越．男

營業中

休息中

我係於16/12（一）約下午四點🕓到達餐廳，只有1枱客人，以QR code下單，店員都有比紙本menu我們看。午市套餐有套餐組合，我們各叫了一個。❶主菜•小食•飲品 （$85）海南雞湯河，越式春卷（2件），越式煉奶咖啡❷主菜•飲品 （$75）越式扎肉檬粉，椰青水廚師即刻煮，所以等了大概15分鐘左右，熱辣辣吃的食物就是好吃。煉奶咖啡☕️又可以少甜。材料簡單，但勝在抵食又夠份量，小店的牆上面有不同的畫，好有特色又溫𧅥

無論想食越南飯、麵 定係包都可以滿足到你！鋪頭唔係超大 平日中午時間都幾多人架🤓一份lunch set 大概$75-100 跟埋野飲 或者小食 都算合理 香茅豬頸肉撈檬 跟野飲 ($75)檬粉份量不錯 仲要個汁酸甜均衡但係我就覺得豬頸肉有少少太乾 唔知係咪只係我個碟係咁 下次再比一次機會🥹 整體來講 如果打工仔想食個快飯 係一個不錯的選擇✨📍越．男 (灣仔)地址：灣仔大王東街28號地舖

主打越南河粉同越式法包嘅 越·男 @combanhmi ，餐廳雖然細細但充滿越南風情🇻🇳而且做緊9周年三重賞，逢星期六頭30名到店食客，可享優惠價$1享用 越式豬肉球法包🥖晚市時段嚟幫襯晚都有套餐-主菜同飲品，優惠價加配小食至尊牛寶湯河叫得至尊牛寶湯河，集所有配料於一身😍湯頭清甜，加入青檸同酸汁口味更加清爽，入面有生牛肉，燒牛肉，牛丸，白蘿蔔；牛肉片慢煮更顯粉嫩，口感腍滑，必食👍🏻慢煮牛肉法包黑色竹碳包代替普通法包，口感香脆但外表型格特別；牛肉經慢煮後入口嫩滑，配上洋蔥、蘿蔔絲等，口感豐富👍🏻香蒜牛油雞翼雞翼炸得香脆，濃郁牛油滲入香脆雞翼中，好邪惡滋味！越式春卷香脆惹味嘅春卷沾上酸汁再包生菜一齊食，又係另一美味食法😋越式煉奶咖啡/ 香茅青檸水

係附近做完運動經過見到呢間門面細細但幾有特色既越南餐廳就入去食野填下肚餐廳細細，盡量運用曬所有地方，坐滿人。牆上嘅壁畫好靚😍開放式廚房海南雞飯雞肉都算滑，個飯唔係油飯但撈埋啲葱油食都唔錯👍🏻慢煮燒牛肉竹炭法包麵包外脆內軟，食落同竹炭無關係，燒牛肉唔算好濃味，整體嚟講普通咗少少。反而豬扒法包有驚喜啲，豬扒好食👍🏻

聽聞近排好興食越南法包，我都喺灣仔揀咗間試下，除咗法包仲試咗其他嘢，餐廳菜式本身都幾有特色至尊牛寶湯河有齊蘿蔔、燒牛肉、生牛肉同牛丸，果然係至尊！牛丸好彈牙，又juicy，好高質。兩款牛肉食得出唔同存在感，各有特別之處。而個牛骨湯偏甜，另成碗粉更加有記憶點！慢煮牛肉法包用咗竹炭加入個法包，打卡更特別。本身個包入面嘅材料係勁多料，啲配菜全部都好夾，牛肉好軟熟，夾埋香料好清新香蒜牛油雞翼雞翼外皮好脆，仲包住蒜蓉牛油，好惹味啊越南春卷網狀春卷皮超級酥脆，仲爆曬餡添

