越風味地道越南料理

營業中

休息中

由中學時代到而家，喺旺角都食過唔少美食，而家諗返起，好似從來都冇喺旺角食過越南嘢🤔，今日行街見到鄰近村爺爺有間《越風味地道越南料理》，仲要全日免加一，就同男朋友一齊幫襯啦🤭店內裝潢以綠色為主，再配襯啲越南風格，6點去到仍然keep住有客幫襯😃，老闆亦好熱心推介餐廳美食，其中更大推牛油果沙冰！小妹同男朋友分別嗌咗兩份主菜、兩份小食及兩杯飲品，嚟越南餐廳當然唔少得要嗌Phở啦🤭小妹見餐牌有好多Phở選擇，經過肉眼掃描後，決定了《特級手切鮮生牛肉湯河》。▪️ 特級手切鮮生牛肉湯河湯頭甜、河粉軟、手切牛肉嫩滑，食極都仲有牛肉👏🏻👏🏻👏🏻▪️ 咖喱軟殼蟹飯原隻軟殼蟹細細地、炸得好香，咖喱又香又濃，無撈晒啲咖喱醬，留番啲沾法包用😍😍▪️ 經典越式法包（扎肉為主）法包香脆，餡料有芫茜、青瓜、扎肉、醃蘿蔔絲，即使隔咗陣先食都依然咁脆！大推！沾啲咖喱醬一齊食更加好食😝▪️ 越風味小食拼盤小食拼盤兩款扎肉都好食😋、墨魚餅有粒粒墨魚㗎、春卷及蒸粉包都多料、相對蝦餅比較普通，不過小食整體都非常好食🤤▪️ 自家煲椰汁珍多冰椰子汁不太甜，珍多冰滑溜溜，平時啲凍餐飲小妹飲唔晒架，呢杯反而啜得晒💕▪️ 鮮榨青檸梳打青檸梳打有青檸

成日話去旺角食嘢嚟嚟去去都係啲大商場或者西洋菜街嗰邊，其實行去油麻地方向，砵蘭街嗰邊中間都有好多選擇。其中呢一間就係食越南嘢，門面仲要寫住唔收加一（雖然個價錢都包埋），可見價錢方面係佢嘅優點。食物方便推介豬頸肉因為夠晒大塊同埋肥瘦均勻，酸辣醬汁更加唔使講，係靈魂！咖喱牛腩份量都好多，但如果俾我揀我會問吓老闆可唔可以轉牛筋？因為牛腩有啲硬，但咖喱汁非常香濃好好味。菜就一般般啦，我想叫菜苗但係冇晒，被迫其他菜。佢最特別係啲飲品凍檸茶凍檸水就算單點都係$9，唔會好似而家舖頭寫到廿零三十蚊，飲兩三杯都冇問題，非常之抵。

之前食過連鎖越南餐廳 一個撈檬加埋一已經過百蚊 呢間唔駛加一 仲要外賣自取8折 6點幾已8成坐滿 一定要試下😍菜式種類繁多 上菜速度好快！湯河撈檬飯類都有好多選擇生熟牛河湯檬 牛肉熟度岩岩好 好多塊嫩滑牛肉同牛腩 軟殼蟹撈檬份量多到女仔食唔灑！大蝦米紙卷d蝦好大隻足料！叫左個素春卷小食 原來會送生菜 包住熱辣辣既春卷好好食！推薦！馬拉炒通菜調味岩岩好 唔會死鹹配埋清甜椰青 成餐飯好滿足😌三百幾蚊兩個人可以喺旺角食到咁抵食既晚餐 真係好滿意 會再encore!

捐窿捐罅搵到間好有heart嘅貼地罕見全日免加一外賣仲有八折嘅正宗越南高質素餐廳😳 🍅 鮮茄蟹肉bank da粉 82大推! 好足好足好足料 蕃茄湯好濃蕃茄湯好濃蕃茄湯好濃！除咗真係有四分一件蟹之外 仲有我至愛嘅蟹膏 其他小見配料有豬肉卷同蝦丸 好堅抽👊 🍛 咖哩豬扒飯 轉蒜蓉包 62+18咖哩好食 唔太辣椰香重。豬扒唔係乾爭爭 瘦掹掹。肉質彈牙爽口 半肥瘦 仲有濃濃香茅味 非常有誠意👍 蒜蓉包一口咬落唔會硬繃繃 牙肉都刮損嗰隻 外脆內軟 恰到好處🤌 蒜蓉牛油雞翼合格。 值得一提自家煲香茅薑茶 足足四片薑 入口微辛 但相當暖胃 啱曬養生人士如我🥰🥰 📍越風味地道越南料理旺角砵蘭街108號地舖

