趣亭餐飲館 (已結業)

溫馨樓上café有時約埋幾個朋友👬👭，想傾下心事，講下近況，都會好想搵個靜靜地又舒服嘅地方，而樓上café☕️就係一個好好嘅選擇。司令今日黎到喱間，主打溫馨同屋企嘅感覺，整體嘅配色，沙發 窗簾 枱布等都係好和諧嘅，坐落好舒服嫁。 鎮店芝堡 ($90 , 配沙律/薯條及特飲)喱款漢堡可以揀兩款肉，司令就要左牛扒同豬扒，即叫即整，上到枱個包都仲係熱辣辣，配左火腿、蕃茄同生菜，醬汁雖然只係普通沙律醬，不過食落感覺已經好豐富，都幾好食啦。趣亭餐飲館 (旺角)

經常聽到家人和朋友在樓上舖閒聊歎咖啡，其實十年前家人也帶我到過 樓上餐館閒聊歎西茶， 十年後的今天樓上舖更如雨後春筍，樓上舖場地裝置和地舖有很明顯分別，就例如在這個晚上，我們在旺角先施大廈的〚趣亭餐飲館〛享用晚餐，餐飲館地方雖小却可劃分兩區，露台位置佈置得很浪漫，適合情侶用餐。 我們選擇在餐飲館的中心位置安座，這邊廂很有家的感覺， 平實梳化椅坐得舒展。揀這個二人套餐，貪佢多樣化！雜果沙律是昔日我做沙律的味道， 雜果加沙律醬，簡單快捷有得食！剛剛炸好的雞鎚和司華力腸很香脆。黑椒牛柳絲炒意粉 牛柳是粗絲且多，意粉炒得味道不錯！日式海鮮炒烏冬可能邊吃邊傾，海鮮吃到魷魚，沒留意還有其他日式海鮮食材，相比下喜歡炒意粉多些。朱古力珍珠 熱朱古力芒果特飲香辣脆雞漢堡包配特飲$75香軟包包夾埋蕃茄片、生菜沙律醬汁 ，香脆不算辣雞扒不油膩，令我吃得開懷， 冰凍芒果特飲只欠小小芒果蓉！甜在心吐司原價$45，跟餐價$28，大家分享就不會變魔鬼了！港產三色雪糕球吃到香港的情感，陪伴我們成長的甜美，印象難忘！承惠$341，平均每位消費$114！

平時真係好少人會留意到樓上鋪，所以我都想搵番間樓上鋪用餐。所以就搵左呢間chatting cafe. Chatting cafe位於先達廣場隔離，真係超近地鐵站，又真係3分鐘就行到，好方便啊^^上到黎4樓，行到盡頭轉左就見到chatting cafe啦^^ 一開門老闆就好好笑容，第一印象非常好。環境都唔錯，衛生也不錯。場內佈置到好似開party咁，哈哈...可能係呢度開party係唔錯既選擇。一班friend想有地方聚腳，樓上既cafe係唔錯既選擇！話說呢度最出名既就係“鎮店芝堡”，所以我地叫左“龍脷柳芝士漢堡 $65”，“泰皇香辣脆雞漢堡 $75”，“甜在心吐司 $45”，“荔枝沙冰 $38” 同埋 “荔枝梳打 $38”。睇到餐牌都吸引＞＜首先上枱既就係我地既特飲^^ 荔枝沙冰甜度適中，甜甜地飲落喉嚨都幾舒服，沙冰更係增添左口感，有爽快既感覺(￣∇￣)講到“雞堡”，就真係超好食同埋超飽肚^^ 有炸雞，蕃茄，生菜...塊雞扒真係十個“脆”，脆到切唔到，但成個包咁咬係超級好食，一黎脆口二黎配菜味道融合，配搭好好！平時好少食蕃茄既我，今日就成個堡食左，蕃茄好新鮮，唔會酸，配住個堡食真係好好

今日我地12點幾黎到chatting cafe,原來呢到12點先開門😂😂，一黎到，環境好特別，好舒服👍🏻  見到佢掛哂d燈飾 halloween👻，中秋節燈籠個d🎃👻應該都好多人黎開party🎉🎉呢到地方好大 好岩朋友慶祝生日 同埋聚會 呢到8-19人就可以包半場 多過20人就可以包哂全場😍任你點玩😂😂 仲有呢到有wifi😂😂我手機網速咁慢 岩哂我😓😓依家邊有幾多間餐廳提供埋wifi😞 本身諗住食二人套餐😂好吸引 但晏就又想食burger🍔,又聽講呢到唔錯 所以我就食左龍脷柳芝士漢堡 男朋友就食泰皇香辣脆雞漢堡呢個龍脷柳芝士漢堡好正 想食burger又怕肥既女仔可以食呢個！睇下佢個burger整得幾令🍔魚柳好大塊 岩岩新鮮整出黎係唔同d 👍🏻雖然個包皮唔係熱 但係食落去都幾好食 而且價錢又唔貴 $65有漢堡、荔枝梳打同埋有沙拉/薯條簡🍟🍹，又可以坐2個鐘 平時d餐廳一早趕人走😔男朋友就食左泰香皇香辣脆雞漢堡😆，佢話佢平時唔會食番茄，但今次食哂番茄之餘 仲食埋成個包😂誇張到 佢話唔係肚餓 係真係好食 塊番茄唔係酸 係甜咁話 😂我地仲食左甜品，  "甜在心"吐司  ，佢入面夾左花生，有朱古

