超級自助壽司店 (已結業)

某日路過回家途中, 忽然想買壽司回家吃, 記得呢間店壽司水準中下, 但勝在價錢夠平, 於是就行過去... 當我來到放壽司涷櫃前挑選花之戀壽司, 隨手拎起一兩盒看看, 然後聽到耳邊傳來一把女聲用一個極差態度望住我問我揀完未? 我由下而上望住呢個女人, 而呢個女人露出不俏眼神繼續問我有咩好睇? 我即時慶過辣雞, 我有心走來買壽司係唔係惡到唔比人揀? 我一言不發地放低已想買的壽司, 轉身就走! 我同我太太講過呢件事, 而佢亦留意到呢個女人態度真係好有問題, 但似乎店內其他職員都好似好怕佢咁, 有一日...我們一家到呢個商場購物, 途中囝囝扭計要食壽司, 因我太太未試過領教呢間壽司店的態度, 不以為然地走入去, 當時佢企係店內涷櫃選購壽司, 該女人從店內深處走出來, 仲大大聲叫人"行開啦"! 然後細細聲地講o左一句"死肥婆又唔知自己屎忽大!", 當時店內有幾位太太級數o既人選購, 而當中有一位太太身形的確較豐滿, 我輕聲問我太太係唔係阻到個女人, 我太太話隔離位太太o岩o岩阻到佢行過, 然後我已經怒啤呢個女人準備同佢開火, 而呢個女人而好似心虛地將視線望向其他地方...經過咁不愉快o既經驗我地

本身食開地鐵站百佳及爭鮮，但近近地就幫趁下，買左壽司同兩支水，因我本身拎住好多行李，所以就問老闆拎膠袋，點知老闆唔知係咪心情欠佳，竟然話無，當然我知佢係唔想俾啦，見我買得唔多，咁算啦，點知找錢時，仲將某D錢掉落地下，之後扮曬唔小心，又唔執返俾客，我趕住走，如果唔係一定同佢嘈。返到屋企，壽司硬到好難食，D蝦仲要有DD灰點，攪到我掉左唔敢食，要受氣仲要唔新鮮，以後我都唔會幫趁。

行完新都會商場之後 , 返屋企之前見口痕 , 刺身又發作囉 之後穿周過行去到葵涌商場 , 人流真多 , 真係串步難行 , 唔係講笑 終於去到超級自助壽司店 , 簡左一輪終於簡到食三文魚刺身 .份量足夠''一人前'' , 比起爭鮮份量多而厚身 , 而且佢本身質素ok , 有一定厚度 , 鮮味都有 ..所以二選一超級自助壽司店都行先 .. 30幾蚊一個人夠哂頂癮 .. 唔錯的選擇 另外我都幫親過幾次呢間 , 試過幾次刺身 , 壽司 , 蟹子尤魚 , 魚生飯 , 佢有80幾蚊的三文刺身 , 叫佢幫你切夠2-3人食 以我經驗分享 , 刺身同魚生飯都值得推介 , 反20蚊一個算係咁 , 天口熱都開胃 .. 不過''壽司''同''蟹子尤魚''真係不敢推介 , 前者無鮮味可言 , 後者更係腥的 .. 以上是小弟個人見解 , 人人口味不一只供參考

好耐無到過這間, 今日路經幫襯下, 老闆娘見到我都話好耐無見...買了一盒花之戀6件,配以2件三文魚手卷 。花之戀:沙律汁比之前多, 飯味適中, 三文魚都係新鮮, 比較抵食 。三文魚手卷: 紫菜還有少少脆口, 三文魚好似細塊左。鼓油: 無大分別, 少咸。washabi: 唔辣無乜味 。

行完葵芳之後打算搭車番屋企經過呢間野又見冇乜人就入去買番D野番屋企做晚餐因為我前面果位先生同老板娘好熟,傾左好耐計,我就係後面企左好耐先到我首先映入眼簾既係$20 一盒魚生飯望個樣唔錯, 但食落去真係想噴飯, 三文魚d魚骨多到.......d青瓜酸的 ; 飯又無醋味 ; 乾巴巴但係三文魚壽司就係幾好味的.肉都幾厚,有鮮味'我買左1盒飯+7件壽司($3@1) +芬達$5= 46,但係收多左我10蚊...$56我上左車諗諗下條數唔對路先發覺不過三文魚壽司的確唔錯, $10就當計埋入去果度啦只有咁諗我心先會舒服D