很久沒吃越南菜，這次到旺角逛街試了這家店，款式選擇多，價錢大眾化👍🏻.✨香茅豬扒湯河豬扒肉質軟稔入味，香茅味道很濃郁，湯底比較清淡，鍾意濃湯的話可以加入魚露令味道更鮮甜❤️❤️❤️✨豬頸肉湯檬✨蒜蓉牛油雞翼牛油和蒜蓉味道非常香濃，外皮炸得很香脆✨雞肉串燒✨手打蝦餅蝦餅肉質彈牙有口感，沾上醬汁更好吃.✨自家製椰汁紅豆冰✨牛油果沙冰質感很滑很Creamy，不會太甜，牛油果味道濃郁.📍越風味地道越南料理

星期五梗係嚟旺角搵食, 經過見到呢間越南餐廳聽到店員在門口介紹就不妨試一試。係油麻地站A1出口行幾分鐘就到, 讚! 內部唔算十分大, 不過入去店員安排左比較寬敞既位置👍加分位餐牌寫住全日免加一, 而且驟眼看內容價錢都幾親民, 分別叫咗幾樣小食, 2碗湯粉同飲品我就叫咗碗鮮茄蟹肉湯"Banh Da"粉, 純粹覺得個名幾特別，而且我個人都好鍾意食越式蕃茄蟹肉湯粉, 呢一款係我第一次食, 有好多唔同的配料, 非常足料! 好多都係我第一次見, 好特別, 而且都幾好味, 湯頭亦都唔會過鹹這款麵條店員說是越南特色的麵條要盡快食，否則太耐會好淋, 味道我自己覺得好似河粉的煙韌版老公就叫生牛&熟牛湯河, 一擺低碗湯河就聞到好香嘅牛骨湯味, 份量好多, 以$62 既價錢就食到十分超值!! 而小食分別叫咗蒜蓉牛油雞翼，芒果軟殼蟹米紙卷及香茅豬頸肉👍👍整體性價比好高, 上菜速度又夠快，而且店員服務又好! 下次再嚟旺角唔一定要去大街大巷搵嘢食, 呢間都係一個唔錯嘅選擇

今日黎到旺角試下食越南嘢😋下午黎到都接近滿座都幾多人食而且全日免加一添😮下午茶的話四十幾蚊仲要包埋嘢飲好抵😍越南河粉必試！！！好好味，湯底唔油膩味道又恰到好處香茅豬扒超好食又淋而且剪開埋唔洗成塊咬食都唔會咁狼狽🫣小食拼盤都有5款小食😍蝦餅墨魚餅原來全部都係手工製唔會太鹹又食到鮮味好彈牙！另外嘅炸春捲同包住嘅蒸粉包餡料差唔多但蒸粉包上面有埋豉油同蔥一齊食好好味😋鍾意嘅點埋兩款醬汁更好👍🏻👍🏻青木瓜沙律超大份🫣好爽口，切得又夠幼，而且有少少辣完全可以接受！真係好清爽嘢飲珍多冰濃濃椰汁味，龍眼紅棗杞子茶都好好飲👍🏻十分推薦大家想食越南嘢的話可以黎呢到食！😚環境設計簡單又溫馨

最近喺旺角試咗間叫越風味嘅地道越南料理，食咗好幾樣菜式，感覺真係唔錯。首先，試咗佢哋嘅香茅豬扒牛骨湯檬。豬扒烤得頗脆，香茅嘅味道夠突出，檬粉夠多，食極都有。再講講佢哋嘅雙色扎肉撈檬，扎肉質地扎實，有白色原味同黑少少多黑椒味，味道好夠，搭配酸酸甜甜嘅檬粉，食落去好開胃。佢哋嘅咖喱雞扒飯都唔錯，咖喱味夠濃郁但又唔會過於辣，雞扒煮得偏濃味，同咖哩好夾。而且配搭嘅白飯吸收咗咖喱汁，食落幾好。芒果軟殼蟹米紙卷係另一個亮點，軟殼蟹同芒果結合，一邊鮮甜一邊微咸，令整個口味層次多變。多菜，都係健康嘅選擇。唔少得提嘅係香茅雞翼，外皮微焦香脆，雞肉夠味，同香茅嘅味道好夾。我哋仲試咗佢哋嘅手打蝦餅，外脆內軟，蝦味十足，彈性足料，每一啖都好過癮。最後有椰青做收尾，清新又解渴，夠凍又唔會超凍，飲落好舒服，好甜，推介！