是日同朋友去旺角， 想搵間cafe 坐下傾下計，上網搵到呢間chatting cafe ，睇落都幾好！就不防一試！以為地方會好難搵點知原來係先達附近真係好易搵到！Cafe 地方都好企理，又多唔同類型嘅card game !都好適合一大班人上黎一齊玩！咁而家就講下啲嘢食先，我同朋友兩人叫左兩個餐。野食其實都有好多款揀，咁我就鍾意食意粉，朋友就叫左個burger !!個餐有附送餐湯同多士！平時食開嘅多士可能係普通牛油多。。。但呢度多士比較特別，係朱古力多士！ 女仔見到甜食都會特別開心！ 而湯方面係忌廉湯，特別嘅地方係忌廉湯帶點椰香味！喺出面好少飲到有椰香嘅湯！到正餐啦！首先講下"鎮店芝堡" ！wow...聽個名都覺得勁！果然不負眾望，鎮店之堡材料豐富，內面分別有煙肉、豬扒、蕃茄、芝士、生菜！一啖係咬唔哂整個包！由於蔬菜同肉隔住一層層，咬落去好有口感，有層次！好正！鍾意食肉嘅朋友，叫呢個鎮店芝堡實會岩你！再嚟係 "香草忌廉雙魚焗意粉", 我覺得呢個意粉係有驚喜！店員拎出嚟嘅時候已經嗅到陣陣香味，賣相亦都好吸引！龍利柳有先炸過，然後再拎去加芝士焗，wow...當芝士包住先炸後焗嘅魚柳，咬落去好

同男朋友行完街想靜靜地食飯Openrice search附近餐廳見到呢間cafe環境好舒服食嗰晚原來有位男士decorate緊準備晏d求婚餐具好少女🙈鎮店芝寶有豬扒 芝士 火腿 菜 牛扒 沙律醬好有homemade既感覺雖然冇岀名burger店既賣相同味道咁好但味道真係唔錯雞翼燒得好好 特別推介！呢個沙冰不太甜 如果甜d會好飲d呢個好飲d😚食晒仲有飯後甜品添！老闆服務好好 好有禮貌👍🏻👍🏻

呢間cafe個menu選擇唔多元化，主要係食burger同小食咁，主要真係for人摸住特飲底，吹水唔抹嘴！無意中發現個最低消費好鬼平，而家d cafe 閒閒地都要100啦！黎到呢度，冷氣有d唔太夠，可能條街太熱啦，餐枱同sofa隔得有點開，坐得要就住就住。龍脷柳芝士漢堡65包后我好耐都無食過burger喇，點都會有少少期待。黎到既包包質地似係港式老包店師父做咁，唔同連鎖嗰隻包包，一食就知有唔同！芝士係我鍾意既大半溶狀，但芝味不足！龍脷柳味道無外面食到既咁咸，即叫即走，魚肉亦嫩，唯炸粉略厚，雖然一定係攞貨唔可能係自家製。但略嫌個沙律汁唔夠多，嘻…… 都是我的錯，落單前我無叫佢俾多d汁我。 二人套餐238什果沙律，份量少少，係罐頭貨加沙律醬簡單前點，令我想起兒時叫快餐外賣的時光，驚喜內裏還有椰果呢！司華力腸，炸得外脆內軟，樣子不俗，食指大增！黑椒牛柳絲炒意粉黎到嚇死我喇，份量大得驚人，成盤上，真係好抵食。黑椒味不多，牛柳肉質不un，意粉炒得好均勻，而且不太油，不過有少少面質粉粉糊口既質感就少少扣分，面食的份量剛好，一個女仔食夠曬飽了！葡汁雞球飯雞件外面煎得脆身，雞肉本身的掩料幾入味，口感挺

