農場

營業中

休息中

走過西環一間不起眼嘅餐廳，肚子餓到咕嚕作響，心諗不如試下啦！撩起門簾一坐，點了份豬扒蛋出前一丁，簡單嘅食物卻做得出奇嘅好味！豬扒煎得外香內嫩，蛋黃溏心蛋香四溢😋。湯底清而有味，撈埋湯出前一丁，每一啖都充滿老饕滿足感。桌邊老板娘仲熱心唞盞凍檸檬茶，即使普通，但涼快嘅口感都正中夏日解渴。轉個角落，見到另一位食友正喺啃住黑松露意粉，夠晒香濃，仲特別嘅係黑松露味突出，完全唔係塞嘴料。隔籬既雞扒配溫泉蛋亦非塞數，剝開溫泉蛋液黃漫流，完美嘅絲滑飄香。冇話嘢，小小一間，但味道同質量都值得點個讚👍。好彩今次行到此，發現鄉間味道嘅秘密基地，下次還會再來！

有人介紹呢間好味, 咁去完呢區做嘢特登行5分鐘去呢間餐廳早餐ordered雪菜肉絲米, 太蛋, 腸, 方包 - 我問waitress 包可否烘底, 佢話可以（當時冇講其他野）...我心諗咁好唔駛加$, 或加1蚊啫...多士係薄嗰隻, 其他食物ok, 普通咁, 我一個正常身型女性食晒都唔太飽...到埋單, 我比2x 20蚊纸, 佢找我1蚊？！😳😳我問加多的2蚊係..？佢答你多士烘底. 吓, 多士烘底收2蚊, 而且落單時冇講, 仲有餐牌都冇寫！！！食物普通, 服務冇乜, well, 冇下次lu...

西環尾姐係卑路乍街 其實都有好多 餐廳選擇但呢日我去左呢間餐廳食個下午茶平時屋企人都有係呢間 餐廳買外賣價錢都幾平民今日就決定嗌咗個生炸髀沙律加杯凍奶茶生炸脾沙律我諗都要等十至15分鐘, 畢竟佢係即時炸 先會令到隻炸脾咁脆卜卜.係好食既 不過下次 食生炸肶 我應該會配返做薯條個沙律我冇食曬, 點解呢. 可能食得出有雪櫃嘅味道所以都係有陣雪味 ~ 炸脾係無得輸 熱辣辣 夠脆 當佢係下午茶都夠飽奶茶 味道都係普通冇乜話難飲 飲唔到落肚普通既奶茶如果想食生炸肶呢間都唔錯嘅選擇不過記得要配番薯條

今日放晏咗食返個下午茶當Lunch☀️疫情期間開放堂食 都得返好少舖頭😅唔係咁都唔會特登走入去🌝 食飽個肚係可以但有選擇一定唔會揀佢🥲 唯獨係可能冇乜生意 姐姐服務都有禮貌 加左少少分咁🤣⭐️ 焗粟米牛脷飯 🌽首先講個醬汁只係粟米加上罐頭白汁💛完全冇粟米味 白汁唔Creamy只係好重油膩感🧈 牛脷好似白烚 新鮮度合格但完全沒有調味🥩飯底雖然有炒過 但蛋同飯分開🍳 整體上每個Component也不合格🙃

有驚喜嘅早餐🤩本身對茶餐廳啲牛排都無乜期望，但首先佢無一大pat 汁🤣然後有牛肉味，肉質都幾嫩同唔係鬆肉粉味👍再加埋少少黑椒調味真心幾有驚喜🤩見隔離枱嘅雞扒好似好正咁🤩Pancake 就唔係好掂🙁太有韌性🤨唔可以可唔可以要返多士奄列有啲油凍奶茶：叫左少甜少冰，唔知係佢無跟到定真係已經少左都仲咁甜🙁

疫情關係，多咗買外賣，一連兩日試咗三間唔同嘅餐廳，農場最令我失望。即使食物種類唔一樣，但係製作食物嘅用心程度係可以睇得出黎嘅。DeliveryXXX外賣餐單中有個hot字的一客焗豬扒飯，落order試試，打開餐盒直入眼簾係螢光橙色令人心知不妙的茄汁，長切條乾爭爭嘅豬扒，所謂嘅炒飯底係蒸白飯強行加幾粒蛋花。飲食業，擺入口嗰一刻已經分勝負，單價加運費加服務費要$74 ，$74食啲咁嘅嘢當然唔值，俾多次機會，上來OpenRice睇外賣自取餐牌原來焗豬飯只係$40 ，真相大白。依個時勢本來應該支持小店好好生存。誠心建議，外賣好可能係潛在顧客對餐廳嘅第一印象，希望可以做好啲，因為同樣價錢，就算大家X大快X都可以將同一道菜色做得比依間餐廳好。最後一提嘅係，凍咖啡正常可以一飲。

