越中意

營業中

休息中

呢間‘越中意’完全可以用‘唔掂‘兩個字來形容，所以我冠以它以‘越唔掂’來稱呼它。奶茶送到Office無咗一半，飲珍珠奶茶給妳幼飲管，明明香茅豬扒應該有鹹味，佢就俾甜豬扒。Lunch 送到Office 已經 1:45 p.m.，妳叫我點可能在15mins 內完成呢。仲有呀，我同我班同事一共叫咗約$500外賣，佢仲話要我另付的士費。付款時又收多我$20，佢話以為我俾貼士。真係激死人啦!!!若閣下想挑戰自己人體極限以短時間完成午餐，不妨試吓‘越唔掂’吧！

今日食晏１：４０路過附近唔知有咩好食，見到有餐廳就咁就入左去試下，叫左香茅豬扒飯＋凍檸茶，牛肉炒河＋凍啡，香茅豬扒好味好好送飯，有肉汁唔會太乾身又有咬口，凍飲要加３蚊過份左Ｄ，牛肉炒河沒什麼特別，但唔油係乾身炒，凍啡好特別，面上加左一堆類似朱古力既野，２：００就有下午茶比較抵食，中午飯就３０零蚊尚可接受，可以再食過香茅豬扒，抵讚

吃了$96元的兩人餐吃了春卷、豬扒、炒菜和兩個粉香茅豬扒ok，撈檬也不錯(跟餐要+2蚊)其他的一般般，沒甚驚喜服務也一般，只會主動收碟，不主動加茶適合隨便吃吃~

一行三人去食晚飯叫左2人餐$98，加黑椒炒蟹$1682人餐食物：春卷：越式製作，唔錯呀蝦餅：太軟了，可能慣左d蝦餅比較彈牙炒通菜：幾好味兩碗生牛河：湯底幾好味黑椒炒蟹：唔太似新加玻味道，可能佢加左紅辣椒，但係食得出係新鮮蟹我覺得d 服務唔係講到咁差，可能初初開鋪差少少。佢地好主動加茶、換碟etc

下午1個人來吃午餐, 未到下午荼時間, 唯有叫午餐SET一個生牛肉湯檬, 一個粉卷, 一杯冷檸荼, 個餐$35加$3 冷飲如果食下午荼就$26 個set, 野食是一樣的生牛肉的湯底幾好飲, 唔肥膩但牛肉就麻麻地我鐘意食這裏的粉卷若果食下午荼就會抵D....

我地叫左2個粉面餐,$35有一個小食,一碗面同一杯野飲,以晚餐黎講都唔算貴小食:春卷/粉卷/油菜春卷即炸,熱辣辣,好脆,包生菜好好味油菜幾大碟,色水幾靚,唔會霉好過茶餐廳粉面餐加$5個D油菜粉面:米粉/河粉/檬粉/金邊粉扎肉粉 扎肉切到一條條,好少份量,還原都唔知有無一塊肉香茅雞翼 即整,大大隻0既3隻,金黃色,賣相幾靚淨係講粉都幾大碗0既,實食得飽飲品:+$7(港台式),+$11(越式)加錢要所謂0既特飲唔抵囉,奶茶麻麻,甜得濟,唔夠茶味,送就ok啦順帶一提.午飯叫飯可以變餐有野飲,好似幾唔錯總括黎講,人地都係做街坊生意,唔好咁高要求,近近地都可以食下,比較清淡

我地叫左2個粉面餐,$35有一個小食,一碗面同一杯野飲,以晚餐黎講都唔算貴小食:春卷/粉卷/油菜春卷即炸,熱辣辣,好脆,包生菜好好味油菜幾大碟,色水幾靚,唔會霉好過茶餐廳粉面餐加$5個D油菜粉面:米粉/河粉/檬粉/金邊粉扎肉粉 扎肉切到一條條,好少份量,還原都唔知有無一塊肉香茅雞翼 即整,大大隻0既3隻,金黃色,賣相幾靚淨係講粉都幾大碗0既,實食得飽飲品:+$7(港台式),+$11(越式)加錢要所謂0既特飲唔抵囉,奶茶麻麻,甜得濟,唔夠茶味,送就ok啦順帶一提.午飯叫飯可以變餐有野飲,好似幾唔錯總括黎講,人地都係做街坊生意,唔好咁高要求,近近地都可以食下,比較清淡

