農場盆菜之家 (已結業)

我同個F都係魚不歡，想喺黃大仙附近搵食，要找一間性價比高的餐廳實在不是易事，友人就為我介紹了這間位於飛鳳街嘅農場盤菜之家，點咗我哋大愛嘅A餐$58蕃茄烤魚，好快, 一個長方形的盤裝住一條成個盤咁長的魚上枱,魚面鋪滿了炒香了的蕃茄, 魚的四邊也放滿了洋蔥, 香芹, 大蔥等等的配料, 魚可長期保持熱度。而且聞到好香的蕃茄的味道, 非常吸引, 用爐火馨住個魚盤好快功夫己經開始番滾, 味道也越來越香濃！原來鯇魚都可以咁好食！！！另外，還可跟蕃茄一起吃以刺激一下口腔更為惹味。魚肉質很鮮嫩厚實，全冇泥腥！魚是鯇魚🐠🐠🐠, 雖然有骨, 但肉質好鮮嫩,魚骨都是大大條很容易取出, 所以食起上來都不是太複雜, 少少酸少少甜, 很是開胃, 除咗魚好食, 個盤裡面的配料香芹, 洋蔥及大蔥一樣都是咁好味, 全部煮到入晒味, 又索了魚的鮮香, 這些配料超好味! 好似將酸甜提升至另一個境界！ 最開心是加$28蚊仲可以多個雞煲🐔🐔，雞肉肉質滑嫩,吃起來相當的多汁又鮮甜。好著數超抵食！好滿足！！我哋飽到幾乎要扶墻走😘😘😘！下次我行開來黃大仙呢頭, 我都會再幫襯!

同朋友去開黃大仙辦事，搞掂都差不多6點了，突然諗起喺FB好多人推薦嘅🐟🐟烤魚放題，真系行過路過千其唔好錯過！店鋪唔算太大，但勝在環境舒適有卡座，冷氣夠勁又乾靜，真係入到嚟都感覺好安心😘😘😘。依間烤魚任食價錢真係好合理，而且食物水準唔算差，一開始你要揀定食咩烤魚（有番茄、酸菜、麻辣），食完可以打邊爐咁食其他嘢。但某D食物要加錢，我地叫左果A餐$58烤魚放題🐟🐟+$28雞煲🐓🐓放題，每人唔洗1舊水就有魚煲及雞煲食😍，好啦！係時候主菜出場了，我哋要咗麻辣烤魚，條魚好大，仲有前菜(涼拌藕片、甜酸蘿白)+配菜(薯粉、生菜)+火鍋串（豬骨濃汁貢丸、黃金蝦仁棗），分量足，兩個人食會好飽。我哋唔算食得辣，所以先把爐內的辣椒先移走，不然會慢慢變得愈來愈辣。嘩嘩嘩！條魚魚皮香脆、肉質鮮美，嫩滑非常，非常入味，全無泥腥，還能嚐到魚的鮮美。厚身的魚肉質感紮實、然而絕不嚡口，而且魚刺相當少，很適合我這重怕挑骨的人。配料青紅辣椒、豆芽和芫茜，辣度恰好，不會嗆喉，加上輕微的麻，超級惹味。雞煲都系大大煲，我叫左小辣，味道👌，食完可以再加，非常美味滿足的一次烤魚+雞煲體驗💪💪💪，下次一定要再約埋多D朋友一齊再嚟試下其他

個麻辣烤魚好岩我地口味，次次黎到都係叫呢個，鉗魚既肉夠哂淋，又夠新鮮，而中辣辣度岩岩好，夠哂香，又夠濃味香辣得黎又不失魚湯既鮮味，適合我地呢d重口味人士，前菜又夠多選擇，配菜方面揀左豆卜去索d辣魚湯黎食，真心正食慣左呢間再去試第二間，都係唔會有呢種味道目前吃過最好食既一間烤魚，（可能仲未遇到比呢間更岩我地口味的）次次想食烤魚，就會有個心引自自然然想黎呢間到食，同埋兩至三個人叫左個C餐，食左佢個半鐘埋單三百幾蚊真係唔算貴，仲要坐耐咗成個鐘都無催我地走，認真抵讚，又食得飽大家值得一試呀!

上次朋友帶我黎食過一次，一直念念不忘，難得今日去開呢頭，今次到我帶另一個朋友黎試下喇.選擇真係好多，雞煲、烤魚、串燒.唔理三七甘一，一於開始叫餐。佢有麻辣烤魚，酸菜烤魚，同蕃茄烤魚三個套餐選擇.我本人都仲意食魚，點左個蕃茄烤魚，好快侍應生就抱住個爐埋黎，睇到條魚又幾大啵，配搭上都好掂咁，不禁食指大動👍🏻，口水分泌得嚇死人😋終於主角由沉睡中，隨住翻滚的水態，輕絲既煙霞中，飄散出那誘人，烤魚的氣味，我真的把持不住。急不及待地夾起一塊烤魚試試.味道濃郁，香甜酸辣，三感系口腔中循環不息，實在太邪恐了🤣🤣🤣🤣湯汁開胃。魚皮香酥，魚肉滑嫩，完全無因為多重既加工而影響魚肉任何地方.整體而言，食物，價錢絕對值得讚的。唯獨侍應既反應力需要改善一下!

