越泰豐

營業中

休息中

大家聽啦！我喺呢間餐廳食到一頓好玩、好味嘅晚餐，十足十嘅地道体驗。一入門口就覺得陣陣茄汁味攞命，正！我嘅必點椒鹽魷魚做得出奇地鬆脆，啖啖肉咁，絲絲鹹香夠晒kick。朋友點嘅豉椒牛肉，聞落黑椒味撲鼻，煮到柔軟得黎保持咗牛肉本身嘅鮮味，香滑得嚟唔牙膏，揼一啖，牛味滿口，完全係啱晒我呢啲愛肉之人。😋私房菜嘅手藝一流，推介佢嘅豆鼓蒸排骨，啖啖肉，綿滑嘅口感搭配豆鼓嘅微辣，蒸得剛剛好，真系食指大動。茄汁金菇滑豆腐嘅鮮甜，加上豆腐嘅嫩滑，完美致敬廣東經典嘅家常味。最後奉上畀大家一個小Tip：如果你肚餓嘅話，萬勿錯過佢嘅爆汁叉燒包，中間流出嘅叉燒汁，真系惹味到爆！整體黎講，係個溫馨又滿足嘅晚餐體驗，打個飽嚟緊係滿足到塞牙縫！🍢🍚🥢

呢間泰國餐廳叫越泰豐，在觀塘宜安街：我食過覺得值得推介呢個黃咖喱軟殼蟹+麵包😁😁黃咖喱汁好香濃，完全唔辣，有少少甜麵包是烘過既，好脆，好鬆化，新鮮食好正👍🏻👍🏻軟殼蟹件數夠，好鮮美。 完全係可以咬到食落肚😆當然 堂食 比外賣更好食，色澤更吸引😋😋😋 但餐廳位置真係唔多，繁忙時段食真係幾蝦人😂😂如果麵包唔夠喉，配上份薄餅點黃咖喱都係一個好唔錯既選擇😆😆總體來說，呢個黃咖喱軟殼蟹係好值得一試😋😋

經過觀塘想搵地方食晚飯，無意間經過呢間店，門口啲相又好吸引，除咗泰菜原來仲有串燒， 於是決定入去一試，泰菜有水準，好大碟，串燒好好味又多款式價錢亦唔貴， 一定會再次幫襯及要給一個讚 本次消費約480元， 食物如下：串燒雞腎，串燒雞軟骨，串燒秋葵 泰式生蝦，泰式炒河粉，蒜蓉芥蘭，泰式拼盤， 青檸梳打

來這間店已經吃左好多次😋👨‍🍳老闆人好好玩 好多說話 會周不時同你講下笑～見你熟客 吃得多 飲得多 仲會送多隻啤酒俾你😁一開始來這間舖係為左吃吃泰國菜 冬蔭公湯 菠蘿飯這些⋯後來知道晚上有燒烤吃 就一發不可收拾～燒茄子🍆 雞全翼🐔燒土豆🥔燒波羅🍍燒牛肉🐂燒雞肉🐔金針菇 青椒🫑有什麼叫什麼🤔再叫埋新出的椰子飯🥥第一次試椰子味好香 唔會膩 我們5個人吃 個個都讚不絕口💛再叫埋咖喱麵包🥯滿足曬👍👍

今日LUNCH特登走過嚟食泰國野, 試咗唔同既食物, 呢到雖然有兩個舖位, 但食飯時間都好多人, 再加上星期五等位更耐雞絲馬來亞喇沙河  - 喇沙味唔算太濃, 但感覺上唔係太差雞絲蘿蔔清雞湯檬粉  - 雞絲好似雞肉咁粗, 但好嫩口札肉蘿蔔清雞湯金邊粉 - 清得嚟都唔錯招牌海南雞飯配黃油薑飯 - 海南雞肉嫩口, 真係幾好食, 但個飯係差啲, 都唔似油飯, 似菠蘿炒飯個飯底一樣, 唔好食雞翼蘿蔔清雞湯檬粉 - 雞翼肉嫩, 蘿蔔爽口豬扒冬蔭公湯金邊粉 - 湯底唔算好辣, 豬扒過熟有啲鞋咸檸七 - 七喜加咸檸, 一定唔會差得去邊珍多冰 - 椰汁味好濃總結 : 坦白講不過不失, 係咪真係咁好食就見仁見智, 用價錢嚟相比呢到算係平, 加上食物又唔係差既

