農圃椰子雞·石橄欖雞·煲仔飯專門店

營業中

休息中

12點40分去到，唔使兩分鐘落單，佢都可以叫我等九個字，45分鐘啊大佬！！！！！！我等到1:26我問你1:30會唔會有？冇嘅我就走？先至交代話仲有3分鐘就可以。話因為之前有人嗌咗煲仔飯，所以冇晒煲煲仔飯嗰啲爐，八個爐都可以冇晒唔緊要，但係應唔應該同客人講一聲呢？跟住個飯上面啲排骨全部黐埋一舊，又細又難食，走去食包點先生啲排骨飯，人哋嗰啲排骨都大嚿過你呀！！個臘腸完全唔似佢菜單上面咁樣成條上，得嗰三舊細細舊切片臘腸，收我$68，完全唔值呢個價。如果你本身知道要等咁耐，應該要同個客人喺落單嘅時候交代好，一聲通知，一個交代，一句道歉全部都冇，仲要收我$68，地點又唔係好好，真係唔知點解要食佢，係我先咁傻仔。以後唔會再幫襯呢間野，我要食椰子雞寧願返大陸食。

椰子雞火鍋向來都係十大喜愛之一🫠 最近無意間發現，好朋友落下開了一間椰子雞🐔所以約左家人朋友一齊去試試🐓🐓 門口看到有些椰子雞套餐都覺得好抵，我們一行7人叫了2個套餐～ 店舖主要坐位比較多細枱😁建議最多6個人比較好🤭🤭今次委屈其中一個家人坐主席位🤣2個套餐的份量全都加在同一個火鍋～😃 店員好指細教我地湯滾要落雞～ 再滾就要轉細火，同埋有個沙漏計時器開始要反轉👍大約5分鐘就禮成了😆個椰子雞湯真係好清甜🤭 我飲了3碗或以上～ 雞雞係用南昌雞🐔～ 可能香港沒有活雞～ 都是冰鮮雞🐓 還可以吧～ 另外套餐包了一碟本地牛🤭 也不錯呢～😆4xx 幾蚊包半隻雞，一碟牛，一碟菜(新鮮) 一個煲仔飯(好好味 ) 真心不錯😁😁

嘩😄😄😄～自從上次同呀媽食過午餐碟頭飯～ 呀媽話正，見佢地食物有水準，所以都好想試佢地招牌菜椰子雞煲，所以再約埋呀哥，一家人一齊黎食～ 咁今次呢個椰子雞煲真係超抵😋 我地一家3人～ 食到好飽飽呀～😄 首先店員會好熱情教大家程序點做～ 首先等椰子水水滾～ 跟著放雞😆 跟著有個沙漏反轉，完成後就可以食個椰子雞🤣 個椰子水勁甜😋😋 個雞就Ok既～ 大家飲曬湯之後😊可以叫姐姐加水開始打邊爐😄個牛睇到好靚好新鮮～😁 😆 可以再來

經同事介紹下，lunch time黎試一試，午市時段唔算太多客人，餐廳環境闊落。雖然我地得2個人，但店員都安排我地坐卡位😄我叫左排骨臘腸煲仔飯，煲仔飯火喉控制得啱啱好🔥飯粒粒粒分明🍚唔會太淋，又食到飯焦，材料亦非常豐富，淋埋甜豉油撈埋一齊食排骨同臘腸嘅油香滲哂入飯到，非常好味😋煲仔飯做得非常出色👍🏻👍🏻性價比高嘅煲仔飯，職員服務又貼心，值得再幫襯！

一般唔多寫食評，對上一次都好耐之前。呢一間都好值得去。比較平靚正性價比高嘅火鍋同煲仔飯。同屋企人食過兩次，之後都有推介俾朋友，同朋友去。餐廳不是豪華，但乾淨企理，做街坊生意主打椰子雞火鍋同埋煲仔飯兩樣都做得非常出色，同幾個朋友去叫套餐份量都好足夠平均每人200多，價錢絕對OK有室內同埋室外座位。現今出邊嘅餐廳普遍服務都係一般般，但係我對呢一間餐廳嘅服務就好滿意，我覺得侍應好真誠同埋佢會幫你。我食到一半先至諗住寫食評所以影得一張相。總括嚟講我覺得呢間餐廳可以歸納成三個字，「平靚正」，值得一試！