見農場新出左烤魚放題，反應唔錯，今晚終於有機會同老公去試一試，星期四晚上7:30，坐滿左8-9成客人，大部分都係食烤魚，只有一枱客食雞煲。我哋叫左個C餐，蕃茄烤魚，$108/90分鐘，貪佢有碟牛頸脊，仲有無限追加火鍋料，順便試埋串燒炸物，睇下有幾伏先。一坐低就上4碟前菜，有辣芽菜、青瓜、白蘿蔔絲同蘿蔔粒，可惜我大肚，只可以食唯一一粒嘅紅蘿蔔😓，問店員可否轉皮蛋同木耳，店員話指定前菜，無得轉，就轉身走左，仲唸住叫佢收返d前菜，無辦法啦，做左隻大嘥鬼添。等左8分鐘左右就上烤魚，先開始計時，都唔算耐丫。烤魚配料有蕃茄、豆卜、木耳、豆腐，條烤魚並唔係前人食評所講咁無骨，實情係幾多骨下，不過勝在唔腥，口感似鯖魚，唔係滑。薯粉吸收左蕃茄濃湯好好味，不過個鍋太淺，湯又太濃，開到800w已燶底(最高係2000w)，個半鐘都煮唔林d豆卜。丸類唔錯，尤其是墨汁墨魚丸、薑汁皮蛋貢丸、芝士豆腐燒同炸麵筋，而且煮得「熱」嘅。牛頸脊就失望左少少，口感有少少靭，最好低溫灼熟會嫩d，牛味重。我哋點左蒜香大雞槌、紫薯餅同黑松露薯條，雞槌真係好大隻，炸左仲有好多汁、幾滑，紫薯餅好食，不過好滯，薯條粗身，炸得唔乾，好食過M

放工好攰唔想煮飯，同朋友兩個人就嚟到屋企附近農場火鍋專門店，座位尚算闊落, 坐得舒服, 冷氣也夠凍，本身我同朋友就比較鐘意食魚，叫了侍應生推介的D餐120分鐘酸菜味烤魚放題，店員好快就上烤魚了 ，另外又上左霜降和牛粒同極上黑豚肉，6款前菜小食，仲有幾十款火鍋串，擺到成擡要系嘢食，查實條魚真係好大條 賣相好掂，配菜有我喜歡嘅芽菜 青瓜 蘿蔔等等，烤魚本身已經熟，放入鍋中烤熱即可 魚肉鮮嫩口感一流 魚背肉多 唔算太多骨 食落一d都唔腥，再配合埋酸菜一齊食，非常開胃，依d配料滾到中後段索哂d湯 越來越酸辣 越食越想食！總之分量足 魚新鮮 味道好 有下次啊！

打邊爐就打得多，烤魚就好小食，而且多數烤魚店都喺單叫吾系任叫，不過今次喺屋企附近嘅烤魚店，又平又低食😋平價之餘又開得夜，反工收夜都可以約fd去食🤤咁樣先正啊平得黎野食都吾錯😋😋😋條魚幾滑又無乜骨岩哂我呢啲小食魚嫌麻煩既人個番茄湯都好正🤤好濃味而且其他小食都好正，我喺紫薯控黎🤤佢個紫薯餅好好味🤣勁鐘意食啊喺真紫薯黎嫁🤣鐘意食紫薯既人一定要叫黎食位置又方便系黃大仙岩哂住九龍既人🤣🤣

香港的烤魚也食過幾間，經常在IG、facebook 見到他們的廣告，覺得這間的比較抵食，味道也很好。美女店員推介的烤魽魚確實不多骨，魚也比一般店舖的大，魚肉很滑，仲可以無限添加，叫了蕃茄口味，加了很多鮮茄也很惹味配料款式很多，份量也比較大份，所以配料也不用叫太多總言之覺得這間烤魚性價比較高，會再來吃。此外，其他配菜配料也十分平民價，例如丸類十分特色，不是平常那些普通貨色，而都是任食，相信和三五知己來一起吃大家都會滿意。因為平常在外面吃烤魚都至少要200多元，很少會有放題式的烤魚，每人都是幾十元，十分抵吃！

魚 不是人人都鍾意食，而我本身係個愛魚之人，任何魚我都來者不拒，妹妹前晚提議食烤魚，今晚就同屋企人去黃大仙試試烤魚，價錢由$58-$148不等，魚、辣度、麻度都可以按自己喜好自由選擇💓我們選定魚餐，先來前菜四小碟，到烤魚的部分，全條魚早已烤至全熟，上枱時再滾一會使其更入味，魚肉結實，肉質嫰滑鮮味，重點是沒有魚腥，連怕魚腥的妹妹都敢大吃🐟 雞鍋很有水準，跟出面雞煲專門店沒大分別，雞件嫰滑，湯底濃郁帶麻，加入配料一起滾，超！入！味！計番上黎價錢不貴，鍾意食魚既你不妨一試❤️🐟