同朋友係旺角行完街，就打算是但去搵啲野食，見到呢間越南餐廳，店員係門口熱情招呼，可能因為價錢好親民餐廳到夜晚9點都仲有多食客。因為我哋好口渴，入到去未點嘢食，先叫咗個椰青。佢椰青大大個好鮮甜，超多汁第一次見椰青啲汁係咁滿。下龍灣墨魚餅，點嘅時候職員話墨魚餅係越南直送，所以份量唔會好多，但我覺得兩個人食剛剛好，而且墨魚超彈牙又好重墨魚香味，好值得試一試。越式生菜包，份量好大份。因為我哋食得辣，所以點左辣，味道唔會好辣但就有種胡椒嘅香味，再加埋洋蔥，食落味道好好。如果唔食得辣，可以點走辣。牛油果軟殼蟹米紙卷，我覺得去食越南菜，米紙卷喺必點。因為同我哋平時食嘅廣東炸春卷真係好唔同。軟殼蟹炸得好脆口。主菜，我地點左生熟牛肉湯河。正宗嘅越南河粉真係掛湯。每一啖都有牛肉湯嘅味道。好入味。熟牛肉就比較重牛肉味，但口感會比生牛肉硬少少。個人就比較推介生牛肉，因為入口有種軟綿綿既口感，但又不失牛肉味。朋友去過越南，都話比得上當地食過嘅生牛肉河粉。點解咁多野食，最後兩個人都只係$300左右，絕對係大件夾抵食。下次一定會再黎食！

上次餓到肚都攣，經過見到呢間就入去食啦，嗯～～唔錯喎menu雞扒檬粉 $56雞扒煎得脆口，檬粉條條分明爽口，加埋個汁酸酸甜甜蝦餅 $68有諗過係咪手打蝦滑？炸得好食，蝦餅彈牙，唔會好濕鮮茄蟹肉湯"Banh Da"粉 $82茄湯濃郁，好多蟹肉滴漏咖啡 $28連壺上，一路食一邊聞到咖啡香，Vivian唔太識飲咖啡，但真係好香芒果西米露 $28要註明：呢一杯係飲品唔係糖水😂唔會太甜，真係有粒粒分明嘅芒果肉，nice

心郁郁想食越南粉，又喺廟街附近，於是試咗之前朋友介紹過嘅呢間越風味地道越南料理，味道又真係唔錯，店員話原來師傅真係越南人，果然係正宗越南風味👍🏻食物：河內生牛肉湯檬 $58湯底清香偏甜，個人幾喜歡，牛骨味再配合一陣陣洋蔥青檸同埋辣椒嘅香味，食極都唔會膩，生牛肉份量都幾多，牛肉肉質都幾新鮮👍🏻芒果軟殼蟹米紙卷 $68芒果好甜，配合香脆嘅軟殼蟹，同埋其他蔬菜，幾清新，仲有一個酸酸地嘅魚露汁，幾開胃。新鮮椰青 $38椰青真係好新鮮，又大個，椰青汁清甜，解辣一流，椰青肉又厚又嫩👍🏻香茅豬頸肉撈檬 $68豬頸肉香茅味重，燒得幾香，另外亦有大量蔬菜，例如生菜紅蘿蔔等等，配合魚露汁一齊撈嚟食，清爽。下龍灣墨魚餅 $68見個名幾特別就叫黎試吓，幾有驚喜，墨魚味幾重，仲見到啲墨魚肉喺中間，有少少咬口，配合甜酸醬食就最夾～越南西貢啤酒 $28係越南嚟嘅啤酒，麥味偏重，個人幾喜歡，價錢合理，叫黎試吓都唔錯。服務質素：店員都會細心介紹食物，服務有禮。環境：位置非常方便，店舖面積雖然唔大，但係都會有幾多座位，而且座位唔會好迫。地址:旺角砵蘭街108號地舖 （油麻地站A出口3分鐘）