按囝囝要求吃壽司, 今日路經最後選了這間, 揀了五件三文魚壽司加一件三文魚手卷, 好好的一個 tea ! 雖然物價騰貴, 但這間三文魚的厚度大小及飯的數量沒有變, 三文魚口感十足, 厚厚一塊, 肉汁鮮味, 味道確是不錯, 紫菜脆口帶少少咸味。 現在好多間都已縮水 。老闆娘記性很好, 每次到來佢都認得出及快手快脚 。 這 間店舖除左三文魚鮮味外, 其他都不錯, 還有以飯盒形式售賣, 足夠一個午餐份量 。上午9:30已開門,故方便不少街坊及打工一族 。另外還有售賣三文魚骨, 非常新鮮, 放少少油煎及滾湯, 味道很鮮甜, 數量不多好快售完。

2010年3月28日 ( 6-5 ) ( 超級自助壽司 - 1 ) 小吃日程：( 新穎茶餐廳 - 有利海鮮漁村 - 鄉誼荼座 - 廣東燒味 - 超級自助壽司 - 凱施餅店 )從廣東燒味餐廳購過燒腩後，再到葵涌廣場超級自助壽司店，選購了一些壽司回家吃，分別是脆蠔卷、蝦沙律及蟹子沙律，吃過後，味道不錯，感覺整體也算是OK了！

臨離開葵涌廣場黎呢道買左幾個三文魚手卷$12/2件攞上手仲係暖暖地返到去一食, 原來D三文魚完全冇卷入飯入面, 得上面果2小片.有點搵笨不過紫菜食落都仲脆的

12$兩件,,10時左右買的,,因為其他款都好難買得落手,,(豬扒,雞扒,3文魚蟹子沙律,鰻魚,,)所以買左兩件都係螺肉,,點知一d想要既個種汁都無,,此乃其一,,,竟然連螺肉都小之有小,,幫襯7仔好過..此乃其二,,,一分錢一分貨,,係飯算有即日整既feel,..但都唔夠實,,一開就跌出黎咁際...

星期日行葵芳...見到呢間壽司店...突然好想食呀..好耐冇食過壽司la!入去買0左6件...都幾多款...有少見dd0既燒汁帶子..仲有原隻墨魚仔...燒汁帶子...男友喜歡...幾好三文魚薄0左d...八爪魚+螺肉...一件有晒兩種味...正吞拿魚沙律...仲有鰻魚...d個d味ok ge..但唔知點解好韌..總括..$20...6件..過下口引..唔錯la!~會再買

這外賣店子以平價壽司刺身招徠，店裏是自助式的，客人可以在凍櫃裏隨意選擇自己所好，有點像百佳的夾壽司檔！今日走過便買了一板三文魚刺身回家享用，二十五元一客共有七片，抵吃與否就見仁見智了！三文魚的賣相嚇人地鮮艷，橙橙的顏色實在有點假，店員替我包裝好後還放上一包小冰塊，感覺還是頗週到的！三文魚的食味淡了一點，滑是很滑了，奈何魚味欠奉，吃在口裏只是一片肉而已，想作三文魚解饞之用也十分勉強！始終是味覺先行，就算再便宜也無補於事！附上的青芥辣十分嗆鼻，但鼓油卻一點也不鹹，雖然不是這家店的出品，選用也難辭其咎！要吃好一點的三文魚，還是要多付出一點吧！

呢間嘢開左好多年lu~以平為主~今次食左三文魚手卷幾蚊一個手卷~貪過癮嫁姐~但今次的三文魚手卷...真係唔得早上11點買~應該係新鮮的吧但紫菜好冧....飯好散...三文魚好乾(三文魚碎來的.....)算吧~別要有期望

尋日(21-12-08Sun)晏晝,同男友o黎行街,行經呢o度,佢竟然話想食,啊.佢揀o左$8.00o既天蝦卷.只包一支豉油,wasabi要$0.50一包,咁佢就買埋wasabi.我o地搵個位食先,先加豉油同wasabi,我先試吓,紫菜脆,因為係用一層膠隔住啲飯,等你食時至撇開佢.而我覺得飯唔夠醋,天蝦冇咩蝦味,好一般.不過只係$8.00,點可以有太高要求?

今日食左個蟃魚手卷...好淡..完完唔覺有蟃魚係入面...縱使成舊飯都係啡色..但係一d 都冇味...條蟃魚仲要比青瓜條細...完全係食緊舊飯...雖然7蚊..都唔洗甘細條掛...7蚊買舊壽司飯食...= =

那次在葵涌廣場內購物,感到有點兒餓,就看到"超級自助壽司"的招牌,但是又沒有多少錢,所以,我便挑了全店最便宜的壽司卷來吃,我買的是八爪魚口味的壽司卷,殊不知我吃便愛上了,甜甜的醬汁令整件壽司卷更加美味可口,唯一的不足是卷內飯團的味道比較淡,但只要將它附送的豉油滴在飯團上,這個不足便得以彌補,而且價錢公道,就只售六元,七時後還只售五元!希望大家去嚐一嚐,因為真的很美味!