影片
食家推介
行完商場，想飲杯嘢解渴，便上嚟3樓，行到‘走鬼檔’前，睇到飲品的照片及介紹， 幾吸引， 便試一試.惹火呀婆 $38～紅色火龍果+蘋果榨汁. 有排毒，幫助消化的功效. 兩款水果都甜，大熱天飲完涼快無比.健康五青汁 $38～青椒+西芹+青瓜+苦瓜+蘋果+檸檬榨汁. 有排毒功效. 這杯五青汁加了檸檬，遮蓋了草青味， 一杯好fresh的飲品，諗唔到加了檸檬係咁夾👍.注意呀，飲品沒有加冰，沒有加糖水. 價錢比附近的果汁檔高，但我覺得真材實料，物有所值，下次再嚟葵廣，會再試佢哋其它飲品.
繼續閱讀
葵廣出名掃街，但食完晚飯去逛逛，除了甜點，最佳推介就是飲品。今次試的是平日自己較麻煩處理的石榴汁（Pomegranate Juice），價錢是$68（店員稱因近日缺貨，才微調了價錢），看似比一般bubble tea貴，但當一杯latte也要$4x，一杯大size鮮榨果汁絕對對得起這個價錢。石榴汁功效包括抗氧化、防癌、保護心血管，甚至能養顏美容。這次現場喝了一杯，由於瓶口可密封，所以也多買了一杯回覆家。味道有點像berries汁，甜甜的，十分好喝。下次也會試試其他飲品。
繼續閱讀
因為口渴偶然發現的「寶藏鋪頭」！😍整法好特別，佢地將奶蓋墊底而唔係擺面，再淋上打好嘅芒果奶昔🥰呢間仲售賣一些鮮榨果汁🍹老闆同老闆娘好貼心🫶🏻係我地排隊拎嘢飲個陣仲提供石榴汁試飲🤤
繼續閱讀
有天，想一家人出去走走，想下想下，就想起了葵涌廣場。因為這是一個可行街買衫，有店舖啱小朋友行及玩，同有好多野食既地方。於是，一家人就直接過來，掃街。當日，大家正在享受那馳名港九的 pancake 時，我想起了飲品。行下行下，就被這《走鬼檔》的果汁吸引住了。然後，我來一杯特別的，一家人分享。 所謂的特別飲料，就是叫小黃人沙冰。這是一杯以芒果同香蕉製作的水果甜品。份量多到要凸一大舊出來。我要從店門前拿到去吉野家門前的幾張長凳那兒，真的有點點心驚膽跳，好怕最頂層的沙冰會跌出來。拿到去兩個小朋友面前，我可以好清楚地看到，他們兩隻眼已變成心心形。吃入口，味道是又香又甜又滑又凍又軟綿綿。口感真係滑到好似雪糕，完全唔覺這是一份沒有加奶的純沙冰。芒果味道香甜，加埋香蕉，就多了許多分的香滑。似雪糕的口感，十成十是因為香蕉本身既 creamy 口感而造成的。好好味呀! 是兩個小朋友加我們兩個大人的共同吃後感。等這杯東西時，老闆不斷地請我地飲其他的冷壓果汁。更有不少掃街既人士，就是因為試了他們的一杯，就立即幫襯了。最後，我不得不說，這是一間好店。
繼續閱讀
好飲到第一次打食評，好耐冇黎過葵廣，見有啲口渴本身諗住求奇買杯果汁飲，見到呢間新嘅，啲名又好特別就諗住試下。本身想買石榴汁，但係對我黎講有啲貴，所以就買左杯藍寶堅尼，係好清新嘅味道，比我想像中好飲好多，跟住行咗個圈都係忍唔住返嚟買多杯芝芝芒芒，都係好好飲，兩杯都唔會好甜，對我黎講係好岩岩好嘅味道。見到成個製作過程，材料好簡單，飲得出係好天然嘅味道。價錢方面係有啲貴，但係飲落就覺得好值。希望繼續保持質素。下次再黎葵廣再買
繼續閱讀