軒尼詩冰廳 (柯布連道)

營業中

休息中

依間坐落係灣仔鬧市中既茶餐廳，卡位坐得舒服，而且上餐速度夠晒效率！今次食既lunch set性價比好高👍✦ 焗吞拿魚海鮮飯 💰62賣相唔錯，焗野來講都上得算快。份量材料都十足，吞拿魚味唔濃烈但章魚同蜆肉搭夠，最欣賞個蛋炒飯底👍✦黑松露蝦仁炒蛋飯 💰65見配搭幾特別就想試下！黑松露係連埋蛋一齊炒既，所以啖啖都有松露香，蛋同蝦都夠滑身。如果白飯可以軟熟d就更好！✦凍鴛鴦＋凍菜蜜 ＋💰3Lunch set 跟餐送例湯或熱飲，天氣熱所以加3蚊轉凍飲。2杯都有茶記應有的水準，而且都好大杯下！

今日出左灣仔，見到一間餐廳個名幾特別，叫✨軒尼斯冰廳✨ 於是入去坐低食d野先！餐廳既設計幾靚，枱與枱之間又唔會好迫，好多心思既位置，最岩鍾意打咭同係咁影相既我😍😍佢哋個地方都幾大，有2層！原本唔覺架，係突然間佢哋開始愈多客，聽到侍應叫客人上樓上先知道！我哋叫左一個主食、一個小食同沙律🍛夏威夷豬扒伴德國腸飯豬扒肉質一啲都唔會靭，雖然唔算厚身，但有2塊咁多，再加埋1條勁長既德國腸，所以算足料！！另外仲要提下佢啲白飯，粒粒分明，唔會過濕，好有口感😊😊仲送野飲/湯🥣🍞西多士西多香口，切開食落有驚喜！😚原來中間嘅花生醬仲有粒粒花生🤩好有口感，諗返都想再食🥗雜果沙律沙律新鮮，亦都冇出水現象，食落清甜!份量仲要好多

今日朝早經過灣仔，見到新鮮出爐菠蘿包，好吸引大大個菠蘿包香噴噴都只係$7見有時間食埋個早餐先招牌沙嗲牛肉公仔麵配北海道3.6牛乳炒蛋、鮮牛油方包沙嗲牛肉份量好多牛肉有咬口，沙嗲味甜甜地，係好邪惡嘅早餐啊牛乳炒蛋加咗鮮奶係唔同啲，特別滑溜加兩蚊轉左多士 烘得好香脆另外揀咗扒餐飯燒豬扒配北海道3.6牛乳炒蛋同牛油餐包板燒豬扒餐除咗有大大塊豬扒，肉質爽口仲有香草腸同茄汁豆識咗一個咁豐富嘅早餐，真係好滿足啊！

🔆軒尼詩冰廳 (灣仔)🔆灣仔柯布連道6A及6B號地下今日呢要去銅鑼灣剪頭髮💇咁就帶媽咪行吓港島區啦就去咗灣仔呢軒尼詩冰廳食個lunch先冰室聽得多，餐廳周街有，咁冰廳就少聽到，於是我真係好奇😯上維基睇😂😂😂😂冰室，又名冰廳，廣州話用以稱呼冷飲店。其是南粵地方一種主要售賣冷飲、雪糕及沙冰等冷凍食品的飲食場所，在香港流行於1950至1960年代，被認為是茶餐廳的前身。春分後即落雨，心情都變得濕立立我即時飲杯凍嘅特濃朱古力🍫先啦，甜味先會令我快樂㗎嘛。你睇到個朱古力係用個冰杯去裝住，真係好有懷舊嘅感覺，最誇張嘅係入邊食到粒粒脆脆朱古力🍫做到真特濃效果😎驚喜今日好想食熱辣辣嘅咖喱魚柳，咁就陪左個薯菜，因為我個胃口真係好細㗎咋。我媽咪呢就叫咗個菠蘿咕嚕肉，就跟餐要咗白飯同埋中湯。中湯係有雪耳、紅蘿蔔🥕、同冰糖調嘅味道，完全冇味精嘅味，有蔬果嘅甜。咖喱首先就係要食咗個薯仔先，勁入味，我叫咗個魚柳呢係外脆內軟，超級好味😋容易送飯。一間冰室上嘅薯菜，竟然係焗薯仲要有錫紙包住，真係好有心思同誠意👍🏻👍🏻👍🏻焗薯係配用芝麻醬，岩我胃口。你真係冇諗過佢嘅生菜用牛油炒😯😯😯👍🏻👍🏻👍🏻我覺得好有誠意👏🏻菠蘿咕

