越旺

營業中

休息中

今晚同屋企人約去越旺食晚飯，一去到侍應態度好好幫我哋安排六人枱，睇餐牌揀餐都揀咗一陣先落單叫了兩個二人餐～海南雞 生牛肉湯河雞絲湯河香茅雞翼好咪！烤雞串，都係好味！西貢咖喱牛腩煲配蒜蓉包（唔記得影相），食完先記得唯有影餐牌哩個真係正，辣辣地咖喱汁用嚟點蒜蓉包，我就另外加碗飯用咖喱汁撈飯食再配埋杯芒果沙冰、三色冰真係爽！份二人餐真係包了好多野食好抵食，份量都算多，擺到張枱滿晒，我同屋企人都飽到頂住肚走大多野食搞到好多唔記得影相。總括來講味道唔錯，湯河同春卷略為味道重咗啲，其他都中規中矩。

朋友推薦越旺食品好食，我都和朋友去過食幾次都好評，但今日我自己去買外賣，就遇到店員極差態度，其實都有聽聞員工態度差！（前者年輕店員，後者年幾大店員） 事情是這樣的～我：外賣海南雞飯走翼店：已經切開一份份我：咁唔好比翼我就得店：妳買咗返去唔岩食就掉咗去作為一個顧客係咪火都嚟埋😤😡跟住另一位店員亞姐都係咁講（叫我掉咗去）仲話唔要得加$15！要加錢走翼我可以接受但叫我買咗唔岩食掉咗去就太過份囉！唔係要幾星級嘅服務態度但係連基本嘅態度都唔識咁就唔好做服務行業啦！食品係唔錯好食😋只是員工態度好有問題！

講真，lee間餐廳食物唔係差，但職員態度真係好惡劣。我一行6個人，先分開坐四人枱同二人枱，等到旁邊二人枱食完，我地就問職員可唔可以轉埋一齊坐。個職員超級西面，死都話唔得，因為係同外國人一齊食，廢事揚名國際，我哋就話，咁我自己搬番d野食去新枱囉。個職員發曬晦氣，真係唔幫手搬，仲要再西面d，話落左單掉好麻煩。其實間鋪一眼睇曬，就算真係送錯枱都只係一碗面，咁都記唔到有一碗面轉左去新枱，對自己份工咁唔上心，不如唔好做啦。如果唔係餓到死，都真心唔建議。

今日又去試新嘢，越旺，新開嘅越南餐廳！見到lunch個生牛肉湯河要60蚊，都心大心細！但見到好多人入去，所以都決定試下！🌞🌞生牛肉湯河🌞🌞第一眼見到碗河粉，勁多牛肉咁！勁開心！但原來個底係用蘿蔔整高左，得3塊牛肉🥺🥺個湯底係屬於淡，唔算話好特別！lunch set 60蚊我覺得性價比一般！🌞🌞芒果沙冰🌞🌞杯沙冰要lunch set 加12蚊！如果好飲加錢都ok，但好失望！杯芒果沙冰懷疑有芒果汁整，唔係用新鮮芒果！而且杯沙冰仲有勁大塊冰！整體來講，lunch set 72蚊唔低食，係元朗應該有更好嘅選擇！

又系下午茶時間去搵嘢食醫下肚！見到呢間越南餐廳幾多下午菜款式，仲有一張特別優惠價餐廳，就決定入去食返碗湯麵。我叫咗香茅豬扒湯河粉，另外跟餐飲熱飲唔洗加錢，所以叫咗一杯熱柑桔檸檬水，成個下午茶餐$50，望落去個樣都幾ok。豬扒會另上，而且塊豬扒都幾大塊。香茅豬扒醃得幾入味，無咩肥膏。河粉係幼河粉，仲有啲洋蔥、蔥、香葉、青檸、辣椒等，都幾好食。杯飲品幾好飲，成日飲奶茶咖啡多，飲返呢啲柑桔飲品感覺健康啲！下午茶時間唔係太多人，一個人坐4人座位幾舒服！

有晚放工唔知食咩好，打開左熊貓碌碌碌發現左個新面孔，所以就決定試試佢叫左海鮮喇沙，同場加映份海南雞😆正正常常咁～如果下次再想食喇沙應該都會encore😆或者試下其他🤤

紅日去行山，落山後去搵食，行左好幾間都因為红日而冇下午茶優惠。最終搵到呢間越旺。下午茶湯粉:雖然係下午茶，但份量冇因此而變少。- 越旺生牛肉河粉 $48河粉滑、牛肉嫩、湯底香濃，唔會太鹹。- 順化香茅豬扒金邊粉 $50 本人未去過順化，唔知順化嘅香茅豬扒係點。香茅味足夠，略嫌肉質有啲乾，但未至於硬。湯底方面可能冇左牛肉加持，冇咁香，比較清淡。飲品就一般般:凍奶茶+$3 一個字: 淡！熱奶茶 +$0 兩個字: 太濃！Menu:

久違了一段時間沒有到元朗，今日趁中秋節假去遊玩，順便去食午餐這間店新開張嘅時候曾食過，食物質數不錯，所以我哋決定再光顧，今次用餐🍽也令人滿意，皆因食物水準仍然保持良好，值得卑個Like 👍🏻梳打水係用咗泰國屈首一指嘅品牌-勝師good !柚子鮮蝦沙律非常清新，味道酸甜，不失為開胃菜蝦餅彈牙，春卷鬆脆，而檬粉係配上相當份量的生菜絲、青瓜絲和羅白絲，口感豐富蒸粉卷也相當不錯，重有半塊札肉係面,詆讚!

