越式法包 (已結業)

是次的石門 lunch 時間，我決定去探一探小店。而我早就知道，京瑞廣場內的一間越式法包小店，早已經享有大名。所以，趁有一天算是多時間食午餐，我就來拜訪一下《TeSa Bánh Mì 越式法包》，來一個簡單，健康，輕輕快的一個越南式的法國包餐。店外，有兩張檯仔，可以讓客人堂食。而且，中午及下午茶時段，都有一個經濟實惠，而又剛剛好夠飽的套餐供應。算是幾抵食架。那天，我要的法包套餐，就由一個迷你扎肉撈檬開始。這兒，有飯餐，有檬粉餐，當然也有法包的套餐。而法包套餐，包飲品之餘，仲有一小碗的迷你撈檬。他們的迷你扎肉撈檬，檬粉爽爽的，配合扎肉同配菜，加上有很香的魚露味，十分之好食。第一次來，我點了一份經典扎肉法包。這兒的 standard size 是六寸的包。包子是正宗的越式脆包，甘筍絲、青瓜片同生菜，帶給這越式法包一種清爽的口感。而扎肉就增添了濃厚的越國風味。第二次，我就帶埋阿仔同來。他點的是煙黑椒牛肉法包。而店主亦非常細心，預先把法包切開兩半，好讓我同仔仔各自把自己的半份包分給對方。煙黑椒牛肉，感覺就似外國麵包店做的牛肉片 baguette 包 / 潛艇包一樣，只是配菜為甘筍絲、青瓜片同生

無意中發現依度有得食越南法包，叫咗個扎肉原味，出奇地咁好食。同埋價錢都合理，$4X。佢係即叫即整，個法國包焗完好脆，佢入邊嘅餡都唔少，而且我叫佢加多啲肝醬佢都肯，而且老闆態度友善，都會笑笑口同你講要等大概5至10分鐘。同埋沙田區好似得佢買越南法包。下次再黎會再幫襯。現場仲有兩張枱四張凳擺喺度，方便適合可以坐低食而且佢對素食者都好貼心，有素食，所以就算唔食肉嘅人都有選擇同埋佢有好幾個選擇，唔係淨係扎肉。所以大家可以一試。

【沙田區】【TeSa越式法包】有讀者唔信我已經冇稿喺手，仲表示我仲係每日出緊一篇嘢，何來無稿之說咁話。我就真係啞子吃黃蓮，有苦自己知呀。最近大家睇緊嘅 post，其實大部份都係我即時摷倉底出嚟頂檔嘅，本身係諗住再食多一次先出 post 嘅。就好似呢間咁，佢係喺石門一間越式小食店，做外賣為主，門口擺少量枱櫈畀人坐低食。咁就梗係啱晒我啦，係疫情關係或者其他特殊情況我先會寫外賣，否則我都係傾向堂食先寫嘢嘅，呢一點真係一路走來，始終如一嘅。嗱我有例子架，例如 1am0915 我都係食完金祥個外賣，特登再去食一次堂食，盡量都想全面啲寫畀大家睇，對得住僅餘嘅讀者。不過今次真係冇稿，我去石門食咗一次呢間，就要出 post，可想而知我呢排真係幾咁缺稿呢。去到就食 $65 嘅「經典扎肉法包」套餐，前菜揀咗三隻「日式餃子」，由於佢係即煎，熱辣辣咁都幾惹味。雖然本身其實只係好普通嘅日式煎餃子，但係即時煎起加埋醬油放落隻紙杯度上，係有一種好特別嘅小食風味感覺。跟住到主食「經典扎肉法包」，好老實，可以寫嘅嘢唔多，因為唔算好特別，只係呢區都冇呢類嘢食咁解，都係一個選擇。嘢飲我加 $10 飲「生薑金羅漢果茶」，清清

我好少寫食評但都要上黎講兩句，今日買左個三文魚法包，都要50蚊，價錢偏貴，諗住夠飽啦，點知⋯一拎上手勁輕，心知不妙，拎返屋企加熱佢，一打開就知奶野！先講服務，服務係正常，無咩特別。味道賣相係零，個包又細又乾，三文魚都係乾，配料極少又無汁，好飲乾食個法包咁，好難食。圖中可以望到有幾少⋯ 同佢出面既圖唔成正比，好明顯呃人！價錢50蚊一個，買到呢個無咩料又細既包緊係唔值，同場同價有大把選擇。佢真係想賺到盡⋯😅

第一次寫食評，因為食到佢地嘅越南法包太驚艷，忍唔住要打呢篇文哈哈。😆強烈推薦住喺附近或者喺附近返工嘅人都去試吓，唔會令你失望。😌星期六去大水坑踩單車，順路經過石門食lunch，見到呢間小店，因為好少見到越南法包就買咗黎食。😋煙黑椒牛肉法包🥖超級推薦第一次必食越南法包！試左呢款，入面除咗黑椒牛肉仲有好多配料，特別係秘制肝醬令味道更豐富，份量啱啱好，好好食，下次會試吓其他口味～泰式香烤雞鎚🍗一口氣叫左呢4款小食，每款都各有特色，最推薦雞鎚，肉質嫩滑，咬落仲有淡淡香茅味，食落唔停口。香甜蔗蝦🍤食到蝦肉之餘仲有清甜嘅蔗汁，唔會太乾。越南蔬菜&豬肉春卷🫔個人鍾意豬肉春卷多啲，咬落比較香口，但蔬菜春卷更清爽，唔會太油膩。泰馬魚腐魚餅🫓分唔到邊個係魚腐邊個係魚餅哈哈，但都非常濃味，特別係圓型嘅有小小辣味好過癮。煙雞胸肉撈檬🥙檬粉軟硬度啱啱好，唔會太腍夠爽口，配上開胃酸甜汁，唔經唔覺好快就食曬。玫瑰花茶🌹估唔到細細杯已經有4朵玫瑰花乾，睇到茶色已經知杯花茶有幾濃，超抵飲！生薑金羅漢果茶☕️好香羅漢果味，薑味唔會太出，亦唔會太甜，養生之選。

