越之味 (新都城中心) (已結業)

假期要在商場搵食等位拎飛係常識吧！由於要趕住入場睇戲，又唔想食快餐店。見到呢間越南餐廳不用排隊，二話不說就入去，心諗匆匆忙忙食碗麵就入場睇戲。大蝦蟹膏蟹肉湯粉大蝦size都正常，不過蟹肉蟹膏餅就真係食一啖嚇親，味道鹹兼一食就散，將兩樣食材溝埋製作湯底亦偏鹹，以$78加杯熱飲嚟講，真心講唔係平，一次已足夠

撐小店同埋真材實料緣故而食過好多次，但今次真係好令人失望，夜晚叫蟹膏燒牛肉米捲，蟹膏少之餘櫻花蝦亦得幾粒，入面餡係大量既米粉所以好靠蟹膏既味道，少蟹膏又少櫻花蝦簡單淡而無味，明明以前份量好足。就連湯底都比以前鹹好多，太失望，冇下次！

入到去間鋪見到冇乜人，諗住時間尚早，所以就入咗去，原來因為太難食，所以冇人排隊。叫咗慢煮牛湯河，D慢煮牛肉好鹹，鹹到入喊！佢個男侍應落單嘅時候已經冇反應，同佢講啲牛肉好鹹，佢就好hea咁同廚房講完，佢有行返嚟同我哋講，咁即係點？其實我哋絕對唔係啲咩腌尖食客，我哋都唔想浪費食物，冇打算叫佢成碗換過俾我哋，只係想佢比一個應該有嘅反應我哋，望多佢兩下，佢就話俾碗水我哋洗下，真係唔該晒🙄！食完碗粉，要不斷灌水。一定唔會再去！

呢間野其實幾好食 不過入面有個女職員態度好差好似唔想做咁 我哋入去食嘅時候成間舖得我哋一台客 都可以落錯單不過另外有個後生啲嘅男仔 態度就幾好撈檬都幾好食 個汁都好夠味味道唔錯 牛肉幾嫩啲粉都幾好食米卷好大舊 分兩啖先食得晒味道比較濃 米卷有口感 好食鹹檸七係比罐七喜你自己斟 好飲嘢飲正常 薑味都幾重

呢間小店其實係有意料之外嘅水準，通常食開一般越南餐廳小店， 啲湯粉嘅份量都好似食唔到咁， 除非唔係特別肚餓，否則唔會太多， 而且味道唔會令人覺得有傳統越南湯粉嘅感覺。 呢間小店除咗個份量足夠外，湯底嘅味道幾好，而且價錢亦都唔貴， 個人覺得性價比甚高。 會安雞絲湯金邊粉$68雞絲份量足夠而且嫩口，金邊粉份量亦唔少，絕對冇呃秤嘅感覺，湯底好味。 慢煮牛肉湯河$68 通常喺越南餐廳叫生牛肉湯河，可能我孤陋寡聞，第一次喺越南餐廳食慢煮牛肉湯河粉， 牛肉好淋好鮮味， 而且亦唔會太薄到好似生牛肉咁， 河粉充足， 湯底亦好味， 唯一係芽菜同金不換不夠多， 只有少量芽菜同兩小片金不換， 不過呢啲係比較個人喜好，如果有多啲個人會覺得更加好味。招牌法包 $36招牌法包嘅餡主要係豬肉片為主，雖然裏面夾咗少少蔬菜， 但係都感覺比較乾身， 麵包軟硬度適中， 反而覺得呢個招牌法包就冇乜特別。

☆ 𝙏𝙖𝙨𝙩𝙮 V𝙞𝙚𝙩𝙣𝙖𝙢 𝙃𝙆越之味將軍澳貿業路8號新都城中心2期UG樓051G號舖成日都幫襯嘅小店，除左價錢實惠之外味道仲好好tim！✦ 大蝦蟹膏蟹肉撈檬隻蝦大大隻好彈牙，個蟹肉餅係勁多蟹肉整成，可以清楚見到一絲絲，然後有d粟米增加口感之餘又減少油膩感，好味！✦ 菲力生牛湯金邊粉湯底清得黎又好夠味，d牛肉又好嫩滑。✦ 網紙春卷✦ 香茅魚餅呢2個小食就無乜特別，不過不失，因為跟餐優惠價所以加埋黎食下。其實佢個慢煮燒牛肉都勁好食！下次食完再比相大家睇呀(˶‾᷄ ⁻̫ ‾᷅˵)

