越鋒味越式餐廳

營業中

休息中

【東區】【越鋒味越式餐廳】本身同朋友去筲箕灣食韓國嘢，點知咁啱遇著間餐廳落場，就走返去東大街搵嘢食。問吓呢個問吓嗰個咁，最後決定食呢間越南嘢。本身我都比較少食越南嘢，所以都冇乜心水，都係用 QR Code 落單，佢就叫到嘢食先，我就攪咗一大輪先諗到自己食乜。佢食 $65 嘅「蝦頭膏海鮮湯河粉」轉檬粉，多青、多香花菜、走芽菜，仲加 $8 要咗「蘿蔔」，佢食緊嗰陣已經問我有冇叫蝦頭膏，佢話幾好食。不過其實我叫嘅係 $65 嘅「越鋒味招牌牛三河粉」，然而，我又真係有加 $8 要「蝦頭膏」，牛肉我就要生牛肉。麵底我係要河粉，同蝦頭膏香味混合埋一齊幾邪惡，好鮮好香好濃。我仲加 $14 食碟細「越式春卷」，正常水準。嘢飲方面佢要加 $5 嘅凍「龍眼蜜」多冰，我就要咗加 $12 嘅凍「越式咖啡」多奶少冰，都係好飲嘅。埋單 $177，以呢個質素嘅食物嚟講唔貴。。。（地址：筲箕灣筲箕灣東大街59-99號東威大廈地下12B號舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybi

位於筲箕灣東大街59至99大廈12號B地下越鋒味越式餐廳一間越南老闆娘開既越南餐廳，呢間舖頭開咗六年，疫情前已經喺度，每星期會有一日放假，每到食飯時間，未開門前已經會有人排隊，講到食物係真係幾好味，但係老闆娘成日會黑口黑面，可能因為門面全部要自己做。我經常會嚟呢度食，越南牛肉河粉，佢哋個湯底係用牛骨牛腩熬製，湯底入面有當歸嘅香味，我會加埋檸檬、辣椒、同埋魚露，味道會更加突出，平日都會有啲餐，加少少錢會有小食，有飲品免費

老實講，個樣似街肆賣既牛肉粉麵差唔多都係一樣款式。今次食咗呢款牛肉粉麵，真係唔同以往喎!首先佢用料十足,紅色牛肉塊又肥又嫩,配埋幾片翠綠色番梗葉,好食!湯底亦都唔會過於油膩,馬油味十足,浮滿頭上嘅粉麵竟然好彈牙至於檸檬,我會多少滴啲落去調和味道,亦都令到湯底分甜清新咗唔少。不過呢家人有點唔習慣,因為通常嘅牛肉粉都偏甜,而且唔會太清爽。最後佢嗰個價錢都相當值,性價比高。店主都好有禮貌,對客人態度好好,都算係幾細心。如果喺附近,非常推薦來呢度食牛肉粉麵!

越式生牛肉牛腩片檬粉，牛肉鮮嫩，牛腩燘得淋身，湯頭濃郁及較甜，檬粉份量很少，且質感過淋，一咬即爛，檬粉軟硬度有特提升。蝦頭膏海鮮湯河粉，青口、蝦和墨魚份量足夠，鮮味卻一般，尤其墨魚沒什麼味道，質感較硬身。湯頭中的蝦頭膏味很淡，比起生牛肉河湯頭較遜色。另外我們下單時要求多洋蔥、香菜，餐廳都有做到，很不錯👍🏻飲品方面，鹹檸七的酸鹹爽口，清涼解渴。紅豆椰子冰則是甜而不膩，椰子的香氣與紅豆的甜味完美融合，如椰子味再濃點味道更佳。🙂

又到東大街榲食，收風呢度有間越南菜幾正!越鋒味越式餐廳 的舖面不大，食物種類也算多!雞扒撈檬 外賣回公司食！仍保留有暖感，雞扒惹味也有咬口。加上青瓜絲、炸蒜、花生碎等配料，口感更為豐富。醬汁另外上！飲品叫了凍檸茶，味道剛剛好！

