越興園越南菜館 (已搬遷) 新店位置

今日下晝去左呢度食野.小女子係第一次食越南野..於是就試左d人成日講既凍檬..我食既係雞絲凍濛.我覺得好好味.酸酸甜甜咁~好開胃!!!不過我嗌左杯紅毛單冰就甜得滯..我飲第一淡即刻忍唔住咳左出黎.好既係有一粒粒紅毛單係度..http://i5.photobucket.com/albums/y165/yo_cam/a00578.jpghttp://i5.photobucket.com/albums/y165/yo_cam/a00576.jpg

入去食前無乜期望，因為個門口唔係太討好。點知個菠蘿抄飯超好味！！！鮮菠蘿肉好新鮮，記住「筆」埋黎食，唔好晒啊！

成日好想食咖哩,但而家除左去食泰國野都幾難食倒"咖哩"....幾乎所有茶記ge"咖哩"都係葡汁黎....唉...黎到,見倒個豬排咖哩又衰心yukyuk想食喎,已經問定個waitress係咪唔係葡汁,點知黎到都係/_______\但好客觀咁講,係我自己唔鍾意食葡汁,其實依個"咖哩"豬排飯都整得唔錯~朋友叫炸紮肉飯,再叫多客蒜容包一齊食,個包都幾好食,牛油蒜容上仲有0的煙肉粹,唔錯呢~

與同學仔上堂前黎呢度食飯，叫左以下食物：1. 豬扒撈檬：好食，有好多我喜歡既炸蒜容，份量亦岩岩好，豬扒超入味2.豬肉蝦卷：好清新，但豬肉同樣出色d位都幾近，有少少迫，價錢亦偏貴

同男友約了友人打波, 時間有限, 路經這裏剛有位, 即管一試.食物方面:點了生牛肉湯檬, 烤豬肉撈檬, 牛油雞翼. 兩款檬粉都好好味, 而且份量都頗多. 我的烤豬肉醃味剛好, 配檬粉食很 惹味! 牛油雞翼等了一段時間, 原來是即炸的. 賣相是包了一層脆漿的, 與清亭的不同, 但食落脆漿厚薄適中, 亦因是即炸的關係, 口感脆脆的, 我倆一致讚好, 美中不足的是油了一點!!服務方面:當時雖是繁忙時間, 但服務態度尚可, 我們曾要求轉檯, 女侍應都跟得足, 只是到最後我們見人多, 沒有再要求轉 檯. 另一個男的亦有禮, 我們催促了雞翼數次, 他亦有禮跟進.可再光顧的!

點了烤牛肉撈檬2碗, 馬拉盞通菜, 咸檸梳打及咸檸樂烤牛肉撈檬的酸汁不惹味, 酸汁內加了羅白絲更是怪怪的>w<幸好馬拉盞通菜, 咸檸梳打及咸檸樂為這餐\加了不少分數, 馬拉盞通菜夠惹味, 咸檸梳打及咸檸樂夠解渴, Qoo…可惜加大了的飲品仍然好細杯>w<

我同老公同個B女3個人....不過門口個阿姐唔肯俾哂4人卡位我地坐...係都要我地坐個闊D既卡位然後俾人搭台...諗住慢慢食架嘛....又唔係話打算快快脆脆食完走...要同其他人一齊坐感覺好怪囉~~叫左菠蘿炒飯，一個馬拉盞蛋白炒飯同埋一個小食拼盤....個菠蘿炒飯個底真係有好大舊菠蘿肉，仲好甜好多汁tim...個馬拉盞蛋白炒飯原來有少少辣...(老公唔係好食得辣ga= ="")食物方面都好滿意....但d員工成日圍埋一齊傾計...服務態度爭d...

我果日叫左個咖喱牛腩飯,佢就俾左個咖喱牛肉我,叫佢幫我換,黑口黑面咁,都唔知咩態度\_/仲有叫左碗牛肉河,個湯底好淡,都唔似係牛骨湯軟殼蟹ok la..但得好小,味道都唔錯整體黎講不太好!

今天到此店吃越南菜,好多人,好像食物很不錯..點了牛肉河,越南拼盆,咖喱牛腩飯,以味道計,似乎一般了點,例如:牛肉河: 湯底一般,都有鹹味,但牛味少了點,而且越南香料味不重,不過.. $22碗送杯可樂,要求不高的話都可接受,但我就選擇貴少少好過..越南拼盆扎肉硬了點,春卷就ok,但春卷餡其實無肉香!不過個蝦片加豬柳幾好!個魚露汁一般,不過唔係落醋,係用青檸,算無偷工減料!咖喱牛腩飯:典型印度咖喱,無特別好壞一般是我對他的評價!

記得有次同個FD食飯,去到呢度,夜晚都ok多人等位入到去點菜話菠蘿炒飯有特價就叫左呢度,之後叫左一兩樣小食最記得都係個菠蘿炒飯份量唔係話好大,但個炒飯好甜,尚因個菠蘿真係勁甜(其實個菠蘿好厚肉)各方面不過不失唔係叫左好多野,但叫既味道都可以接受咁都可以再幫襯既

20/4 星期五晚上10:30去位, 門口做接待既阿姐態度唔錯話今日係星期五人比較多,等一陣好快有位,我地等左十至十五鐘到,入到去間舖感覺好迫,與之間同位與位之間只得3,4吋既空隙,個男侍應好慢咁執緊,有個女侍應見到就幫佢手,但佢地竟然將面淨左既污濁野抺晒落地有就落左張到,雖然佢事後有幫我抹番張,但底全部都係垃圾,簡直想即時走,之後叫野,一個朼肉金邊粉, 一個香芧豬扒金邊粉,兩個都走青,兩杯咸檸七,黎到見到冇走青,而朼肉金邊粉變左做河粉,唉...我都廢事再叫佢換過,快快食完就走人, 食緊期間隔離果個人要沙嗲牛肉,佢地就比左咖喱牛肉,真係唔知佢地點落單既。埋單$105, 又貴又唔值

本來想去沙嗲皇食晚餐,但是經過呢間店舖,6點重有下午茶食,所以早點去食都無問題喇...24元一個撈檬+飲品+dessert,不過只包可樂,我要hot lemon tea要+3元,幾怪,..食物可以,老公食黑椒牛肉飯.. 我估可以喇,但佢都食唔哂...最搞笑係要加一.無服務下要加一,不值..

今日去到食lunch,幾平,不過座位幾迫...同有烏蠅..我食冻<mo>,份量ok喇..

唔知點解周圍都咁多人，無乜好揀之下，試一試呢間。以前從未食過，其實在旺角有好多小店，但係真係有試過既就無乜，信心問題。卡位搭，無野好講，人多。三款食品，包括沙爹牛肉炒河，蝦餅，炒雜菜。三味野，都OK，味道濃郁，正正係今晚想要的口味。服務一般，因為都無乜理過食客，接觸不多，咁細間舖，幾個人，都唔知點解咁忙。如果淨計味道，幾好，不過，我食完之後有點肚痛。

沙嗲炸扎肉粉絲, 這個是我的最愛呢, 味道真的很不錯, 但價錢太貴了, 因不在餐牌上的, 所以要另外加錢.另外, 佢的春卷都很不錯, 很值得一試.