今天下午茶突然想食越式河粉，去到門口好彩唔駛排隊，好lucky 。餐牌有輕盈下午茶，午餐選擇，我就肚餓關係叫咗午餐(大碗啲)，叫咗幾款越式河粉，湯底都夠濃味，係我鍾意嘅味道，加埋酸酸地嘅撈檬汁味道更加提升(個人認為😂)生牛肉河粉 - 牛肉夠淋，口感唔錯。雞絲河粉 - 雞肉唔會鞋，夠嫩滑牛丸河粉 - 牛九都唔錯，夠彈牙，有牛肉味飲品叫咗椰汁冰，青檸茶都正正常常，但杯奶茶真係唔得，賣相睇落都已經麻麻，又淺色，飲落冇茶味，好啖

行完山响新都城揾嘢食見到呢間lunch set 好抵所以試吓牛肉河本身冇乜興趣,因為吃太多了正宗、好味都吃過同行朋友一樣叫咗越式春卷撈檬粉小食一份係魚餅一份貢丸之後追加一份蟹膏櫻花蝦燒牛肉米卷份量好多..撈檬D沙律菜多到...春卷新鮮炸起,香脆夠味!正米卷嗰蟹膏不得了,味道香濃搞到同行朋友去咗同商場間阿布泰國買樽蟹膏醬(雖然未必係同牌子,但應該5差)

Ordered a sandwich here, the lettuce inside was slimy and rotten. Need better quality control.

天氣開始熱，很適合食越式粉麵就同爸2個去左越之味，我爸叫左大蝦蟹膏蟹肉湯麵，一上枱就嗅到很濃的蝦蟹味道，隻蝦有手掌大，麵上有他們自製的蟹肉餅，食入口，滿滿濃烈的蟹味。我就叫了生牛肉湯麵，肉質嫩滑新鮮，喜歡食牛都勁力推介

今天是第一次來了越之味光顧，吃了一個輕量的下午茶套餐，我叫了香茅魚餅湯檬粉，及熱玫瑰花茶。食物味道很美味，魚餅有口感，湯底夠濃，吃下時感到香茅的香味，加上洋蔥及芽菜的份量亦多，令人感到非常地道。而玫瑰花茶亦充滿花香，飲時很有清新的感覺，是不錯的下午茶套餐的選擇

午餐時段隨便搵一間平平地嘅餐廳，貪佢叫粉有飲品同小食送🤣越式河粉 牛丸$48 生牛$58湯底有少少好似肉骨茶咁嘅藥材味，算有特色，鍾唔鍾意就見人見智喇🤣 辣椒要問先有，有一個店員啲嘢好豪咁俾，另一個就俾得幾粒，舉手都要睇人啊😂送小食2件（同款）揀咗魚餅同魚腐，不過不失，都係交嚟嘅貨。兩碟唔同時間上，又係一碟俾好多醬，一碟得一點咁多醬😅要推介一吓飲品，熱玫瑰蜜唔洗加錢就可以試到。唔知係咪又係一個重手嘅茶水部員工，杯飲品好甜（應該拎多半杯水開返淡😂）但飲到有玫瑰味，仲有少少酸酸地好似洛神花咁嘅味，飲落有少少膠質，真係好似有飲緊玫瑰味加洛神花，雖然第一啖好甜嚇一嚇，但愈飲愈好味，好想買返一樽返去自己開嚟飲😂唔抗拒甜味嘅人可以叫嚟試吓🤣

放假唔知食咩好，出去行左一圈圈都係唔知食咩！由1點行到2點，餓到胃痛，見到呢間一直想試但未試過既越南野！叫左個扎肉河粉，無飲品既。河粉幾滑，10分鐘返到去都無咩浸爛。湯底好香，同去越南食個陣味道一樣，香草味、炸蔥味、芽菜味都令我胃口大開～湯底好清但甜，我飲晒咁制！唔覺有味精，因為唔口渴。扎肉有3-4塊，其實我成日食啲扎肉味都差不多，佢都同出面個啲無咩分別！正常扎肉，所以我唔評論了。

越之味今次第二次吃，仍然好足料。香葉扎肉撈檸生菜爽口，扎肉也幾好味。配菜的木耳絲囗感彈牙，醃蘿蔔不太酸。熱紅棗茶套餐包飲品。少少過甜。食物整體很不錯，服務態度很好。

我嗰次係夜媽媽 趕住食晚飯， 其他餐廳都閂曬舖， 好彩呢間越之味九點半last order。 我嗌咗個小食就係炸蝦餅， 色香味俱全，好新鮮， 炸得好香。犯罪特別嘅就係佢個鮮牛肉湯河， 嘩你望下我影嗰張相， 排得好靚， 比你有一種好強烈嘅食物美味加埋觀感視覺上嘅震憾。 啲牛肉堆得好高， 啲牛肉好新鮮好紅， 又好薄， 跟住淋啲湯上上面， 啲湯淋咗上去大概十秒到， 就已經慢慢變啡色， 好好食！！