車仔麵之家 (已結業)

今日我2個friend約我 去食車仔面春園街新舖。其實朋友介绍好多次啦！到達新舖裝修幾好又干淨。我點了必食的魷魚，猪紅，大腸和豆腐卜。猪腸煑到刚刚好又入味，魷魚有咖哩味好入味。豆腐卜最特别原來有蝦胶在裏面正！其它車仔面店食吾到。吾怪之朋友極力推介啦！我個friend就點了猪手，酸齋，鷄亦尖和生菜！見到酸齋用另外個碗上老闆都幾细心。個friend係金鐘返工佢特登要來新舖因為佢話新舖湯底冇舊舖這麼濃，加入特製辣汁啱佢靚女口味😄！

聞名一試，叫了一碗依麵加大雜滙的餸，友人特别關照要試大腸頭，真的非常美味。因為是新鮮貨(其他一般只用雪藏的)，其腸味尤其難忘，跟小時候吃到的地道風味一樣，吃的時候差點掉下眼淚(笑)。下次一定要再去，吃的時候，必吃!

Went back for some noodles, this time I picked the thin yellow noodles which went better with the salty soup.It didn't really absorb the soup but as the soup was really salty, the noodles were tasty.

換左老闆開埋新舖後第一次來食，十二點半已經好多人，排隊去收銀買完飛後，等叫號碼去櫃枱攞野食，呢到好細大約六張枱，有兩張八人大枱，我一個人坐去大枱，但根本連行去坐都好困難，何況坐係到食，有個肥d 阿姐坐低左，佢側邊都已經坐唔到人，我會揀返好似以前咁立食算講返正題，一睇個餐牌好明顯加左價，叫左個大油麵，以前有分大中細，呢家得細麵$8、大麵$16，餸就叫酸齊、豬紅各$7，大腸$10，原本仲想食新出豬手，但又要$10，我唔係好接受到食碗車仔麵要成五、六十蚊所以冇叫到，最後佢收我四十一唔知係咪加大辣加左$1.個麵好明顯係以前中麵份量，酸齊好似放左一段時間已經唔脆、豬紅係最冇變果樣，可能因為都係交貨野，豬腸有少少臭味，辣醬明明叫左大辣都係得少少，以前d 醬多到有乒乓球咁大，唯一ok 係餸份量冇變.整體來講係失望，呢間一直係我心中係車仔麵界no.1 ，現在應該五甲不入，其實我都好希望佢有返以前個水準，因為老店執一間少一間，真係期望越大失望越大.

本人是車仔麵之家的長期忠實粉絲，最近終於和朋友去了新店品嚐，可惜十分失望。原因是他們的湯水和辣醬味道和之前舊店有很大分別。以前的辣醬是一嚿嚿深啡色的膏狀物體，食落相當惹味(好味)，我除了在這裏食到，其他車仔麵店我未食過有此口味! 但可惜現在卻變了一般其他車仔麵店的沙爹醬，沒有了之前的辣味的惹味了! 湯水亦有了很大改變! 變了好一般味道，味道和其他車仔麵店冇分別。以前在舊店由於店舖細經常見到老闆用一隻隻鴨定雞，甚至羊頭也見過去煲湯。相信現在不是吧...酸齋其實係此店特色，因為全香港車仔麵店仍然有得食酸齋其實唔多，而舊店他們調出來的酸汁味是獨有以前傳統的酸味(不是齋鋪食嗰d味)。但新店出來味道只有舊店的7-8成，齋口感亦沒有舊店的鬆脆。

平時午餐也會吃舊店的車仔麵。見到開了坐低堂食的分店，就趁夜晚試一下如何。2人叫了兩碗:一碗豬皮、豬紅、蘿蔔和酸齋另一碗豬手、豬大腸、蘿蔔和牛腩要小辣價錢要40多元一碗，比外賣貴幾元。餸的味道不錯。重點推介蘿蔔😋清甜多汁😋豬腸和酸齋亦和舊店一樣好吃豬紅豬手就是深水埗文記好味了~湯底方面，老闆不吝嗇俾沙嗲醬，所以味道很足，不過可能因為太重味，我們吃完都口渴了一段時間😅外賣店和堂食店，是我還是喜歡外賣店多dd😁

三餸車仔麵.灣仔的車仔麵名店開了新分店 還是有坐位的!! 本店經常有條長長的人龍 加上只有立食位置 實在卻步 以致從未有機會試😌 三餸點了釀豆卜/蘿蔔/雞翼😚 豆卜內釀有蝦膠 頗有鮮味 不錯! 蘿蔔新甜無渣 但可以再煮淋點 而雞翼入味軟淋😋 車仔麵必選的油麵爽口 不會泡😍 他們的小辣都不惹小 不能吃辣的要注意啦!

