超人燒鵝

營業中

休息中

路過見到有好多人排隊，原來好多人嚟買三餸飯食，望落去啲飯餸好似都幾吸引。見到佢有賣文昌雞，所以就買咗一隻返去同啲同事試吓。可能因為三餸飯實在太多人，所以除咗一個師傅同埋一個收銀之外全部都係做緊三餸飯。見到師傅一個人不斷斬燒味都覺得佢好辛苦，亦都因為得一個人，所以買完之後都要等大概10分鐘左右先至攞到。隻雞嘅份量同出邊一般嘅文昌雞差不多大小， 食落去隻雞有少少偏鹹，肉質裏面有少少水份，唔算好有雞味，最重要係雞皮嗰啲脂肪見唔到有好似一般文昌雞咁變成水晶狀，而係好似一般嘅雞油咁所以有少少肥膩。反而佢嘅薑蓉味道鹹得來特別啲，感覺上應該有落咗少少調味料落去，呢方面幾有心思。