又到星期三，每星期最難捱的日子，今天相約知已出來吃飯吹下先！去到旺角求其Walk In 一間Cafe！我們行完先達買款，就順便黎到先施大廈尋食啦！見到呢間Cafe名叫Chatting Cafe，好似幾岩我地吹水怪，最重要可以坐耐少少！環境都幾屋企Feel，我們選擇了靠窗位置，將梳化都幾大張喎！我們兩個女仔坐得好鬆動！幾舒服！感覺這裡做包埸多些，因為有兩張大長枱呢！我們七點上到去，應該是今晚第一枱客人吧！好彩早啲到，如果唔係就要同其它客人Share長枱啦！這裡有Free Wi-Fi呢！Very Good!!!落Order時可以學聖誕老人搖Bell啦！我們不吃牛，所以無叫到鎮店漢堡（這個好似好吸引咁）反而叫左這個 "泰皇香辣脆雞漢堡"。即叫即整，熱辣辣的脆雞，咸甜適中，還配上芝士及生菜，好有港式風味呢！粗身薯條非常棒！不過個包皮有點凍左！如果整返熱些少上碟會好好多啦！另外再叫多個意粉！一致看上這個 "巴瑪臣芝士煙肉蛋皇醬意粉"。香濃香草味，食落好重牛油味，份量仲好多下！我們兩個女仔食唔哂呢！味道唔錯！幾Creamy! 不過啲煙肉切得太碎，有點拿夾起食呢！對於吹水友來說，這個水果茶間直係恩物

去先達買野順便食埋晚飯，喺先達隔離嘅先施大厦有幾間樓上cafe，今晚就試下chatting cafe先。樓上舖環境一般，簡單萬聖節佈置顯得温馨，店內只有老闆和另一位員工，勤快服務態度又好，感覺唔錯。窗簾外有另一個房，人多可以包場。旁邊仲有電視，遊戲機等，除左食野，仲可以上黎玩。泰皇香辣脆雞漢堡 $75朋友點左呢款，佢話食落似脆辣雞腿包，不過新鮮炸起脆啲又無咁油膩，醬汁用左泰式雞醬，入面有生菜，蕃茄等，唔錯吃。鎮店之堡 $90自己點左呢個，大大個漢堡包，入面有兩塊豬扒，火腿，芝士，生菜，蕃茄，加埋千島醬，口感味道都一流，正！燒烤拼盤 $108再加啲小食，拼盤有脆皮腸，司華力腸片，曲曲薯條，脆薯皇，雞翼同粟米，好多野可惜全部都係炸嘅有少許油了。巨峰沙冰 $38 / 香芋珍珠 $28跟餐可叫$28嘅特飲，超過可補回差價。大大杯又唔過甜，幾好飲啦。kobi甜在心吐司 (原價$45，跟餐$28)仲叫左份甜品，西多士加雪糕球再加朱古力醬同士多啤梨醬，新炸起嘅西多夠熱又軟身，冰火口感，唔錯。雖然係不起眼嘅大厦入面，但全晚都滿坐，有一定的fans呢～

鎮店芝堡($90)呢間係mk先達隔離既cafe。味道講真只屬普通，鎮店芝堡包左一塊雞肉，一塊牛肉，伴以芝士，火腿同埋生菜。整個包都太過乾身，除左雞扒係比較好食同juicy之外，食物質素真係太一般，性價比過低。行完街過黎坐下都OK既千島吉列豬扒漢堡($75)呢個漢堡就無咁乾身,食落豬扒肉味尚濃，配上整塊芝士味道不俗燒烤拼盤($108)整盤都超乾身，炸到太乾，有待改進

今日同frd經過先達側邊既先施大廈上面除左有賓館外 仲有拳館 鏢場 . 我地本身唸住去同層既飛鏢場錠鏢 , 但估吾到冇開於是就去側邊一間cafe去食下野cafe大慨3,4 百尺大， 裝修幾有歐陸式 餐廳既感覺， 以格仔枱布為主 大慨400 尺甘大 環境舒服夠闊 sofa櫈 亦啱一班朋友 坐喺度飲杯野吹水食物方面 點左個二人餐， 有雜果沙律，沙律雖然係罐頭貨 但夠凍同沙律醬比例剛好 野飲方面百香果沙冰 同石榴梳打百香果有果味， 落得比較少糖 沙冰質感比較軟身， ok. 石榴疏打都係偏淡 但都不乏石榴味 都唔錯串燒併盤有粟米同雞鎚 粟米一般， 雞鎚炸得好香口 , 落左香草同少少辣椒調味 , 好味 ! 接下來係日式海鮮炒烏冬， 烏冬比較幼身爽口。 用左少少蝦同螺肉去炒 同有少少辣醬 香口得黎有d惹味 另外仲有吾少蔬菜豆 令到烏冬不致太肥 唔錯葡汁雞球飯 呢個醬應該係自己調 同平時葡汁好唔同 有d似芝左醬甘 而且密度好濃仲有少少辣 雖同葡汁冇關但都幾有創意 雞肉係雞柳類 炸過 所以脆得黎幾有口感最後仲有個雪糕送 超市雪糕因為我地大食 唔夠飽 所以點多左個吉列豬扒burger 除左沙律醬外 仲

