越北牛肉粉

營業中

休息中

我最鍾意食嘅牛肉粉個湯真係吾熱…仲要換過一碗…佢係叮翻熱俾我，估唔到嗌嘅生牛河變咗熟曬牛河.其他嘢都一般$90套餐一碗生牛河真係好過份.個湯底味道已經冇以前咁濃郁香味.呢個商場佢附近南記質素都高過佢譚仔成功係有佢嘅因素就係湯底夠熱😑

行完街唔太餓，所以想食得light啲，越南野最啱。我地叫左幾樣小食，一個飯。🤣～蒜蓉牛油雞翼必食呀，雞翼好大隻，炸得好脆又好香牛油味，一人兩隻唔夠喉。下次要一人一碟。😌～燒豬頸肉飯豬頸肉大大片，分量好慷慨。燒得出面有啲焦焦地，點小小甜豉油，送飯一流。～越南春卷用個籃仔上幾精緻。雖然得4嚿但都幾多餡，炸得夠脆，熱辣辣好味呀。～馬拉盞炒通菜唔會過咸，但又可以送到飯。呢期啲通菜幾靚，咬落索索聲。😙

平時幫襯開如心廣場嗰間分店，不嬲都覺得幾抵食，晚餐有combo set，~$90有主食+小食+飲品，性價比都算高!! 🔘生牛肉牛腩片湯河🔘魚露生菜🔘三色鹹檸七幾鍾意呢度湯嘅味道清甜，食完唔會太口渴，牛肉牛腩份量都幾多，牛腩切薄片都幾好味!! 生菜作為小食份量好多，蠔油生菜食得多配魚露真係第一次!! 鹹檸七好多台都有order，雖然係我order嘅，但朋友想飲我俾咗佢飲，分別有檸檬、青檸同鹹檸檬再加上七喜，正!! 🔘咖喱牛腩飯🔘蓮藕蝦餅🔘凍鹹桔水牛腩份量多而且夠晒軟腍，咖喱味濃郁少少辣，都幾似中式嘅咖喱牛腩，撈飯食一流!! 幾鍾意佢用蓮藕嚟整蝦餅，蓮藕非常有存在感!!

越北原來都有幾多分店, 今日就去左荃灣分店食個lunch我同朋友叫左豬頸肉撈檬同咖喱牛腩飯🍽豬頸肉撈檬 $65去親食越南野多數都會叫豬頸肉撈檬顏值黎講真係非常唔錯, 睇落好fresh, 好惹味味道方面, 食豬頸肉最怕佢白嗮嗮, 無醃好又無燒/煎香, 而呢間既豬頸肉就做得好,個邊整得夠香口,醃既味道都幾唔錯宜家甘多菌,食未煮熟既野唔多唔少都少少擔心佢唔乾淨,但d配菜望落係乾淨同新鮮既,呢點都好重要, 係價錢比起一般既越南餐廳稍為貴🍽西貢咖喱牛腩飯 $65唔知點解要叫做西貢咖喱呢？牛腩味道可以, 比較香濃, 都算焾身,飯量幾多下檯頭有特色辣椒醬, 本來想試下但忘記了😂服務態度一般,但有口罩袋提供唔錯另一樣要讚既係餐具比一般餐廳乾淨♥️👍🏻👍🏻💁🏻‍♀️總括而言, 可以有下次既餐廳

位於荃灣千色匯嘅越北，主打越南美食，bookmark 咗好耐，呢日下午就同朋友嚟到一試佢哋嘅Tea Set主食選擇眾多，全部都可選擇湯粉、金邊粉，湯檬，撈檬等等，另加8款地道小食▶️越北綜合牛肉湯粉 (生牛肉、牛腩片、牛肉丸) - tea set 份量都非常足夠，牛肉靠熱湯灼熟，食起來嫩滑有肉味；牛腩片亦好大塊，有肥膏；牛丸爽口彈牙，最後湯底味濃亦滿滿香料味▶️越北三寶撈檬 (香茅豬扒、香茅雞翼、扎肉) - 份量亦都不少，豬扒、雞翼香脆可口，滿滿香茅清香，而扎肉就薄得嚟有質感▶️河內炸春卷 - 炸得香脆，份量雖少但少食多滋味▶️峴港炸蝦餅 - 同樣香脆可口，點上醬汁更惹味▶️椰汁三色冰 - 口感豐富，飲落不會過甜▶️滴漏咖啡 (凍) - 食越南菜怎少得叫杯充滿玩味嘅滴漏咖啡，越南咖啡比較味濃帶苦，淺嘗細味就可以總結：下午茶餐性價比高，製作有誠意，而小食類份量雖少，但相對就經濟實惠，值得一試！