早幾日遲咗收工，就喺公司附近搵咗間食越南嘢嘅 越。男～裡面嘅店員好似都係越南人，裝修亦都好有越南風味😙價錢唔貴，質素高，幾正宗！🍃慢煮牛肉法包店員姨姨話係最正宗嘅越南法包方法去做，牛肉軟身，配菜加上特製醬汁，好惹味，令人唔會覺得好膩～🍃至尊牛寶湯河上面有新牛肉，燒牛肉，牛丸，蘿蔔～想講真係好出色‼️牛味非常濃郁，加上湯底係煲咗兩日，真係心機之作🥹🍃香蒜牛油雞翼外層酥脆，裡面嫩滑，好正！🍃鮮蝦扎肉米紙卷呢個加上店入面特製嘅酸辣汁、令人好Refreshing！🍃檸檬特飲 & 🍃香茅青檸水真係唔好睇小啲嘢飲，非常足料，飲落好天然，好舒服🥰

天氣凍凍地，食返碗越南粉暖下胃先🙈呢間餐廳係灣仔做嘢嘅人都會知道，佢哋嘅粉好出色，湯底又濃郁🥰重點係夠哂創意，有全港首創嘅越式豬肉球法包🥖而且如果客人叫Keith,可以係星期一至五（公眾假期除外），任何時段，單一消費滿$200，就可以享半價😳真係超級優惠！入正題！美食黎了😍至尊牛寶湯河: 湯底香濃，湯底熬足兩日兩夜，唔怪得之牛味十足又清甜🫡 碗湯都比我哋飲哂😂另外，主角有齊牛丸，生熟牛肉🤭真係幸福☺️豬肉球法包賣晒啦😭唯有下次再嚟食啦🙈 我哋轉食脆燒腩法包🥖: 一樣咁出色，豬肉肥瘦適中，油脂分泌亦剛好，再配上蘿蔔絲，芫荽，洋蔥等，夾住法包食真係一流😍香蒜牛油雞翼，牛油味超重超香，又脆又juicy!掂🫶🏻越式春卷，酥脆香口，美味😋

餐廳細細，一眼望盡，不過非常有越南風情，牆上還掛滿一些寄買的畫作，都是畫着香港特式景色。開放式廚房，看到越南人廚師。餐牌的食物不算太多，都是一些傳統越南菜，不過還是有一些比較新的，有一款還是他們家首創的，越式豬肉球法包，當然要點。✴️木瓜絲沙律木瓜絲爽脆，還有洋蔥絲及炸蒜，醬汁酸甜爽口，還有一點點辣，令人胃口大開。✴️鮮蝦扎肉米紙卷米紙通透，內裏的鮮蝦／粉絲／紅蘿蔔絲……都一目了然，點上魚露酸汁，非常清新可口。✴️至尊牛寶湯河大大片燒牛肉及生牛肉，鋪滿滿的，還加上牛丸，白蘿蔔。湯底非常清甜，上面大大粒的大蔥，我非常喜歡，好香，牛肉好有牛味，燒牛肉還多了一重炭香，我們連湯都喝掉一大碗。✴️越式肉球法包竹炭法包，黑黑的特別好看，烤得脆脆的，不會硬，裏面附了有4大粒豬肉丸，還有扎肉片，以及吃得出有加了咸香的鵝肝醬，豬肉丸非常軟滑，與法包蠻配的。🍹西柚汁鱔西柚汁，有特有的淡淡酸澀味，我超喜歡。🍵熱香茅青檸水香茅及青檸都是非常清新的，兩者組合起來香味撲鼻，熱飲也更養身。總結，食物挺不錯的，服務也不錯，不過餐廳不大，所以要拼桌，不過也沒辦法，香港好多地方都地方淺窄。

路經此地，見到一家名為「越男」的越南小店，小人帶著一股冒險精神，買了個法包。身為越式法包的忠粉，對於這個法包抱有很大期望。未拆之前，很奇怪明明是用錫紙包住的，紙袋卻滲出不少油份，咩玩法呢？香茅豬扒法包，份量是充足的。咬下很自然的先食到法包，烘得不夠脆，還有必然的定律：碎碎濕濕的跌到一枱皆是，狼藉不堪！香茅豬扒之外，餡料還有扎肉、肝醬、芫荽、紅洋蔥、青瓜片與蘿蔔絲等等。好似好豐富，可惜全部俱是無味道的：豬扒欠香茅味、肝醬及扎肉都也無幫助，唯一最出味的就是那棵芫荽！食後感就是食了個無厘頭的越式法包。

