車仔麵世家

營業中

休息中

同事V渴望已久的車仔麵 上網搵左一陣 最近公司又有三四五餸餐又包野飲 所以黎左呢間 雖然要排一陣隊 不過都好快 水準唔差 點左四餸 公仔麵麻辣湯 中辣 香辣適中 岩曬我呢d 湯底都唔放過既人麻辣豬腸 似滷水豬腸加麻辣醬 不過滷水夠曬入味 送麵一流魚皮餃 皮爽肉嫩 夠實 入貨係揀過既墨魚丸 都唔差不過好似 煲耐左少少白蘿蔔 好甜 甜到唔知係本身咁甜定係煲過糖水 不過車仔麵咁食法岩岩中和返晒其他湯同餸既咸 必點最後冷熱普通飲品係跟餐既 凍檸茶 夠晒凍 唔太甜 但係冇咩茶味 不過中上環又麵又飲品都算夠晒誠意月光族推介

喺中環返工，梗係要識捐窿捐罅搵嘢食啦。如果唔係好似我呢啲"長崎涼美"嘅人,成日食七八十蚊嘅話我份量點夠畀呀。今次我就介紹一間40零蚊都可以食得夠飽又好好味嘅車仔麵。呢間車仔麵如果你唔係lunch十二點落嚟，我諗你都要等三四個字先可以入到去。究竟有幾好食?就等我話畀大家知啦。今次我就叫咗一碗四餸粗麵。餸有雞翼，魚蛋，豬大腸同埋酸齋。 餸嘅份量你都睇到啦，都唔算少㗎!雞翼有兩隻, 魚蛋有5粒, 鹵水豬腸嘅份量亦都唔少啦，而酸齋都大概有2至3舊。首先雞翼唔算鹵得好入味，但雞肉依然是嫰滑，鹵水味再入味啲就更加good嘞。 而魚蛋中規中矩亦好彈牙嘅。我好鍾意食呢度嘅豬腸，因為佢切嘅大細啱啱好，又唔會切得太大舊。鹵水豬腸亦入味夠林。呢個酸齋，酸酸甜甜浸落湯度食非常之好味。今次 最最最驚喜呢，其實係我第一次食呢個麻辣醬，雖然叫左小辣，但我估唔到佢依度啲麻辣醬，真係好有四川麻辣風味呀。食落去 夠晒麻香。以咁嘅份量喺中環食都係45蚊，仲要配埋凍飲，堅係窮人恩物呀。

平日早上路過，查看open rice才知道平時午飯時要排隊的，趕快進來試試。10:30am時間尚早，另有兩食客。點了四餸米粉（$43），咖喱魚蛋、魚餃、紅腸、芽菜、沙爹汁中辣，包飲品選了熱奶茶。滾熱辣的一碗很快送上。米粉細細很彈牙，芽菜爽脆，沙爹醬可媲美馬來餐廳，魚蛋紅腸是兒時的味道，魚餃則普通。奶茶上時令人意外，香濃比得上著名茶餐廳，良心之作。

在永吉街的這家人氣車仔麵，即使被門前眾多的鐵皮檔口遮蔽著，仍然無減其人氣，每到午飯時間，門前總有一條長長人龍等著入內堂食，即使是外賣的，人龍亦不絕。公司的同事蠻喜歡這兒的食物，跟她們來買過好幾次，剛好今天要來永吉街買東西，便不作他想，順到買個車仔麵當午餐。這兒的車仔"餸"的種類很多，麵的種類有9款，收費由三餸一麵起計$39元，加一罐冰凍汽水或其他冷熱飲品均收費$2元，所有客人只需在小小的點菜紙上圈出喜歡的餸及麵類，及不同的醬汁，交到櫃台付款後，便會發給客人一個號碼牌，等待叫號碼便可以了。這天我選了《滷水雞翼》、《炸魚肉春卷》及《魚皮餃》配上油麵及牛腩汁，再加一罐雪碧，共$41元。等了約10分鐘我的車仔麵便ready了。打開飯盒蓋子，一股熱騰騰的牛腩湯香氣馬上破衝出來，整碗麵裝得滿滿的，未食已教人興奮 我的舌頭向來對熱騰騰的食物都很敏感，就像個小朋友的要慢慢進食，所以每趟遇上車仔麵都習慣先把餸拿出來放涼，繼而先吃麵。油麵的特質是外表蛋黃色，光澤鮮豔但不油膩，麵條因為有少許油而會有潤滑之感，麵條具彈性煙韌，十分不錯。滷水雞翼有2隻，肉質鮮嫩，只是略嫌滷水的味道較淡，炸魚肉春卷經過炸香放

