車厘哥夫餅店

營業中

休息中

$10。3個、$3.5芝士麻糬波波：見有個最愛的麻糬波波，當然要試一試啦，向來懷著愛淺嘗多樣的心態，好彩只買左一個試下，點知，嘩，完全無芝士味架，仲有，大個黎可以講裡面全是通窿空心的，算點？！$4蛋白花生燒餅：又見有我最愛的燒餅類，愛煙un的我怎能錯過，誰料餅身有1.5cm咁厚，餡料卻得少許花生粒碎，但花生味尚算香口。在這裡還是購曲奇比較穩陣，最保險不過啦，曲奇鬆化且各款曲奇香味濃郁，款式多至12款，任君選擇，正正正！若非未試過這裡的燒餅，加上買開的'店在晚上早已關門，都不會再選擇在此購燒餅，還是開多幾步都至愛的''奇趣''店鋪，買我至愛的豆沙燒餅！就正如愛某些店鋪般，每星期唔食唔安樂，起碼要食一次才能頂癮，今晚未食到，明天非去不可！哈哈哈~這就是我！！

平時在車厘哥夫只買鳥結糖和曲奇餅,在這裡看有人推介, 所以便試試其他食品, 今天試了兩款.失望 -- 提子鬆餅 ~ 不鬆化,又沒有牛油香,都唔知食緊什麼...驚喜 -- 三角蛋糕 ~ 其實都不是驚喜, 只不過是提子鬆餅太差, 相比起, 這個只不過是好一點罷了

自從數年前首次邂逅新彊合桃包後, 一試難忘,愛煞它稍微脆的外皮和鬆軟的內部, 加上粒粒香脆微鹹的合桃, 正!每次經過都忍不住要買, 今天也不例外, 買了兩個打算明早和媽媽一人一個做早餐反而對其大受歡迎的曲奇不感興趣, 可能因為d牛油味充斥成間舖, 令人不太好受,但朱古力花生望落幾吸引, 有機會倒想試試~實在忍不住, 未回到家已把自己的一份給幹掉了~

朝早經過附近, 麵包唔想買, 記得佢既曲奇餅都幾多人推介, 於是企係餅櫃前考慮買幾多, 買邊幾種, 出名服務唔好既亞姐即問(粗聲粗氣)...要咩呀!, 要了半磅, 又問, 講 Number 呀唔該, 我真係未諗清楚, 店內又無人, 唯有求其要了咖啡, 朱古力粒同合核, $30/半磅三種味道, 餅身牛油香味唔重 (比 Jenny), 鬆化度亦唔及, 但最好係食落乾身唔膩(比 Jenny), 最後咖啡味亦唔夠濃!

試食過兩次，兩次都係行完聯合後，經過時被香噴噴的餅店香味吸引去。心想:買個包做''小吃''先。第1次係買十字包，$5一個 ，食落真係幾飽肚，個質地幾似平時食的個d scone咁樣，幾好味。第2次條買提子鬆餅，唔太硬，都算係有幾多提子，足料，$5.5一個。 : )下次會試下佢d cookies同三角蛋糕~

一月七日(星期三)今日早餐到太子站附近,經常用香味誘惑途人的車厘哥夫餅店買之前,朋友請過我吃車厘哥夫餅店的曲奇餅,果然如一眾食家所講,非常美味鬆化!今次買個早餐,可能時間尚早,很多麵包都未有,只見有6-7款選擇我買了老公指定的三角蛋糕!七元,不算便宜,中間夾著了我們不太喜歡的cream不過蛋糕都香滑,並且富雞蛋味,不錯!

之前同trade姐行街聞到陣陣曲奇香，可惜剛剛食完頂肚譚仔，個肚根本唔可以再容納其他野。今次又同trade姐經過，不理三七二十一，一於衝開人群走入店鋪。要了半磅，分別是一點朱力、朱力同一點車厘子。各款都只有微香的牛油味，壓根兒嗅/吃不到絲毫的朱力味，不過已經很好味，而且真的很鬆化。一點朱力的朱力和一點車厘子的車厘子同樣不太有味，但硬硬地，當係增添少許咬感。

十二月十一日(星期四)放左學同班姐妹周圍逛,好久無試過o甘輕鬆啦行到聯合個邊,有個姐妹話車厘哥夫啲cookies好好食再加上有點肚餓,於是我直衝過去可是,我包癮又發作....o甘就試下包先咦~見到西梅包呢三個字不其然覺得好健康同埋真係未食過用西梅做餡既包第一口就覺得個味道怪怪地..不過食落又覺得ok,用西梅做配搭都不差,幾有新鮮感

