越一越南牛肉粉專門店 (已結業)

2018.12.06 （星期四）好耐無食越南野啦！路過荃灣見到呢間新開的大大間，所以同老公入去試下！環境好舒適光猛！座位寬闊～ 有架大單車在牆上！呢家主打牛肉粉！當然要試一試！叫左個抵食二人餐$198！先來就係四隻牛油雞翼～牛油味就略香，反而勁重蒜香味！好正！岩哂我老公呢個蒜怪！雞翼仲炸到外脆內軟，好juicy!老公要左個生牛肉河粉，牛肉好有牛味，湯頭都清甜。我就要左個香茅豬扒湯檬，個豬扒不肥膩，整得好香口，味道甜甜地，好岩我口味!然後叫左個香茅豬頸肉米紙卷，呢個好fresh~清清味蕾！配上酸甜汁，好夾！上湯生菜，超大碟，勁多菜，抵食！叫左至愛咸檸7，正啊！總括而言，二人餐好大份，好夠飽好夠食，超抵食！餐廳環境亦好舒適～食物味道亦很好

Lunch 諗唔到食咩， 行行下就到呢間成日見到,，但又未食過既越南野，咁就決定不彷一試。入到去大約13:45，仲係lunch 時段(到2點)，可能過左lunch最多人時間,，所以人流唔算太多， 不用等位。而且等多陣就下午茶(2點開始)， 所以我地就等左一陣。店員都好準時換枱面上既餐牌做下午茶餐牌。下午茶選擇亦都多， 有pho，有撈檬，有飯，仲包一杯熱飲。我點左香茅豬扒撈檬食物整體味道唔錯，雖然係下午茶餐，但份量依然好多，好夠食。友人則點了海南雞飯，我試左一件雞都唔差.，雞唔會好乾，下次可以試下。

星期五Happy Friday，同老公約左放工後係路德圍食晚飯，大家都知道路德圍星期一至日都好多人因為多食肆選擇，想食越南湯河所以揀左「越一」，好彩七點左右去到唔使等位二人套餐B - $198 真心覺得抵食兩碗湯河 - 揀左生牛肉同埋香茅豬排一款小食 - 揀左生菜+春卷一款蔬菜 - 生菜或白蘿蔔，當然要白蘿蔔四隻牛油雞翼唔好以為套餐碗湯河會縮水，牛肉及河粉份量頗多湯底加埋洋蔥，香葉及青檸汁，連埋牛肉一啖入口，大滿足👍🏻香茅豬排厚肉及入味，應該加左蜜糖有少少甜身，老公讚好食春卷配埋生菜上，新鮮炸起仲脆卜卜牛油雞翼份量唔好睇小，每人食兩隻好足夠，蒜蓉牛油香味同埋雞翼有底味，絕對好過出面好多收你七十幾蚊但畀四隻「蒜香雞翼」你，又當自己係牛油雞翼咁上枱😖碗白蘿蔔有成五件架，炆到淋哂入哂味，夠甜又無渣，可惜好飽最後食剩兩件老公叫左杯凍滴溜咖啡+$18，佢會夠哂香濃兩個人食到捧著個肚走都只係$216埋單免加一，兩百蚊可以食到咁多嘢真係超值，最緊要係唔會將貨就價，又近地鐵站。必定會Encore👍🏻

好耐冇食過越南野啦 呢間越一 有陣時晚市都幾多人😯 今日weekday早食 見有位就去食dinner啦😛我哋兩個人叫咗一碗粉 想叫多啲小食食下😝叫得越南牛肉粉專門店 就梗係叫下佢嘅推介越一生牛肉湯河😋 轉金邊粉或者檬粉都唔使加錢🤣 所以我就決定要金邊粉啦！🤣生牛肉貌相好吸引 真係只係用湯浸熟😍 牛肉都keep到好嫩 牛肉味滲晒落湯底度😍 令到湯底特別好味😋 餐廳亦比左青檸 想食酸少少開胃啲嘅可以落埋青檸😙想食啲菜所以就要左豬頸肉青木瓜沙律🥗 豬頸肉比得一啲都唔孤寒 起碼有五至六塊😍 不過師傅連刀切 雖然睇落靚啲 但食嘅時候有啲麻煩要咬開😂見到廚師十大推介入邊有法式牛油蒜蓉雞翼同扎肉蒸粉包 我哋望見都想食啦😍雞翼超級香牛油同蒜蓉味 不過粉漿厚左少少🤔 可以唔使落太多 其實雞翼本身都好大隻 牛油令到成件事好好食又邪惡！扎肉蒸粉包都OK嘅 扎肉唔係切碎放喺粉包入邊 而係放喺粉包面頭！扎肉仲有粒粒胡椒味！點埋魚露食又開胃 輕鬆食晒四件😋😋

