越南屋

營業中

休息中

扎肉係凍食既，肉質爽口扎實，帶微辣作爲開胃菜好適合。扎肉上而撒左少少油，再配上炸蒜，好特別好食生牛肉湯河湯底好濃郁，味道唔錯，唔會係味精湯底牛肉份量都好多，而且牛肉味道都唔錯。越式春卷越式春卷入面有唔同既蔬菜，好爽口。炸過既春卷好脆，但唔會油包係生菜度一齊食好正。香茅燒牛肉飯牛肉好香，有陣陣既香茅味傳出牛肉都好多，配埋個咸咸既醬汁食，味道又唔同。飯好特別，有種獨特既香味傳出黎！同個燒牛肉好夾！成個飯都好好食！

其實我去餐廳食野中伏機會唔係好高，因為我一向小心翼翼，不過中伏呢樣野，都仍然係會出現，尤其係我好肚餓時，基本上會中伏指數會係—甚高。呢日我身體個能源燈落到去最後一格，紅燈，個警鐘bee bee bee甘響緊，要快d食野至得，唔係就會血糖低o係街暈左就大件事。由街頭先到街尾，最後，見到呢間未試過，又見到好似幾多食客甘，雖然見個門面都有少少伏味，然後對自己講，但有時外表o既野，睇唔出o既，可能有內涵呢？我深呼吸左一啖氣之後，就佢啦，推門入餐廳。為左證明我之前的前設係唔岩，我做左一個決定，叫左個「越式雞河」，同埋散口左杯「薄荷青檸梳打」。「越式雞河」($48): 說時遲，那時快，話甘快個河粉送到。唔......見到果層浮曬o係成碗河粉上面的雞油，果一下，我個心已經離一離。再見到佢d「越式」配菜，有片已經死左的九層塔(完全無香味)，具有中國特式食粥飯麵飯會見到的大量蔥花，大量洋蔥絲，小量莞茜。一般越式河配菜芽菜無，辣椒粒無，青檸片無。「越式雞河」個樣係正常，而個味呢，簡直融合左中國同越南最奇怪的風味，只要試想下，一個已經唔太OK的越式河湯底同配菜，放左D煮到出曬雞油的白切雞落個河粉度煮埋一切，

真係無乜會寫食評 通常食完就算今日放工突然有個衝動食越南粉, 好似郭炳江放監即刻第一件事係啪碗 Pho先 一樣 突登去食呢間新越南嘢. 其實本來就無咩好寫, 成個大埔, 另一間連鎖不值一提, 呢間只要中規中舉我諗絕對會有捧場客.其他嘢我唔敢講我係食家, 但越南粉, 我絕對有堅持. 本來係想黎隊碗生牛河就知龍與鳳, 但見到 順化豬手湯矇 印咗 3 隻椒, 果刻係好想食辣所以就點咗呢樣.湯底味道, 好香, 夠濃. 最緊要夠熱, 仲要唔係果d 其他味精湯底食完好 q 口乾果隻, 通常我食到咁上下就會落兩羹碌冧調調味. 但我要講嘅係豬手, 味道, 其實都 ok, 無個湯底咁突出. 但45 蚊嘅粉, 竟然係得一件豬手.你相信嘛. 無錯係一件. 唔計片超薄嘅扎肉成碗粉係得一件豬手. 碗粉, 係食得飽嘅, 亦都係滿足嘅. 但我咁大個人未食過豬手麵還是豬手什麼, 係會得一件. 你唔好講話德國豬手, 果d唔算. 唉心諗, 咁, 係好食嘅, 算啦, 但係又真係想同個老闆講, 喂點解得一件嘅, 但又好似好唐突, 紙巾都無要收我兩蚊包, 我估都唔會話比多件我定點, 所以決定好似香港人咁做沉默的大多數, but

呢間越南粉餐廳係誤打誤撞走入去由於最近天氣熱無咩胃口叫了豬扒撈檬撈檬份量比起某間連鎖餐廳既多豬扒目測有一塊，切上有紅蘿白絲，青瓜絲 菜絲 蒜同熟蔥當然，撈檬既酸汁也是重點！酸汁不會過酸同過辣！酸甜度適中呢度既檬粉比較特別唔係平時食開既透明粉友人叫的生牛肉湯檬湯底挺鮮甜牛肉既雪味唔係好重還叫了蝦餅作小食不過價錢略貴蝦餅都算彈牙喜出望外既係呢杯熱情果特飲加左冰打成特飲似緊杯沙冰咁！熱情果味好濃，感覺味道唔人工，每飲一啖都飲到熱情果籽嫁所以感覺上落足料👍🏻👍🏻👍🏻