灣仔特別多越南食肆，今次試<越．男 >，裝修好有feel，算係一間快餐店，QR code落單比埋錢，方便快捷，不過試完就覺得一般般，機會留比下一間。🥢會安生牛肉湯河combo $85⭐️⭐️⭐️⭐️(會安生牛肉湯河+香蒜牛油雞翼+檸檬特飲）生牛肉湯河無論牛肉、河粉同湯底都好出色，首先牛肉有3大塊，半生熟，入口軟腍有牛味，河粉幼條滑溜，湯底清甜順口，忍唔住飲咗半碗；牛油雞翼就一般，牛油味唔香濃；檸檬特飲好清新，味道幾特別，唔會太酸亦唔會太甜。🥢香茅豬扒撈檬 $65⭐️豬扒係成碗撈檬嘅靈魂，可惜太薄太細塊太細條，完全食唔到豬扒本身嘅纖維，而且味道又唔突出，係我食過最唔好食嘅豬扒撈檬。🥢越式脆燒腩飯 $75⭐️⭐️⭐️有啲似港式燒腩仔，幾香脆可口，肥瘦適中且分明，加少少錢都值得，至於飯就無落汁，感覺差咁啲味道咁。三人共消費：$225

這間越南餐廳地方細細，星期六的下午兩點仍然很爆場，內邊的壁畫充滿越南風情。用QR 落單及直接付款，十分方便。餐廳的套餐最平$85 就有一份主菜，小食及飲品，都幾抵食。法包是餐廳的主打，慢煮燒牛肉法包份量大份，賣相吸引。法包用上比較少見的竹炭法包，幾特別。法包外表微脆內裡軟熟，夾住慢煮嫩滑的燒牛肉，九層塔,洋蔥絲,芫茜,香蔥,紅蘿蔔絲,青瓜和扎肉等，配上特式醬汁，味道層次豐富。另外至尊牛寶湯河，牛骨湯清甜而不膩，有牛丸，燒牛肉及肥牛，牛味十足，岩晒一班牛控的朋友。配上芽菜、洋葱、青葱碎及金不換，增添香味。跟餐配上春卷及木瓜絲沙律，仲有餐飲。

越男，位於灣仔修頓球場附近，係美食集中地佢地裝修已經好有越南風格，一入到就迎面撲黎啖啖既越南粉味道！𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 至尊牛寶湯河 $85呢份至尊牛寶係佢地既招牌湯河生熟牛肉每片都又厚又大片，而且有返咁上下脂肪量，牛味會比外面瘦底牛肉更加香，唔鍾意肥脂就算cut走都唔怕，因為份量好足厚身又彈牙，牛肉片好入味，非常好食佢地既河粉粗厚有口感，唔會碎濕濕，正呀✨ 豬頸肉法包 $65外表非常脆口，入面材料包得好實，口感豐富又濃郁味道層次雖多，但係都會好完美咁混和埋一齊就連豬頸肉都可以好好咁夾埋一齊，味道唔會分離，相信呢個都係佢地想做到既效果✨ 越式春卷 $40金黃色又酥脆既越式春卷✨ 香蒜牛油雞翼 $40雞翼啱啱好熟，骨肉分離，牛油味好重，味道非常好✨ 檸檬特飲 $30✨ 椰青水 $30⭐️ 𝐃𝐞𝐚𝐥 ⭐️💕逢星期六頭30名到店食客，可享優惠價 $1 享用 越式豬肉球法包 （價值$78）*每日限量30個，先到先得，送完即止。💕逢星期日下午茶時段，惠顧越式豬肉球法包，即送香茅豬扒法包或越式雞絲法包1個 （價值$65）*優惠只適用於星期日 14:00 - 18:00（公眾假期除外）*每日限