餓死人喇！個頭好空虛⋯⋯⋯⋯這是我早晨加午餐。到依家先得閒食。☺️收錢個哥哥仔巧巧人呀👍👍話我叫左6個餸、洗吾洗減一個呀！好飽喎⋯⋯⋯自然反應、千奇吾好呀😭😭你比我食啦😂😂名不虛傳的生炒沙爹魷魚、好味又彈牙！吾叫走寶！豬腸是我例點的、聽説是老闆在屠房執什來的、必是新鮮！處理得乾淨絕無任何異味、食落自然放心。新鮮始終咬落有嚼頭口感豐富而不會焾。我個人又喜歡這裡的蠔油斎。很是美味。想到車仔麵、也只此一家叫我要坐的士來吃過痛快。特別是現新店有寬躺座位。萬勿錯過！

This noodle joint is very famous in Wan Chai and they don't offer seating.Now there is a new branch with seating so I paid it a visit.Ordered the efu noodles with tofu puffs but the tofu puffs were a bit too sweet for my liking.

係睇到介紹, 要黎試吓! 見到佢有齋, 唔係酸個隻喎! 因女友喜歡, 便一心同佢黎試, 今天早餐食得豐富, 所以無咗lunch, 變咗食下午茶, 可能係咁嘅時間, 企一陣就有位了😃一到來 , 原來都仲係新開無耐, 仲要有豆漿送添! 同女友一人一碗, 我倆都唔係勁叫送嘅人, 所以都係試咗一兩樣.其實叫加大都蠢蠢哋, 因之前又未食過正常, 拎完個麵返位, 都唔覺得係加大 feel 🙄... 總結, 都好味, 但未去到勁正車仔麵, 食緊時, 不停聽到啲食客話小咗嘢, 可能新檔啲嘢仲亂亂哋?!

有次食野經過見到好多人,似乎好正咁, 搵日趁12點放LUNCH,應該無咁多人所以去試下。 我叫左粗麵+甜酸斎+釀豆腐黎到心諗..好似頹左D喎...不過唔緊要, 食麵最緊要係個湯底, D餸只係加下分。點知一食, 唔係難食, 不過我完全唔覺得好食囉,仲要去到咁多人排隊既地步。個餸係特別,因為好少車仔麵有得食呢D,不過都係果句, 唔覺得好好食囉。甜酸斎就好似芝士腸咁,本身係咁既味就係咁; 釀豆腐好少少,叫做有加D蝦o係入面。雖然佢真係好平! $2X就搞掂一餐, 新開張仲送豆漿!但唔值得用咁多時間黎排隊..

要企係度食既車仔麵大家都肯食更何況依家有得坐！！灣仔車仔麵之家開分店有得坐喇！今次新店地址都係灣仔 而且仲近地鐵站！環境闊落好多 有廿多個位行自助形式 買完搵位坐低等叫number!最重要既係份量多左大碗d!(可能因為唔洗你拎住隻碗企係條街度食啦🙈）大家最關心既當然係食物質素一切無變 依然咁好味👍🏻👍🏻係每款餸比舊店貴一蚊必食既一定係⭐️甜酸齋⭐️咖哩魷魚⭐️豬腸⭐️豆卜⭐️蘿蔔⭐️墨丸 等等

一直都想試試這裡，但午飯時間舊店人潮強勁，一直擦身而過。最近，知道它在春園街開分店。雖然這間店的店東在外間說法很多，但未有阻擋我去一探究竟的興趣。於是，趁著一個早上八時左右到達灣仔的空間，到此一嚐。這裡其實不難找，在春園街近金鳳的橫街向前走便是了。新店和舊店不同的是，會有座位提供，先購票，再取食物。車仔餸約廿多款，價錢由$7至$10不等，淨餸由$12至$25不等，灣仔而言算中等。不過呢，叫個加大麵底再加三餸已是四十多元。店員態度友善，而開放的厨房也很清楚看到食物的製作過程。由於現時試業期間，會附送一杯豆漿，直至八月底。我叫的是冬菇、牛丸加魷魚少辣。湯底鮮甜，麵身很坦白講有點淥的過淋，冬菇炆的入味、魷魚爽口，不過餸菜份量是偏少，辣醬為整碗麵提升鮮味。老實講，和自己期望有點落差，但整體而言，還可以的。有機會再來，或者如店員所言，早些打電話來預定食物，午餐到取吧。

因為減肥好耐冇食過車仔麵，春園街新開的分店，可以舒舒服服坐係到食，每一款份量都好多，食極都食唔完，後加的豬手是新嘢好好味，冬茹好入味又爽口！新鲜蝦膠豆卜仲正仲好味！

自85年第一次在灣仔上班，車仔麵之家已在灣仔享負盛名，但舊店只有企位。春園街這間車仔麵之家分店，設有座位，可食得舒服多了。因是早上幫襯，只選了魷魚，牛筋腩，蘿蔔。魷魚有點韌，有咬口，牛筋軟滑，牛腩唔黏牙，蘿蔔甘甜，個人覺得比舊店做得更好。我喜歡重口味的，選了大辣湯底，辣得嚟甘香，成就了一碗極出色的車仔麵。