輝記粥品

營業中

休息中

【葵青區】【輝記粥品】呢排我放大假，不過身體唔算好健康，所以都唔會走去點接 job 去為自己徒添壓力。冇乜嘢做嘅情況就走咗去葵芳搵家嚴食飯，我作為一個曾經嘅十八區 foodie，就同佢約略介紹咗呢邊嘅飲食形勢。然而，葵廣同新都會廣場嘅食肆都提唔起佢嘅興趣。大家都冇乜胃口之下就去咗球場嗰邊食粥，因為見到呢間粥舖好似幾企理，而粥呢一樣食物有配合到冇乜胃口嘅我哋，再加上佢未閂門，符合晒咁多個條件真係唔食佢唔得。佢就食傳統即熟粥品 $25 嘅「荔灣艇仔粥」，佢話正正常常，呢個價錢算幾好。我就食 $40 嘅砂鍋生滾粥「魚腩滑牛粥」，仲加 $5 放埋「鹹蛋」，算係咁啦。佢叫埋 $18 嘅「炸兩」，食落只能夠講係可以。我作為飲品怪，就叫咗 $18 嘅「自家製枝裝豆漿」，大大枝，味道正常。埋單 $106，我覺得冇乜胃口填吓肚嚟講就正常咁囉，冇特別。。。（地址：葵芳禮芳街21號地舖）

食品：4/5。 正正常常環境：4/5. 乾淨企理態度：5/5. 叫油炸鬼，主動問我剪唔剪。芝麻：自家製作，好好。我趁姐姐行開咗先影😂😂，我怕醜~整體感覺良好。而家好的粥店越來越少，真的要支持下。第一次寫，有什麼不足之處多多包涵。。。

✨皮蛋瘦肉粥$25黎講算係好抵食！相比之下 真係幾大碗。皮蛋幾好食，冇乜腥臭味🖤✨豆漿一杯唔會好甜，係幾好，不過$9一小杯 覺得唔係好抵🤔🤔✨蒸蘿蔔糕呢個蘿蔔糕就係照字面解釋 「蒸 蘿蔔 糕」，裡面冇任何餡，係唔難食 都幾香蘿蔔味。就係好似就咁食一舊糕，同自己想像中嘅蘿蔔糕有啲出入。

嗌咗個豬心粉腸湯飯兩樣都各有3,4舊而且係大件，唔係碎濕濕豬心爽, 粉腸唔韌食到最後嗰舊先醒起影相,呢件已經係入面最細舊清潔得好乾淨 湯底清清地仲有埋菜 下次會試埋豬腰

第一次寫食評，沒有很多的形容詞，很開心在工作附近發現輝記，以往食過很多粥店的粥品，食完都會勁口喝，返去要飲好多水，證明係落了不少味精，試過第一次食過輝記嘅粥及炸兩後，回去沒有口渴感，之後繼續幫襯，佢除了有多款粥品，亦有湯飯類，當然要試埋，食完一樣唔會有口渴感，短短兩個星期，我已經食過超過5次，輝記已經成為我的飯堂。