辦館 (雅蘭中心) (已結業)

第一次行過雅蘭中心見到此分店，由於上網推廣見過，所以吸引了我和朋友光顧！裝潢設計很有香港特色！用了搶眼的紅色金寶湯作背景，的確令客人聯想起蕃茄湯，胃口大開，可惜再點蕃茄湯通粉餐時，店員已經跟我們說賣光了。我們看到此店有不少咖啡款式選擇，其中凍柚子綠茶吸引了我們，當我們嘗試點這飲品時，店員再跟我們說賣光了。。。最後，我們點了安格斯牛肉溫泉蛋公仔麵，凍朱古力咖啡，花生醬多士和熱玫瑰咖啡。餐盆很有心思，印有自家品牌！凍朱古力咖啡味道不錯！至於食物方面，都可以接受，不過不太抵吃如果比較同區餐廳的價錢，還是可取的。但得一位barista服務客人，根本不足夠而且其態度有點不爽當我們用餐到尾聲時，只是下午接近四點，已經聽到其他客人想點的多士又賣光實在有點失望。。。

今日放假，諗住行街前食個brunch, 見環境唔錯又細餐廳諗住支持下，點知伏左黎到門口見到餐牌已經覺得冇咩食，但係已經肚餓就照幫襯啦。餐廳地方細，除左中間大枱基本上冇其他地方坐。則邊有2張用汽水膠tray砌出黎嘅「枱」，坐落去頂腳嘅。完全冇服務，全自助。食物失望，同圖片完全不乎。熱飲水準ok, 但竟然用紙杯，餐具都係膠刀叉。食物選擇少，價錢貴，份量細，唔值尼個價。好啦，食完野，打完評價，仲係好肚餓，唯有去麥當勞食多個包。

《尋找金寶湯香港回憶》😋放午休，呢間餐廳以金寶湯裝飾做gimmick 。餐單食物集合左懷舊味道。試下招牌辦館蕃茄湯火腿通粉，🍴材料堅簡單：罐頭湯、蕃茄、🍅火腿+通粉，無乜特別。蕃茄味好濃，啖啖都有蕃茄粒 ，入口唔酸唔甜，幾開胃咖！不過火腿片煮到好淋,唯一無左個口感，再加一杯玫瑰花latte ，怕甜既人千其唔好試，因為真係好甜。無乜咖啡香味！似飲糖水🤮

還記得中學時期放學後要自己照顧自己的晚餐，沒有湯喝卻偏偏很愛喝湯所以金寶湯就像我的朋友，陪我渡過很多晚飯時光，令我暖暖的又飽飽的聽說位於旺角雅蘭中心的辦館近期以金寶湯為主題，讓港人緬懷有關金寶湯的回憶霓虹燈加上一大罐金寶湯，很吸睛！餐廳以金寶湯作主題，懷舊風格，處處都是打咭位以金寶湯製作的輕食加上一杯心水的飲品，享受了悠閒的Tea time粟米味非常香甜的厚Toast加上了火腿、芝士和甜蜜蜜的粟米片，豐富了這片Tosat撈上甜粟米湯的烏冬，同樣充滿粟米的香甜味道享受一杯甜甜的特色凍咖啡，是一天的點綴我選的玫瑰鮮奶咖啡，充滿玫瑰花香，甜甜蜜蜜的，正合這天的情人節在辦館享受了悠閒的下午

金寶湯大概是不少港人的集體回憶，而我亦不例外。由細到大，我都討厭喝湯，尤其是中湯，但偏偏就是對西湯情有獨鍾，特別熱愛金寶湯當中的粟米雞蓉忌廉湯，每每都能把一大煲湯都喝清光。之前經過雅蘭中心的辦館發現最新推出了一系列以金寶湯為主題的食品，牆身更換上金寶湯招牌的紅白色圖案。一如既往主打輕食，所以食物只有飲品、麵包、蛋糕和少量麵食，自助形式下單取餐。溫泉蛋火腿粟米芝士厚多士 ($50)本來只需$40的火腿粟米芝士厚多士可以另加$10配上溫泉蛋，面層的粟米醬有如濃縮版金寶粟米湯，相當濃稠。刺破溫泉蛋令蛋漿湧出沾滿麵包更加濕潤，不過厚多士是以兩片方包疊起而成，如果於麵包中間加一層芝士或醬汁作餡相信會更加豐富。柚子抹茶 ($35)以抹茶代替一般沖調柚子茶時加入的水，別具特色，甘香清甜集於一身。金寶湯作為罐頭湯固然是小吃多滋味，但變化出不同菜式後能夠從各種美食中淺嚐到金寶湯的滋味絕對是個福音，而金寶湯更像是個「萬能Key」，配合多士或甚是其他食物都匹配萬分。