價錢平民，適合打工仔同學生黎食。味道一般，加咗蝦頭膏但冇乜味。湯底應該係用牛尾骨整，味道幾出仲有少少蕃茄味。烤豬頸肉上咗少少蜜糖甜甜地，但冇乜烤過既香味，都林既。雖然寫12:30開，但其他食客講通常12:45左右先開。整體來講不過不失。

豬頸肉有好香嘅炭燒味，肉質唔會烤到太乾，恰到好處。大大件，份量足，非常慷慨👍🏻檬粉嘅温度＆軟硬度適中，配埋個甜酸醋，好好味！唔會太酸，一下子就食哂成碗，好滿足！啱哂熱辣辣嘅夏天食，配埋青瓜絲同生菜絲，夠哂fresh~~服務態度友善🙂整體完全對得住＄61依個價錢😋👍🏻大推！

星期六晚飯八點幾諗唔到食咩，見東大街唯一一間越式餐廳，見價錢ok,決定試吓。店內地方唔大，但都坐滿人，一路都有客人堂食同外賣單，叫左碗生牛肉河粉，同埋蝦頭膏海鮮檬粉，米紙卷小食，湯河湯底好味，起碼飲完唔會好口渴，海鮮檬粉材料十足，有三隻蝦，三隻墨魚仔同三隻青口，可能我大食，粉嘅份量唔太夠。三色冰好味，咸檸七正常，女職員態度友善，會再嚟。走嘅時候見到下午茶餐37蚊，好難想像而家有呢個價錢，下次有機會試吓

東大街是筲箕灣最出名的食街人人皆知，今次試下越南食物; 這條街有大大小小相同類型的食肆，但越南菜好像只此一間，相信生意會不錯吧。店子小小，如果你是一袋二袋的入去，會是很不舒服，因為沒有多餘空間給你擺放東西，梳化座位不多，看你運氣如何能否安排到給你了。相反如你是兩袖清風的入去光顧，以這價錢來說 ，會是吃得舒舒服服，沒有怨言了。叫了一碗豬扒湯檬 ($5x)，湯底與一般越南菜沒有分別，夠熱，相反豬扒不是熱辣辣炸起的，好彩不是韌的，都算軟熟。麵餐跟一杯熱飲，以這價錢來說是抵食的，另外亦可加錢配清菜、春卷、雞翼和蝦餅等小食，款式都算多的。之前聽說這間餐廳是社企，唔知現在是否仍與循道衞理有關係呢，如果是社企大家也支持一 下吧，反正價錢合理，服務也OK。

跟食評搵食食到一肚氣(你明㗎啦)，所以決定新一年食到好餐廳就要表揚下。40蚊下午茶連凍飲超級扺。食物一啲都唔hea 。pho湯頭清甜，食完唔口渴，調味好balance, 加埋青檸恰到好處，仲落咗kaffir like leave。呢個價錢嚟講牛肉絕對比我想像中好。待應姐姐好友善，把聲好好聽。下次再嚟試埋其他嘢❤️

今次去咗間好震撼我嘅食店。起先牛腩湯飯就攞到我個心，嗰啲牛腩煮得唔錯，有股家鄉嘅感覺，又唔會太柴。另外，魚片粥都幾好味，啱啱好嘅溫度，有種溫暖到心底嘅感覺。不過啲魚片可以再厚少少，咁就真係無得挑。至於啲炸醬麵，啱哂我呢啲唔太鍾意太甩嘅人，啲麵條啱啱好，又吸曬醬汁嘅精華。最後佢哋嘅煎餃，外皮香脆得嚟，入口即溶，矜貴得滯。喺度食，感覺好融入本地文化嘅氛圍，我通常會睇食物質量同價值點，這間餐廳真係令我好有驚喜。比起喺呢個活躍嘅社區嘅其他平民選擇，佢哋嘅食物同服務都算係值得表揚。我嘅碗麵同牛腩飯已經夠好，我相信下次我會試下更多新嘢喇！🍜🥢🍚