第一次來食，原以為地方好難搵，但點知離旺角mtr 不到５分鐘的路程,室內裝潢簡潔，坐得好舒服。而且仲有多款遊戲可以借玩。漢堡可以係雞，牛，豬，魚柳，四款選兩我要左雞扒,Juicy 又香口.魚柳即炸，炸得金黃香脆,賣相好靚，好好味。配薯條，漢堡入面除左肉，仲有菜，芝士，咬落好豐富。雞翼熱辣辣食，夠脆夠入味，芝麻令其更香口，不會太咸很香口，孜然粉的香味四溢，雞翼灑點香草調味，重點是顏色繽紛，賣相吸晴。不過吃到一半開始覺得膩。

星期一放工同女友係旺角想搵間cafe hea 下，之前聽friend介紹有間係先達旁邊夠方便同舒服。8點行左陣先達之後，出來旁邊先施大廈上4樓就到。(2分鐘搞掂)入到cafe入面，夠哂光猛，夠寬敞。cafe要搵梳化位是常識吧!!! 坐到成個大爺咁，同女友一人一邊傾下計，睇下有咩食。身為香港人free wifi 果然係必須的!傾到有d口乾,叫左2杯野飲: 波羅梳打同百香果冰沙。平時飲梳打最怕d水果味好假，試左點知杯波羅梳打又ok wo，似真既水果味。試想想行到勁熱，之後整杯冰沙，真係爽到無朋友。呢杯野係成餐野既靈魂，幾種水果既味溝埋好match，夠哂juicy。之後叫左個漢堡試下，佢係可以你自己選2種肉去mix and match。(雞牛豬魚)好足料既一個包， 火腿、芝士、牛排、雞排、菜加埋d 沙律醬。d肉夠淋咬落去唔會卡住咬唔到。d肉夠juicy 同沙律醬mix 埋，好好味。如果漢堡係牡丹、薯條絕對係綠葉，呢度重要係岩岩炸起既薯條。掂!再來叫左個法式藍帶豬排飯，究竟咩係法式藍帶? 原來係咖哩配上炸豬排(內夾住火腿)我自己就比較like無咁辣既咖哩，好彩呢個唔係好辣，甜甜地果種，似日式咖

以前去開旺角樓上cafe多數在登打士街一帶，今次朋友介紹去先達廣場樓上這間裝修別出心裁嘅樓上cafe, 真是又一驚喜！門口不大起眼，地方亦不太大，但近窗邊有兩張卡位，感覺舒適。另一邊的環境更特別，配上美麗的燈飾，滿有情調。原來可以包半場或全場，價錢也大約是$160一位，兼可自備酒水，在這裡開生日派對也不錯！點了這裡的“鎮店芝堡”，雞肉香稔軟嫰，芝士柔滑而不濃，配上特製沙律醬，伴有外脆內嫰嘅薯條，令人回味！跟住食這個咖哩海鮮焗飯就較為濃味。陣陣的咖哩香氣撲鼻，大家都急不可待，嚐辣的朋友千萬唔好錯過。金黃色的咖哩汁豐厚味濃兼頗辣，再配上爽彈鮮味嘅海鮮同焗飯，令本減肥的我也忍不住吃多兩口！最後當然唔少得點了“趣亭推介”嘅甜品“甜在心”吐司…雪糕軟綿綿的放在吐司上，中間有輕盈幼滑的珍珠粒，香滑嘅朱古力醬緩緩流出，甜而不膩！除了食物之外，餐飲都幾特別, 例如有巨峰梳打, 百香果等等...若2-3人，可選這個238元嘅2人套餐，經濟實惠。最欣賞這裡別緻嘅裝修及親切嘅服務，逛完街在這裡同三五知己聊天食好嘢就最好不過的了！

平時同朋友出街食飯最鍾意到樓上cafe, 貪可坐得耐,慢慢傾計之餘又有broad game 玩, 所以我經常到處搜尋一D 環境好ge cafe.今日要去信和, 上openrice search 到附近有幾間cafe, 決定到Chatting Cafe, 因為比佢的裝修設計吸引到.座位幾寬敞,舒適.我叫左個鎮店芝堡同百合果沙冰.我好怕飲到太甜士味太假ge 沙冰. 哩杯恰到好處,不會太甜,百合果味濃, 甜甜酸酸, 好飲 鎮店芝堡有幾個選擇:雞,牛,豬,魚,可選兩種, 我選了雞和牛.芝堡包左兩塊肉,還有芝士,火腿同同生菜. 特別要讚一讚雞扒,Juicy 又香口. 薯條剛炸起, 不會太乾. 芝堡非常足料!最後亦有甜品附上.推薦愛打機人士, 哩度有埋PS4打,