🍱係連weekend & 紅日都有lunch set🏖️有飯有pho有叻沙 選擇多pho來說又唔太貴~.湯粉 ~ 可揀河粉/金邊粉/檬粉.越旺綜合牛肉湯粉~轉檬粉 $70(生牛肉,腩片,牛肉丸)生牛肉唔錯 腩片鞋左d 牛肉丸有驚喜 勁juicy 中間有汁爆出黎.🌶️越旺順化湯檬~轉河粉 $70(牛腩片,牛肉丸,扎蹄,扎肉)個湯有隻🌶️ 係類似沙茶醬係湯底都辣辣地 但感覺唔係好夾扎蹄,扎肉正常都係牛肉丸有驚喜.套餐追加左個小食越旺炸春卷 $20呢個唔錯 好香脆 春卷係好多豬肉做唔係淨係食到空氣/炸皮.+$10特飲🍹菠蘿熱情果特飲超多菠蘿🍍不錯的.因為牛肉丸真係好正已經揀定決定下次食越旺招牌牛肉丸湯粉😂同埋碗粉都好大碗, 差d食唔哂.📍越旺📌元朗康景街23號華恩樓地下A號舖

叫咗個熟牛肉金邊粉，臨拿走前查看，發現俾錯左河粉，但職員未看已話無俾錯，給他們看後，他們竟然說「幼既河粉就是金邊粉」，我唯有自我安慰這間公司是分不出金邊粉是怎樣牛ok, 但湯好咸，其他越南牛粉店都是用牛湯，但這間不是牛湯，而是味精湯

［元朗越南餐廳🇻🇳越旺］-今日同大家介紹平時成日去食嘅越南菜😆越旺除左有越南餐廳基本菜式之外仲有得嗌唔同嘅地道小食好似米紙卷同炸蝦餅等🍤選擇都幾多下🤩價錢都合宜😗五六十蚊一個餐大家經過不妨試吓😝-😋芒街烤豬頸肉撈檬 $62天氣有啲熱🥵唔想食湯麵🍜於是就嗌咗撈檬粉😝越旺嘅撈檬好豐富有生菜🥬青瓜絲🥒酸蘿蔔絲🥕花生碎🥜仲有好香口嘅炸蒜😗撈埋一齊食好有口感 個撈檬汁都夠味😙唔會太淡😄好開胃 而個豬頸肉就燒得好香好脆整體都唔錯😌好味指數：🌕🌕🌕🌕-😋椰汁三色冰 跟餐+$8每次食都會特登加錢嗌返杯特飲椰汁三色冰椰汁好香椰奶味🥥三色冰都好足料😆個底全部都係綠豆粒、紅豆🫘同埋綠色珍多🤩紅豆煮得夠淋👍🏻珍多好有咬口😗不過略嫌綠豆有啲硬飲落去即刻降溫😋非常消暑好味指數：🌕🌕🌕🌖-💸：人均消費$70

突然間想食下越南野，元朗又好似唔太多呢間越旺係正市中心範圍都幾方便晚上8點幾，有幾枱客，唔算多人，正常都應該有位蜆港蝦餅春卷檬粉$68，本身轉金邊粉，但冇晒唯有食返檬粉，個湯勁重牛味冇乜其他味，檬粉份量唔算多，配料就多。春卷同蝦餅都好食只係唔夠熱。西貢咖喱香茅雞扒飯$60，個飯就真係差少少，應該係最cheap嘅米，好硬同好乾，冇乜飯未。個咖喱就好好食有椰香味，雞都好多，全碗都係雞冇其他配料薯仔嗰啲都冇，都幾滑👍🏻推薦食嘅唯一覺得有少少奇怪嘅地方就係，用咗塊菜嚟墊個咖喱碗底，啲蘿蔔絲又掂住個碗，所以唔食得。馬拉盞通菜$28，唔算大份，覺得冇乜太大馬拉盞嘅感覺，唔辣少少鹹。椰汁沙冰 +$12，好好飲推薦👍🏻👍🏻👍🏻整體來講都唔算太差，一餐都夠快唔駛等好耐，可以一試😁😁

雖然唔算係正宗，但係照顧到平民百姓……一份喇沙，可以兩個女仔都夠食！飽肚之選……這裏算是不錯了！今次點了3式喇沙，札肉、雞翼及豬扒分開上，唔會互相影響味道，亦可算照顧週到。

從未吃過如此酸的蕃茄湯麵，蕃茄湯超級酸，根本是吃不了的，要加水溝稀嚟食，肉超級鹹，春卷的皮也很厚。很失望⋯⋯諗住普通食個晚餐，估唔到質素仲差過自己喺屋企煮麵，不推薦

好耐冇出嚟元朗呢邊行啦，行吓行吓肚餓，又唔知食咩就入嚟試吓依間越南嘢🧡🌈生牛肉腩片湯粉連飲品 $60呢個湯粉有河粉同檬粉俾你揀，今次就揀咗河粉。落咗單冇耐就已經上台，睇落份量就唔係話好多。但原來一夾起身係超多牛肉同河粉，分咗一碗比屋企，都超級夠飽！牛肉份量一啲都唔孤寒，一大舊放喺上面，但就唔太食得出牛肉同埋腩片有咩分別🤔另外佢仲有啲青檸同埋辣椒俾你落，亦有唔同東南亞嘅辣椒醬，酸酸辣辣咁好好食😋嘢飲除咗普通咖啡奶茶之外，佢仲有西洋菜蜜，柚子蜜同埋鹹柑桔，我就好鍾意飲鹹柑桔🍊暖暖地好潤喉