灣仔食tea好地方，呢間呢我自己都嚟過幾次,今次帶埋朋友嚟！呢間係一間好正宗嘅越南菜，除咗有海南雞飯，仲有湯河，撈檬，法包，小食等….最後叫咗Combo餐，有主食，小食和飲品越式豬肉球法包$91：係店內新菜式，麵包係採用竹炭法包，亦都係全港首創！豬肉球好淋好juicy, 汁醬加咗少少tabasco, 微辣得嚟唔會搶咗肉味，有少少惹味！其他配料有扎肉、酸蘿蔔、青瓜及芫茜半沙律醬，而法包都烘到好脆至尊牛堡湯河$105： 配料有燒牛肉、生牛肉、牛丸及白蘿蔔。 店員推介正宗越南食法係，越式甜醬加埋辣醬，用嚟點牛肉勁惹味，啲牛肉又嫩滑，唔鞋。 湯底好濃味，河粉又彈牙跟餐小食：鮮蝦扎肉米紙卷加$10，餡料有蔬菜，酸蘿蔔，檬粉，扎肉及蝦肉，米紙不會硬，點魚露食，好清爽，食落去幾開胃越式春卷： 外皮炸得十分香脆，餡料有芋頭，豬肉碎，粉絲等…食落去幾香口越式煉奶咖啡：咖啡已預先加入煉奶，甜度適中。熱香茅青檸水：飲落去我覺得幾清新，青檸呢竟然放在好耐都唔會苦環境好舒服，服務都好好👍🏻

主打越式法包同湯河嘅地道越南菜小店𓊞越．男 ，認住門口紅噹噹嘅燈籠同入面充滿越南風情嘅壁畫入黎就啱架喇✦脆燒腩法包將港式風味脆燒腩融入越式風味法包，脆燒腩外皮酥脆，味道帶咸香，配上醃蘿蔔絲、紫洋蔥絲、香茅等等餡料，加上秘製沙律醬，整體唔會太乾𓈏 越•男仲推出左全港首創嘅越式豬肉球法包，可惜呢晚太遲黎到已經售罄無緣一試，大家想試記住早少少黎喇✦至尊牛寶湯河湯頭帶牛肉嘅鮮甜味，配料包括生牛肉、燒牛肉、牛丸、蘿蔔，兩款牛肉都係薄切柔嫩，牛丸多汁彈牙，河粉煮得剛好唔會過腍，份量十足✦香蒜牛油雞翼雞翼炸得好香脆，牛油味超濃✦越式春卷春卷外皮酥脆，包住生菜、醃蘿蔔絲，沾上酸汁一齊食，好夾✦越式煉奶咖啡味道帶微酸，無預期咁甜，都幾消滯✦椰青水冰凍清甜，非常消暑

老公係附近放工，話同事食過一間越南菜唔錯就叫埋我一齊去食返個法包餐廳裝飾很有越南風而且調味架上的醬油都好多選擇仲有鮮青檸，炸蒜，辣椒實行調味自由慢煮燒牛肉法包非常型格的越式法包，用上黑色竹炭法包，餡料滿滿的，美味的烤牛肉，肉色粉嫩，仲要慢煮方式，令牛肉的肉很更嫩，加上新鮮的蔬果，醬準，口感一流。越式豬肉球法包係全港首創，不過太飽了，留返下次食。至尊牛寶湯河生牛肉鮮嫩，高湯的熱力慢慢將牛肉變熟，食起來更滑溜。草飼牛胛肉油脂分佈較少，很香濃的牛味。牛丸真係爆汁，很彈牙。香蒜牛油雞翼雞翼大隻，外層炸至酥脆金黃，仲有香蒜味道，咬開後仲要流出肉汁，正越式春卷炸得好脆口，外皮是網狀，咬開見到肉碎，連生菜一齊食，非常惹味。越式煉奶咖啡食越南菜就當然要飲越式咖啡，唔太甜，咖啡有種酸又帶回甘的味道椰青水清甜潤喉，呢個時候飲返清涼飲品就最岩