趣意廚 (順景華庭)

營業中

休息中

此店之前在佐敦已幫襯過 已經覺得不錯 而最近知道搬咗去長沙灣 所以早兩日同幾個朋友去試此新店 結果發現啲pizza仍然保持超水準 叫咗一個12吋千島海鮮厚批 餅底夠鬆脆又足料 炸雞同烤雞肉質鮮嫩又夠juicy 炸南瓜餅夠脆口 焗肉丸拼香草腸及百里香燒豬排骨非常出色 另外我就最欣賞果杯凍Moka 飲到落底都仍然非常香濃 並未有因為啲冰溶化而變淡環境方面比舊舖更有個性 坐位更寬趟舒適 但略嫌廁格有點窄 及可能新店人手不足關係 等候上餐時間較為慢咗少少同有啲啲混亂但可以接受 總括來講 價錢合理 食物質素超出預期 環境Ok 一定會再去

今日第2次來，兩次都系來食lunch，因為新開張，暫時lunch hr都唔使等位，座位算闊落，坐得都幾舒服。一般午餐有A~F幾個set，除了A餐，其他餐都有幾款（pizza1塊／奇趣雞／烤雞／？）選其中一款，每個set跟餐湯or餐飲，又或者選左餐飲又可以加5元多個湯。今日點左個C餐，番茄焗豬飯，跟餐選左“奇趣雞”（上次選左烤雞，覺得好味，所以今次選左炸雞試試），餐飲熱奶茶。個飯味道同連鎖快餐店唔同（唔系幾識形容，但好味），份量剛好，唔會漏，裝炸雞的碟見到都多油，但食落又唔覺喔。環境，服務員態度良好，整體來說是很不錯，會再來。

兩公婆去，叫個意粉餐同Pizza餐，餐未嚟，見啲餐具黐"立立"，算，搵啲水抹咗佢。湯到咗，一紅一白，，紅湯唔知乜味，白湯直頭酸嘅，飲兩啖放棄，跟手嚟杯奶茶，直頭似杯凍奶，放棄，馬上叫侍應唔使嚟其他嘢叫賣單，俾返碗紅湯同奶茶錢即走！唔怪得間舖冇客人幫襯，新開張唸住近近哋試下，點知中伏，新舖做到咁差應該好快會。。。。。