軒尼詩冰廳 (柯布連道)

營業中

休息中

今日夜晚要去會展聽野，係接近夜晚時間，同朋友係附近下午茶最後時間搵左間食下午茶一人一個下午茶，一份雙拼三文治，一份邪惡流心西多士，一杯凍奶茶，一杯茶走多奶。兩杯奶茶中規中距，不過不走，算唔錯啦！雙拼三文治望落去都唔錯，幾好食！點解望落去？因為我食嘅係邪惡流心西多士呢份西多士真係好邪惡，不過無個名咁流心，因為佢其實係中間有一塊芝士，唔夠流心係因為佢未融哂，未做到流心嘅感覺，不過整體食落都唔錯，都幾好食，係同想像之中嘅流心有啲出入啫！都屬於中上水平。至於價錢方面，以灣仔黎講，ok la！

今日同個老友行完動漫節，排隊2個幾鐘，出到黎都攰過返工咁，於是係附近搵間餐廳食飯算，本身諗住佢五星茶餐廳，但因為唔見佢開 ，谷住附近食，叫個是日晚餐，牛扒都算ok，可惜d飯係冰既

真心係好就寫個好評俾你，我是區外客都係因為行完書展想坐低食個快飯，對上一次「油麻地紅茶」阿姐叫我地自己執枱仲要粗口問候，我地都只係因為唔想坐正門口想轉枱而已，寫了一千字差評無登到，好怕茶餐廳的文化。但發覺原來仲有好多間餐廳都做得好好。晚飯時間我們3位有卡位坐，落單哥仔好醒目回覆清楚我們叫左d咩。食物好快就送到，乾炒牛河好夠鑊氣熱到辣咀，牛又軟霖無筋，味同顏色都好夠。另外叫了個中式晚餐，點了中湯，個湯實在寧人太感動，係好熱到辣咀嘅湯，咩湯根本唔重要最重要係夠熱！！！ 凍檸茶都係好鮮好香的檸檬味。因為坐近出菜位，見到侍應哥仔們好勤快，行步路都跑住跑住，有讓人久違了的茶餐廳感覺，好有人情味還讓客自己選擇想坐嘅位置，我哋都係想食個快飯，食完都起身讓位走，叫阿仔食快點食完就走唔好慢慢磨。大家合作人地做多枱生意好過，埋單位小姐要找10蚊俾佢，佢竟然話唔好意思，佢無10元，找兩個5蚊俾我，小事小事都一樣係錢啫！ 感覺整間餐廳侍應廚房收銀都好好，上菜快，味道好味，食物夠熱，收銀又有禮貌。真心想同寫差評嘅人講，去吓「油麻地紅茶」，果度嘅阿姐係我見過極品中之極品，「轉位」等於佢地仇人。「油麻地紅茶」有

下午茶想周圍試吓唔同嘅茶餐廳，所以就試咗依間餐廳，叫咗個炸雞髀沙律餐，再配一杯熱菊花蜜。可惜我覺得不是太夾我個人的口味，不過口味嘅嘢個個唔同，我純粹抒發一下我自己嘅感覺。首先講隻炸雞髀，炸雞髀我點樣都唔係太習慣有咖喱味，同埋又係偏鹹，我個人覺得新鮮雞髀係唔需要做過量嘅調味。沙律方面，外賣俾堂食的份量較少，所以對於喜歡食沙律嘅我，點樣都有點失望。至於杯熱菊花蜜，我已經叫咗少甜，但係都仲係甜到要溝水先至飲到，所以都有少少失望。

明明餐牌寫既餐。。唔同既又唔出聲 比左錢先查完 先話你誤會左？ 唔會再食呢間野🙄不知所謂咁既價錢 正常菜餐廳都不如呀 bad list 既其中一間餐廳！！！！！！！！！！！