去完金華食完超脆菠蘿飽之後..諗住行去太子地鐵站回家聞到一陣陣香氣，所以八掛心態睇下咩黎..原來出名既車厘哥夫就係依度于是乎行入去望望見到有曲奇買啵..1/4 size買$14我問個姐姐大約有幾多塊？仲要問左2次先應我十幾塊囉？算吧~~通常食物好不等如服務質素好...要了腰果曲奇($14)至愛果仁類，一粒一塊，口感挺滿足不太軟亦不太硬，不過有點碎身望一望d麵包好似買相麻麻，而且又貴所以沒有興趣了

次次經過聯合車厘哥夫都會（文）到牛油曲奇既香但今次我唔係買曲奇，而係蛋糕仔7/11我9點幾去到都仲有新鮮出爐曲奇買但我無買到買左：合桃蛋糕仔：個合桃勁香脆，我覺得仲好香過蛋糕，蛋糕有牛油香，唔濃，但偏乾蛋糕仔：媽咪食既，佢都話蛋糕仔乾得濟$4個我覺得貴左D，因為真係好細個既蛋糕

朱古力曲奇：好香啊, 味道YUMMY合桃+提子鬆餅:好有口感, 又唔太硬, 又有合桃的香味, 提子的甜味, 不錯.

多年前在紅磡買過它的曲奇就一試難忘因為真的好好好好好好鬆化而且味道不甜又不油膩, 簡直是停唔到口個口感真係第二度食唔到!! (至少到目前為止都未有)最喜歡的口味是朱古力和咖啡!!有幾次試過在晚上7-9時左右購買遇上新鮮出爐暖暖的鬆化曲奇真係好正呀~~服務方面都ok啦反而衛生就麻麻...不止一次見到麵包架有小強出沒....(其實成個聯合廣場都幾污糟)不過我平時都係買曲奇多...和麵包架那邊是分開的...哈哈...隻眼開隻眼閉啦

本來尋日寫左個食評要發洩下對收銀阿姐的不滿, 不過最後食評被評為唔出得街, 算啦, 今日再寫過...尋日睇左人地既食評話三角蛋糕好好食, 咁我今日俾多次機會佢啦, 食落都幾鬆軟, 都唔錯, 比佢d麵包好食好多, size都幾大件。講真, 覺得佢d麵包比以前細個左唔少囉, 但因為未買過三角蛋糕, 所以唔知佢之後既size係點, 我只係親眼見證過新疆合桃飽得返以前一半咁大, 個飽雖然好食, 但細左之後唔忿氣冇再買, 後來仲好似見佢冇再賣咁...不過想提提個老細, 如果個收銀一直keep住咁既態度, 肯定會有客人因為唔想受佢氣而唔再幫襯囉! 可能個阿姐就已經係老細

之前睇到呢到既食譜 就去左買佢既曲奇試下啦!!要左朱力味 , 上面有一點朱力的!!woo 真係好好味呀!!!!!!!!!!!!!其實我好少食呢類既牛油曲奇...因為好油好肥架但係食呢度又唔覺太油...起碼食完隻手都無咩油.. 呵呵呵好好味既曲奇呀>3<

估唔到咁快給呢間餅店寫第二篇食評.之前先讚佢的三角蛋糕令我一試難忘, 還每次經過都一定一定要買一件~上星期同老公去太子行街, 我係隔離的店舖睇緊衫, 老公企係店外無聊周圍望, 跟住入黎問我係咪去買蛋糕, 我答佢: 梗係啦, 不如去買左先, 因為驚佢收舖, 入到去即刻去到放蛋糕的地方, 見到還有一堆蛋糕係度, 我即刻拿起令我念念不忘的蛋糕~ 咪住~ 有問題~ 點解......件蛋糕....細左咁多既? 真係細左好多, 之前果件對我黎講當早餐會飽左D, 但今次呢件, 細了差唔多一半, 真係無誇張到, 都係賣緊6.5元, 老公話: 無所謂啦, 你咁鍾意食~ 唔得, 我唔制, 太離譜了, 如果因為通賬勁而賣貴少少或者細番少少我都接受到, 但個SIZE真係細到我接受唔到囉, 我狠下心放下我心愛的三角蛋糕~~ 再見啦~~我最愛的三角蛋糕, 或者有日我會因為太掛念你的味道而忍痛買一件來食