午飯時間，繼續和同事們尋找新餐廳，今日經過這間門面不花巧，走平實路線的「越泰豐」，感覺不錯便試了！午飯時間，午餐包例湯，加2蚊轉凍飲，價位HK$50左右。秘製豬脾飯，份量好多，豬脾肉好嫩，沾點甜酸醬味道剛剛好！馬沙文咖喱牛腩，係泰式咖喱，主要材料有洋蔥、椰奶、椰糖、魚露同月桂葉，煮出黎係偏橙色，甜甜地唔係幾辣。牛腩唔會太肥，好夠稔，好岩撈飯！蝦頭油海鮮炒飯，一開始無咩期望，因為落單後極速上菜，姐係一早炒定曬，明顯唔係幾夠熱，但食落個炒飯本身炒得好香，唔會太多油，如果係夠熱既話會更加好食。整體上，性價比幾高，都值得食，可以做到飯堂！

🐮🥖馬沙文牛腩麵包馬沙文咖喱(Masaman Curry)係用椰奶加上咖喱醬同其他香料煮成🍛 相比起其他泰式咖喱會易入口啲，辣中帶甜仲有淡淡椰香🥥 農夫包喺上枱時已經切好，方便食又唔會整污糟👍🏻 包嘅外層好脆，點埋咖喱汁食仲正🤤-🍳鐵板蠔仔蛋呢個係呢度其中一個「必食三寶」🙌🏻 唔好睇佢好似細細份咁，其實有好多蠔仔同芽菜喺入面好足料👍🏻 炒蛋雖然唔係有蛋汁嗰隻，但係食落口感都算滑，下次要再試埋其他必食😋

I went there with my another two colleagues after working In Kwun Tong.We arrived there around at 830pm It is quiet indeed. Maybe because of the Wuhan pneumonia recently.We ordered some snacks and drinks to seat down and talk.But... we surprise me because of the portion is very small. ( dry Squid) Overall. Comfortable seat and price is cheap

疫情期間很多店舖都比較早關門所以揀了間可以夜點食都沒問題的泰菜今次終於可以食到蠔餅了不過蠔味沒有想像中濃郁但份量挺多的然後又點了馬沙文咖哩牛腩咖哩味道甜甜的有椰味,一點也不辣配抓餅食勁好味當然如果是男生的話就要配飯了因為得6塊餅可能會不夠飽肚兩個人食未能點選太多菜式下次再來試試其他

有朋友介紹呢間餐廳性價比高，即管一試說真的，在香港泰國菜的餐廳林林總總的實在太多，但這家真的有驚喜除了泰菜之外還有越南和馬拉款式，連串燒都有，真係你諗得出的都有我說最驚喜是，我喜歡呢到既串燒，佢係加左孜然粉，就好似係大陸食到既串燒咁，好正!另一驚喜是咖哩軟殼蟹麵包，啲麵包索哂啲咖喱汁，軟殼蟹又炸得鬆脆!真係好好食呀！但其他泰式菜同樣出色，不會質素參差!!我必須要將呢間餐廳介紹比身邊朋友來!值得推薦