見佢大排長龍咁, 就試下係咪真係咁好食嗌左魚皮餃春卷紫菜油面, 跟凍朱, 先講個面底, 我中意食較硬ge, 呢間都ok,冇煮過龍,我點左加腩汁. 但個湯底都係唔夠特色, 入口冇佢自家的香味, 唔能夠令我有- <嘩, 好正, 要飲哂個湯佢>的感覺, 車仔面黎講...個人認為有點失敗食材配料方面, 數量比其他車仔面店少dd, 不過都ok, 始終量冇質咁重要...$37/包

上次吃不到這車仔麵店，有點不甘心，這天碰巧星期六又要加班，就夥同幾位同事一齊來試試，內裏坐位簡陋但不算迫挾，舖最裏面是一半開放式廚房，客人要自行填寫選擇食物，送來食品時會將此單紙一併交回供核對。這天我的選擇是五餸麵跟凍檸茶，這裏的凍飲不用加錢，五餸包括蘿蔔、豬皮、紅腸、豆卜和支竹配生麵，湯底還加了牛腩汁，外間有些店要牛腩汁要加錢，這裏也不用。蘿蔔，夠淋，無渣，本身水多清甜，吸咗湯和牛腩汁的味更美味。豬皮，清爽，咬落中間的湯汁爆出口中，別有一番風味，煮得爽淋而不爛，正是好好的"平民魚肚"。紅腸，只算一般，肉質偏淋，不夠噬口，味道尚可接受。豆卜，潤而不油清淡中略帶豆香，混和湯汁後入口鮮美而有噬頭。支竹，潤滑清甜，鮮甜味美，夠淋身而不霉爛，入口尚帶半點爽口。生麵，沒有半點梘水味，夠爽口的同時有韌度，但又不會不斷，正好做到爽口彈牙的效果。牛腩汁十分濃，送麵食十分芳香，可惜這天的湯底偏咸了一些。凍檸茶，這裏不是茶餐廳，只是一間麵檔，所以附送的飲品，本來就預咗一般，再加上轉凍飲還不用加錢，飲得入口已接受，更且我寫下了小甜小冰後，他們還真的做到了要求，真的值得一讚。

呢排過咗中環區做嘢，人生路不熟，都唔知有咩好嘢食，有個朋友介紹我嚟呢度食車仔麵，出面傾盆大雨，就叫個外賣試下聽電話位姐姐超有禮貌，出面橫風橫雨，諗住都要等半個鐘，點知十五分鐘唔駛就到咗，讚!!餸唔算多，不過都抵食，五個餸加埋個麵仲有嘢飲都係三十幾蚊第一啖食個米線真係呆咗，唔係誇張，好煙UN，同平時食個D係兩回事!!雞翼同魚肉春卷好味!!!最緊要食完都唔太口乾!!!呢個米線不得了!!

我在上環工作了四年，自從兩年前成為 Openrice 會員之後，便開始留意中、上環區的食肆！莫講話四年，就算短短一年，已經見到不少餐廳結業 / 開業！ 不斷變遷的景況！在上環有好幾間車仔麵店：<咪咪車仔麵>、<麵尊>、<車仔麵世家>..... 等。當中，<車仔麵世家> 上環分店的門面欠缺衞生！ 所以，四年來我一直無幫襯過！直至最近，午飯時段經過中環皇后大道中，見到有人派傳單！拿張一看，原來 <車仔麵世家>在中環永吉街開了分店， 不過位置隱蔽！被綠色鐵皮檔遮擋！ 加上白色的門面不太起眼！沒有特別留意！環境衞生比舊鋪好得多！我才敢走來幫襯！這是以家庭式經營，老闆、老闆娘及兩位女兒，分別負責廚房及樓面，一家四口合作無間！倍添溫馨！ 所以，感覺上服務幾親切的！ 這裡以茶餐廳格局，只有 7 張圓枱，地方確實不大！ 自由配搭食物款式種類多！配料：蘿蔔、豬紅、豬大腸、豬皮、蟹柳、牛筋腩、牛柏葉、炸魚皮、鹵水蛋、雞翼尖、豆卜、貢丸、鴨舌.......... 等。麵類：油麵、幼麵、粗麵、米粉、米線、河粉、烏冬(+$2)、伊