放工後單獨享受一個人晚餐, 放棄了連鎖式快餐, 選擇了雅蘭中心的辦館, 來一個輕食快餐。雖然食物款式不多, 但設有少量堂食座位, 不用站著吃, 經過吃點小食休息一下, 也算是不錯選擇。期間限定以"金寶湯"為題, 創作了幾款美食, 而我選擇了較為飽肚的【日式甜粟米撈烏冬】HK$58 額外HK$10多加一隻溫泉蛋湯底為杰杰的甜粟米湯, 令每條烏冬都能平均沾滿湯底, 夠哂清甜, 溫泉蛋既蛋汁令口感更加滑, 更加juicy...【棉花糖吐司】HK$58吐司邊位烘得略帶脆身, 棉花糖整齊排在吐司上, 棉花糖內呈半溶狀態, 入口即溶, 很黏口, 夾著底層吐司一齊食, 整體不會過甜。 【鮮奶抹茶】HK$36味道很甘, 茶味特濃, 奶味不突出。

金寶湯係罐頭湯的表表者，響唔同年代都有唔同包裝，最令人有共鳴既就係佢既紅白色罐頭包裝連藝術家—安迪華荷都係以金寶湯為創作靈感，以金寶湯作品最出名金寶湯配上懷舊風更令人有回憶，打卡、影相絕對唔少得佢連枱同座位都係有特色餐廳以金寶湯做主打, 點可以唔食金寶湯系列金寶湯系列之日式甜粟米撈烏冬碗都係金寶湯, 真係好想擁有烏冬條條都沾滿金寶湯同黃金粟米, 食落令金寶湯更重口感, 更實在, 令到金寶湯主題更突出加上火腿, 蟹柳等配料, 不但有日式的感覺, 賣相一流, 不禁要相機食先芝士火腿牛角包都值得推介牛角包🥐堅係脆口，咬落外脆內鬆軟芝士香濃，入口牛油同芝士融合，令人更覺滋味有美食又點可以少左杯咖啡☺️榛子鮮奶咖啡榛子香味濃，加上鮮奶咖啡幼滑，咖啡飲落香濃感覺更覺休閒😊

老實講，今日行開旺角，黎辦館食嘢，純粹係見人人地黎影相，好型，所以特登黎呢度打卡，影下相威下係門口已經見到押店既招版 logo, 好懷舊。成間餐廳以金寶湯做主題，哎，果罐粟米金寶湯，簡直係童年回憶！去到cashier. Menu 好乾淨利落，好有文青 feel. 好，我就黎個期間限定既日式甜粟米撈烏冬，配玫瑰咖啡。再入去餐廳裡面，就係大量既金寶湯俾你任影唔嬲！呢個膠碗好有feel 烏冬仲係熱熱既！火腿、青瓜絲、蟹柳、粟米粒，搶眼既四色組合。最感動，就係混埋金寶粟米汁既果一口滋味！果種屬童年既回憶和情意結，非筆墨所能形容！呢度既咖啡，出乎意外地好味。玫瑰花香感人，咖啡香濃，兩者配合得天衣無縫，是我飲過咁多玫瑰咖啡以來，最好飲既一杯。非常驚喜，為了這咖啡，一定要再來！

位於旺角的辨館，是一間文青咖啡店，自助式點餐，🙈服務員好Cool阿作為一名包控，每次看到 厚多士 三個字，總會忍不住去柯打一份😋，這次我一個人柯打三份，不同口味吃得好滿足呢火腿芝士粟米厚多士 $40 😍😍😍(5分滿分)辨館最近跟金寶湯合作，推出期間限定美食，最吸引我的，必定是這份厚多士🍞，多士淋上粟米湯的醬汁，粟米味好特出，配上麵包味道搭配，想像到的味道😂，如果多士脆一點軟一點，就更好啦 抹茶芝士蛋糕 $33 👍👍👍(5分滿分)每天勻供應不同口味的蛋糕🍰，是日蛋糕是抹茶芝士和朱古力口味，抹茶蛋糕質感扎實，口感實在硬淨，芝士味濃，類似美式芝士蛋糕……………………👧 上環裕林台1號地舖B👧 銅鑼灣謝斐道535號Tower 535 3樓302號舖👧 旺角彌敦道639號雅蘭中心1樓120號鋪……………………

來到了辦館！ 外表有好多懷舊野，以為都okay ,但望下餐牌，其實野食好一般，因為收費都貼住其他連鎖集團既咖啡店，似乎一樣價會有其他更好選擇。 不過，我杯巨峰提子梳打味道唔差，當汽水飲。

星期六 無節目知道旺角有辦館一路都無時間黎坐下 今日終於可以起行去過上環店好鍾意辦館既style旺角新淨啲, 但都keep返個霓虹招牌👍坐位都正, 有大枱share亦有汽水箱! 好有feel岩岩訓醒唔太肚餓, 叫啲輕食岩岩好哩個常餐類既, 有足料茄湯底 配火腿通粉my favourite.個湯好厚身, 配料豐富杯latte好滑, 咖啡好香唔會苦😍朱古力蛋糕個cream打得好, 係個蛋糕有啲乾身, 味道okfd子叫左拉絲多, 好浮誇個芝士可以拉到咁長, 堅落足料同埋芝士好濃味, 食一份就夠飽棉花糖多士係必叫!!表面烤小小啡色好可愛! 燒至半溶既棉花糖超正, 又有朱古力醬吊下味! 多士夠脆! 無得頂! 今次我地坐大枱, 下次2個人可以坐汽水箱櫈, 更加有feel!

