超人燒鵝

營業中

休息中

超人燒鵝嘅選擇，其實都幾多，咁今次我就揀咗辣子雞同埋菜心炒肉片🤤先講吓味道方面，佢喺溫度保存方面一定冇咁好㗎啦，但係辣子雞都保存咗唔少嘅辣味，食落都幾惹味下🌶️魚菜心炒肉片就發揮正常，唔算話太過差。呢餐兩餸飯，總共用咗$34😁😁

剛剛買隻乳鴿返嚟,用碟裝出嚟發現乳鴿畀位少了一大舊肉,係咪有人食咗,咁細隻都可以食,返到嚟左砌右砌完全貨不對版,邊個賠償返畀我,呢間餐廳下次我都要考慮幫唔幫襯佢,又唔係冇其他嘢食呀點解要食客人買嘅乳鴿,仲要真金白唔畀錢

經過買淨兩餸，一盒$43.個阿姐俾得超級少，剩兩餸飯啲餸仲少過平時買兩餸飯。買咗蓮藕炆豬肉啲蓮藕五嚿都冇啲豬肉都唔多過6件。。。。。。。。。。忍唔住同個阿姐講佢俾得好少，因為實在少得太離譜平時一盒兩餸飯都多過佢。個阿姐即刻坐地起價話要加$10， 咁啱屋企人病咗煮唔到飯冇計我話照加。點知加完佢又話叫我直接多一盒，依啲人真係貪得就貪，貪得無厭。兩餸飯出現個意義係咩？依家乜嘢時勢啊，搵食艱難啊。竟然買個兩餸飯都可以俾人坐地起價，又話要加錢，又俾得咁少，仲要西口西面。下次行遠啲去元州邨嗰間分店又好食啲又多啲仲好過食物方面： 蓮藕炆豬肉蓮藕係硬嘅，豬肉亦都係爽嘅好似冇燜過咁。完全唔入味，味道唔ok, 態度又差

其實其他職員大致上無大問題，但斬燒味既職員就態度好差，知道雖然係做緊野，但埋去問野，已經有禮貌咁問野，居然黑口黑面，鬼神惡殺咁既樣“掘”住你，然後仲要唔答野，合埋眼擰轉面繼續做野，斬功又差，半隻鵝大部分啲肉都仲連埋一齊，仲超級大舊，象徵式斬幾下就當斬好晒，而且味道唔係特別好，燒鵝肉質比較散，最重要既燒味滷水汁一啲都唔香，淨係得個咸味，唯一就係同區黎計燒味飯特別平，但係真心連平時對燒味唔高要求既我黎講，真心覺得難食

路過見到有好多人排隊，原來好多人嚟買三餸飯食，望落去啲飯餸好似都幾吸引。見到佢有賣文昌雞，所以就買咗一隻返去同啲同事試吓。可能因為三餸飯實在太多人，所以除咗一個師傅同埋一個收銀之外全部都係做緊三餸飯。見到師傅一個人不斷斬燒味都覺得佢好辛苦，亦都因為得一個人，所以買完之後都要等大概10分鐘左右先至攞到。隻雞嘅份量同出邊一般嘅文昌雞差不多大小， 食落去隻雞有少少偏鹹，肉質裏面有少少水份，唔算好有雞味，最重要係雞皮嗰啲脂肪見唔到有好似一般文昌雞咁變成水晶狀，而係好似一般嘅雞油咁所以有少少肥膩。反而佢嘅薑蓉味道鹹得來特別啲，感覺上應該有落咗少少調味料落去，呢方面幾有心思。

成日行過見到好多人排隊買飯今日終於有機會試下排好長隊既係買揀餸既飯盒,燒味飯就唔使排,所以先試下燒味飯🍽燒肉燒鴨飯 $28分量可能比買開既燒味飯少少少食開既燒鴨好少切片,鴨皮變左長條,無甘肥美,但味道ok……燒肉比較細舊,但無連埋d骨或者好咸既尾部,燒味飯既菜通常係淥菜,而呢度菜係蒜蓉炒過,加上呢個價錢,絕對係收貨!下次可以試埋佢既揀餸飯

今日放工諗住斬料，又咁啱經過呢間超人燒鵝，醒起佢周圍都開咗好幾間分店，所以就買咗隻燒鵝下庄返去諗住試下。本身都好期待，因為好耐冇食過燒鵝，但一打開個盒之後就知中伏。首先佢份量已經係好少，廿舊都冇，跟住每一舊都差唔多係冇肉，啲皮仲要燒得完全唔脆。最過分嘅係佢個燒鵝完全冇味！！！係一啲香味都冇！仲難食過普通嘅燒鴨。呢盒咁嘅「燒鵝」仲要買咗我成110蚊，價錢同質素完全唔成正比，以後都唔會再喺呢間舖頭買任何嘢，非常失望😔

每次經過都成堆人排隊買兩餸飯28蚊兩餸飯真係超抵食之前已經買過 係。超。大。盒。所以特登買黎翻工做晚餐🤭🤭今日叫左個菜同糖醋骨如果食唔到咁多飯可以叫少飯但就最好早少少講因d姨姨好心急 因始終後面成堆人排緊隊🫣🫣菜就油左dd,但始終少食菜所以點都想叫個菜食而糖醋骨好入味 酸酸甜甜好正舊肉算淋 好易咬開好正 重有好多款揀同十分經濟實惠如果邊段時間大家同我一樣做緊窮撚😵‍💫😵‍💫歡迎加入兩餸飯行列🫢

買左兩餸for帶飯，牛仔骨拼菠蘿生炒骨，兩款都好好味，牛仔骨仲靚過響街市買果啲！又多肉（唔會得啲無咩肉/肥膏/多筋）隔左夜蒸番都好食！份量又夠～下次要試下一盒一餸先～