灣仔區早餐偏貴，平時我都來這裡吃喜歡坐位寬闊，過左11點半都會提供早餐，店員很親切。個人喜歡吃傳統早餐A傳統火腿通粉轉成 飽魚絲火腿通粉了……煎雙蛋 走包 真的吃不下包了喜歡茶餐廳通粉特別軟綿綿，湯不會吃到多味精，反而帶有通粉(澱粉)味道，這是我喜歡味道火腿絲飽魚絲份量正常煎雙蛋2面雖然煎過，中間還有些流心，是我最喜歡。 荷包蛋 沒有預早煎好凍冰冰，新鮮煎出來又香又熱是我說把它們放在一起，不用多一隻碟當然大家可以改太陽蛋或炒蛋也可以。這樣奶茶不錯，最近胃不太好轉喝好立克了。這樣午餐很有水準，很大份量，如果我吃要和他說少飯或不用太滿。這裡選炒飯，例如咸魚雞粒炒飯，楊洲炒飯如果想更好吃，可以和他們說加菜粒他們會加芥蘭/菜芯果類，口感也更好又健康，他們沒另外加錢的心得分享

2020.6.23 (二)軒尼詩冰廳好明顯就係灣仔, 每次行過都好想入去, 但莫名其妙的卻步了, 總在門口徘徊, 行過又行返轉頭都無入去。 今次排除心理障礙, 立定決心就入左去, 睇左餐牌又唔係好貴, 雖然食物品種和一般餐廳相若, 但都要試抵食d既/工序多既食物。 本來早餐唔應該食好濃既食物, 但都係叫左瑞士雞翼公仔麵+熱奶茶。嘩! 嚇死bb囉！非洲sweets雞翼?影左相先。 第1啖食雞翼~好好味~好sweet sweet!! 樣子比其他店係黑dd, 但回味無窮噃, 食哂2隻雞翼~意猶未盡~但警告自己1星期食1次(不能多)

晚上去完電腦城購物，路經此茶餐廳，叫咗個海鮮咖喱飯，佢個架哩汁微微甜中帶點辛辣好有層次感，啲海鮮料都算ok多, 但係唯一美中不足應該係個飯，啲飯好腍食落冇乜飯味，都唔知係咪用咗越南米出嚟嘅效果，唔似我哋平時食開嘅泰國茉莉香米，呢間餐廳以前啲飯好好食，唔知係咪轉咗師傅或老闆，啲飯唔係好配襯個咖喱，希望佢老闆睇到個食評儘快改善

去完婚展已經2時多，在附近的餐廳來個下午茶侍應都算有禮貌，上菜也算很快朋友要了奶油脆豬+凍鴛鴦，看上去好脆耶！不過麵包的話我還是比較喜歡香軟的我要了炸雞脾和沙律+熱鴛鴦，平時我都不會吃大雞脾，但突然就好想吃！雞脾即炸超熱超香脆！皮都脆脆的完全不肥！肉都剛剛好，沒有很鞋，好好吃！是有一點點鹹就是，其他都非常讚！沙律剛好凍凍的又可以中和炸的膩，整個好滿足！倒是鴛鴦很失望！咖啡味太重，整個沒喝到茶味，好濃好苦，我喝了一口，請侍應加了很多花奶還是覺得很澀很苦，一點都不滑，早知叫回我例牌的奶茶好了⋯⋯不過每人39埋單，很便宜啦！

喺灣仔食餐飯佢哋都要六、七十蚊，是日大食妹唔算好肚餓，放工之後就同同事去到公司附近嘅軒尼詩冰廳填肚<常餐-炒滑蛋多士加厚切午餐肉粒意粉$50>滑蛋蛋味未算濃，蛋汁適中唔算乾，唔夠滑多士烘到微燶，脆脆地厚切午餐肉有煎過再切粒，意粉系幼長型意粉，大食妹鐘意粗身意粉多D<焗王牌鮮茄豬扒飯$65>豬扒唔夠厚身同埋煎得太燶飯底系蛋炒飯，飯粒偏硬幾好味，茄汁酸酸味味好開胃豬扒上面鋪滿芝士，食落好香脆，大食妹幾鐘意

