影片
以上資料只供參考, 請與餐廳確認詳情
平日行過紅磡間超人，見佢排隊人龍好長。佢嘅生炒排骨望到都見脆卜卜，仲要用新鮮菠蘿。可惜唔近屋企，所以咁耐都無機會試下。有日行過油麻地，見到佢另一間分店。雖然見佢午飯時間無咩人排，但諗住佢成條街已有三間兩餸飯，其中一間仲要係兩餸飯名店權發，人流被攤分都好正常。入到去，見過西檸雞有食評大力推介，所以就叫咗西檸雞，生炒骨同西蘭花蝦仁。論服務，佢哋嘅𢳂餸專員姐姐，態度係好過權發嘅。最少唔會鬧客先。論份量，佢真係大件夾抵食。我呢份已係少飯，如果正常份量真係夠二人份。西蘭花蝦仁 - 味道比權發好，但蝦就比權發細。西檸雞 - 粉好厚， 獻汁太過酸，唔掂生炒骨 - 同紅磡比，呢個食唔到其他配菜，更加唔好講新鮮菠蘿。仲要比得上學校/醫院canteen嘅頹飯Conclusion, 呢間試一次就夠。我只會比多次機會紅磡分店
繼續閱讀
✨檸檬雞🍋🐓食得出係先將啲雞塊油炸曬，然後將檸檬醬淋落油炸雞，變成檸檬雞，最後加白芝麻做裝飾～好食嘅位就係有小部分仍然好脆身😋，酸酸鹹鹹其實幾好食，又獨特。
繼續閱讀
今次我要同大家分享一下中式兩餸飯嘅外賣飯盒嘅食評啦！🥡首先，試咗嘅係豉椒牛仔骨🥩！個牛仔骨炆得好鮮嫩，啱啱好咬，肉質鮮美，加上豉椒嘅調味，真係味道香濃又帶點微辣！一咬落去，味蕾都忍唔住嘆一聲嘢啊！🤤再嚟就係炆茄子🍆啦！茄子炆得軟綿綿，入口即化，仲帶有啲甜味，真係好開胃！加埋啲醬汁炆出嚟嘅茄子，味道更加豐富，好適合搭配飯食！😋呢個中式兩餸飯外賣飯盒真係好方便又好美味！豉椒牛仔骨同炆茄子味道都好正，飯盒裏面仲有啲清爽嘅蔬菜，飯食得好豐盛！如果你鍾意中國菜同埋懶得自己煮飯，呢個外賣飯盒絕對係一個好揀擇！🍽️😍
繼續閱讀
現場有十幾款餸，味道正常，飯量偏多，偏大盒，貴啲。但要注意，揀餸後付款時，之前的人再落單，拎個湯拎包紙巾，最搞笑係拎包醬汁，盒飯都俾唔到錢。店員應該拒絕再下單，其他兩餸飯店無呢個問題打尖問題。
繼續閱讀
話說其實我一直都冇特別鍾意食雙餸飯，但係上年食過超人之後，就返唔到轉頭。。。 而家慢慢復常，雙餸飯係越嚟越少人揀嘅選擇，今次過嚟堂食好好回味下！今次嗌咗三餸飯，分別係辣子雞、牛仔骨同鮮蝦西蘭花。最最最impressive依然係辣子雞，夠辣，夠惹味，個汁係好出色。 不過同之前相比，啲餸凍咗少少，但overall Cp值都好高！
繼續閱讀