叫了瑞士汁牛脷飯，牛脷煮得入味有口感，瑞士汁和出邊啲不同，雖然等候時間大約10分鐘，但應該餐廳係即叫即煮，味道有童年嘅感覺！之前也食過黑椒豬扒意粉，煮得非常好味，而且還有下午茶餐，值得一試！相信應該是海南雞最出名，見很多台的客人枱上都有海南雞。

今日由山頂行返落堅尼地城，盲摸摸揾下有咩好食，見到一間西餐廳，見到餐牌好似好抵食，好累唔想再揾，決定入去試下，鋪頭並不大，有8張枱左右，叫左兩個晚餐，一個肉眼扒，一個黑松露煙三文魚意粉， 食物質素：頭盤有什果沙律， 好懷舊味道，餐湯紅/白兩款選擇，唔會好糊口，但唔會淡，肉眼扒5成熟，剛剛好，有醃過，但唔會太淋，有肉口感， 黑松露煙三文魚意粉，黑松露雖不多，但味道強烈，個汁唔會太濃味，最後加錢轉飲紅豆冰，消暑一流，總括來說，街坊生意，性價比高，有懷舊味道，可以再試！！！

農場係街坊小店，大街個邊有分店農場冰室，大啲企理啲，但我就比較鍾意依邊夠靜，細細地又唔會好多人開放式廚房，油煙味多左少少，野食兩邊差唔多餐牌多野食到一個點，焗飯、燴意、扒、咖哩...你諗到既港式西餐都有，大部分都係套餐，之前聽過佢既扒話性價比係高既另一抵讚既係佢有超抵既外賣，幾十款飯意粉個啲價錢可以去到35蚊，果然係做街坊生意超吸引先上紅湯同蒜蓉包，正正常常，味道ok，由於之前生意唔好，所以星期一至四晚仲有雞翼送瑞士雞翼，無咩瑞士汁風味，但味道都算唔錯主菜澳洲肉眼扒，叫左五成，火候做得非常好，外香肉粉紅肉質好嫩，腍身，牛油味好香如果厚啲會更正，牛味可再進步不過都好好味驚太飽所以叫左淨菜，其實仲可以配意粉飯個啲，唔驚份量唔夠另一個食左焗黑松露豬扒飯，起初以為會係白汁點知原來茄底，有焗過有芝士味，賣相都吸引但真係食唔到有黑松露味，豬扒肉質幾好，亦好腍好味，茄底偏甜，整體都算ok啦套餐配埋甜品同茶，都算係咁啦成餐最大賣點真係出名既扒，性價比好高，其他野既價錢亦極吸引唯一係唔知點解咁都要收加一，但環境同寧靜舒服贏左#有好多其他野食有幾版餐牌我費事睇#牛脷都好似話好正#環境好既街坊餐廳買少見少#

今次介紹既係O係我家附近既平民好味之選！呢間唔起眼既茶餐廳係我強烈推介既飯堂世上無敵既萄汁雞王飯熱辣辣出爐。萄汁好香，椰汁同甜味較得岩岩好雞扒多汁鮮嫩，加埋炒飯底同上面焗燶既芝士，真係無得輸晚餐仲有配沙律蒜蓉包餐湯同餐飲甜品（甜品仲有得揀PANCAKE，啫哩同布甸），埋單100蚊有找下次你地都試下啦一個人食飯都可以好幸福嫁（午餐都有餐，不過甜品就只有啫喱同布甸揀）順帶一提，佢D扒都好值得一試喜歡茶餐廳中式扒房既朋友必試！