由於本人無辣不歡，今次點了個順化湯金邊粉。很有驚喜。首先，湯底濃郁，香茅味夾雜辣椒香，料十分足，有扎肉，牛肉，牛丸，份量十足。追加了小食無骨鳳爪，有西芹芫荽紅蔥香味，鳳爪本身爽滑，酸酸甜甜十分開胃，追加小食份量也很多，吃個非常飽。另外，生牛肉牛丸湯金邊粉，生牛肉入口即化，牛丸非常多汁，湯底配上金不換的香味,加了少量越南清檬汁，金邊粉爽滑，非常推介愛牛之人。小食蒜蓉包非常新鮮，香脆鬆化，蒜蓉味濃郁，小食有四大件，十分滿足。茶餐送的鹹柑桔非常濃郁，飲落好滋潤。

堂食最一日，快快趣同媽咪食餐越南粉，唔係又要等好耐先有得食了。依間算係我地食堂，平靚正。順化湯河平時食開生牛肉湯，第一次試依隻湯底，鮮甜中又帶少少辣，好味😋配料有牛腩、牛丸、扎肉，仲有好多蔥絲，感覺好豐富！河粉爽滑，加小小辣醬更惹味。份量都十分多，完全夠男士食。豬頸肉飯燒豬頸肉唔會燒得太硬，係有肉汁嘅，點少少豉油已經好好食。牛油雞翼每次都必食嘅小食！碟底稍多油，應該係炸完雞翼，最後先同牛油蒜蓉撈勻。明知佢肥都會忍唔住食晒，因為真係超惹味呀。

「越北牛肉粉」位於荃灣千色匯一樓，餐廳裝修簡單乾淨，以2-4人枱為主食，下午茶由$4×起，有湯粉、橯檬、飯等選擇，可自由加$加配小食、飲品。5:00後，仲有火鍋可選。 🥤藍蝶荔枝梳打蝶豆天然藍色，加入荔枝梳打 ，入口微甜帶荔枝清香。 🥢蓮藕蝦餅蝦膠外層加上兩片薄薄蓮藕片，炸至金黃香脆，蓮藕片脆口，中間部分彈牙。 🥢綜合牛肉湯粉，配料有牛腩片、生牛肉、牛丸 牛腩片雖然偏瘦，但入口唔嚡，肉質軟諗多汁，生牛肉較薄，牛丸細細粒，juicy有彈性 。湯底清晰，有大量香菜、豆芽、九層塔、蔥花和洋蔥絲等，加入金桔汁和辣椒，入口有香草、辣椒馨香、水果酸香。

今日朋友搵左呢間餐廳，話d牛腩幾好食。一於就試下，我地叫左咖喱牛腩飯,蕃茄牛腩飯，生牛肉湯粉。牛肉唔算好差不過唔滑，湯低幾清。咖喱味唔算好辣，牛腩好腍，幾好味。牛腩同樣好腍，無咩蕃茄味，清清地，份量夠多。

平時成曰經過呢間餐廳未有機會試凍凍哋想食湯粉麵類暖下身見到門口餐牌下午茶都幾多選擇所以決定試下唔入去唔知原來入面唔算多位，但枱凳擺位安排寬敞坐得舒服餐廳都幾光猛乾淨下午茶餐由四十幾至六十幾蚊不等🟠街頭香茅豬扒飯$50朋友話呢種香茅味真係有越南食過嘅味道，豬扒又厚又大塊，結實有口感🟠峴港蝦頭膏海鮮湯檬$62勁大碗，大過我塊面，都幾豐富，有青口、魷魚仔、豬肉丸，好多調味料，加埋酸辣口味，味道多層次🟠酸辣無骨鳳爪$28追加有五隻左右，幾抵食，食落冰涼爽口🟠越南海蜇沙律$22追加同香港食開海蜇好唔同，呢種係再爽身d硬d，感覺幾得意🟠椰汁三色冰+$8/熱鹹桔水上面椰汁果層泡好綿密，味道濃厚熱鹹桔水正常水準侍應上餐時小心翼翼，又唔該前唔該後，服務態度幾好👍🏻

好耐沒有食越南餐，今日行過見到越北好想食 見到餐牌有一人餐好抵食，包湯粉或飯＋ 小食又有幾款選擇 + 飲品/甜品，衹係$80多元，非常經濟實惠，而且又無加一服務費 雞扒撈檬 $82炸春卷熱咸吉水 係冬天飲杯熱辣辣飲品好温暖，對喉嚨又好香茅雞扒，雞肉嫩滑，檬粉越式醬料好好味香炸春卷，入面有肉有蔬菜咖喱牛腩飯 $88炸春卷熱奶茶咖喱牛腩飯，牛腩好入味又軟身，咖喱唔辣但好香牛湯浸蘿蔔 $26蘿蔔浸左牛肉湯好鮮甜，又浸淋易食