一直唔知筲箕灣有越式河粉食，行行下見到呢間有下午茶，見到好抵，即管試下。越式豬扒河竟然37蚊，仲包熱飲，真係嚇一跳！黎到見到份量咁多，再嚇一跳！但唔知係咪因為下午茶，啲河粉好碎碎濕濕，基本上係唔使用筷子食，用匙羹當佢係銀針粉咁樣筆黎食就得…難怪見到有老人家食到妹下妹下…豬扒又油左啲…QR Code落單幾方面，仲可以選多蔥等個人口味。跟熱飲唔駛加錢，飲可樂凍飲特飲就加多幾蚊。仲有張檯放左好多醬料任用，不用麻煩侍應。呢間店細細地，不過當好多人入嚟嘅時候，突然俾侍應點中要比對面個位人地搭檯…但我明明唔係最早入黎的客人，點解要搭我呢…既然豬扒咁油，我就唔食晒啦，即刻起身埋單走人…個收銀位置好奇怪，當成間舖頭都係人嘅時候，要逼到最入比錢，然後又要迫返出嚟走人…但係$37一碗麵就唔要求得咁多…

在筲箕灣做野幾年，因為每次路過都見到呢間小店滿座，令我從來無入過去!! 今天同事帶頭叫外賣，終於有機會試下呢間錯過了很多年的風味!!我叫左個「越式生牛肉牛腩河」見到個特別位，可以加8蚊轉「蝦頭膏湯底」，即刻試試佢! 一個字「癲」!! 個湯底真心係勁好味! 睇得出係好用心製作，而且真係落足料! 蝦頭油超級勁香濃~ 真心令我第一次有食越南湯河想飲晒D湯既衝動!而個牛熟牛河都真係無敵，最可惜既係外賣返到黎，生牛肉已經熟晒，雖然都係好好味，但我相信現場食一定仲正，牛腩煮得好淋，成個湯河都好好味! 有時小小的加功，可以帶來大大的不同，餐廳在湯河上加了檸檬葉絲~令成件事變得好清新同香氣四溢! 真心覺得自己錯過了呢間小店好多年，黎緊要多D幫襯。

東大街出名的食店林立，之前有朋友推介過這間東大街小店。小店逢星期一休息，有時也會在其他weekday休息，我之前去過都摸門釘，今日終於有緣吃到。第一次到訪，當然試試招牌：越鋒味招牌牛三。粉麵可以選擇河粉或檬粉。麵起得很快，而且份量很足（食量小的女生可能會想要扣底）。這款招牌裏面有生牛肉（可選熟牛肉），切得夠薄，肥瘦均勻，非常嫩滑，又有鮮味。另外，配上了薄切牛腩，比較少見，也煮得很淋。裏面還有扎肉和牛丸， 十分豐富。小貼士，湯可以加錢轉蝦頭湯底，我試了朋友的湯底，確實很鮮甜，值得試試。再值得一讚的是這餐廳還有多款套餐，例如這個招牌套餐$62，包飲品，真是價廉物美。這裏已經成為我心目中全香港頭三最好吃的越南牛河店了！

店名/Shop Name：越鋒味地址/ Adresss: 筲箕灣筲箕灣東大街東威大廈1座種類/Type：越南菜推介/Recommend：越南西貢烤豬頸肉湯粉，椰汁紅豆冰人均價錢：67店舖環境:街坊小店交通:筲箕灣地鐵站B出口行幾分鐘上菜速度: 3分鐘服務態度:態度友善親切食物口味:因有朋友說是吃過香港最好吃的越南菜，必定要叫湯粉，湯底超正清甜中夾着香草味，湯底有九層塔檸檬葉非常清爽鮮甜越南西貢烤豬頸肉湯粉點餐系統呢一大餐，可以點餐選擇個人口味及喜好要求菜底，香菜，辣椒，青檸的要求越南西貢烤豬頸肉湯粉（Grilled Pork Neck Noodle Soup）烤豬頸肉：豬頸肉切成薄片後，會被用特殊的調味料醃漬，然後在炭火上烤至金黃色和多汁。湯底：湯底是關鍵的一部分。加入香料和調味料，提升湯的風味。湯底的口感豐富且鮮美的。湯粉：湯河粉配料：湯粉搭配各種配料，新鮮的豆芽、薄片的洋蔥、青蔥、薄荷葉、紅辣椒等。這些配料增添了不同的口感和風味。椰汁紅豆冰椰汁：椰汁是這道甜品的主要基底，濃郁的椰子風味和豐富的質地有天然的甜味和香氣。紅豆：紅豆是主要配料之一＇帶來了濃郁的紅豆風味。#越南菜]# #香