越好吃 (已結業)

越式咖啡有五種豆，有濃烈嘅粵式咖啡及朱古力味，好有層次！春卷，難以形容嘅好味！入口即鬆晒，聽聞層皮係人手打造！好食過以前老趙嘅春卷買外賣方便停車在門口便可，讚！

聽朋友講呢到炸脾出色都算長沙灣區數一數二叫左隻淨炸脾$28番到屋企仲熱辣辣果然唔錯 炸脾醃得有點越南風格有別於港式調味炸皮唔會厚 而雞肉仲有肉汁雖然食到最後會輕微覺得有少少咸但如果想食炸脾🍗我會encore當然食炸脾點夠飽叫多一碗河內生牛肉湯河$48呢個就無乜特別河粉太碎 預左外賣拎到番屋企會爭d但分湯黎講 牛肉都係有d鞋湯底都還ok老闆推介埋凍芒果青檸茶$10食炸髀都要飲杯嘢清新吓味道正正常常啦總括而言～只會encore炸雞髀

香茅豬排撈檬 ($48配紙包野飲)唔太開胃個陣食越南野就啱,依間係外賣小店黎。對我黎講啲料好足下,個豬排煎得好香脆,大舊而且入味嘅食到有香茅味,外脆內軟。魚露唔會辣,酸酸甜甜,味道啱啱好。配埋檬粉,生菜,紅蘿蔔 絲,炸乾蔥,蔥油,花生,nice食到好飽。唔錯唔錯見佢都唔少小食，春捲，扎肉，豬腩肉，薯條，下次有機會再試下。Total 4/5越好吃長沙灣青山道145-153號安寧大廈地下B號舖近長沙灣A2出口

# #長沙灣有朋友話長沙灣開咗間由越南人主理的外賣小店, 剛好在嫲嫲住的老人院附近, 去探完嫲嫲買個外賣返屋企慢慢嘆! 🥜同老闆傾計, 原來店內用花生、青檸、炸蔥、香茅、九層塔、豬肝醬、扎肉等, 均由越南空運到港, 不計成本, 只求大家食到正宗越南美食, 讚! 🦐鮮蝦米紙卷 $40 ~ 我本身好喜愛米紙卷, 鮮甜蝦, 大量粉絲、青瓜及新鮮生菜, 再沾上酸甜醬汁, 好清新好適合而家唔熱唔凍的天氣食, 好開胃! 🥖越式雞肉三文治 $42 ~ 所謂三文治, 其實係法包! 有青瓜、肝醬、酸蘿蔔絲、特色越南辣醬! 雞肉用自家製醬汁醃, 酸酸甜甜, 雞肉嫩滑又多汁, 好讚! 🍜越式手工札肉撈檬 $48 ~ 用上40斤新鮮牛骨熬煮而成, 完全無味精, 好鮮甜, 入口順喉! 札肉經身邊的越南華橋確認, 是真正越南札肉, 入口與本地的札肉完全不同層次! ☕️越式凍咖啡 $10/跟餐, 散叫都只係 $18! 抵到癲! 咖啡從北越進口, 以5種不同咖啡豆調製而成! 味道香醇濃厚, 口感幼滑有層次, 此等咖啡只在這一家可飲得到, 因為這咖啡是不出口國外的啊! 🥭越南青檸芒果茶 ~ 以頂級鍚蘭紅茶及越南青檸調製,

朋友介紹長沙灣附近有一間主打外賣嘅越南餐廳，味道一流又正宗，所以決定去買返個外賣。店舖位於青山道安寧大廈。餐廳嚴選每一道菜式配料及食材，不少食材均由越南直接新鮮採購和直接送抵，務求將越南風味帶給各位食客。梗係要有正宗嘅越南滴漏咖啡。越式炸春卷撈檬自家製春卷皮口感特別香脆，餡料份量十足，加入炸乾蔥和蔥油，層次和香味得以提升。檬粉的靈魂，自家調製醬汁，味道集甜、酸、辣、鮮於一身，特別開胃惹味。串燒豬腩肉跟秘製醬汁惹味濃郁，肉質軟熟鬆軟，肉汁豐富，口感爽彈，帶豬油香。越南青檸芒果茶青檸香味充足，果汁鮮美，茶味清香。

