農場盆菜之家 (已結業)

朋友相約於黃大仙食飯，又係月尾嘅時間，諗都唔使諗，就要搵平嘢食，喺facebook嘅黃大仙之友，有網友介紹平價串燒，仲要係任食，一於去試一試。位置方面，喺黃大仙地鐵站行過來，只需要大約五分鐘，識路嘅唔算太遠，加上有地圖幫手。門口大大個架寫住住食，重有雞煲，羊腩煲，不過今次主力都係食串燒。 串燒只有四款豬牛羊雞，再加上芝麻雞拳同幾款唔同嘅可樂餅。 款式嚟講都算係咁。最可惜係要加十蚊醬料費，但2個醬都麻麻地。至於味道方面， 最出色嘅一定係羊， 因為黯然香料十足。 其他只係普通貨色。下次再嚟嘅話，應該要挑戰一下羊腩煲 ，咁平，真係性價比十足，不過諗住食味道嘅就要考慮下。