上個月去辦館午餐，店員告訴我10月會在家樂坊附近空地有萬聖節期間限定店。這天放工經過，見到有個掛滿萬聖節裝飾的地方，才猛然醒起現在已是10月中！看一看menu，有小食、有萬聖節特飲、有少爺手工啤。手工啤有大概7款，每支哈囉喂暢飲價$38，尚算便宜。店員很好地逐款介紹，有常見的classic pale ale及1842 island，我一聽到有鹹檸啤就即刻很有興趣，因為很少會有啤酒和如此充滿港式風味的飲品crossover呢！鹹檸啤混合兩者後，味道十分特別，鹹鹹的，苦味不多，很容易入口。不太喜愛啤酒麥味較重的人相信會合心意。只飲啤酒有點寡悶，索性點一份Nachos（芝士粟米片）送酒。啤酒配搭小食還能優惠$10呢！粟米片芝味十足，十分惹味，另外還跟了一個番茄醬，酸酸甜甜，特別醒胃。

在旺角行完街，到附近雅蘭中心辦館小休一下，後來知道辦館跟少爺啤在家樂坊空地有哈佬喂event，我們就走過去看看。 去到時人不算多，佈置得很有氣份，每台都有南瓜，而且都是真的南瓜啊！ 門口有辦館x少爺啤的車檔，列出不同手工啤的味道。我比較喜歡咸檸啤，咸檸七飲得多，咸檸啤還是第1次，味道很易接受，比咸檸啤七要咸一點點，小小啤酒的味道，酒精含量4.5%，還好，感覺很爽朋友飲血包果汁很有趣，是柚子特飲，酸酸甜甜的。 小吃我們點了出前一dog，上面的麵是童星點心麵的味道，極脆，熱狗烘得很熱，極惹味。 另外要了份芝士粟米片，芝士很香而且沒有很咸的感覺，栗米片非常脆，另外的番茄醬料有新鮮的茄汁粒粒加一點辣味，很可口，非常合適用來送酒聊天！ 朋友喜甜，忍不住也要了棉花糖多士。 很可愛。 咬下去軟綿綿，甜絲絲，多士又熱又脆，整個感覺都幸福。 氣氛好極，不知不覺坐了好長一段時間。走時還可以抽隻眼球...原來這個大玻璃中裝滿眼球不只是裝飾~裡面是滿滿的coupon！ 

約左個好耐冇見既朋友，諗住同佢去辦館一路啤一路吹下水。點知鋪頭度話佢地係家樂坊附近搞緊萬聖節活動，可以飲下少爺啤同食下脆面熱狗。 諗住係旺角街頭坐實好熱喇，點知又唔係好熱，仲有少少秋涼，感覺幾舒服。 店主介紹左兩隻少爺啤比我地。紅色個隻係夏日麼麼啤，重麥味之餘仲有一陣辣辣地既感覺，好有夏日陽光既刺熱感覺。綠色個隻係咸檸啤。啤如其名，係咸檸七既啤酒版。呢支啤酒比較啤酒味唔太重，少飲酒又想同班friend 去飲下野既就啱哂。飲得啤酒又點少得墨西哥脆片？有芝士醬同辣醬比你揀，想要咩口味都得。脆麵熱狗脆口得黎又飽肚，都係唔錯既選擇。 兩支店主推介既少爺啤 辦館個檔口好搶眼，好易就搵到

不知不覺，萬聖節又來了。前晚經過家樂坊附近，見到有辦館x YOUNG MASTER 的halloween pop up store，之前我已去過辦館，印象不錯，就停下來看看有什麼新搞作。是次期間限定店有辦館小食、halloween特飲及不同口味的少爺手工啤提供。場內充滿萬聖節佈置，播放輕柔音樂，擺有幾張高桌和高椅子，和朋友在此happy hour 頗有氣氛。現場有7款手工啤，全是來自young master ，香港品牌。店員詳細地介紹每款手工啤的特色，我選了鹹檸啤，一聽名子就知有香港特色！味道完全不像平時的啤酒，很易入口，味道鹹中帶酸，頗為特別。手工啤加小食可享combo減$10優惠，我點了岀前一Dog，熱狗微暖，入口軟熟，腸仔上面加了脆卜卜的岀前一丁，口感十足。坐在入面邊喝啤酒，邊看著岀面人來人往，感覺特別寫意！