影片
以上資料只供參考, 請與餐廳確認詳情
食評 (38)
次次黎親葵芳廣場都一定會幫襯呢間小小既壽司店，雖然呢間係外賣專門店，但經過都一定會買一舊手卷食。原因得一個，因為佢d手卷真係好平好抵食👍🏾👍🏾。呢個三文魚手卷都只係$9蚊，咁多年黎都無乜點加過價，如果買2件既話都只係$18蚊，簡直係窮人恩物呀！。不過其實質數係一般，只係好抵食。好似呢個三文魚手卷佢面頭望落好大舊三文魚，但中間係乜都無，所以如果食哂面頭舊三文魚之後。中間就係食豉油撈飯🤢🤢。
繼續閱讀
黎得葵涌廣場既人，相信都會識得呢間壽司鋪。雖然物質昂貴，年年通賬，但呢間算係良心小店，咁多年黎價錢都係差唔多。次次經過都總會有人幫襯緊，我諗其中一個原因就係平，平，平！😱😱😱手卷都係8蚊一舊左右，而其他壽司都係20幾蚊就有一盒。今次我叫左個三文魚沙律手卷，都係$8蚊一舊炸！ 就咁望落去d咸好似已經多到爆哂邊咁。咬落去每一啖都係充滿住三文魚沙律🤤🤤🤤🤤。雖然葵廣而家開多左好多間壽司外帶鋪，質數都一定比佢高，但我始終都係中意支持小店🎈🎈
繼續閱讀
不經不覺喺葵廣呢間小小嘅壽司店已經開咗十幾年喇,由我讀書過嚟行街買衫開始幫襯,直到而家番工過嚟行街買衫亦都繼續支持。唔係因為佢特別好食,只係因為太耐感情,同埋自從帶埋阿肥嚟幫襯過之後,阿肥都好鍾意食佢哋嘅出品,尤其係今日買嘅呢份雙拼沙律。
呢份雙拼沙律盛惠$18蚊,係白汁碎蛋拼吞拿魚碎,面頭有少少蟹子襯托下,而下面就有粟米粒溝沙律醬。每一次嚟,都好似當咗佢係餐前嘅醒胃小食咁,兩個人一齊share,分甘同味嚕
繼續閱讀
呢間壽司鋪真係每次嚟葵廣都一定會去食，不過通常我都會買返屋企慢慢食，因為食一盒就飽哂掃唔到街，haha。今次我就買左軟殼蟹壽司，因為成日都係食手卷同加州卷，所以想試下其他。佢d軟殼蟹壽司大大件都只係二十幾蚊，真係好抵食。而且佢每一件都超大，d配料同飯又多，不過如果面頭d沙律醬可以多d就好la, 因為我唔中意落豉油，我中意加多d沙律醬調味，當d沙律醬配埋炸到好脆既軟殼蟹，食落去真係好滿足。其實呢間輔頭d野都幾抵，而且味道又ok，如果大家嚟到葵廣都可以試下。
繼續閱讀
以家已經無自選壽司，係一早pat好哂，有時係姐姐好人會幫客人調轉下啲款式，今日買了6件櫻花魷魚番到去一睇幾乎得番啲飯咁樣，如果要加錢先會正常份量我都唔介意比，問個姐姐點解得番啲飯我加錢可唔可以加番啲料又話無，知道係小本經營，但咁樣過份左少少，已幫襯8年以上，但我真心講無下次了
繼續閱讀