黎到石門京瑞廣場二期，原來呢度好似旺角中心咁，有好多好細嘅鋪仔咖。當中不乏特色小店，得閒真係可以嚟掃下街！法包外脆內軟，平時如果食到啲太硬嘅法包會刮損嘴，呢個麵包唔會，鬆鬆軟軟咁。札肉好彈牙，肝醬夠香，我仲加咗多芫荽添！整體黎講味道同配搭真係幾好食。打開包裝嗰下以為好少餡料，但其實佢將啲餸塞曬喺個包入邊，所以咬開其實係足料咖。老闆仲提我，下次黎買嘢食嘅話可以WhatsApp落咗單先，連等候嘅時間都慳返呀

撈檬唔得，冇過冷河，所以唔夠爽，而且好碎，青瓜係切片唔係刨絲，檬粉、青瓜、紅蘿蔔絲份量少，個酸汁唔夠味，完全唔好食。䉀蝦都可以嘅，但好細舊，燒雞髀肉有雪味，冇下次。呢區唯一嘅越式法包，附近又無真正好食嘅撈檬，希望佢會做好d質素。

好久未有食過外脆內軟的法包！點咗三文法包，入面的料係剛剛好，唔會跌哂出嚟！三文魚係魚鬆，好味！I like! 迷你蔗蝦，一食就知係自家手作，炸得外面脆卜卜！套餐可以加迷你撈檬，都算抵食！呢個午餐食得開心，溫馨之作！！

之前在越南吃過bahn mi就超級喜歡沒想到京瑞廣場有賣越南法包的毫不猶豫的試了一個～買了煙雞胸肉法包帶走打開時超級失望😞裡面的料真的少得可憐味道也很普通應該不會有下次了

石門京瑞第二期內有很多小店，有賣食材、生活用品、飾物、小擺設等，但 最吸引當然是熟食，食物款式包羅萬有，小食如咖喱魚蛋、雞蛋仔、甜品糕點、潮流飲品等。某天逛逛一樓時突然這家店子招牌吸引了我的目光，一向喜愛越式法包，以往都在港島或佐敦購買，原來近在咫尺有一家在石門，太好了，當天立刻買了扎肉法包。跟店員寒暄，扎肉從越南訂購，法包烘得香脆，超級新鮮的芫茜香氣十足，暖和而外脆內軟，酸甜的蘿蔔絲加上越式肝醬，入口感覺豐富美味。除豬扎肉外，還有黑椒牛肉及煙雞胸肉法包，亦提供越式撈檬及咖央多士、熱狗等，是午餐或下午茶的一個好選擇。

今朝一早同小朋友去小店附近的playhouse玩，玩完之後，覺得有些肚餓，便周圍搵美食，附近好多小型食店，行了一圈，便睇中這間賣越式美食，因為本人好鍾意酸味，開胃麻，而且有其他食品都啱小朋友食。最重要附近既小食店係外賣居多，而這間有2限bar枱，4張高櫈，可以小休一下。店主介紹了有套餐，有主食之外，仲有小食和飲品，order了其中一款套餐，包括有扎肉越式法飽，這款套餐小食有2款選擇:扎肉迷你撈檬/餃子3隻，我選擇了扎肉撈檬，飲品方面，選擇了熱既金羅漢果茶。扎肉越式法飽外脆內軟，裡面既配菜亦很新鮮，味道很fresh,不會油膩；而撈檬很香花生味，但個人覺得可以再酸d；金羅漢果茶就飲落去好舒服，有些甘甜。另外再order了一款小食，蔗蝦，這個好香口，食完蝦肉，咬埋蔗汁，好味道。最後再外賣一個越式扎肉法飽返娘家俾媽咪試下，佢食完都話好味，$37值得食

我真係好懶，最好屋企附近乜都有得食。所以成日都上openrice睇食評😁 最近發現石門有間賣越南法包既小店，昨晚經過已經收左舖 (收晚上7點) 今日一放工即刻飛入石門外賣。經典越南扎肉法包 $37因為法包要焗，係等待期間，就傾左幾句。呢間小店係兩公婆開架，佢地自家醃製蘿蔔絲，同埋選擇左用唔肥既肉碎，感覺健康。個法包外脆內軟，有4塊扎肉，青瓜，酸蘿蔔絲，香葉，味道不錯。 不過個人覺得 如果餡料再豐富D，脹卜卜會更吸引

係公司樓下的午餐好味小店！款式不用太多，只要認真處理好每一樣食物，已經是很難得。本人本身很討厭麵包，有一次午餐沒有帶飯，行下行下見到美式熱狗，唔係好大隻，不過好像好吸引...試下啦，唔好食也是少份量⋯⋯結果發現很美味，難得的好味道，起碼個包不會太硬， sauce不會太濃味。老闆老闆娘很nice,推介口味之餘更加提議個包加幾熱，你要幾脆也會盡力做好。新推薦有㗎喱配法包或烏冬/米粉/飯，用雞肉，豬軟骨，冇牛的。話時話，頭先的雞胸法包幾好味哦⋯⋯酸紅蘿白幾開胃下！仲有餃子，唔錯喎⋯⋯嘆埋杯咖啡開始工作了

午餐抵食，玫瑰茶好飲（叫小甜就可以了）。如果法包可以多點醬就更加好了😋😋😋😋😋 小店經營，好似係一對夫妻開。得一張枱，不過外賣等得唔耐，好快買完番公司食！