今晚去朋友屋企，順路買啲外賣一齊食，朋友一向鍾意食越南嘢，於是就去咗一間叫「越好吃」的小店。小店都算多嘢食，而且店員服務好熱心，而且製作速度好快，唔使一陣就已經可以拎外賣走。椰菜雞絲沙律整體份量好多，椰菜沙律口感爽脆，雞絲幼滑，其醬汁是自家製，甜甜酸酸的味道令人份外開胃。越式一口蝦多士超級推介呢個蝦多士，多士炸得十分香脆，內𥚃的蝦膠是由越南當地輸入，有香濃的蝦味，熱騰騰非常可口！香茅豬扒湯河香茅豬扒兩面呈金黃色，不僅大塊，而且香茅味十足， 肉質鬆軟又不失嚼勁！另外，不得不讚這個用牛骨煮的湯底，味道清甜而不失牛骨味。隨手擠些少青檸汁，撒點指天椒，湯頭鮮甜濃郁，滿滿的牛骨香氣。越式牛肉撈檬撈檬一向都係我嘅至愛，而當中的魚露更是撈檬的靈魂，小店自家秘制越南檬汁也是相當出色，牛肉煎得香口，有嚼勁👍🏻。呢間小店絕對係平靚正嘅外賣推介，下次再來都想試其他特色越式小食。

呢間係長沙灣既越南菜外賣店門面細細，但都幾多人黎羅外賣。同老闆傾開，知道入面個大廚原來係越南人，仲喺越南米芝蓮餐廳做過十幾年。老闆話佢地八成既食材原材料直接空運自越南，包括扎肉同香料，絕對係地道食材及煮法。我今日食左： 🔶️越式手工扎肉法包（$42， 9／10） 一定要趁熱食！個法包勁脆勁香，入面有自家製醃蘿蔔，肝醬同蕃茄醬，個味道酸酸甜甜，勁好味！同埋好欣賞佢既札肉，唔會好似出面街買既咁焾咁散，絕對有咬口。個法包絕對有喺越南時食既味道。🤤 🔶️串燒牛柳粒跟秘製汁（$46， 8.5／10） 牛肉味好濃，咬落好有𑁻口好香，老闆話係用果汁醃既，所以味道好自然。 🧋芒果青檸汁（8.8／10）老闆話係皇牌飲品，係用新鮮芒果汁整，再加越南青檸，好清甜好開胃。好好味啊！ ✏️總括而言，真正地道同好高質既越南小店，喜歡！

睇佢嘅價錢相對比一般做外賣嘅貴少少，但係食個豬扒好厚肉質唔錯味道好，另外個湯係牛骨湯好清甜，用料十足。嗰個春卷都有驚喜好味。我覺得雖然貴少少，但係質素高可以支持佢。

又到下午出去搵野食⋯見到呢間野有幾個人排隊⋯就去試試太多選擇，叫左樣比較安全的：香茅豬扒撈檬 呢間野淨係可以叫外賣，沒有堂食仲試埋一杯凍既越南滴漏咖啡😋咖啡本身比較濃底，幾好飲而個撈檬都比想像中好食😋佢應該係加咗少少薄荷葉食2食會有dd薄荷味咁，香茅豬扒好鬆軟正呀，但價錢中等啦，撈檬就岩岩好女仔食應該可以，男就未必夠飽啦下次可以試試其他😋

48蚊， 越式咖喱雞翼飯，連一包紙包飲品，完全唔抵食。 首先，呢間做外賣都算，但價錢唔太平。其次以為越式咖喱雞翼飯，有越式兩隻字會特別d，於是買黎試，估唔到同普通咖喱雞翼飯冇分別，48蚊冇堂食，呢個價錢真心貴。另外有4隻炸雞翼，其實只是好普通的炸雞翼（起碼都應該是香茅果種）,這種炸雞翼咁同日式咖喱雞翼飯有咩分別？仲要連配菜都冇，咁講呢餐好鬼hea ，48蚊完全唔值個價。最嬲係被越式兩隻字誤導左，真心好伏。

好驚喜，竟然有之前飛越南時果種地道既味道，好好味，真係要留言讚一讚👍🏻 呢間野我大前日第一次去食，琴日又再叫多次，真係正！叫外賣又方便又快手，岩晒我呢d一人晚餐。補充一點：老細好好人，加油！