無骨海南雞飯雞: 好新鮮亦好有雞味，雞既份量亦好多唔孤寒，好多肉，皮亦唔會好肥。汁: 個人黎講超鐘意呢個汁，好香似係落左魚露，汁既調味亦岩岩好，好開胃。飯: 唔知點解佢配白飯比我，但佢既飯都唔錯，水份岩岩好，唔太乾或者濕。但如果有黃油飯就更好。環境: 超級大冷氣，間唔中都聽到格離枱話好凍，但係我覺得都唔錯既，咁凍既環境加上個調既醬汁，感覺好開胃。服務: 午飯時間，好多人客，老闆都出埋黎幫手，但係都繡有禮貌。

行過想食泰式睇餐牌有串燒，老闆介紹同大陸串燒一樣架有孜然粉架🤭🤦🏻‍♀️叫左半打豬牛雞試下，d牛有so味，有d香草渣😥唔o岩我口味🤷🏻‍♀️豬都ok，雞就無食落去，沙嗲醬唔香。冬蔭公好味，細o既有4碗，入面有4隻蝦。仲有個炒金邊粉，淋pat pat，無乜味，無乜口感，幾條魷魚so算係有d野咬下。條韭菜幾過引埋單後仲叫我影底呢張野，show出黎有平，但我應該用唔到。🙊返屋企飲完兩大支檸檬水，舒服晒🙄

係牛頭角返工都一段時間，咁呢日就黎呢頭附近搵下野食。行過呢間鋪頭門口，見入面坐滿人，午飯價錢正常，所以就入去試試啦！同同事一人叫左一個無骨海南雞飯。噫，上菜見到唔係配白飯，而係配黃薑飯😋😋，仲要幾大碗，抵讚！皆因越黎越多鋪頭既海南雞飯係無黃薑飯配搭的。。海南雞既份量算多，d肉切到細細舊，可以一啖飯一啖雞，正呀！唯一失色少少係個汁，我鐘意食既海南雞飯配既係酸酸地果隻汁，但呢隻汁就無呢隻味道啦！總括而言，連埋凍飲同埋跟飯既湯，五十蚊頭，可以值得回頭再食！

其實我自己都幾鍾意食泰式串燒因為配料醬汁好吊人胃口而且又好夾啲肉 風味相當唔同佢有啲必食介紹✨其中一個就係飄香椰青焗飯先講講其他菜式先------------------------------1. 泰式海南雞(半隻)🐥我覺得雞肉件件都幾厚肉但又唔需要點用力咬因為真係估唔到幾嫩滑配上泰式醬汁 酸酸辣辣幾好食------------------------------2.串燒🍢肉身應該有少少變咗有啲硬同變異咗嘅味道唔係太好食------------------------------3.串燒 (茄子)🍆呢個同出面嘅茄子差唔多值得一講就係佢地淋上面嘅蒜蓉因為係自家製嘅醬汁嚟味道真係唔錯蒜蓉絕對豐富口感同味覺加咗啲啲辣味係入面整個串燒茄子色、香、味提升不少值得再試------------------------------4.馬拉盏炒椰菜苗🌿去泰國餐廳總會叫個馬拉盞炒菜食因為馬拉盞味道好吸引炒落菜到真係絕配今次就叫咗椰菜苗椰菜苗爽口好食，份量都多但師傅好似落重咗少少手有啲咸，但整體都唔錯🤔------------------------------5.飄香椰青焗飯🥥用椰青殼包住個飯上面有椰絲

提到食泰國菜好多人都即刻諗到裝潢極具異國風嘅高級餐廳不過呢間觀塘嘅平民泰國餐館似十足香港大排檔格局當然價錢亦都較平民抵食本來想叫黃咖喱軟殼蟹麵包不過剛好買完唯有叫黃咖哩牛腩配蒜蓉包咖哩確實幾好味，唔會辣牛腩份量都幾多，肉質軟腍仲叫咗碟秘製泰式豬脾呢個都算係鎮店招牌菜我見幾乎其他檯人客都有叫醬汁味唔算太濃太重豬脾夠入味嘅肥瘦肉一齊食，啖啖肉啖啖味仲叫左蒜蓉雜菜同埋龍眼冰三個人都好夠食埋單都係每人一百左右抵！