好耐無食過越南野嘞！對上一次應該係去越南旅行果時，所以今日突然好想食，就同埋朋友一齊去食啦！呢間餐廳係荃灣都開左一段日子，次次行過都大排長龍，所以一於試下啦！見到有廚師推介，當然要試下啦！所以都點選了幾款的廚師推介先來打頭陣的是蒜蓉雞翼，蒜蓉雞翼炸得皮脆外嫩，平時最怕係食炸雞翼會無晒汁，又或者完全唔肉嫩但呢度係醃左連蒜蓉一齊炸，所以皮好重蒜蓉味，而肉質都好正。另一個小食就是扎肉生菜包。有涼拌的檬粉在底，上面墊上了扎肉，味道是淡的，但口感很豐富。有爽口的涼拌檬粉，也有很有口嚼的扎肉，配埋新鮮生菜，非常特別主菜來了，朋友很愛食海南雞，所以點了海南雞飯，本身是配油飯的，但餐廳都可以俾客人選擇，所以朋友就點了白飯。海南雞的份量不少，而且剛好是雞脾的位置，所以肉質都好鮮嫩，而且是無骨的，岩晒中意啖啖肉的朋友。而我當然試下豬扒撈檬啦，望到個份量都唔細，而且豬扒都屬於是厚切的。至於檬粉的非常爽口，軟硬度適中，岩晒中意爽口的朋友。

第一次在繁忙時間光顧，食物整體味道不錯，越式河粉很新鮮，三色冰水凖一般，繁忙時間坐得很迫挾，合拼枱子，客人吃得侷促，九秒九吃完，便要埋單，價錢合理。地方算乾淨了。

貪方便又唔使等位黎左越一，員工態度唔錯。叫左個2人餐，湯粉味道唔錯，我個人口味偏淡，如果牛既味道再清香d 就更好。越南牛骨湯真係唔易煲。成餐都冇乜問題，價錢都okay 抵，唔使$200 冇加一，有2個小食 2碗湯粉2杯野飲，野飲仲可以揀特飲。最出事就係個牛油雞翼同鹹檸水到，咸到腎虧。牛油雞翼我都預左係油，始終又牛油又炸。但冇理由一咬個皮d油係爆出黎，都算。上面d 蒜蓉好似d 鹽唔使錢咁。鹹到苦！要整走d 蒜蓉先食到🙈🙈🙈鹹檸水又係超級鹹。飲到一半，叫侍應加返d 熱水落去先飲到😂😂😂😂唔知係咪我果日係星期三。師父刨緊馬仔，咁鬼咸🤣🤣🤣

早前見到這家裝潢新淨的越一一直無機會試, 發現唔使點排隊 .. 想念前陣子到越南一試難忘的pho , 決定是晚來個快食越河.. 跟餐是不包餐飲的 .. 選擇還算可以點了扎肉河湯, 個碗大就大啦, 但河粉份量還真比較少 😔 扎肉幾片, 湯頭味道一般, $45有點貴喔, 包餐飲會感覺划算D ... 老公的咖哩牛腩飯也是一般, 沒有令人驚喜, 如果$42元會比較合理 .. 坦白說荃灣食肆眾多, 這家為了填肚子是可以, 但要嚐正宗的越南菜可真要蹺道了

今日同朋友經過呢到，諗住食個晚餐！今次係第2次黎了 就得第一次黎好多人等位今次反而冇咩人等位！可能夜咗掛 。。。其實我覺得呢間都算味道唔錯嘅所以先會再次幫襯呀 點知今次之後應該冇下次 事源係 我今次叫咗 香茅豬扒湯河 講真味道係幾好味 但見到d湯入面 有d疑似泥嘅物體 我估大概係 佢有d 香料洗唔乾淨 ？ 我唔知 ！我最後 冇食哂成碗 都冇問店員係咩事 因為我同朋友食完飯之後仲有野做 趕時間 但我翻屋企之後肚痾！就連我朋友都肚痾。。。但我地係叫唔同嘅野食所以可能 衛生有點欠佳 希望可以改善下 但我下次應該都唔會再黎食

又喺同老友星期六嘅行山日，呢次得我哋兩支公，可以揀啲難少少嘅，就一於行龍門郊遊徑，但就由城門行番上川龍，撐吓樓梯級。行咗兩個半鐘，算喺咁上下。行完，就無晌川龍飲茶，反而落番荃灣食越南粉麵，喺老友介紹，就即管試吓。「越一越南牛肉粉專門店」位處路德圍嗰邊，正正晌紅十字會側旁，地方四正企理，一室木系帶點小清新，少少越南嘅竹帽做掛飾，餐廳尾又有一大張越南風景相，喺邊度嚟就唔知，有機會我都想再去多轉越南，暫時越南足跡只及河內及下龍灣 。午市時段，主要喺供應午市套餐，一系列湯河、飯、撈檬，定價$45-$62，全包一杯基本熱飲，但可加錢轉為其他越式特飲，此外，亦可升級加配越式小食。目測店員都喺啲後生仔女，服務都算幾勤快，唯一甩漏喺我杯凍飲落錯單。而餐具、魚露，放晒晌枱上，自由取用。扎肉米紙卷 +$12見啲小食加配都喺十零、廿蚊，感覺幾抵吓，就即管試試，不過，試過之後就覺得性價比低。先講米紙卷，其實只有一條，一開二，睇佢送到嚟就知幾迤吓。米紙卷塞滿扎肉條、甘筍絲、米粉、青瓜絲、白蘿蔔絲及生菜，口感頗清爽，米紙唔會太韌，沾點魚露提提味，算喺唔錯。扎肉蒸粉包 +$16一客兩件，而扎肉唔喺加入粉包內，而喺放