又個時候放午飯，而家都好慘淡下，想搵個地方食午餐都唔係咁容易，尤其是係喺灣仔呢啲旺區，想搵個地方坐得舒舒服服快靚正，就試吓呢間。好，坐低睇吓有咩好食先。我地揀左精選午餐，焗西班牙式牛肉飯，唔使等好耐就有得食，個飯都焗得OK，有芝士係上面，有蕃茄青椒，食落小小辣，個飯做返炒底唔錯。跟餐可以有湯或者飲品，朋友仔就叫咗煎蛋免治牛肉飯。兩個食飯都唔夠，仲叫埋西多士添，上面落牛油糖漿，西多士裏面仲有花生醬。

軒尼詩冰廳灣仔柯布連道6A及6B號地下係電腦中心過條馬路, 就見到軒尼詩冰廳啦。以前仲係灣仔返工, 同同事好鐘意黎食。原因是好多唔同架款式, 中午價錢又經濟。個時我成日點佢個扒餐, 老闆請食TEA都係係呢間買外賣架$66 蒜蓉雞扒, 可跟飯/意粉/薯菜, 有一碗湯附送。雞扒大塊岩喜歡食肉架人, 個皮煎到香香地, 加上蒜蓉味好出。雞扒肉嫩又醃得入味。$62 洋蔥豬扒 +$6 有熱飲或湯，豬扒兩大片大塊多肉，緊薯菜洋蔥汁好美味，是整個焗薯仔，坊間小見。中式都有$58包飲品 涼瓜牛肉飯，涼瓜清熱有益，家常味道。$16 點多份菠蘿油回味一下先。人類食肥同甜野, 自然讓大腦產生幸福感。大大個菠蘿飽夾塊厚牛油個menu好多式野

I planned to have a quick lunch nearby before heading back to office. I walked past this cha chan teng and decided to give it a try. Cafe Hennessy was located at O'Brien Road, couple of minutes walk from Wan Chai MTR.Like any typical cha chan teng, they provided breakfast, lunch, tea set and dinner menu, as well as snacks and drinks etc.  Iced coffee and milk tea was smooth and milky, fragrant and having a nice balance of coffee and tea taste.  Ham omelette and butter bun - Omelette was cooked t

響灣仔做完嘢諗住求其食啲嘢，就嚟咗呢度。記得多年前都有嚟過，啲哥仔好記性一入嚟就記得我來過，好親切，實在諗唔到食咩好，哥哥仔話有新款出咗介紹我即管試吓，個名都好搞笑歐洲系列，唔知係咪因為疫情啲人好耐冇去旅行🧳佢哋出個歐洲系列都幾有睇頭🤣叫咗個莫達伦忌廉三文魚炒意粉🍝連個名都得得地😎真係超乎想像，好好食又唔係好鹹同埋食落真係好歐洲feel🤣個樣好正，正所謂唔食得都睇得，我仲同哥仔講真係冇介紹錯，正丫！👍🏻👍🏻

一日之計在於晨、一大清早緊係要食番個早餐啦！店內環境光猛，位與位有一定距離，食都食得安心d。識食當然食番個醒神早餐提提神！招牌沙嗲牛肉公仔麵沙嗲牛肉麵中的牛肉厚薄均勻，牛肉嫩滑，味道香濃，拌著彈牙公仔麵，真係越食越想食，食到唔夠喉😋！歐陸風味扒餐 - 板燒豬扒歐陸扒餐除了板燒豬扒外、還有香草腸、茄汁焗豆、雙蛋、鮮牛油方包，相當豐富！板燒豬扒配上味濃醬汁，豬扒口感鬆軟，不會太乾身；香草腸入口煙煙韌韌，肉汁香濃。

點半鐘，坐低後，打開餐牌， 以為得散叫，點知點左餐先發現有是日“精選午餐“， 就即刻同員工講，我想點番午餐，佢竟然答我： “入咗單改唔到喎“， 同佢講啲嘢食啱啱點，仲未嚟喎，佢話：“系統改唔到單“。價錢貴左兼冇湯送，我都算啦，嘢食係碟頭“蒜蓉雞扒飯“，雞扒有酸味，又乾又細塊，想點？！ 冇服務冇食物質數可言🤬😒

