車仔檔麵館

營業中

休息中

本身唔知道有呢間車仔麵，係朋友介紹我嚟食。咁啱返夜校，下晝放飯趕得切下午茶時段，於是就過咗嚟食。我叫咗紅薯粉、豬大腸加魚片頭，仲有一罐汽水。個湯我揀咗腩汁加沙嗲汁。雖然話全部都係味精嘢，但佢整得幾好味，啱我自己胃口。豬大腸都多肥膏，魚片頭比較細粒，紅薯粉份量都幾多，我唔知男仔夠唔夠食，但我作為女仔，覺得$36夠飽之餘份量都OK，味道都唔錯，下午茶真係非常之抵。下次會再帶埋朋友嚟食。佢仲有飯食可以揀，或者下次會試下。下午茶嘅餸都多選擇，都幾大方，你揀兩款最貴嘅$13，都係$36，除非你再揀多咗其他餸，小資女覺得很好。

味道幾唔錯，份量又多，佢哋嘅份量係一個成年人足夠飽，同埋，哋餸又多，我幾乎日日都係度食，有個啊姐超nice，見到係學生，會畀多啲面，我想問，係出邊搵得到一間咁嘅麵館咩？衛生就更加唔洗講剌，你哋係出邊有見過咁衛生嘅餐館咩？食完有人擦臺，有人掃地，同埋啊姐，老闆人都超級好，學生又有優惠，我想講呢，憑我個人感覺就真係好難搵到有咁ok嘅麵館囉，你係出邊食啲咩？飲味精湯？講真囉，真係好難得有咁嘅麵館，真係推薦大家去試下

買韭菜豬紅腸，第一次食係一碗滿嘅，有湯有多料，味道都唔差，印象都幾好。點知第二次食比得半碗我，問個伙記點解得半碗，佢同我講個碗大啫，入面有好多料嫁。多料極，都係得半碗，你比多啲湯呃下我都好，重點係連湯都唔夠半碗滿，唔會再幫襯，大家都睇路啦🫠

首先，餐廳的服務非常差勁。待應不友善，不耐煩，甚至還有些粗魯。當我們詢問菜單上的問題時，他們非常不耐煩地回答我們，讓我們感到非常不舒服。其次，食物的品質也不如預期，衛生情況欠佳總之，這次的用餐體驗讓我們非常失望。我不會推薦這家餐廳給任何人，因為它們的服務和食物都非常差勁。

呢間嘢其實都算係我平時嘅平民飯堂，今次嚟到食見到佢哋新出咗胡椒湯底，即刻try try先🤣叫咗三個餸，生菜正常發揮份量唔少夾埋個湯底朔晒啲胡椒味正呀！😍呢度有比較少見嘅粉腸可以揀，唔知有冇人同我一樣好鍾意粉腸嗰種甘香味！😍呢度嘅粉腸處理得好好，唔會有異味，而且都非常淋！ 仲有叫咗個餃子，不過食落就差啲，感覺上唔似係自己整嘅，而且好易散🤣我最鍾意呢度嘅，係可以加菜甫！佢呢度嘅菜甫，應該係自家製嘅爽口得來唔會過咸！另外佢哋自己整嘅樽仔檸茶奶茶都係幾好味😚

長沙灣新開車仔麵好少車仔麵真係用豬骨湯底，通常食親嘅都係味精湯，俾個讚👍飲完湯都唔會好口渴，重點係好平，牛腩，牛筋，都係$10。仲有個飯餐，下次可以試下，睇相片都好吸引。

見新開咗間車仔麵店，即管試試支持下。餐牌寫住麵底$10，每餸$10，三餸起，即係座底$40。另外仲有幾款小食，每款二、三十蚊。其實唔肚餓，叫咗個韭菜豬紅蘿蔔($28) 小食外賣。等咗一陣，再帶到返去開始食，已經過咗大概15分鐘，凍咗。蘿蔔好大件，好甜，又煮得夠林，淡淡地。豬紅都好多，但唔夠滑，有啲「鞋」。韭菜就似乎老咗啲，韌韌地。雖然落咗車仔麵醬汁，但整體比較淡味，應該唔係好多味精，落埋炸蒜蓉，$28街坊價，希望多啲人支持下呢啲小生意，自己試下啱唔啱食，等佢可以做耐d。

食宵夜。早幾日經過，今晚試下。湯底夠味，牛腩墨魚頭爽口。不過成個份量少左D，加左底都唔夠飽。如果個辣再辣D就好味D，下次試下大辣。可唔可以加兩樣餸，獅子狗同火腿丸