同朋友一齊食叫左2人餐 2碗粉配香茅雞翼同香茅豬扒,小食牛油雞翼,上湯蘿蔔一開始食個粉已覺湯底好油而且好鹹,但味道過得去,之後試2款雞翼真係一山還有一山高 鹹到生石 尤其牛油雞翼 因為落好多其他調味料所以唔會鹹到苦 但味道好濃 食一啖就想飲野 而且雞肉有少少粉紅 應該未夠熟 豬扒偏薄而且較硬 上湯蘿蔔已經算係最清淡嗰款 但味道普通而且有渣 呢餐飯係近年除左鹹魚同鹹蛋食過最鹹既野 飲完自己杯野重要飲左朋友嗰半杯 飯後重去左買支水 稍為注重下自己健康我都唔太推薦 實在太重口咪

叫左兩碗撈檬，兩碗份量都不足，食完好似冇食咁；配料（花生，菜絲等）只有小量，誠意欠奉。其中一碗，香茅豬肉撈檬，d豬肉咸到發苦另外，要求店員清潔枱面都要請好幾次才來整體來說，整餐都令人十分失望

去朋友屋企打機前先醫醫肚， 荃灣地膽帶左我去「越一越南牛肉粉專門店」，下稱「越一」， 佢話又抵又好食，就隨他吧！🙊 晚餐時段差不多滿座，😳 睇黎好受街坊歡迎喎！ 除左單點外， 最抵食一定係二人套餐，$168起， 我地揀咗$198， 包一客牛油雞翼，一款自選小食，上湯生菜或蘿蔔，湯河兩碗， 仲包兩杯飲品，真係超值，性價比超高！😎 地膽仲話蒜蓉多士好正，必點！😏 法式蒜蓉多士（$38） 和平時一般用法包整嘅蒜蓉包不同， 「越一」用厚多士切條， 四邊都塗滿牛油和蒜蓉，烘至金黃，超好食derrr！😋 小編一個人食左四條！🙊 牛油雞翼 即叫即炸， 脆卜卜的外皮配上炸蒜片，好惹味， 雞翼肉質鮮美多汁，好重牛油香，好味道！😋 香茅牛肉米紙卷 薄薄的米紙包住以香茅醃製過的牛肉，軟腍入味， 配以清爽蔬菜、香草和米粉，口感豐富！ 上湯生菜 估唔到套餐份量有咁多～ 雞絲扎肉湯金邊粉 香濃清澈嘅湯底， 金邊粉吸晒湯底嘅精華，正！ 扎肉有點黑椒粒係裏面，食落更香更有口感。 香茅豬扒湯金邊粉 豬扒好大塊，香茅味十足， 肉質鬆軟又不失嚼勁！ 飲品＄18以下可免費選配， 所以就揀左凍青檸梳打同

用左OpenRice 成7-8年 第一次評論 點左一個火車頭同奶茶 奶茶太濃 完全冇奶茶嘅香味 仲要苦嘅 失敗 到火車頭湯河 湯底雖然真係冇味精 但係味道錯晒 失敗 生牛肉太韌 失敗 牛腩細細塊 完全冇口感 牛丸冇肉味冇彈性 仲衰過四洲速凍牛丸（no offense) 失敗 蘿蔔完全冇揀過 全部都係渣 失敗 最離譜係舊牛筋 仲有條毛係上面（冇吹水） 牛柏葉得一條仔 味都試唔清 當施捨比我呀 每樣料都得一舊仔 仲要細細舊 敢收我52😡 哇 有冇搞錯呀 離晒大譜🤬🤬🤬個冷氣仲要滴水以後絕對唔會再黎 係咁

今日早了收工，途經荃灣，來到路德圍附近，看見這間越式餐廳有下午茶，便決定到店內一試。下午茶的選擇非常多，有海南雞飯 、越式湯河、火車頭湯河、越式炒金邊粉等，價錢還相當大眾化。最後，我決定叫生牛肉湯檬🐂，除了檬粉，還可以叫其他，如河粉、金邊粉等，都不用加錢 。這個下午茶餐還配一杯飲品🍵，我叫了熱檸蜜（平常的餐廳熱檸樂最少要加六蚊），但這間餐廳是不需加錢。🖒😎餐牌上聲稱所有嘅湯都不加味精，等我試試龍與鳳。不用五分鐘，就來生牛肉湯檬🍲，檬粉份量挺多，湯底真的頗清甜，生牛肉都十分爽口 ，熱檸蜜的檸檬都不會苦澀。以三十多元的價錢還配一杯熱飲，更不用加一，cp值真的十分高，是一間十分值得推介的餐廳。