今天週未約了朋友大約12時半在灣仔等，行一年一度灣仔會展舉行的書展，出發前要吃午餐先，我帶了她去我平時吃這間，因這間吃完近行去會展，環境同座位都算不錯，價錢不算貴，我們選了卡位座，卡位座位都寬倘，看了一回餐牌，叫了3份餐常餐金寶豬扒湯通粉配黑松露炒滑蛋+鮮牛油方包💥湯底金寶湯，豬扒透入湯特別香同霖💥滑蛋好滑身，很香黑松露味💥牛油方包好軟熟，好香牛油味Queen餐厚切午餐肉粒配北海道3.6牛乳炒滑蛋+鮮牛油方包午餐肉好厚身，肉粒香，滑蛋特別滑同有牛乳味

之前喺會展做完野，行去灣仔站途中食過一間叫做軒尼詩冰廳，佢啲小菜幾好味，於是今日又走去試下佢嘅午餐，睇下質素如何。一去到就咁啱有位，唔使等就入得，侍應安排我地坐喺一張四人枱，中間有隔板間住，咁就可以坐到兩枱客而又唔會有搭枱嘅感覺了！先講環境，典型茶記格局，唔會有多餘空間，因為有嘅話已經俾店員用埋嚟做生意。午飯時間人滿為患，室內談話、喧鬧聲此起彼落，同朋友同事食飯你預左要大大聲咁講野，否則就會俾人cum哂你啲聲架喇！食物方面，筆者嗌左佢當日喺電視機投影出嚟嘅午餐精選之一：黑椒汁薄牛扒漢堡扒飯($58)，配熱好立克一杯，味道唔錯，就係份量少左啲，比正常份量略少，所以性價比嚟講唔算高。服務方面，侍應們個個都係後生仔，做事靈活爽手，典型荼記面貌。總括嚟講，不過不失嘅一間茶記水平。

今日夜晚要去會展聽野，係接近夜晚時間，同朋友係附近下午茶最後時間搵左間食下午茶一人一個下午茶，一份雙拼三文治，一份邪惡流心西多士，一杯凍奶茶，一杯茶走多奶。兩杯奶茶中規中距，不過不走，算唔錯啦！雙拼三文治望落去都唔錯，幾好食！點解望落去？因為我食嘅係邪惡流心西多士呢份西多士真係好邪惡，不過無個名咁流心，因為佢其實係中間有一塊芝士，唔夠流心係因為佢未融哂，未做到流心嘅感覺，不過整體食落都唔錯，都幾好食，係同想像之中嘅流心有啲出入啫！都屬於中上水平。至於價錢方面，以灣仔黎講，ok la！

今日同個老友行完動漫節，排隊2個幾鐘，出到黎都攰過返工咁，於是係附近搵間餐廳食飯算，本身諗住佢五星茶餐廳，但因為唔見佢開 ，谷住附近食，叫個是日晚餐，牛扒都算ok，可惜d飯係冰既

真心係好就寫個好評俾你，我是區外客都係因為行完書展想坐低食個快飯，對上一次「油麻地紅茶」阿姐叫我地自己執枱仲要粗口問候，我地都只係因為唔想坐正門口想轉枱而已，寫了一千字差評無登到，好怕茶餐廳的文化。但發覺原來仲有好多間餐廳都做得好好。晚飯時間我們3位有卡位坐，落單哥仔好醒目回覆清楚我們叫左d咩。食物好快就送到，乾炒牛河好夠鑊氣熱到辣咀，牛又軟霖無筋，味同顏色都好夠。另外叫了個中式晚餐，點了中湯，個湯實在寧人太感動，係好熱到辣咀嘅湯，咩湯根本唔重要最重要係夠熱！！！ 凍檸茶都係好鮮好香的檸檬味。因為坐近出菜位，見到侍應哥仔們好勤快，行步路都跑住跑住，有讓人久違了的茶餐廳感覺，好有人情味還讓客自己選擇想坐嘅位置，我哋都係想食個快飯，食完都起身讓位走，叫阿仔食快點食完就走唔好慢慢磨。大家合作人地做多枱生意好過，埋單位小姐要找10蚊俾佢，佢竟然話唔好意思，佢無10元，找兩個5蚊俾我，小事小事都一樣係錢啫！ 感覺整間餐廳侍應廚房收銀都好好，上菜快，味道好味，食物夠熱，收銀又有禮貌。真心想同寫差評嘅人講，去吓「油麻地紅茶」，果度嘅阿姐係我見過極品中之極品，「轉位」等於佢地仇人。「油麻地紅茶」有