真心一分錢，但唔係一分貨，見網上賣行晒廣告啦好似好正咁就去試啦。先講環境....ok啦因爲我唔係坐卡位唔知，但我就覺得一般冇特別，咁一坐低就有位店員（服務都可以既）介紹有咩食啦，咁我就選擇左食98蚊雞煲既（黎野都唔算慢既，服務員態度都ok）點知真係不得了.....雞煲既雞真心梅既...都算（平野係咁上下啦重想點），個四款串燒干到爆好失望，雞脾凍既真心唔知講咩好，但薯條薯餅就唔錯既（比百幾銀只食薯仔你話好唔好，比我再選擇一定唔會食百幾銀薯仔），飲品唔係免費可以既（唔係酒水搵你錢可以係邊搵你錢）食食下都冇心機食落去，諗住拿拿聲埋單走，一見張單就諗之前咩平平地係咁上下既想法就立刻冇晒，成300幾銀...講真拎去食kf__或者放題都冇咁嬲，同埋佢收費上有好多都冇標明真心唔得（要去到埋單先知道...感覺好似比人昆左咁，或者你有標明既但我睇唔到囉...），講真你用平平地食野既心態黎呢到食，我真心叫你唔好黎，但你話想同兄弟搵個地方坐下食野......都可以既（錢多既話）...估唔到我第一次寫食評竟然係負評同埋寫得唔太好多多包容...(P.S 個D網上話好好食，好正，好抵，世界級既留言係唔係打手黎？定

話說有日放工同班同事專登飛的去黃大仙，為既就係一試講到facebook好hit既串燒放題。poster就大大粒字寫住$68，poster右下角就寫住得粒米咁細既注意事項：星期五至日加$20，醬料加$10。其實我食野不嬲價錢唔係最重點，因為我一分錢一分貨，只要唔係太離譜，但哩間我地成班同事發誓唔再去食。串燒放題總共有兩張紙仔，串燒有四種，牛豬雞羊，牛就係牛肉片串埋，但冇咩味，雞都係冇咩味，都唔緊要，最慘係肉少少，肥雞皮就多多，豬係正常少少，羊就唔小心食咗串，我自己本身唔食羊，但係佢完全冇分開上or同我地講聲邊串打邊串，誤食下都食得對羊騷味，不過我覺得正常既，有邊度食羊會唔騷，所以對羊既評論不能作準。除咗串燒，仲有黑松露薯條，粟米薯餅，咖喱薯餅，紫薯薯餅，炸雞脾🍗，黑松露粉勁奇怪，唔好食，好在佢放得好少。粟米薯餅同雞脾仔算係最正常。總括黎講，可不可再。

真係不知所謂，收費唔清楚魚煲放題原來得條魚係可以refill同朋友食左成個鐘都係得魚，真係眼都凸埋大家諗住飲汽水飲返夠本啦，點知每罐$9連可樂都無呀！$9飲新奇士，沙士，傻的嗎？結果我地6個人一枱就飲左成舊水汽水啦！加少少錢嗌左個肥牛，黎到一碟得6片，岩岩好每人一片真係好野呀，吉野家都好食過你10條街就係咁，埋單每人$170，全晚都淨係食魚同食魚加多$10去食下放題唔好？無質素，無服務，除左comment快d結業之外我都唔知講咩好

星期六晚，全程得三枱客，食物勁差，貴夾唔好食，整晚間舖拍烏蠅。總之唔掂吖，從未食過咁差嘅食店，一定無回頭，唔會再幫襯。間直中伏，嘢食唔食，汁醬垃圾，服務差勁。食物無新鮮，鷄煲火煱及串燒放題，全程唔好食，食品種類極少，狀似準備執笠。

難食到嘔呀。 串燒淡而無味呀。 D醬冇曬又唔加員工服務素質又差 傳單收費用實際收費又唔同 ig寫加十蚊 去到又要加廿蚊 得啲薯條係好食嘅 其他嘢都好難食 未食過咁伏嘅嘢兩個字形容 垃圾

朋友相約於黃大仙食飯，又係月尾嘅時間，諗都唔使諗，就要搵平嘢食，喺facebook嘅黃大仙之友，有網友介紹平價串燒，仲要係任食，一於去試一試。位置方面，喺黃大仙地鐵站行過來，只需要大約五分鐘，識路嘅唔算太遠，加上有地圖幫手。門口大大個架寫住住食，重有雞煲，羊腩煲，不過今次主力都係食串燒。 串燒只有四款豬牛羊雞，再加上芝麻雞拳同幾款唔同嘅可樂餅。 款式嚟講都算係咁。最可惜係要加十蚊醬料費，但2個醬都麻麻地。至於味道方面， 最出色嘅一定係羊， 因為黯然香料十足。 其他只係普通貨色。下次再嚟嘅話，應該要挑戰一下羊腩煲 ，咁平，真係性價比十足，不過諗住食味道嘅就要考慮下。