（食唔到辣可以揀蘿蔔湯底）鐵板西冷牛扒配蔬菜薯仔粒，塊肉厚薄適中軟腍又冇筋易咀嚼，配茄汁意粉；奉送餐茶＂香滑咖啡＂撲鼻提神

話說同Lisboy趕住上堂😛見到附近有間出名嘅老字號茶餐廳🍴有位即刻入左去食😋🍽️ 鐵板西冷牛扒1點9就來下午茶☕️估唔到都有呢個鐵板西冷牛扒點，加$11仲可以升級套餐，可以叫杯凍嘢飲，又有湯同意粉🍝鐵板上枱嘅時候沙沙聲，薯條🍟大大條，好吸引🤤再飲杯冰凍檸檬茶夠晒下火🔥🍽️ 滑蛋蝦仁飯跟住全日都可以叫呢個小菜，再加錢叫套餐🍽️因要Lisboy都要食得，就梗係叫呢個招牌滑蛋蝦仁🦐隻隻蝦都大大隻🤤 Lisboy食到舔舔脷😛個蛋都炒到滑啫啫！Yummy！奇怪嘅Lisba竟然掛住佢地嘅老火湯🍲😅一家人啦啦聲食完就去上堂🌟💃🏻Lets Danceeeeee||

唔知要食乜嘅時候一定會諗起茶記香港特色凍檸茶凍奶茶常餐下午茶餐由細到大都覺得茶餐廳入面個廚房好犀利究竟點樣係個有限空間裏面快靚正咁煮到咁多唔同款嘅嘢食呢豬扒炒公仔麵炒得夠乾身有五件切件豬扒唔會得骨又唔會太硬一定要叫侍應哥哥配碟辣椒醬自己覺得呢個食法先夠港式另外個啫啫滑雞煲配白飯都算得上係男人的浪漫加埋仲有幾舊豬肚同洋蔥都幾豐富兩杯凍飲同埋連例湯埋單百零蚊個羅宋湯真係香港獨有嘅風味嚟當係早午餐或者下午茶餐都冇問題

講起長沙灣既高質茶餐廳，小妹一定首選《賓墟餐廳》。佢嘅午市／全日套餐價錢親民，大件夾抵食，款式又多，味道重要絕對有番咁上下！所以小妹成日都會過去開餐！我同朋友今日食咗：👉🏻✨欖角蜜糖雞球飯✨ $55軟嫩多汁既雞肉配上又脆又爽帶微酸既欖角，再加埋陣清甜蜜糖香呢個配搭真係令人好開胃，送飯－流！✨蘿蔔炆牛腩飯✨ $54炆到軟腍腍入唒味既牛腩肥瘦適中，牛味濃郁；加埋炆到軟軟糯糯既靈魂大蘿蔔同炆完蘿蔔牛腩之後個d充滿牛香既醬汁用嚟撈飯又係超正，超快食清光👍🏻✨合掌瓜紅蘿蔔粟米湯✨個湯料多又夠味，唔覺有味精味，真係好過自己煲‼️🛑賓墟餐廳📍長沙灣幸祥街8號幸福商場地下1號舖港鐵長沙灣站B出口,步行約2分鐘#香港茶餐廳#賓墟餐廳#賓墟冰室

周日下午,我與太太一起到長沙灣賓墟冰室用餐,實在是一次愉快的體驗。太太選擇了金粟石斑塊套餐~$79。這道菜相當豐富,除了金粟石斑塊外、跟白飯一碗和青紅蘿蔔煲豬骨湯。金粟石斑塊煎得恰到好處,外層酥脆,裡面則保持了鮮嫩多汁的口感。白飯和清爽的青紅蘿蔔煲豬骨湯則為整道菜單增添了飽足感。我則點選了鳳梨蜜桃甜酸肉套餐~$75。這道菜色同樣包含了白飯和中湯,但主菜則是一道甜酸交織的鳳梨蜜桃甜酸肉。肉質軟嫩,蜜桃與鳳梨的酸甜交織帶來了層次豐富的滋味,令人回味無窮。除了豐盛的主菜,套餐還包餐飲。太太選擇了清涼解渴的凍檸檬茶,而我則喜歡熱檸檬茶的溫潤醇厚口感。兩種飲品都恰到好處地搭配了主菜,為用餐增添了更多樂趣。整個用餐過程中,服務人員態度親切,細心周到。餐廳的環境也十分舒適,讓我們能夠悠閒地享受這頓美味的午餐。

位於長沙灣地鐵站附近一間香港地道茶餐廳—賓墟餐廳，主打港式懷舊茶餐廳美食，環境裝修以簡單懷舊風為主，無太多華麗裝潢，簡樸平實。食物方面，餐牌上由經典茶餐廳既早餐、午餐、下午茶到晚市套餐都一應俱全，而今次點選既下午茶；鐵板黑椒牛柳絲炒烏冬、鐵板巨人雞扒配意粉，兩款都以鐵板新鮮滾熱辣上菜，令食物保持咗一定嘅溫度，食落更惹味😋 而值得一提，熱奶茶以懷舊奶茶杯沖劑而成，飲落順滑唔會過澀，相當唔錯。整體來說，係一間中規中矩既懷舊茶餐廳☕️