越

營業中

休息中

好食既小店就係要推介，專城黎到大圍二次拜訪👍👍香脆可口嘅越式法包 ，真材實料嘅手打墨魚餅，鮮甜嘅魚湯海鮮飯，非常開胃，配上越南乳酪飲品，非常滿足又抵食既一餐👍💯

餐廳附近都是住宅，超級市場街市，方便街坊。嗰日好凍，入咗去好溫暖，老闆娘同老公一起打理 餐廳，都係越南人服務周到。枱面有火鍋爐，可能有得打邊爐。63一個午餐咁大件雞扒，望到都覺得好抵食，早啲食我朋友呢個河粉都有好多湯底同蔥，正。我食豬頸肉檬粉，豬頸肉都有好多舊，豬頸肉質地偏硬，如果腍啲就更好了。配菜都比好多，花生青瓜菜脆卜卜✨啲汁唔係我食開嗰隻，所以唔係好慣。比起好多越南餐廳都做得好食了。火車頭河粉，我望落去都覺得好好食，仲有牛丸同埋蘿蔔👍👍👍 朋友話清清甜甜味道適中好食。一個咁抵嘅午餐，我覺得好值得🫶

越南老闆小店經營，價錢經濟，食物質素中上，不含味精，性價比高，宜家成為我的飯堂之一，成日encore，老闆娘招呼親切親民，感覺舒服🥰有幾款素食：青芒果沙律，素菜紙米卷，炒雜菜（或按個人喜好，同老闆娘講吓，可即時按客人需要而調整）只是小店舖位，坐位有限。

喺香港嘅越南餐廳，真係由越南人經營㗎！間細細間嘅餐廳啫，我地試咗佢哋嘅牛肉河粉同燒肉河粉，味道真係正宗。老闆對佢哋嘅菜色好有心得，好識講解。呢個我真係好鍾意㗎，因為好多小餐廳老闆都冇咁關心顧客，但呢間唔同，佢哋肯為自己嘅食物負責，有種信心喺度！We tried other food next time. Too many dishes. Haha

呢間係屋企附近開左5個月,感覺應該ㄧ般,所以都冇去食,今日唔知食咩好,咁就是但試吓呢間,首先入座,靚女老板好熱情招呼,ㄧ坐低點菜過程靚女都好親切溫柔咁同我哋對答👍食物好啱本人口味,唔係死咸同重味精,靚女話吃完唔會口渴😎我哋叫咗5樣嘢,素米紙卷,牛肉粒菠蘿沙律,牛油雞翼,豬肉卷,下龍灣墨魚餅,當中牛油雞翼,牛肉粒菠蘿沙律,好出色,買單時靚女叫我哋下次試下蝦多士,春卷,仲有好多嘢好好食😂😂我就咁自然應承佢過幾日最嚟試😂😂😂

朋友生日指定要去大圍食越南菜，嚟到大圍「越」，店內面積雖然不及連所經營嘅大舖，但裝修設計都有越南特式。睇完餐牌發現價錢真係街坊價，其實有一刻想話餐牌上同我每款嚟一樣🤣但當然係無咁樣做，因為唔想浪費食物！三個人點咗六款食物，包括：火車頭湯河（生牛肉、牛腩、牛丸）法式牛油雞翼下龍灣墨魚餅小食拼盤（雞翼、春卷、蝦餅、扎肉及米紙卷）香茅豬頸肉越式肉碎生菜包火車頭湯河（生牛肉、牛腩、牛丸）⭐️⭐️⭐️⭐️⭐️湯底香濃牛肉熬製，好濃嘅牛味；牛腩夠淋及入味；牛丸爽口彈牙法式牛油雞翼⭐️⭐️⭐️⭐️⭐️香脆外層及好香牛油味，食落口鬆脆外層，極力推薦！下龍灣墨魚餅⭐️⭐️⭐️⭐️⭐️呢個墨魚餅暫時係人生食過最好味嘅墨魚餅，入面有墨魚肉令到個墨魚餅好有口感小食拼盤⭐️⭐️⭐️無太大驚喜，由於食完個墨魚餅後再食蝦餅，蝦餅就給比下去😅；不過小食拼盤內嘅春卷好好味，所以如果人多就建議散點春卷香茅豬頸肉⭐️⭐️⭐️⭐️第一次食咁香濃香茅味嘅豬頸肉，外表香脆，內裡多汁，幾好味。越式肉碎生菜包⭐️⭐️⭐️⭐️肉碎份量比想像中多，抵食。整體感覺比起外面連鎖經營嘅越南餐廳好食好多，最最最重要係價格街坊價，經濟實惠！

今晚去咗是屋企附近新開嘅越南餐廳，叫咗個越南烤豬肉蛋飯，味道唔會太鹹，佢哋話可以沾豉油食，我唔駛，個人鍾意清啲，但係好夠鮮味，如果啲肉可以再乾身啲咁就更加好。配上一隻烚蛋，口感和味道比較特別，切開咗一半見到蛋黃有一格格嘅坑紋，喺出邊好少見，沾少少豉油好好味。男朋友叫咗個蕃茄蟹肉湯檬，佢話湯底好味，叫我試吓，我畢咗一羹湯，味道好鮮甜，好濃嘅牛肉味，有啲後悔冇叫呢樣，下次一定叫自己叫一碗，蟹肉份量多，有鮮味。另外叫咗蒜蓉法包，蒜蓉醬好好味，麵包好脆，值得一試。整體而言，性價比高。美中不足的是去到嘅時候好多嘢已經賣晒，下次要早啲去。