越來越愛 (已結業)

本人第一次既作品，就為呢一間令人越食越慶既“越來越愛”,我朝早食過早餐，覺得都幾好食，就夜晚同老婆外母連個仔嚟試下，價錢唔貴，不過食物質素係垃圾級別，首先嚟嘅係沙嗲粉絲肥牛煲，呢個餸我諗大家都食過，亦知道佢唔係好難處理既普通嘢，但呢間餐廳竟然可以煮到淡茂茂，牛肉白烚，粉絲無味，撈d汁就算，真係求其到爆！再嚟就係生菜包，d豬肉亦係白烚，有無搞錯！同餐廳反映咗，結果係沙嗲無味就加沙嗲汁，白烚豬肉無味就加d鹽，直情係挑戰你嘅eq，令人越食越火滾。。。。。。一句到尾，永無下次ps：早餐ok，經過可以試下

究竟係我現解錯或是order錯了。法式牛柳粒紅飯無紅飯。法式變中式。黑椒牛柳粒變了中式番茄牛柳飯。餐牌上的牛柳粒樣呢?????点解乾炒牛柳粒變了茨汁中式牛柳。中間仲有鬆肉粉味去錯餐廳点錯菜。

諗住去大家樂食早餐，好多人而隔離又開左呢間小店。見個樣唔錯，可以試下，於是入左去。雖然佢做越南野，不過早餐都有港式早餐，公仔麵、炒蛋、牛扒、通粉等等都有。叫左個蕃茄湯通粉配餐肉炒蛋加多士👍🏼👍🏼😋😋佢既蕃茄湯底好夠味，而炒蛋都好滑，多士香趣又多牛油。小店經營，非常值得大家支持💪🏼💪🏼💪🏼

今日放假諗住唔想出街，但好想食撈檬，所以就行去清河邨食呢間 ‘越來越愛’有卡位同圓枱選擇，呢度既設計以木系為主，帶有越南風格嘅筲箕。金不換牛腩湯河$35平時係其他鋪頭食湯河落既金不換太約得1、2條左右。哇.....呢碗有勁多金不換呀，味道好濃！對於重口味既人黎講岩曬喔😍牛腩煮到好軟熟。香茅豬扒撈檬 大碗$47我最想既食撈檬黎啦👯‍♀👯‍♀一定要落勁多魚露酸甜汁先好味道😆😆

祥龍圍邨真係好入，唔係同男朋友特登散步都唔會入到咁入！雖然打正旗號係越南菜，但又有火鍋又有中菜😂花多眼亂呀最後我地叫咗一人越式火鍋（野菜清湯）、芒果軟殼蟹米紙卷、蟲草花螺頭燉雞湯。本來想叫冬瓜盅但咁啱賣晒，然後侍應力推呢個湯。問有幾大兜，佢答有六碗。一上菜我地不禁就「嘩」一聲，好大盅！好足料，隻雞好滑！最後每人飲咗兩碗都好飽，起碼有七八碗份量～超級抵呀！隻雞好嫩滑，但螺頭就略為硬身咗～（個侍應姐姐仲幫我們倒埋第一碗添，咁好服務！連杯凍飲都好大杯...so crazy米紙卷都不錯，不過入面啲配菜太多，所以個軟殼蟹都基本塞唔入😂唯有一啖蟹一啖卷咁食啦～個火鍋絕對唔只一人份量！我地都係食唔晒啲金邊粉😂肉類係新鮮既，個湯底都夠清結論：屋村餐廳黎講算唔錯！

經過幾次都想食架啦，琴晚終於試左，我飲左杯菠蘿椰子沙冰，真係有果粒喺入邊，而且杯野唔酸，味道啱啱好。個涼拌手撕雞加左青瓜絲仲有啲酸酸地咁，食左好開胃，份糧都好大碟。。。下次一定會再食

環境係0k，座位都Ok，但係食物質素真係差到不能再差，今天叫咗個香茅豬扒蛋公仔麵早餐,豬扒碎上，得兩舊，仲要係合併豬扒，同個老細講，佢話佢哋啲豬扒係原件，放上碟上一睇佢自己撐唔到就鬧人，請我食都唔好再去