喺旺角做運動之前想食返餐好😋 我同朋友揀咗《越風味》地道越南美食😋 呢度裝修新淨整潔，員工服務態度都好好👍🏻🍜 A04鮮茄蟹肉湯"Banh Da"粉 $ 82呢個特別嘅湯粉係一個越南粉，麵條粗身，唔索水但掛起啲蕃茄湯又幾入味😚 湯入面有蝦、軟殼蟹、豬肉卷、扎肉、丸、豆卜等等，超足料又好食🥳🍛 D04 牛柳粒紅飯 $98紅飯好特別！飯身用蛋炒香再加入蕃茄紅色，偏硬身有咬口🤤 牛柳粒大大粒，軟腍唔會韌，加上惹味黑椒汁，正🤗🍤 K04 咖喱虎頭蝦煲（4隻） $138第一次見咖喱+虎頭蝦+砂煲呢個組合，估唔到又幾好食🤩！啲蝦大大隻，連頭上但已剝殼，夠晒方便，用煲上keep住熱辣辣🤗🥥 MO1新鮮椰青（凍） $38椰青新寅鮮清甜，抵飲！☕️ M06龍眼紅棗杞子茶（熱/凍） $22養生之選。

兩條友收工，想話兩個人隨便食少少嘢，又想食d性價比高嘅越南菜，於是乎就揀咗哩間！冧住食飽可以喺旺角行下街噉！推薦粵風味小食拼盤！係我認為哩間舖嘅top1，because一次過滿足我五個「願望」！有炸春卷，蒸粉包，炸蝦餅，墨魚餅，扎肉。墨魚餅和蝦餅，超級Q彈，炸蝦餅好酥脆，肉質緊緻！炸春卷皮好薄好酥脆，一咬就脆出聲！搭配甜酸醬，好解膩！如果多人食嘅話，推薦選擇豪華大拼盤一齊開心share！芒果蟹米紙卷🥭🦀️外面皮好薄，晶瑩剔透，米紙卷內嘅芒果好清甜，軟殼蟹炸至酥脆，頂層放有半隻軟殼蟹！🍅鮮茄蟹肉湯banh da 粉味道就中規中矩，沒有太大的驚喜！但勝在內容豐富

啱啱去咗越風味越南餐廳，真係食到手指嘴巴𠵱立立！👌嚟到一啖香茅豬扒撈檬，忍唔住即刻叫好，檬粉Q彈順滑，豬扒外皮煎到金黃香口，真係夠晒鬼香！再講吓啲特級手切生牛河，河粉滑得過水，牛肉又細塊又嫩，添埋個牛骨濃湯，飲落去熱辣辣嘅，心都暖笠笠。同行朋友叫咗個生菜包，個味道酸辣得嚟，仲要有香料提味，一咬落去生菜爽脆，好過癮㖞！🥬🌶️最後甜品牛油果沙冰降降火，叫低糖仲切中平衡，涼涼地，香滑得嚟唔膩口，真係畫龍點睛。食物美味正點，分量又好，呢間越風味，食完真係會掂舌頭想再嚟！👍🍴💯

今日放假又帶媽咪出街食飯~我地行完朗豪坊，影完Carebears就行下附近搵野食😂路過見到老闆好落力講：俾足料架！（我就系俾以句吸引左）1️⃣河內生牛肉湯檬一上枱記得要立刻整熟d牛肉😆而牛肉都好嫩滑，老闆話廚師真系越南人，落左多種越南香料調味；所以食落真系有風味😋2️⃣越風味小食拼盤（春捲、蒸粉包、墨魚餅、蝦餅、札肉）春捲都炸得好香脆，而墨魚餅真系起下龍灣直送香港！好有地道風情😌蝦餅亦好彈牙結實；3️⃣ 越式香辣肉碎生菜包因為唔想食太多澱粉質，所以叫左生菜包；師傅炒得好香辣惹味😋4️⃣鮮榨牛油果沙冰滿滿的一杯，牛油果味好濃，完全冇冰粒，飲得好順暢，敏感牙齒都飲得👍🏻5️⃣龍眼紅棗杞子茶媽咪話好足料，好夠味～凍時飲就暖入心