帶著疲乏的身軀, 回到北角, 走了進來……….晚餐竟是意想不到的便宜, 四十多元便有一個粉麵, 小食加飲品, 生牛肉湯河的湯底尚算不錯, 味清不油膩, 配以一件白蘿蔔, 有點格格不入, 牛肉質素不佳, 雖是半生但是太un, 加上肉質鞋, 難以咀嚼, 蒙牛的扎肉雞絲檬都不見得太好, 醬汁味道不夠酸濃, 明顯是將貨就價, 以少料多水為製作藍本, 扎肉雞絲都不見得多珊珊來遲的炸春卷, 每份套餐有3件, 算是很抵了. 新鮮炸出來的水準當然不會太差, 不太油而且脆, 饀料的粉絲豐富, 生菜也多, 可算是彌補了之前的不足.招呼ok, 街坊價錢, 街坊水準, 雖未能做到越食越中意的情況, 但都算合格

是日lunch一行9人到依間餐廳食~其實之前食過幾次....感覺一般~不過貴左d...近30蚊一個麵仲要冇野飲~咁依次我地9個坐中間張長檯~可能佢厭我地多人講野好嘈掛...無啦啦開大個冷氣~個風口仲要對住我地!!我諗佢應該開到10度左右啦~我地叫佢開細d...但佢竟然話：「無得開細架wor...= ="」....頭先明明見住佢用搖控開大~依家竟然話冇得開細?!擺明擘大眼講大話!!!!仲有成日向人地個頭上傳遞食物...所以咪叫佢唔佢咁做lor~都唔知係咪因為咁開大冷氣報服想趕我地走~總之以後都唔會再黎~

其實係佢岩岩開果陣我都有去過．．．因為佢係我屋企附近．．佢岩岩開果陣都ｏｋ既．．．聽人講ｄ糖水都幾好食．．．好似話果度既老闆以前開"許留山"．．．我食過都ｏｋ．．但就係貴左ｄ囉．．．之後有次放學我同d fd去食．．見到牆上面有好多隻蟻．．張張枱近牆既都有蟻．．黃色細細隻．．．但係有好多．．．之後同ｄ服務員講佢又唔係好理．．又覺得我地好煩．．服務超唔掂．．ｄ價錢又唔抵．．我話過我唔會再去的！！雖然可能宜家冇蟻．．但我唸ｅ間野都唔會好得去邊！！

一個人叫了扎蹄同香矛牛肉河，扎肉同分蹄ＯＫ啦，唔算差又唔係好特出，香矛牛河反而幾好，牛肉幾有香味，河粉水準還可以而湯底幾好。抱住街坊食店的期望嚟幫襯應該不會失望。

昨天星期日食午飯，同朋友一行七人去食。入到去，我地主要叫套餐，味道都算ok啦！不過價錢貴左少少。到走的時候，我地每人放低自己那一份錢，我拎起張單就去找數，我地冇人計過，所以冇人知道總數幾多錢。出到櫃面，佢拎住計數機計，我見到張單係寫：26, 26, 26, 20, 20, 22, 32，計埋應該係$172，點知佢話收$180，我當時呆左，以為大家比少左錢，點知大家都話自己冇比少過。行左幾個街口，有點不忿，於是自己將頭先見到的數字計返，點知真係$172，佢騙我們錢囉！過份呀！我地一行7人決定以後不幫襯這家店舖！

一早話左五天工作無我份星期六都三點幾先收工殺到北角搵食東寶? 三點幾落晒場啦而且熱氣野都係遲尐先食咯呢間越南野幾企理都唔錯不過唔多夠冷氣餐牌又濕lup lup下午茶生牛肉河十八蚊碗牛肉幾爽又夠大碗唔錯另加蝦餅足足有十幾件質地就似炸魚片幾得意牛油雞翼結果又係炸既但瘦左少少囉最後要左號稱招牌既甜品芒果白玉翅白玉翅都係類似魚膠粉開既透明爽口條狀芒果肉同芒果汁都好豐富芒果汁ok芒果就酸左少少整體黎講食物都ok既

見新開而且個樓面都幾乾淨於是入去試下啦...此店格局似快餐店, 我同個女一坐低, 第一件事竟然係個女要求清潔卓面...唉...竟然識得收起上手d野, 但又唔清潔好張枱...不過其他野都ok乾淨既...樓面好少人...得一個呀嬸行來行去...好明顯唔夠侍應啦...如果講到野食, 真係好一般, 不過都仲可以算係越南菜既...

見餐廳新開張不久，到此作午餐，根據餐牌叫了兩個午餐，餐牌寫清楚可以加錢轉撈檬，職員卻說「冇得轉喎！」；餐牌寫可以河粉加咖喱汁，職員卻說「冇得轉喎！」；餐牌寫包飲品，職員卻說要加錢；餐牌表示可選擇越南粉卷，職員又表示「冇喎！」，只好選擇其他，但竟然轉頭見另一枱遲來的客人有得吃。食物質素一般，春卷不錯但細條，熟牛粉一般，扎肉撈檬檬汁太酸。作為一間新店舖，除卻食物質素要注意外，員工的服務水準亦要注意才行，顧客才能「食得開心」，但現在我已經不想再惠顧這一間「百無」的食肆了！