每日返工講到口水都乾，放工只想食d 有湯的粉麵濕濕個口， 謙謙提議食越式野，因為我可以食湯粉，佢就可以食撈檬喎。我地叫左兩個套餐，有小食兩款，湯粉兩款，飲品和甜品各1，另加一碟菜 ⬇️⬇️⬇️⬇️⬇️⚛ 河內香矛烤雞扒撈檬 ～ 用香矛醃製過的雞扒，味道好香，雞扒外皮烤得香脆雞肉內嫩，倒入魚露拌勻檬粉和菜絲食最正。⚛ 順化湯金邊粉 ～ 一碗有齊牛腩片、札肉、札蹄、牛丸，滿足我呢個牛魔王， 金邊粉吸哂d 濃湯。⚛ 會安蓮藕蝦餅兩件 ～ 煎得幾香口蓮藕爽脆。⚛ 金邊札肉米紙卷 ～ 外層煙韌米紙包住檬粉札肉點一點魚露唔錯唔錯。🍹 薄荷青檸梳打 ～ 食完咁重味，點杯來fresh 返下。🍮 椰汁斑蘭糕2件 ～ 入口好香斑蘭味又夠煙韌。

收工同媽咪食飯，揀左我地兩個都好中意既越南菜。我例牌食撈檬，見晚市有套餐揀，主菜+小食+飲品只係$80蚊起，好抵食。食後尾再望餐牌，原來一個椰青只係$28大元，比起一般餐廳平一半👍🏻全晚最好食係牛油蒜香雞翼，一擺落口就聞到濃郁牛油香，即叫即炸好熱辣辣，又唔算好油。雞翼有味又唔會咸，超出色既一個小食。雞翼撈檬份量取勝，食極都仲有，我覺得有成隻雞髀咁多，雞肉有香茅味，皮煎得脆又鬆化，好高質。媽咪既豬頸肉飯又係好多片肉，望到啲肉係有肉汁果隻，佢都話好食😋總括黎講呢間真係好食又抵食，一定有下次。要贊下落單既妹妹，有留心聽書唔使重複講幾次食咩👍🏻

今天晚上到越北, 千色匯分店吃晚餐. 之前多數是在另一間分店吃多的.入座後, 客不多, 落單. 之後想從生牛肉牛丸金邊粉轉為生牛肉牛丸牛腩片金邊粉, 即是問侍應可否改單, 答案是唔得喎, 我問他都是剛剛下單, 為何不可？ 他回應是落了單冇得改. 好得意, 今時今日仲有似曾相識的句子出現. 算！跟著等了足足二十分鐘, 只出了一碟小食, 其它完全沒出現過. 客不多, 為何要等那麼久？ 唔通廚房要同公司省成本, 集齊單才煮？ 也算！跟著仲得意, 明明叫了生牛肉牛丸金邊粉, 來到只有牛丸, 生牛肉呢？ 我以為我叫錯單, 先睇睇張單先, 但冇錯喎, 跟住同個侍應講碗粉的生牛肉唔見咗, 佢好快諗都唔諗就答我話係側邊下面囉, 跟住我將碗粉由底反轉俾佢睇, 跟住冇野講, 話補番俾我. 點知出到嚟既係全熟牛肉. 唉！ 夠竟呢間店係咩問題呢？樓面錯還是廚房問題？還是集團式經營管理是這樣呢？最後, 結算後想問佢攞張手寫收條, 同一答案 - 冇. 跟著問他們是否集團的, 答案 - 是. 我又問其它店是有提供的, 你們不是跟集團同一準則？ 其中一位店員答我, 我們不是每間都一样的, 沒就是沒.此答案聽完後, 我

優點-防疫做得幾好 - 雖然客人已經坐低，都會要求出門口度體溫 - 檯面有消毒紙巾和口罩袋 - 所有檯有夠高隔板-食物份量系足夠-環境比較大，舒服和光亮D, 哩個亦系點解吾選上一層的篤x船麵。改善- 香葉無夠香，湯底加埋檸檬都不太夠味越北綜合牛肉金邊粉（$58）2分-有生牛肉，牛腩片同埋牛丸- 牛腩片睇落以為帶肥會好食，但原來系根而且太勒，咬吾到。-牛肉丸吾彈口-生牛肉有幾牛肉-金邊粉太”林“，變左好似食河粉生牛肉蒙粉（$52）3分-肉類同上面一樣，但小6蚊好似吾至無腩片，其他牛肉份量都好似小好多，無綜合牛肉金邊粉咁抵-蒙粉都系太“林”，