新裝修後食物比較多原化，西餐，中餐都有。早餐/午餐時段爆滿，晚餐灣仔區不多人。之前食午餐飯類，又大份又熱，配飲品都滿分。今日簡單選了常餐义燒米粉炒蛋厚多士 (走包)熱奶茶义燒自家制，食到豬頸肉燒，帶爽口甜蜜味道。炒蛋都很滑不老，水準不錯。熱奶茶有點失望，沒有港式奶茶味道，不滑溜。不喝熱奶茶不會飲到分別，不像絲襪奶茶了。

好日唔出灣仔 諗住食個靚tea 見門面唔錯又叫冰廳 就入去試下，點知中哂伏。入去坐低望望餐牌 有特餐 張相幾似樣 $5x 灣仔區都好合理 於是叫左特餐沙嗲牛面火腿奄列轉多士加熱奶茶 等餐中聽到隔離枱都係叫特餐 佢地又同侍應熟到一路吹水 知道岩岩新裝修 諗住冇死 點知一上枱 有少少呆左 個面係平時大xx啲快餐集團加5蚊有個餐旦面嗰啲垃圾面底 嗰啲沙嗲牛都仲勉強可以 但一飲個湯 雖然望落有色水 但我加左胡椒粉都係好似飲緊水咁。。。。丁點味都冇 我咁大個仔從來冇食個咁難食嘅一個特餐 仲垃圾過我公司個垃圾飯堂。。。。杯奶茶就不過不失。唔駛多講，有興趣就自己試試，我就一世唔再去，講完。

這天跟男友去會展看展覽，之前先吃點東西，最就腳就是橋下的這間茶餐廳。雖然在灣仔返工都幾個月了，但也沒試過這間呢！平日午飯時間見呢間餐廳好多客，應該都唔會差~男友叫咗午餐的香煎雞扒配飯，超快就有。扒係連骨，超級大塊，仲香噴噴添!! 芡汁同坊間茶餐廳的相對較淡一點~我叫了下午茶的炸雞脾沙律，餐牌上已列明炸脾需時，即叫即炸的意思。大概等了10分鐘左右，熱辣辣香噴噴送上，也是非常大隻，大連鎖快餐店的成倍!!皮脆內軟，肉汁也鎖著，近骨的雞肉有少少粉紅，不過係熟既~~沙律似係附屬品咁，好細兜同只有罐頭雜果撈沙律醬，普普通通~總計99蚊，以這個地段來說算好平了~

嗰日經過呢間野，佢有個$70牛扒餐。我哋梗係試吓啦。講真侍應生服務非常好佢嗰個餐唔食意粉唔食飯仲可以改焗薯講真都好對得住果$70，直情要用抵食來形容焗薯方面如果比多 哨牙cream俾多少少，咁就一百分。總體都好食嘅，係我銅鑼灣食神要求高。扒方面，唔使講嘢，扒得好，肉汁係留喺中心，但我明白由於價錢方面，所以佢改細少少。都OK。因為幾好食所以冇乜挑剔，總體來講食得過，行過路過絕對可以試吓我最後有一點小小意見，我哋嚟食飯，唔係來聽偉論，收銀如果講少啲野，大家耳根清靜好多，感恩！

下午茶時間又到口痕時間，見手頭上嘅工作做得差唔多，走咗落去食下午茶，同事叫咗個炸雞翼配沙律，我叫咗個奶醬多士。見平時幫襯開佢，嘢食一向都唔錯就幫佢寫篇好評啦。首先個奶醬多係粗粒花生，而且多花生醬多煉奶，或者個賣相唔係好好睇，但老實講茶餐廳都預咗，最緊要食落去好味，佢用嘅方包唔係啲普通生命麵包，係有啲彈性嘅，所以比一般茶餐廳出色，跟餐叫咗杯凍奶茶，都幾滑而且幾夠奶味，應該茶底唔錯。同事嘅炸雞翼都好正，金黃色！唔會好重隔夜油味，大大隻！食得出事先醃過，所以唔洗點醬都好正，不嬲食肥仔野都特別好味，至於個沙律就不過不失，食完炸嘢食返啲沙律，係幾清新嘅，仲可以呃自己健康啲。哈哈