有一日路過見到呢間越來越愛， 入去試下. 叫左碗生牛河 ，湯底味道唔太濃 不過舊蘿蔔就好咸 咬一口 就放番入湯「調味」，呢碗只可叫好一般. 另加$18蚊要左個蒸粉包，味道唔錯係胡椒粉落多左.多蝦米 香口既.加3蚊多左杯大凍檸茶。

我叫左碗$51 泰式椰汁雞湯檬，我男朋友叫$48.8香芧雞扒飯。上菜我個碗係變左咖哩汁雞湯濛，係咪我理解錯誤，見識少？泰國椰汁係咖哩汁？🤔問完侍應，之後佢走番入廚房問同事到底係椰汁定咖哩😅最後照食碗咖哩汁雞湯檬....碗野檬粉超多，撈極碗野都只係搵到得3件多骨肉少嘅雞，同幾粒薯仔，洋蔥，青椒。睇落我男朋友碟雞肉總多過我....問侍應點解大碗得3件雞？係咪大碗嘅意思淨係多濛粉？細碗都係3件雞？🤷🏻‍♀️之後佢入廚房補番兩件雞同少量薯仔比我..總同我講因爲廚房師父係新入職，唔知份量幾多...我覺得好唔值，同埋唔係特別好食，只係裝修靚....收據寫嘅菜名同同餐牌都唔一樣嘅，一個寫咖哩一個寫椰汁😅😅😅

屋企人住喺附近之前都嚟試過呢間嘢,味道覺得唔錯所以今日入去探佢哋時就嚟試下星期六下午茶時間唔使等位出奇呀入到去客人唔多環境乾淨,光猛都算舒服豬扒包跟粗薯條+野菜沙律餐豬扒包同野菜沙律份量👌都算大份薯條唔多得3條不過$31跟熱飲抵食凍青檸茶青檸唔酸冇青檸味泰式炒海鮮金邊粉金邊粉乾身雖然口感有點似吃橡筋不過總好過濕淋淋其他食物不過不失啦最伏嘅係份西貢厚多士西貢厚多士個名字好特別但嚟到之後覺得非常伏西貢厚多士只是一塊普通的麵包烘底何解要用呢個名呢既冇西貢特色麵包又唔厚希望貴餐廳出品食物時多加留意隔離間大X樂叫份多士餐便宜過你哋起碼多士厚d花生醬都有花生粒

極度不愉快的晚上，之前都覺得呢間野唔錯又近自己居住地點，所以係咁推薦朋友去食，過左今晚唔會再叫！可以體諒佢人手唔夠，等叫餐都等好耐都唔緊要、冇人執枱唔緊要，到埋單既時候有位職員態度極差，優惠券都係一部電話一張，上一次（只係星期二食過）我冇拎到免費升級飲品個優惠 我問個職員今次係咪可以扣返，佢就一直係度講講講話唔比扣又話我個email果張券會過期，然後佢就問佢老闆，佢老闆都話照比，佢就話唔比扣，仲要del左我另一個email既資料仲要一直講埋一埋廢話態度極度欠佳，我再上個星期同朋友食既時候，我個朋友都係可以直接可以升級杯野飲今次又要搞咁耐最後乜都冇係度浪費我時間 ！其實唔係果十幾蚊既問題，係個職員態度既問題，我明白打工做飲食既心情由其今日貴餐廳都忙，但係連基本對客人既態度唔應該係咁囉！本人感到非常生氣😡愈做愈差！我以後都唔會再光顧你地間餐廳同埋唔會再推薦朋友過黎食！

呢間野新開時都ok。而家越做越差 成班樓面吾係做野既叫佢地落單抹桌 要求大帝甘！個個你眼望我眼 旨意其他人做。有個阿伯樓面仲衰 叫佢幫手抺桌 衰到專登將桌上既野 抹掃去客人身上！