今天趕去西環開會到5點多，自己忙到連晏都未食，一開完會就即刻係附近揾嘢食，眼見附近餐廳已轉做晚市餐牌，自己又唔想食太多，所以一見到呢間舖未轉餐牌，就即刻入去點餐！結果令我喜出望外，所以又要同大家分享一下！香港直得推介既小店不多，但這間小店真的值得我再一次執筆推介比大家呢！小店內大約有10張枱，地方不算大，但勝在夠整齊。下午茶餐牌唔記得影，價錢大約28-40之間。我因為太餓所以未影相已開始進食！我點了豬扒蛋出前一丁，豬扒碎上，但件數絶不少呢！豬扒口感煎得非常香口，內裏軟滑，至於雞蛋在我沒有要求下，佢哋竟就做了太陽蛋，出前一丁湯底肯定分開煮，麵還麵煮、湯有湯煲，因為湯底並無混濁呢！可見佢地對一碗麵既執著，絶不馬虎，因為在食麵既同時，感受到佢地用心煮既每一樣食物，令我有啲慶幸今天到這小店食到呢碗麵呢！最後，唔記得講就是關於杯凍檸檬茶，就一般啦！顏色係無問題，但茶味就無咩啦！可能我自己比較高要求啦！但回想都是幾十蚊既下午茶餐，咁抵食、咁用心去煮，仲想要求咩呢！😊

午市路經西環，在厚和街一連串餐廳中選擇了這間西式茶餐廳。老闆遞上一張手寫的午餐單，最後選擇了午餐-卡邦尼意粉。先來一客蒜蓉包，新鮮熱烘烘，外脆內軟。再來一客羅宋湯，配料夠多，椰菜蕃茄肉粒，有好香蕃茄味道。主角-卡邦尼意粉。卡邦尼汁夠濃夠creamy唔會太乾，煙肉粒足夠，意粉軟硬適中，份量適中。港式西餐最後必備甜品-芒果布甸多奶。沒有新鮮芒果粒，但仍有芒果香味。加了8元配雜果賓治（午餐不選加一但這杯要加一）。

隨著地鐵開通, 原有社區急速變遷, 本來大部份都是家庭式經營的小店都因為抵受不住加租的壓力而被逼結業, 當中就包括在卑路乍街、出名平靚正的豉油西餐尼斯餐廳, 幸好在尼斯結業不久, 在原有員工同心協力之下在厚和街另開新店, 取名農場, 與尼斯一樣提供價廉物美的豉油西餐下午一時多, 午飯時間過了一半, 來到農場, 門外看到店內差不多坐滿人之際, 老闆揮一揮手指示我還有一個位, 十分幸運可以不用在炎熱的街上等位一坐下老闆便給予手寫的午餐餐牌, 大部份的餐點連加一只需50元左右, 連餐包餐飲甜品! 在這個高通脹的年代要找到五十元一個午餐還包這麼多東西實在很難得, 在數款選擇中選擇了黑松露汁意粉, 配羅宋湯, 凍檸茶(沒有拍照), 甜品另上羅宋湯+蒜蓉包羅宋湯十分足料, 有椰菜、蕃茄、甘筍、牛肉! 有濃濃蕃茄味, 不像茶餐廳的不斷加水再番煲,蒜蓉包新鮮熱辣、香脆可口,  但略嫌蒜頭味道不夠!黑松露汁火腿意粉吃得出意粉有用心煮! 意粉用上扁意粉, 不像一般茶餐廳/港式西餐煮得過軟過爛, 吃下去仍有咬口! 用上扁意粉能夠更加吸收意粉醬汁, 令意粉更入味!至於黑松露汁,付出49.5當然不能夠要求太多,

有日突然好想食丁麵，又唔想煮就去搵間茶記。經過呢間記得食過早餐，正常茶記囉。午餐時段有個雞扒腸仔煎蛋出前一丁，$48食丁麵唔算抵，但想食咪食囉。味道正常囉，食完就閃。埋單收我$52.8，立即回想餐飲叫熱飲，$4.8係咩錢？一睇張單以為自己眼花，10% service charge??? 無嘢下話！憑咩呢？0餐廳格調裝修、0餐廳式服務、0音樂燈效、0員工造型，憑咩收Ten？你話你嘢食好味到識飛，Ten咋嘛，俾你囉，但你係茶記咋窩，你敢收Ten唔覺丑既？費事嘈，睇下幾時開分店一定會幫襯啦！

成日經過呢間野 都見到唔係平 所以lunch平啲就去試下啦一個set 平均要5,6十蚊諗住應該唔會太差點知個意粉無咩料 只係有幾塊煙肉 雞絲大佬 俾成5x蚊 比多幾塊我都唔太離譜呀我成程好似食緊金寶湯撈通粉個汁已經係無咩味 仲要無料真係下次咪搞我性價比極低